維苑餐廳 (已結業)

是日晚餐..............A. 辣味黑椒牛扒伴海蝦$48B. 雞扒伴漢堡扒$45注: 理大學生可享有7折落單前請出示有效學生証以上是我們於餐廳門口黑板所看到我們的看看黑板後的反應是....wa..$48 蚊好貴wor...Eee? 咪住理大學生7折....再睇清楚細字, um..落單前請出示ok..可以放心入去..人齊落單...這是有效學生証waiter話: 你地用學生証就要加十蚊先有7折學生話: orr..咁加十蚊會多D 乜野食waiter黑面話: 無, 係多左7折這個真是一個矛盾的哲理, 維苑哲學"你想平D,就加錢la"計落都無乜點平, 仲要原價加一不過都夜了, 要硬食..快快手返去再做功課今餐食到一肚氣, 如果食物質素好一點都無咁唔抵首先飲品先上奶茶所使用的冰唔係用碎冰...不過D 淡奶鹹鹹地主菜海蝦....跟本就係蝦仁黎lor牛扒....跟本就係紙皮黎lor意粉....跟本就係唔夠飽lor就算細食的同學都覺得無野落過肚服務方面waiter 有好濃烈的16歲左右的飛仔lookwaitress 同waiter 都無乜整齊的形像仲有好似欠左佢咁臨走看看餐紙..原來是蝴堡的同

第一次係紅磡食lunch, 都唔知食咩, 行黎行去, 就去左呢間食鍾意食牛扒的我, 因為去個set lunch有牛食, 所以我就走左入去個餐湯同椰林閣的羅未湯一樣, 都叫ok但係個意粉就係好唔得, 好似煮多左2分鐘咁, d意粉漲晒, 唔好味個牛扒都係我預期中, 不會太好味道, 但都叫入得口我諗我唔會再行入呢間再食第二次~!

呢間野都已經去過好幾次。食物都ok架,因為我地係理工學生,仲有得平dd添不過,雖然食物都算ok食得過,不過d服務真係麻麻地...試過叫野食,出晒聲叫d waiter同waitress,叫左幾分鐘都冇人理我地。埋單都等左10分鐘!就算係peak hour,都唔係咁呀?!

話說聖誕節當然係同心愛o既一齊去食聖誕大餐啦，得朋友指路下搵到e間野，帶住果個人都幾好人﹗等位唔太耐﹗入到去開頭果張枱好唔得﹗又細又窄﹗不過後來佢肯換左張四人卡位o既枱比我﹗坐得都好舒服﹗一眼環顧周圍環境都唔錯又算幾靜幾舒服，之後叫左兩set 餐﹗先黎個火雞沙律、一個忌廉湯同包，味道幾好啞﹗我第一次食火雞，味道都唔差啞﹗無傳聞中咁難食﹗之後就到左主菜—西冷牛扒薯菜同龍蝦肉魚柳飯﹗一黎到我已經聞到d香味，食落去真係幾正，龍蝦肉同魚柳d味都好出，而八成熟o既牛扒都算大塊﹗食完我同女朋友都已經飽﹗但佢重黎多個香燈芝士餅，個餅得趣趣地又有芝士同少少朱古力味﹗真係好好食﹗最後我叫左杯盧薈奇異果汁，而女朋友就叫左杯盧薈柑桔檸檬，雖然算係甜左少少但都幾好飲啞﹗最後果度重可以用$5買一份「聖誕禮物」都幾抵丫﹗總結︰環境氣氛好，服務態度可以接受，食物又好食，價錢又唔貴﹗正係我心目中o既聖誕大餐﹗

男朋友帶我去呢度食x'mas餐..好驚喜...拎左飛見仲有時間兜左陣..上番問佢有冇位,俾左個員工位我坐..超唔唔喜歡要求調位..見到好多2位人坐4人位..當然我都要調!!成功俾我調去想坐的位!!哈""叫左個X'MAS餐,D服務生好勁,一人拎5碟野..又快..其實睇落好似得5,6個服務生姐..= =食物好快送上,好味道呀!!哈"但我跟薯條個個就好似少左D - -" 男朋友個個飯又細..早知轉粉!!食完+5元有禮物,男朋友換一份俾我..哈搞到我好似小朋友甘!!呢餐食得好好好開心!!

尋日同男友兩個梨呢度食,見食牛排都好抵,我叫了西冷排,男友叫了牛柳都係58蚊一個餐,有羅宋湯,餐包,餐飲好抵, 牛排是5成,不過由於上鐵板關係,都是熟了許多,不過味道也可以, 這裡的侍應很快手,由上菜至埋單都是極速,值得讚……

因要看演唱會，貪這商場方便，見這間環境好像okay，所以來吃一個quick supper點了:龍蝦汁海鮮焗飯($63) ，連湯、餐包及餐茶- 其實沒有什麼期望，因為價錢真的不貴，結果是份量頗大，雪藏海鮮頗多，龍蝦汁味道有點假，炒飯底，okay吧紐西蘭牛柳($58) ，連湯、餐包及餐茶-明明要六成熟，但竟有九成熟或以上，只有一小件，味道普通啦卡位okay舒服，上菜速度夠快，但侍應人手不足

今天晚上有事到了紅磡都會廣場，完事之後看看商場有甚麽好吃的，剛剛同行的友人有一張維苑的$50信用咭優惠卷，見這兒維苑的扒餐也不錯，便選擇坐在店外路旁的餐枱，這裹的座位硯野較開揚及枱間隔得較遠，閑談也不怕騷擾到鄰枱的客人，感覺自愉一些。今天要了兩客紐西蘭西冷牛扒餐，套餐包括餐包、餐湯及冷熱飲品，每客只是索價$58，其他的都只是六十多七＋元一客，相比扒王之王，品質和份量絕對較優，但價錢就低過扒王很多了。埋單扣除了優惠，只要四十元一位，比大家樂的鉄板餐更平宜，實在太抵食喇！整體而言，環境舒道，招呼不俗及價格相宜，是一間值得再去的食肆。

