紹華小廚

营业中

休息中

I intentionally and purposefully asked for chicken cashew with broccoli and the restaurant tailor made this dish for me. I couldn’t find it on their menu. They gave me excellent service and the dish was delicious, although I think the portion was a bit small for the price. But it was so good that I would go back there and order it again and again. Crunch cashews and fresh crunch broccoli with juicy chicken.

呢幾日天氣真係好好好凍，凍到完全唔想出門，但打工仔表示無得揀，手停口停，唯有乖乖地爬起身返工～所以我就決定今日收工要獎勵下自己，食返個暖笠笠嘅煲仔飯，咁先對得住自己架嘛！野菌、鵝肝、豉油、燒汁、煲仔飯，呢四種食材同配料聽落好似九唔搭八，但原來配搭起上嚟又幾好食。 炭燒煲仔飯嘅火候控制得好好，煲底有飯焦之餘，又唔會太燶。加上經過薄薄一層油炸嘅鵝肝粒，成煲飯嘅香味就更加濃郁。 就算配料喺落咗本身水份比較多嘅菌類，飯粒都無因為咁而又濕又爛，反而仲保持到粒粒分明，食落仲好香軟。最後配上燒汁調味，絕對喺色香味俱全。

🦆🍄🍚: 天氣凍左咁多日，搵下雜誌介紹的煲仔飯，終於的起心肝遠赴未食過的，去搵好些煲仔飯來吃。選了呢間，報道話沿自銅鑼灣新翠華，煲仔飯做得出色，但食評又話伏，不過想試下創新煲仔飯，唔食平時的臘腸排骨雞等，就去試試您。地區： 未去過，在B3出口出其實過對面唔太遠，好易走左入商場，但其實街市及熟食市場在商場側的，唔識路的要注意，找到後在地下一門口就是了。環境： 熟食市場比想像小很多，裹面仲有印度及泰國野，佢係一些梗枱，不是如鵝頸橋街市圓枱圓椅，當日又唔太多人，一場黎到，試下啦。食物： 有分傳統煲仔飯及創新的，羊肉煲仔飯，荔茸肉碎都有介紹過，自己鐘意鵝肝油香，叫呢個試試。野菌鵝肝煲仔飯：試個創新野菌鵝肝飯，軟鵝肝配脆爽雜菌雙映成趣，一軟一硬最佳組合，鵝肝煎香過，帶有鵝油香，只可惜鵝肝太少太碎味道唔夠突顯，如切大件些啖啖細味品嚐鵝肝香味，花多些$也願。菇配鵝肝是好的組合，軟軟鵝肝，配超有味脆爽菇菌，加上粒粒分明飽滿的白飯，夠乾身，有少少飯焦唔太濃好好，菇好食，足料舖滿煲飯！不要落太多豉油蓋過原味（佢幫我一手落埋豉油，不愛咸的還是自己控制的好）。環境不大，是熟食市場隔局，食物無雜誌講到期望的好，

在youtube看過多次介紹，我在18年1月20日到愛秩序湾街市嘅"紹華小厨",点了一個膶腸黃鱔㷛仔飯，飯無飯香，好似用電飯㷛煮的，沒有我合理期望的飯焦，極差！唯一有水準伪就是另加5元的凍檸樂。

見傳媒介紹呢間用真GE岩爐, 所以去試下。都要等20-25分鐘架....一上台, 好熱!!! STAFF幫我地開蓋, 林甜豉油, 再蓋上, 等一陣就食得喇!!講個飯先, 第一啖覺得偏乾, D FD話用炭爐煮會係咁, 落多D 甜豉油就覺得剛好。 D 飯好大朕炭味!!! 食得出係炭爐煮, 好有風味!!!我試左2款, 滑雞同田雞。 雞真是好滑, 唔會煮得太老太鞋, 正! 田雞無乜鮮味, 不過都多肉, 一般。以價錢來計, 呢度好食但平過出面, 抵!果度係熟食市場, 仲可以叫其他鋪GE野, 我地仲叫左2串串燒。雞肉串燒大大串, 味道唔錯, 豬肉就太咸了, 個醬汁唔係出面果D 東南亞食肆GE吁道, 係好似大哥牌椰汁花生, 好味WOR, HAHA

