素食一家 (已結業)

最近喜歡上食素，發現旺角有間不錯的素食餐廳，價錢合理，味道幾好。裝修很古典雅緻，富有中式色彩。菜式豐富，店家仲好貼心的標明食物的特質，例如如果唔食含奶的食物就一目了然啦，仲有標注了招牌，又或者食肉獸之選。我咪就系食肉獸咯，我信佢，跟佢介紹。前菜系涼扮海蟄手撕雞，實質系蒟蒻同豆腐，對身體好有益！相似度很高吖！鹽酥雞，似唔似？食落口仲似，根本就系雞嘛，完全系雞肉的質地，無理由系豆腐架，認真望下，手工好抵，連雞肉的纖維都有做到！正！雞！全部都是雞！另一道菜系椰汁香芋雞煲，有雞肉的口感，但不是雞，好得意。滷水拼盤，咁樣的叉燒，偶爾食下，有益身心，又有益健康。口感好好！喜歡！主食糸鰻魚粒炒飯，鰻魚整得好似，飯乾爽不太油。上菜速度好快，服務態度幾好！

<3點時段，高速上枱>最近開始食多左素，個人好似健康咗，今日去咗旺角東食，素食一家，約咗三點鐘去到餐廳兩點50分，兩點55分order食物，三點鐘四碟小菜已經上曬臺， 大廚真係好勁，唔駛五分鐘，煮好四碟且熱呼呼咁上枱< 仿真度好高嘅咕嚕肉>內面仲有菠蘿，青椒，紅椒，黃椒 ，外皮脆，食落似係啖啖肉。<寶盒有牙籤>< 褔建炒飯 >食落似係海鮮炒飯<手撕雞>小小的，帶少少酸辣味<鮮菌支竹豆腐煲> 75hkd好重薑味, 支竹鮮甜 , 炸豆腐皮脆內軟< 黑麥汁飲落似蛇膽川貝液 > 23hkd<凍豆醬> 12hkd埋單一人177@ （加一服務費）

自今年正式開始接觸佛學後，法師常說多吃素對自身及各方面都會更好，故此，找尋各區的素食店也就成為我的興趣之一. 這間位於旺角火車站附近的素食一家，差不多是我來到旺角，又想吃素的必然選擇~ 涼拌海蜇手撕雞 ($48) 冰凍可口的涼拌海蜇手撕雞，味道辣辣的相當惹味，海蜇好爽口，素手撕雞亦有嚼勁，作為前菜很開胃~ 蓮藕果仁四蔬 ($85) 香甜的琥珀合桃、翠肉瓜、荷蘭豆以及蓮藕，簡單的炒蔬菜就成為一道健康又美味的素菜~ 豉椒雲耳雜菌素雞脆麵 ($60) (午餐) 午餐奉送素湯，內裡有不少胡蘿蔔、粟米& 雜豆，味道濃郁香甜，幾滋潤~ 豉椒雲耳雜菌素雞脆麵的配菜很多，爽脆雲耳、絲瓜& 素雞等，再加上香口的脆麵，很惹味的~ 紅燒枝竹豆腐素球煲 ($78) (午餐) (配白飯及素湯) 以煲仔奉上的素菜煲，熱度十足~ 豆腐頗嫩滑、再加上枝竹、素球等多款配料，用來拌飯吃最好不過. 餐廳環境寧靜舒適，店員亦相當有禮貌，是一間值得再去的素食店~ 旺角洗衣街145號正華大廈地下 23938012

年紀開始大就會學識照顧自己，近呢幾年都忽然沒有大魚大肉的慾望，所以好努力去找新的素食餐廳！近年都好多素食餐廳出現，但並不是間間我都會去試，因為姐對半製成品素食（即係加工素食）感覺就好一般，我只會食真素食呀～還原基本步，姐又去左旺角的素食一家，因為佢的薑茶菊花同松子黑松露炒飯實在太正！間中我都會心思思去食的～哈！西檸焗猴頭菇原來猴頭菇薄切拎去炸都好OK， 軟淋淋好有質感，亦唔會好油膩，如果睇唔到旁邊的菇紋，點埋個西檸汁係十級似食緊西檸雞扒！藥饍雲吞 雖然不是全新菜式，但我之前未試過的都叫做新吧～一上枱已經聞到好濃郁椰香，從湯底的奶白程度，應該是加了大量椰奶的，配料有木耳、百合、杞子，各種雜菌，因為無肉個湯底清甜到可以當湯飲的。雲吞唔算大粒，但內餡全是素菜，外皮不會太厚軟淋淋的，好味！松子黑松露炒飯 已經返兜左好多次，炒飯炒得乾身唔油膩，保持到煙韌感，加埋黑松露吊味，簡單又好食！甜品當然是薑茶菊花，不要看它好像很淺色，事實薑味超濃又有點辛辣的，加上切成菊花狀的豆腐，除了靚更是變奏版的薑汁豆花呢，而家呢個天氣飲完暖笠笠！桂花圓玉雪耳羹生津清潤，甜度不高，不錯的甜品！

