綠林甜品

营业中

休息中

食完咖哩之後，肚內還有少少的空間可以食甜品，就立即去了綠林去試試。叫了兩個甜品，一個紅豆沙和一個楊枝甘露。紅豆沙($12)這裡的紅豆沙仍然保持到水準，起沙的感覺、材料分佈和紅豆香味這幾方面都做得幾好，食落不是有太甜的感覺，而且入面還帶有少少的陳皮香味，水準可以保持。楊枝甘露($23)這些都是現今糖水店必備的食物，食落每樣材料的分佈都幾平均，芒果的果肉都幾多，柚子肉微微酸的感覺令人醒神，還有一些細細粒滑身的西米，伴著一些芒果汁來食，感覺十分之清新，每一樣材料的味道都幾平均，滿意之作。食完了糖水，帶著滿意的心情回家了。

在上一篇文章中提及，香港有幾家傳統糖水店一直深得我心，其一是西環源記，另一是前文的主角一品齋，最後就是今天要介紹的綠林甜品。小時候，每次跟着兩老到深水埗探望親戚，最後總會到綠林吃碗糖水才回家。依稀記得，小時候，還不懂欣賞綠林傳統的美。可能是人大了，真的口味也變了。從前不吃西芹，現在獨愛其清幽香氣。苦瓜，雖說是半生瓜，但還不到三十，已經漸漸愛上甘苦之味。現在，每次到深水埗，恍惚已經是一趟懷舊之旅，像鐵律般總會到維記吃碗豬膶(肝)麵，品嘗經歷幾十年的甘甜湯底。然後轉個街角，再到綠林來一碗糖水作結，是新派的豆腐花布甸，還是傳統的幾款糊類，總會心滿意足的離開。秋風吹來，就是吃栗子的好時節。傳統糖水中的一味栗子粒露，在香港已不易找到，具水準的更如鳳毛麟角。今天，跟大家分享綠林的出品。是日到深水埗，就是為了等待上市多時的粟子粒露。吃糖水前總要先吃正餐，看到維記門外長長的人龍，還是轉個陣地，改到綠林旁的小店吃北京餃子。吃完餃子，看完電視，終於到主角出場了。跟腦海裏依稀的印象對比，綠林，十幾年也沒怎樣改變。雖說裝潢是變新了，但還是依舊的在門口的一隅，煮湯丸、舀糖水，還有不變的是，那陣進門就飄來的糖水香

剛剛在旁邊食完餃子，立即就來到這店食糖水，其實我覺得可能來這店食糖水才是晚餐的主菜，所以每次來到深水渉食東西點都會留番少少空間比這店糖水店。正正就在餃子店的旁邊，食完餃子立即行過來食糖水非常之方便，今次就叫了南北杏炖南瓜雪耳和蕃薯糖水。南北杏炖木瓜雪耳($18)這一個真是比較少食，就叫一個來試一試，如果想食一些不是太甜的糖水可以叫這一個，入面的木瓜炖得十分之稔和入味，配上了旁邊雪耳清新的感覺，而入面的糖水又不是太甜口，感覺令人十分之健康，而這些材料都是一些有養顏功用的，雖然我是男士但都希望有這種功能………………嘻嘻。蕃薯糖水($12)差不多每一次來都會叫的一味糖水，食落每一件的蕃薯都煲得十分之稔和入味，而旁邊的糖水伴著微微的薑味，整個糖水都充滿著健康和飽肚的感覺。食完這些糖水感覺才覺得整個晚餐是完滿的，可以提著飽飽的肚子回家了。

飯後時間去綠林要等等了10分鐘座位都不是太狹窄有一尺x一尺闊冷氣夠凍有21度風口面出風包保個個食客都有涼快感覺服務態度都幾好會講多謝放食物的手勢好溫柔地軟軟放下不會使手指插落糖水中首先叫了芝麻豆腐花係黑色味道普通貨色芝麻味唔夠仲衰過supermarket買果d豆腐花都ok係白色夠甜, 有初戀感覺有豆味, 應該係用頂級黃豆整夠凍應該得4度芒果明珠淡口感受唔到佢係芒果芒果味唔夠濃芒果肉多而無味明珠好濟份量太多整體太甜了差過松記唔少~

