紹華小廚

营业中

休息中

呢几日天气真系好好好冻，冻到完全唔想出门，但打工仔表示无得拣，手停口停，唯有乖乖地爬起身返工～所以我就决定今日收工要奖励下自己，食返个暖笠笠嘅煲仔饭，咁先对得住自己架嘛！野菌、鹅肝、豉油、烧汁、煲仔饭，呢四种食材同配料听落好似九唔搭八，但原来配搭起上嚟又几好食。 炭烧煲仔饭嘅火候控制得好好，煲底有饭焦之余，又唔会太㶶。加上经过薄薄一层油炸嘅鹅肝粒，成煲饭嘅香味就更加浓郁。 就算配料喺落咗本身水份比较多嘅菌类，饭粒都无因为咁而又湿又烂，反而仲保持到粒粒分明，食落仲好香软。最后配上烧汁调味，绝对喺色香味俱全。