因為當日有蔴糬雞蛋仔之約，晚飯想食清啲，再加上都Regular食咗素一排, 睇暈晒旺角好似得e一間除非去GC.食評果然沒有令我地失望,裝修同坐落都舒適，成晚嘅經歷都滿意由於啲食物好靚同埋好好味，所以冇影就開始食唔係相片裏面嗰個沙律都唔錯㗎，唔係好記得內容，好似係淮山同木耳，酸酸地好清新藥膳雲吞，有藥膳嘅味道同埋好足料，啲材料都好新鮮好清新話說中間嗰碟翠玉瓜伴着好像魚片頭嘅嘢原來係百葉豆腐e個同我地預期有啲出入但係我覺得好味,食落去勁似魚片頭，我都好鍾意魚片頭所以都好開心搵到替代品鹽酥雞，唔使講，同張相一樣咁正呢個好似係西檸猴頭菇，都係我喜愛嘅菜式!服務好好，點菜前同埋食完飯後坐左勁耐，冇吹我哋。會再嚟試埋其他好菜!

是日和友人去吃素，本是打著比較健康的念頭，怎料食物質素竟然出乎意料地好吃，而且賣相還很夠高級感呢！餐廳的裝潢古色古香，本身已很加分，與重要人物共餐會談都很合適呢。前菜海蜇手撕雞，外型像模像樣呢！海蜇是蒟蒻做的，外形更像是鮮魷。手撕雞是豆類食物，口感挺像的。而且整道菜的麻辣味很夠，開胃又解膩。藥饍雲吞。友人一見這道菜就話要吃。果然很足料夠味。它是含有奶素的，應該有少少牛奶，所以味道更香濃。有木耳、百合、杞子，各種菇菌，健康又好味。雲吞細細粒，內餡不多，但外皮亦不會太厚，軟淋淋的。這金邊粉非常讚！炒得乾身又條條分明。吃下相當有鑊氣。旁邊一枱的外國人都特地走來問是甚麼名堂呢！加了XO醬炒的，味道香辣美味！這鮮竹卷一看賣相就很有誠意。一人可以吃三條，吃番夠本。不過油炸的是比較油，有些偏離健康的本意了。但多個選擇俾大家都係好事啦。入面包左好多不同菌類，吃下爽脆可口呢！

火鍋食得多，面上長豆豆。經過了多次的上火鍋轟炸，口龍聲沙，面上長豆，決定來一次素食清腸胃。香港食素的地方並不多，今次就腳在旺角找到一間，入座不久已全店滿人，如於晚市時段，要早點取位。齋滷味味道一般，因為竟然是熱的，一向食酸齋及咖哩齋都是冷的，比較接受不到。香芋荔蓉卷是不錯，芋頭味很多，而且現炸，但多食兩件會比較糊口。炸龍蝦球是我當晚最愛，很難想像如何用素食做到蝦丸的口感，非常彈牙。藥膳雲吞的藥膳味不濃，易入口，雲吞皮較厚，而且配料有很多菇菌👍最後是枝竹豆腐煲，火氣略厭不足，但用料足👍

今日是素食日，現在一星期要食一日素，幫身體排毒，這間在旺角的素食一家是其中一間我幾鍾意的素食菜館，食物精緻，價錢中等。菠蘿咕嚕猴頭菇：猴頭菇外層沾上薄薄的粉漿炸至鬆脆，再加上菠蘿及青椒等配料，做出色彩繽紛的效果，跟真的咕嚕肉分別不大，味道都是酸酸甜甜，質感較腍但有咬口。香煎自家野生竹笙腐皮卷：腐皮卷煎至外脆，裏面面帶有韌性，裏面的素菜爽口，而且不油膩，旁邊還配上翠綠的菜心。養身藥膳雲吞：雲吞裏面包著素菜餡，湯底有點椰汁清香，還有大量的雜菌煮在一起，味道清甜無味精。法式藍莓芝士蛋糕：蛋糕幼滑，味道跟平時的芝士蛋糕分別不大，而且不會太甜。