久聞「綠林」之名，這天經過深水埗，終於可以一試其甜品了。晚上約十一時到達，全場滿座，幸好剛有食客離開，不用等位。不過一坐下，侍應就問我們吃什麼，想不到這裡的「效率」比澳洲牛奶公司更高! 左想想，右想想，結果點了大家都讚不絕口的豆腐布甸和芝麻糊…豆腐布甸 ($16)：軟軟的布甸充滿豆香，口感幼滑，拌著花奶吃更美味!（可是它的味道亦令我想起維他奶…）吃了一半，布甸依然很挺身，但把它搖一搖便左晃右擺，相信店子將魚膠粉的份量控制得很好。芝麻糊 ($13)：這裡主打傳統的中式糖水，當然要試試芝麻糊! 果然入口香滑，芝麻味濃郁，不過略嫌甜了一點。綠林的豆腐布甸可稱得上價廉物美，再來的話一定會encore，但店子較狹窄，又要吃得匆匆忙忙，或許外賣是一個好選擇。

2:50係店鋪門口,仲未開,真係3:00先開鋪,一路等一路聽住收音機,3:00報時,閘門準時升起,真係好準時啊!我同我老公係第一個客人,坐低就叫左個芝麻糊+豆腐花($14),木瓜雪耳($18),我的芝麻糊+豆腐花先上,個芝麻糊好香,好滑,豆腐花又有豆味,雙拼都係$14,芝麻糊都$13,真係好抵!木瓜雪耳熱騰騰上,唔太甜,都好好味!唔夠15分鐘,店鋪已經坐左一半人有多,真係好多人專登來食,不枉係門口等左咁耐,下次再來食過!

到深水埗打邊爐後意猶未盡，一行七人去吃甜品。我們吃了～芒果布甸+楊枝金露($28)：單看表面完全看不到芒果布甸，其實寶物沈歸底，布甸就在楊枝金露內。每一口布甸都有濃濃的芒果味，軟硬適中，加上份量十足的楊枝金露，有西米、不酸的西柚和芒果，正！豆腐布甸($16)：豆腐味很濃，布甸很滑，是每次到綠林的必食之選。上次吃走了花奶，今次加了感覺更佳！芝麻糊($13)：不會稀，芝麻味重，很飽肚。鮮什果豆腐花：賣相一般，豆腐花本身已很淡味，加上不夠甜的什果，所以只屬一般。芝麻糊+豆腐花($14)：芝麻糊令豆腐花很有味。芝麻糊+杏仁露($16)：我不吃杏仁露，所以沒有試，但朋友吃得一乾二淨，相信不錯。九時多已全場滿座，當我們到達時根本沒有吉桌子，幸好店員拜託某些二人食客移到較小的桌子，令我們無需久候，服務尚可。個人認為綠林是區內甜品店首選！

係附近食完晚飯口痕痕，去綠林再食過 叫左三樣野︰糖不甩 - 好食，d花生好香呀呀呀呀呀 楊枝金露 - 好食，好多芒果 芒果豆腐花 - er.... 好古怪，我諗走芒果會好食d好抵呀，經過的話會再去!

剛剛在長發食到身水身汗，未食飽都來個落荒而逃的結局，男人老狗食一碗粉麵怎會足夠的，立時想到轉彎行去綠林食個糖品去打打底先。望望綠林反而價錢不是加得太多，老闆這個價錢真是益街坊，想了一想就叫了一個蕃薯糖水和一個擂沙湯圓。蕃薯糖水($12)仍然都是叫了這個老式的糖水來食，碗內有很多的蕃薯配在微黃的薑糖水中，食落蕃薯都煲得十分之稔和帶上了微微的甜香，糖水雖然是用薑煲但完全沒有辛辣的薑味，反而令人家更加易接受，想用來醫肚可以選擇這一味的糖水，因為食了幾件的蕃薯之後都會有飽肚的感覺。擂沙湯圓($13)肚餓的關係再叫多一個飽肚之選，碟上有五粒湯丸上充滿了花生粒和芝麻粒。放在上面炒香了的花生粒和芝麻粒非常香，為了唔想浪費上的材料要用些時間將湯丸們翻來翻去令粒湯丸的外皮粘滿了花生粒和芝麻粒再去食，食落真是十分香口和彈牙，而入面的麻蓉餡十分之香口，不過如果有叫其他的甜品同時食時必到會被它的味道搶去，因為實在太好味了。食完這個先開始有少少的飽意，好味的甜水令人想再叫的感覺，不過為了健康….下次先再食過。