如題，小菜用微波爐煮俾客，是常識嗎？一碟口水雞，要等不是問題要煮不是問題要客等廚房煮不是問題問題係用微波爐煮，大家覺得有冇問題如果冇問題，就冇問題啦有問題有自己唸吓仲叫唔叫啦其實煲仔飯係ok嘅，最唔好ok係冇理由用微波爐煮哎

如果講煲仔飯黎講全港最多人講應該係廟街但我同身邊既人食過廟街煲仔飯都覺得唔係唔好食, 係好難食呀!!!係香港揾好食既煲仔飯真係難所以今次聽朋友講去左紹華食煲仔飯田雞臘腸煲仔飯係紹華食D個煲仔飯都係比較失望, D米煮得比較淋, 唔夠乾身, D個位已經扣左好多分, 正路叫臘腸煲仔飯你都會預期臘香味會浸入飯到, 但佢D臘腸又唔夠香味, 係好過廟街既, 但都算唔上合格水平蜜糖牛仔骨比起煲仔飯黎講, 紹華既小菜反而有驚喜, 牛仔骨幾有牛味, 又唔韌, 加蜜汁甜甜地好夾, 幾好送飯總結黎講紹華煲仔飯不值一提, 睇黎想係香港食好食既煲仔飯要再揾下, 反而紹華既小菜有驚喜

自從上次黎紹華食左個唔好食既煲仔飯中伏之後, 都冇打算會再黎D間食, 但係同事話佢既小菜先係D間紹華既重點咁就比多次機會紹華今次叫左個蜜汁腰果牛仔骨同埋個西蘭花炒鮮魷蜜汁腰果牛仔骨真係好好食, 好好食, 好好食 (重點要說三次)佢既腰果炒得好香, 好脆口, 個蜜糖味甜度又岩岩好牛仔骨又唔會落好多琉打粉, 但又夠鬆喎D肉, 蜜糖味包住D牛仔骨真係人間極品!另一個西蘭花炒鮮魷就差少少啦鑊氣係夠, 但係鮮魷就唔係好夠味但份量都幾大件, 都收貨啦總結如果大家去食一定要食蜜汁腰果牛仔骨, 真係好好味, D個做佢招牌菜好過D煲仔飯啦, 而且小菜價錢唔貴, 下次食小菜都會再黎紹華

抓緊煲仔飯既尾巴，捉緊煲仔飯既節奏！寶寶食過煲仔飯既地方唔多，但呢間絕對暫時係我食過咁多間最好味既一間！據說仲有半個月就休息收爐，快啲把握時間約埋朋友仔去煲一煲 🤓見收爐關係，當然有大食大，有幾多叫幾多！食大鑊飯之前食返兩味小菜先，叫左 #馬拉盞炒通菜 同 #黑椒蜜糖雞翼，馬拉盞都係呢隻味啦，係幾正幾濃味既！而雞翼就一定要叫，炸得脆脆，隻隻都比蜜糖包圍又不失黑椒味，真係食到停唔到口 😂Let's go hawks! 一口氣叫左 4 煲煲仔飯 😈 先由第 4 名開始講，#豬膶黃鱔飯，朋友子指定要食呢個，但我最唔中意食呢個 😂 皆因我對內臟真係唔中意，比面食左舊豬膶，不過真係接受唔到隻味，但專業食評指出舊豬膶係好食既，而鱔我都係唔食既，好唔中意以往食開個口感係 Hi 10 10 既 🙄 但呢個整得唔錯呀，好爽口，但係個味道我都係覺得一般！第 3 名就係 #豉汁帆立貝象拔蚌飯，識我既人都知我中意食帆立貝，煲飯總共有 2 隻帆立貝，的確唔錯，不過有啲太 dry，好小象拔蚌，基本上大多都係飯，但係都算係咁，出面大排檔咁既價錢都只係食到 2 隻帆立貝，係最後硬啃啲飯比較辛苦！而亞軍得主係 #野菌鵝

As the cold weather rolls away for spring's bleak mixture of rain and sun, there's nothing more comforting than claypot rice. The location is a little far out, nesting inside the cooked food court inside of the wet market – but it's all worth it when it comes down to the food itself. Claypot rice has quite the traditional standing in Hong Kong, and the common contenders are the ones that dominate Temple Street. The usual choices are usually chinese preserved sausages, perhaps chicken, and a gene