今日做考順仔帶媽咪同婆婆去食素菜，見到旺角呢間都好似幾受歡迎就去試吓。入面裝修都係傳統中式裝修，俾人感覺好平靜。呢度嘅素菜菜式選擇都真係非常多，有傳統嘅，有新式嘅，啱晒我呢啲好少食素菜嘅人可以慢慢開始接觸素菜。先講傳統嘅菜式系列，腐皮卷。腐皮卷最緊要係做到外脆，入邊嘅餡亦都要有口感同夠味道。呢度就兩樣都做到，外面嘅腐皮煎到好脆，就算加咗獻汁都冇影響。入邊嘅餡加咗木耳絲同冬菇，調味啱啱好，足料又好食。新潮嘅代表就有呢個台式鹽酥雞，既然係素菜餐廳又點會真係用雞呢，其實係豆製品素雞，但佢嘅質感做到同真雞肉有八成相似！將素雞炸到好脆然後再加上椒鹽做調味，本身係食肉獸嘅我食落好開心。澱粉質嘅部分我哋就揀咗黑松露炒麵，我認為只要適當加入黑松露，所有菜式味道都會大大加分，呢個炒麵亦都唔例外，加埋爽口既芹菜同芽菜同鑊氣，簡單而出色。而我哋為婆婆叫咗碗是日老火湯，而今日嘅係老黃瓜湯，飲落超級清甜。而我自己就要左一杯桑椹果醋，酸酸甜甜幾開胃又解油膩。原來素菜都可以好有驚喜！

每晚食完飯之後都好似消化得不太好，頂住頂住，但上個星期食了餐素菜後，個肚又唔脹而且又不會膩感，所以今日又去了附近的素食一家。自家齋滷味拼盤我自己本身就不太喜歡食這種五顏綠色的齋，但屋企人就每次都必叫，話有咬口加上甜甜酸酸好開胃。北海道芥末龍蝦球芥末味都幾攻鼻，龍蝦球結實彈牙，裏面有粒粒素龍蝦肉粒，外面炸至香脆，帶點甜及刺鼻。豉椒鮮菌百葉豆腐脆麵表面舖滿的雜菌及百葉豆腐，豆腐有點似魚片，質感彈牙，下面的脆麵炸得香脆但不油膩。芝麻糊芝麻味濃郁而且濃稠，不會太甜。

最近體弱多病，很多東西都不可以吃。所以來吃素，下午時間餐廳很多人，坐卡位手。菜單超多選擇。平均$40-$60。份量多。我們要了商務套餐。咕嚕蝦球味道酸酸甜甜，魚蛋扮蝦肉，味道口感與蝦非常相似，送飯一流。而且外皮炸得香脆，不厚。與真蝦球有得fight。套餐配白飯，老火湯。紅燒枝竹素球煲。枝竹爽口，醬汁美味，肉丸彈口，多汁。有時吃下素菜，沒有肉也很好味。老火湯沒有味精，真材實料，超多湯渣。大大碗很飽。

9/10去食午市套餐 我坐在最入位置 好食!抵食! 惜.....我約13:35 食完午飯靜神時 目擊 隔離阿婆用個盅盛佢洗假牙架污水..............我希望店員以後見到有食客作出同類行為，懂得即時阻止啦

