維苑餐廳 (已結業)

唔太鐘意呢間餐廳的餐桌放在大路兩旁..令到經過的路人都會眼望望似的feel另外環境麻麻地..要求想坐入面,點知又要我地坐走廊位=.= 跟餐的餐包唔算暖笠笠,一般水準 CURRY魚柳飯,D CURRY都夠辣不過好大滴好大滴的油...D飯都唔係熱的..只系微熱..魚柳份量都幾多...都食得飽的~但D AITER服務態度一般

口邊常常說着不要再到都會廣場內找早餐吃 (事關之前已在food court碰到一鼻子灰)，想不到今次又再重蹈覆徹.....這一次來到這間叫維苑的，印象記得好像在其他地方也有分店的。格局跟椰林閣等小店很相像。對小弟而言，只是一些水準偏低的"高級"茶記而已.....吃的是普通的ABC餐。挑了一個較特別的冬菇米粉來吃。冬菇倒是切得頗厚身，不過米粉卻是淰得有如漿糊，再加上一個完完全全的味粉湯底，實在是可以用難吃來形容多士是沒有全然烘透的，牛油也只是薄薄的一層搽在多士上，乏味得可以喝着那杯劣等茶包貨色的所謂奶茶，一臉茫然

10號o固日同個fd去左食晚飯我點左一個美式雜扒,過左無耐d野食黎la我一食d薯條....嘩!!"林"到咁既再試下d雞扒........真係仲硬過我條命不過我最接受唔到o既係.........點解d野凍既咁又食左我60幾蚊......

都會實在沒有什么可食，朋友說這間不錯；我當然知道其食評結果不算理想，不過既然朋友想食，也一試無妨。紐西蘭西冷牛扒餐，套餐包括餐包、餐湯及冷熱飲品 凍奶茶 $68：這個價位的牛扒餐，也沒有太高期望。餐湯揀了忌廉蘑菇湯，十分漏，缺少蘑菇的鮮味。牛扒雖然要求七分熟，最后卻整到welldone，肉質較老，不過澆的汁倒幾香口，駁回了一些好感。一向不好凍奶茶，便沒有試，朋友說還ok。焗芝士鮮蔬 凍朱古力 $30：說是“芝士”，其實叫“白汁”更為妥當。鮮蔬種類頗豐，從營養角度來講算不錯，味道不過不失。凍朱古力很甜，沒什么奶味，只能是當“甜水”飲。 鹵肉飯 $30：另一個朋友的鹵肉飯，賣相在我看來已是不堪入目，很肥膩的各式肉類很倒胃口；不過朋友竟然通通清光，可能好此味的人應該接受得到吧。笑面給不到，喊面又不至于，都是“ok”恰如其分吧。

今日同bb行完又一城特登過黎metropolis試維苑, 完全係因為張$50 hsbc coupon呢~~ 其實openrice comments真係好麻麻, 不過平丫嘛我同bb叫左個鐵板紐西蘭牛柳, 飲羅宋湯同凍奶茶~ 仲有個吉列豬扒拉麵~~首先個包呢幾okay, 都幾軟熟架~個湯我就覺得好鹹好濃啦...個奶茶又甜左d, 不過唔係食唔落架, 係okay的跟住我幾鍾意食個豬骨湯拉麵, 個人喜好掛haha~ bb都話okay好味架~點知一試個豬扒... bb就覺得塊扒太薄, d炸粉仲厚過扒~~我就覺得個豬扒完全冇味...仲有勁重油炸味... d油仲好似炸完又炸果隻呢...> <個牛柳好厚架, 幾濃味下, 個汁又鹹得滯~ 不過有薯條又有粟米~ 唔錯ga值得一提o既係張coupon唔適用於晚餐ga, 仲有d waiter 幾好禮貌~~我地仲有一張coupon~ 可能仲會食多次架~~

因為有半價 COUPON ~ 所以黎去左呢度 !6:07 PM 步入, 侍應仲俾 TEA SET 餐牌我 ! 我問佢不是晚餐嗎 ?佢先幫我轉餐牌 !果青口原來唔似得餐牌既相咁, 散開上碟, 反而係 放係一個白湯既碗內 ! 賣相先扣分, 又細隻, 數過得一打 $58 , 即係成 $5 隻 !扒質數比起上次黎呢度就 OK 了. 連薯條既質數都唔同左 ! 估計係出自唔同廚師 .

星期日, 由於係尖東睇完戲 , 行左 黎左呢度, 第一次去新都會 !6:15 PM 間野可以講係冇咩人.....有 D 恐怖, (其實成個商場都冇咩人)點左牛柳...等等........侍應新黎, 落 ORDER勁慢 ... 又問漏野 ! 餐飲就唔建議轉特飲, 因唔抵 ! 其實呢度我諗幾岩傾野, 又唔怕俾人聽到, 情侶又可自成一角 !!!