忽然間想起剛剛過去的冬天，竟然一次也沒有外出食煲仔飯，原因當然是近幾年環球氣溫上升的情況下，香港的冬天真真正正寒冷的日子越來越少，就沒有了這個大自然的訊號提醒食煲仔飯的季節什麼時候開始。不知不覺已經踏入四月尾，天氣漸趨溫暖，如果再不把握機會，又要等多半年才會有興致及氣候的配合去食煲仔飯。經過一輪快速搜尋，最近屋企、又要有一些食煲仔飯風味的地方，似乎只有「紹華小廚」。何謂食煲仔飯的風味環境？第一，首推大排擋，試想想寒風颯颯下食着一鍋暖入心的煲仔飯是何等的滋味！但香港的正式大排檔的越來越少，只好退而求其次在康文署轄下的市政大樓熟食中心吧！愛秩序灣市政大樓面積細細，熟食中心也不會大到哪裏去，整個熟食中心只有四個鋪位，「紹華小廚」就佔據了其中兩個，其中一個專責鑊氣小炒，另一個在冬季則專責煲仔飯。這裏主打煲仔飯，既有傳統口味，也有新穎配搭，加起來接近四十款。新穎配搭都是偏向重口味款式，不太啱小公主的胃口，還是揀了兩煲傳統口味，也深信最能夠試出煲仔飯的質素。餐牌又標榜炭燒煲仔飯，但看不見廚房的內裏乾坤，不肯定是真是假；只不過到底是否用上炭爐，一食落口馬上知分曉，期待煲仔飯送上來後試味的那一刻 ⋯⋯

友人介紹，聽講都幾岀名，好少黎筲箕灣呢頭，今次都係特登黎覓食，都冇令人失望。煲仔飯經常性地叫臘腸排骨,北茹雞，想食下其他口味？呢間有10款岀面少見啲既款式，SK就試最愛既羊啦！疆土羊肉煲仔飯 $72煲仔飯愈黎愈貴，72蚊比到成個面都係羊肉都好滿足。倒完䜴油，焗佢一陣，打開後香氣撲鼻，孜然粉以及羊香，話明煲仔飯，飯好緊要💁🏻，最怕食軟焾焾,濕笠笠既，一定要做到濕身且粒粒分明，呢間似乎做到，飯既硬度適當，加上有甜䜴油和孜然粉滲入飯中，惹味，而羊肉，因醃製關係，羊味冇咁羶，但肉質可口稔身

同朋友行完山，好想食個又飽肚又野味既晚餐，最後我地揀左食煲仔飯我地每人叫一個煲仔飯，加幾碟小菜。小菜就真係好一般！！淡而無味！但煲仔飯好大個，又夠熱，加上秘制甜豉油，一大開煲蓋香味四溢！我揀既雜菌鵝肝飯，好多餸，冬菇同鵝肝既配搭一流！另兩位友人揀左小麻辣海鮮飯，麻辣味好香，有別一番風味！仲有豉汁帆立貝象拔蚌飯，有2個帆立貝甘多同行朋友叫左傳統既煲仔飯，如有潤腸田雞飯，都一樣甘多餸！真係又平又低食！有機會過黎筲箕灣都會再食啊！

前些日子雖然天氣非常暖和，但晚上仍須吃點熱的才覺溫暖。筲箕灣小食店林立，呢間在街市內的煲仔飯小店也是不俗選擇！除了傳統口味，還有新派款式。來個泰式牛頸脊和帆立貝煲仔飯吧，加$8有蛋🍳。泰式香料香口，非常惹味！牛頸脊肉爽口唔錯，不過菜料偏少，友人食到唔夠餸，要豉油撈飯🙈🙈。最後，識食既當然起埋個脆口飯焦來吃吧！整體係好食既，而且叔叔嬸嬸們會好貼心地幫你添豉油😋😋👍🏻👍🏻牛頸脊煲仔飯($74) 帆立貝煲仔飯($88)PS小店在街市內位唔多，建議早少少去等位。

My cousin was visiting Hong Kong around Christmas time, and one of the foods on her request list was claypot rice.  I did an OpenRice search to see which restaurants are popular on Hong Kong side and came across this restaurant in the Cooked Food Centre in Aldrich Bay Market.  I remember that this restaurant was also recommended by the beauticians at my spa, so I made a reservation for dinner on Boxing Day.  Our reservation was at 6:30, so we beat the majority of the crowd, and the restaurant di