一入到去坐底叫左野食，見到sofa後+牆上有4-5隻蟑螂!!!!!!!!!!!!!!!!!!!!!!!!!!!!!!!!!!!!!!!跟住叫waiter來，個waiter冇反應，淨係走過來，拿張tissue打死佢地，又冇叫我地去第二度坐！跟住我地自己去左第2度坐，行緊o既時候又見倒枱上有一隻蟑螂死左!!!!!!!!!!!!!!!!!!!!!!!!!去左第2度坐，d 食物都ok，但係d steak完全唔熟，要叫waiter再整返熱！之後我明明未食完碟雞，但係個waiter又唔問人食完未就來收碟！！差唔多食完，聽到後面又有人叫有"小強"!!!!!!!!!!!!!!!!!!!!!!!!!!!!!!!!!!千奇唔好幫襯呢間野！！真係多蟑螂多到嚇死你!!!!!!!!!!!!!!!食完都唔知會唔會食物中毒!!!!!!!!!!!!!!!!!!!!!!!!! d waiter服務又差!!!!!!!負分之選!!!!!!!!!!!!!!!!!!!!!!!!!

六月三十日，晚上：一入去時冇人招呼；水，未飲已經聞到有漂白水味；經理，態度冷淡；menu，七個人得兩份；羅宋湯，杰的；磨菇湯，稀的；肉眼扒，聞落，臭的，食落，無法忍受，「林」到好似豆腐咁，味道「縮」的；牛柳，原汁原味，即是冇味，完全冇醃過，好在有得點地捫茄汁；退回鐵板肉眼扒換來的雞扒焗飯，雞扒也是酸酸「縮縮」的；伴碟的瓜也有怪味，像跌打酒，也像白花油；芝士粉，一舊舊的；熱奶茶，不冷不熱的；最正常是杯熱朱古力，是熱的，也有正常的朱古力味；如果唔係滙豐咭九折優惠，同埋唔使等位吸引到我地，我地都唔會幫襯，唔怪得星期六夜得兩三張枱有人。以後都唔使旨意會再幫襯，唔洗錢都唔去。

見有張HK Bank $50 coupon, 咪去食o下lor.之前在其他分店都無o甘差ge!!全店得4張桌有客,叫2個餐都要等15分鐘至有得食.侍應主動問牛柳要幾成熟,我話7成,點個上桌時全熟!!切o左都咬o吾到!! 唯一可取是他們肯換過件牛柳,態度都客氣,可惜都有9成熟.一定o吾會再去.

由於今晚要睇concert，所以就去咗紅館隔離嘅都會商場嘅維苑食dinner，我叫咗一個銀雪魚拼吉列豬扒配黑椒汁，好可惜，食物做得馬虎，吉豬炸到乾晒，銀雪魚亦都唔好味，黑椒汁冇黑椒味，朋友點了七成熟的扒，見到佢\切件扒都頗辛苦，件扒係接近well done，亦都失望，餐\湯朋友問忌廉係咩湯，待應話係周打魚，所以朋友亦ok，但送嚟嘅其實係磨菇湯，亂噏一通！服務態度一般，待應唔係唔勤力，只不過真係人手不足，叫一枝茄汁要叫咗4次先有！環境亦都唔好，因為我哋座係店外，所以其他人經過就可以眼望望你食緊咩，都頗尷尬！

我女朋友不嬲唔係d咁挑剔的人,但她食完後都話好火!!!!她話我知d waiter服務態度其差,刀叉叫你自己傳開去,野食等到其他人食晒都未肯黎,黎到碟飯,sor碗飯連小朋友都食唔飽,仲要走都唔講句多謝,只係眼尾sau一sau你,唔知仲以為做緊整'股'節目,測試對差態度的容忍程度tim~

曾經post過一次但唔知點解無。星期日去火車站經過呢個商場，人疏稀疏，雖然食肆唔少但冇乜邊間有早餐食，唔想food court食，見呢度11點前冇加一所以試。叫煙肉、炒旦、多士同鴛鴦。煙肉幾乾身及炒旦唔算油，連多士都係熱。不過杯鴛鴦就差D，茶啡比例失衡，又唔夠香，扣分。呢個集團不論係珊瑚堡抑或維苑，出品或裝修都差唔多，來期望不大，但今次可能係人少關係，大部份都ok，就俾個笑臉佢。

全個都會商場雖然斬有好幾間餐廳, 就係淨係得呢間環境較好, 地方寬敞. 卡位夠高,感覺上多番d私人空間.完全係因為要去睇concert 先至黎食啦~ 冇選擇之下既選擇. 佢地d扒應該係招牌菜, 但我唔想食咁多肉, 所以叫左個Tuna & Chicken Ceasar Salad; 而我男朋友就食茄汁豬扒焗飯.所有既餐都跟餐包餐湯餐飲. 個湯ok喎, 好足料.Tuna & Chicken Ceasar Salad: 70幾蚊,跟本唔值囉. 油浸罐裝Tuna, 幾塊乾爭爭既燒雞,同埋西生菜. 份量就夠喇, 食得飽; 但真係唔知貴在咩囉!茄汁豬扒焗飯: 大約60蚊, 同大家樂既汁冇分別. 份量都幾多. 佢地環境真係唔錯, d服務都ok, 而且serving 都幾大. 但咁都唔代表d野要難食架!