正所謂食得飽蔘翅肚多都想轉下口味，今日和友人行完旺角，就入咗這間評價不錯的齋舖醫下五臟廟，入到去點菜，食肉獸友人依然點了魚生刺身、咕嚕肉、蟠龍鳝……你冇睇錯，我哋真係响齋舖食架！ 當然，話明係齋，就梗係用植物仿真咁整架啦！魚生刺身拼盤係用西米、蒟蒻造架！有埋日式醬油和綠色芥末，口感仲超似添！師傅好嘢！ 菠蘿咕嚕肉，酸酸甜甜好惹味，係用大豆和大豆纖維製成，口感好有彈性，同樣做得形神俱似。豉汁靈芝菇蒸蟠龍鳝又點呢，用咗紫菜包住腐皮，長長一條切件上碟，加上香濃豉汁，原來口感、味道和賣相都有真鳝8成。 黄耳南瓜盅，原汁原味, 清爽健怡, 南瓜肉勁最啱我，自然刮晒來食。 自家齋滷味拼盤~有素叉燒, 酸齋, 蠔油齋同齋鴨腎~腍身又入味, 色香味全, 素食必叫之選。 秘製一家蓮藕餅，藕香四溢、爽脆和清新，脆卜卜好得意。紅燒鴛鴦粉煲(龍口粉絲, 手製紅薯粉條)，味道略淡,手家製紅薯粉煙靱，多款雜菇同芹菜。甜品叫咗巧奪天工的薑茶菊花，和熱騰騰的桂花圓玉雪耳羹。薑茶菊花用豆腐地成菊花狀，薑味超濃；桂花圓玉雪耳羹天然清潤，甜度剛剛好。 

人年紀越大，越對肉食感到無力…消化不良引起的副作用在本年度更見顯著，自然令我偏愛吃素了。跟同年紀朋友約吃飯，聊到健康問題時大家不約而同提出來吃素，意外是這裡的素食很高質！由於人數少不設訂座，我們提早六點便來到，以為旺角小店都很焗促，意外地座位間有足夠距離。服務員跟客人人數比約1:10 , 但靚姐們都是有經驗的員工，她們會集中站在可看到全店客人的位置，對應之快令人珮服！坐了一晚都有茶喝，服務我要給滿分了！雖是素食但這裡的菜式選擇很多，傳統跟新派素菜也有提供，相對款式我覺得這裡是以味道取勝了！傳統齋滷味，最出色是齋燒鵝，酸齋則不夠酸，可能因為這裡的滷味沒加味精，吃完也不會覺得口。是次最推介是塔香猴頭菇，這菜式一上枱已香氣四溢，是九層塔跟豆豉的香氣！猴頭菇炸過再炒，沒有苦味，爽口。配角的青紅椒也是十分的搶鏡，除指天椒其他都吃了。重點是不吃辣的朋友可能只能吃菇。另一招牌菜是生菜包, 是三色豆跟彷蝦, 份量足夠3人享用, 配搭跟味道也不算新鮮, 但有快樂的感覺, 也是家庭必點之一。最後是沙茶豆腐素球煲，沙茶味不太突出，雖是招牌菜但未有留下深刻印象，豆腐球很飽肚。之後跟別的朋友再去，發現這裡的pi

今日約了好耐無見的友人食個Lunch暢談一番, 因為大家前陣子中秋食了超多肉食, 我們大家一致同意食素菜, 覺得又健美而又有新意又少了罪惡感, 總之一舉幾得！大家因為覺得旺角是最方便的聚集地方, 所以我們選了位於旺角洗衣街的"素食一家"!先上桌的是食肉獸至愛的魚生刺身拼盤~魚生刺身一上桌已經令我們嘩然, 超像樣, 厚身具彈性, 竟然鮮味十足添！然後有最新今期推介黄耳南瓜盅~零味精, 可謂原汁原味, 清爽健怡, 南瓜肉勁juicy!再上自家齋滷味拼盤~有素叉燒, 酸齋, 蠔油齋同齋鴨腎~腍身又入味, 色香味全, 素食必叫之選!接着有飯店推介秘製一家蓮藕餅~甘香爽脆和清新, 入口有種食緊"脆卜卜"薯片的脆口感！還要飯店推介豉汁靈芝菇蒸蟠龍鳝~蟠龍鳝口感層次豐富, 用紫菜卷着腐皮, 再加上香濃豉汁, 原來口感同味道超似食用真的蟠龍鳝！再上桌有食肉獸至愛的菠蘿咕嚕肉~酸酸甜甜極惹味令我開胃, 最驚喜的是用大豆同大豆纖維製成的咕嚕肉竟然有肉的口感具彈性, 惹味香脆, 食完一件接一件, 令人回味無窮！最後有推介紅燒鴛鴦粉煲(龍口粉絲, 手製紅薯粉條)~味道天然, 手家製紅薯粉煙煙靭靱, 加上多款雜