果日同家人都完荃灣食元祿返屋企前話想食甜品,不試過呢間所以就入去試啦! 入到去張張台都有人坐,要D阿姐左移右移先至有個3人位,坐下來就見到餐牌中有我最想吃的榴槤班戟!!,就立即叫啦,而我家人就因為好飽只叫了一個芒果涼粉兩份吃,過左半分鐘,我個班戟就到了!有2大舊,我當然唔客氣啦,一啖半舊,正!!好大舊榴槤肉,好香甜,忌廉唔太甜,皮又好薄,家人都話正,等我食完個班戟,個芒果涼粉都到了,我又試下先,D芒果有酸有甜,再食涼粉就覺得涼粉好淡又唔夠凍,我D家人話唔好食呢,食左少少就唔食了,咁為有我包底啦,咁我都覺得間間糖水鋪有D野係會弱D,可能就係個涼粉配芒果唔好啦,但我個班戟就十分正,雖然佢26蚊,但值得! 另外台同餐牌都(痴)手,沒有抹好呢...........

今日睇左or呢間高評..而最多叫係南瓜馬啼露...入去今次有位..上次經過因為多人所以走左..可惜呀..原來咁好食...事關廢是攪肚..所以每次試一樣就夠..有祈望...結果亦無失望...good...落左單..不一會就畢左黎la..試一啖..好清甜..d 馬啼容真係整得好...味道兩種好均衡..而濃稀度又恰到好處..最重要13$食落去再回想起..真係抵...第1次有種想法:唔係呱..15$都抵wo呢種質素..(當然唔好咁做la)服務再好d就更加賓至如歸la..事關落單到埋單..樓面同收銀都不發一言..只係講左句:十三..

係深水步區食完飯之後，想去食個甜品，見openrice有介紹呢間綠林，仲話南瓜馬蹄露好正。我係個糖水怪，梗係去試試啦。入到去發現唔算多人，店員手快又有禮貌，叫左個凍既南瓜馬蹄露。試左一啖，好正阿，以前去親深水步都係食松記，今日終於發現到另一個深水步烏托邦。d馬蹄好"林"，完全唔似我平時食果d咁硬，南瓜又超甜。仲要係$13，我一定會再黎。本黎成身好熱咁入黎，食兩啖真係幫我降哂火。GOOD!!!

一行多人食完晚飯去綠林食甜品+吹下水我與C朋友叫左個"芒果布甸+楊枝金露"芒果味不多,但勝在有芒果肉,正正正!!!但朋友C覺得甜o左D。總結:街坊甜水,可以一試

雖然天氣好熱但我仍然叫左碗熱既南瓜馬蹄露從來對南瓜無興趣既我竟然會order南瓜馬蹄露無他 !就係因為係openrice見到網友都推介話好食嘛　雖則話係熱 但其實只係暖都好 如果唔係一定食到我流哂汗南瓜煮成茸再加上爽甜馬蹄馬蹄被切成碎粒一淋一爽 配合得天衣無縫食落唔太甜(有時太甜既甜品會愈食愈口乾)濃郁南瓜香味 充斥在口中好味道另加友人的渣咋花奶好似過多令渣咋都變左奶白色喇望落都幾足料 味道如何就唔知喇

去完鴨寮街買機頂盒,好似成身汗.但唔想淨係買野飲咁單調.行行吓,入去同個FD整碗糖水先. MENU 朋友叫左楊枝甘露4分:西柚同芒果都幾多,不過D芒果少D.我叫左凍既蛋花馬蹄露 4分:馬蹄爽唔會起渣,凍食幾消暑.非常之好,臨走仲要打包個榴槤布甸返屋企添!