其實間野服務都幾好,只係安排上有啲混亂 ..食左個青口焗意粉,我阿爸阿媽話青口凍的,我果隻又唔係話凍係唔熱囉..我食左「大師焗豬扒飯」我覺得幾好食,有一舊新鮮既番茄 .. 我媽媽食左大蝦牛柳配薯菜 .. 好似係 .我爸爸食左西冷配薯菜 .. 我覺得媽媽果個好食啲..東方有折,三個人食左4樣野收$250左右,仲有張無條件限制既50蚊現金卷回贈,即係當食左$200左右,算ok啦~

不想吃canteen，就來了這裡。這裡的下午茶到18:30，點了兩個set。肉丁通︰太久沒吃肉丁，就點這個。不過整體來說太太鹹了，而且也是普通得很。另配腸仔、煎蛋、多士，凍檸茶，夠大堆頭可惜味道都是一般。乾炒牛河︰份量很多，不過真的太油了。每一口都覺得油膩膩的，似乎比茶餐廳還要多油。河粉只是幼幼的那種，比較喜歡粗身的那一種。同場加映，有客人點了鐵板餐，那煙大得令灑水系統都鳴叫起來了，這還是頭一回遇上的事情。這間餐廳給我的感覺就是要加一的茶餐廳囉。

一句講食物差!D waitress 態度仲差!Order 食物時,唔應人,一尾落單,order食物三次,見人repeat三次,仲串人話私落了單,叫佢地加水,又唔應人,直行直過,回頭時,叫另一個waitress加水,問佢toilet where? 好串地回應!嘩!真是吹到啤一聲!至於食物,叫7成熟,一塊10成熟,Um到死!另一塊9成熟,好D!但唔知點解D肉有D酸味!總之差!D田螺有D腥味,應該不新鮮!至於焗飯,D魚又"鞋""有D腥味,除了餐湯,其他食物唔新鮮!千萬唔好去!又貴又唔好食!

polyu上完堂, 過隔離都會揾食,上2f間維苑食野。reception冇人帶位(都唔怪佢喇,一路走入去,有個侍應完全冇理我,雖然落緊單姐,問我一句幾位,或者揾同事黎帶帶位都好丫=.=,直至走到入面,見到個經理,佢又帶我出番去坐(揾我笨=o=)野食味道,份量都ok既,就係服務超唔掂law。價錢方面,poly有優惠都幾好。

同屋企人想找到地方坐下.見佢有下午餐.就入去食食.坐位好大但唔係好清潔,下午餐有好多選擇,我叫左個拉面,$24.可選2種小食,我叫了雞翼同上海雲吞,唔知個湯勁唔得,雞翼同上海雲吞各2隻,其實d雲吞好似係灣仔馬頭水較.返而屋企人食炒野同局反又幾好!!

都唔係話差到真係要劣評既食完附近榆豐屋企人打黎話食tea就又上左黎襯高興~叫左個cheese cake tea set都無乜太大期望架啦不過黎左舊cake真係細到嚇死人如果唔係本身食飽左肯定勁唔滿足大概係平時cafe食開果種既4份1size? (或更細)味道正正常常咁啦(都唔可以點衰掛? 都係外來買返黎?)餐茶係凍檸茶, 我叫左少甜食完舊cake都唔多飲到有咩特別味的了唔算至於劣不過一定唔算話係好囉我個set就$22加一

一直也沒有食評, 但這次真的一肚氣, 不得不把它寫出來告知天下.服飾態度差得恐怖, 比起與老闆談話更辛苦.初初以為第一次唔好落定論, 點知第二次更差. 完全不能接受.第一次去是因為一張$200 coupon.到了後, 接待員"黑面地"告知我地需要先訂台子才可使用coupon (但coupon 背後只寫下"建議先行預約"). 但當時該餐廳完全沒有人..... 那麼, 好吧. 我便在她的面前打電話預約, 但她居然刻意不接電話. 最後經理落過, 才悔氣地說沒有問題.... 未食便一肚氣. 食物亦不見到特出. 大家樂好吃一點.第二次更慘, 服務態度更差. 居然被安排坐在一盤植物下的位置...... 餐桌更是用"接台"代替...... 但四周卻有空台子....... 我地一群人很有禮貌地要求更換到那些沒有人的台子, 但卻不能安排. 糾纏20分鐘後才被安排....食物更比上一次糟. 所有的牛扒, 豬扒, 雞扒, 魚柳, 等等.... 有一點點凍. 當那些鐵板汁灑在鐵板時, 完全沒有反應..... 鐵板不是熱的... 薯菜中的薯條... 有一半更是未熟..... 最後更有一個扒餐漏了單....各員工

我心中的黑店間間維苑手法一樣永遠低價招徠永遠只會計多永遠不會計少未有一次計正確我的食評：好難吃是次正確消費: $28.6是次真正消費: $33