素年 (黃埔天地百寶坊)

营业中

休息中

成日都想再返黎食嘅素食餐廳，質賞佢除咗用impossible meat之外，所有食物都唔係用豆製品扮肉，係將日常會食到嘅植物融入餐點，做成好自然無加工嘅野食黑松露野菌意大利飯 $108 加餐湯第一眼望落以為上面嗰d係炸軟殼蟹！差d比佢欺騙！其實係炸秀珍菇，本菇，等嘅菇，份量好大！飯入面仲有火箭菜，其他菇。米係真正嘅意大利米，仲煮得剛剛好嘅口感👍🏻磨菇湯好濃，用大量菇打出黎嘅，濃郁得黎唔咸，仲可以做到好鮮味！素年經典不可能芝士漢堡 $138伴蕃薯條，塊芝士係純素！每次食呢個burger都覺得好”不可能”!!太似真漢堡，你唔講，我唔會覺得係素肉，除咗唔會食到成手肉汁。咬開個包，入面塊肉係有外面啡色/入面偏粉紅嗰種，好似肉嘅血紅蛋白效果！好好食。蕃薯條香港好少有餐廳做，通常都係台灣菜先會出現。

身邊嘅朋友越嚟越多加入素全素食，每個都有唔同嘅原因，有D係宗教原因，有D就係為健康，不過咩原因都好，最緊要係好味。素年嘅素食都唔係第一次食，不過平時都係去深水埗嗰間，今次第一次嚟紅磡，感覺地方大D坐位都多D。今次兩個人食，點咗兩個套餐，套餐有一個主食再加一杯飲品，另外可以再追加餐湯/沙律同埋甜品。主食揀咗：金不換泰式香辣意大利粉及素年經典不可能芝士漢堡。先嚟咗追加嘅餐湯&沙律，餐湯係蘑菇湯，有別平時飲開嘅忌廉蘑菇湯，因為無奶反而飲到香濃嘅蘑菇味道。而沙律就新鮮嘅沙律菜配黑醋，好味。金不換泰式香辣意大利粉好香金不換嘅味道，辣度啱哂唔太食得辣嘅人士，值得一試。素年經典不可能芝士漢堡嘅麵包好鬆軟，而中間嘅素肉真係好有牛肉嘅口感，配菜係蕃薯條，甜甜哋幾好味。最後食埋個飯後甜品糖漬檸檬伯爵茶杏仁撻，甜度唔會太甜，伯爵茶嘅忌廉好香伯爵茶味，餅底有杏仁香，食完個甜品好滿足！

最近有朋友推介左呢間好好味嘅素食餐廳！🌱🥦🥬依間係黃埔分店，比較闊落同多款式選擇，佢真係每道都好好食，一般唔食素嘅人都會比較容易接受。😁 素三文魚，仲有素吉列豬扒嘅口感同味道整到同真嘅好似，真係唔講都唔知係素😵😵整體我同我d fd都好滿意😍😍 一定會再食！F͇o͇o͇d͇🌟1️⃣日式本地菜卷物盛九宮格🍱🍣🌟2️⃣香辣泰式炒意粉 🍝🌟3️⃣日式咖哩吉列豬扒定食🍛4️⃣素年經典不可能芝士漢堡🍔D͇r͇i͇n͇k͇🌟 5️⃣𝘽𝙖𝙣𝙖𝙣𝙖 𝙋𝙞𝙩𝙖𝙮𝙖 𝙊𝙖𝙩 𝙈𝙞𝙡𝙠 香蕉火龍果燕麥奶🌟 6️⃣𝙆𝙞𝙬𝙞 𝘼𝙥𝙥𝙡𝙚 𝙆𝙖𝙡𝙚 𝙊𝙖𝙩 𝙈𝙞𝙡𝙠奇異果蘋果羽衣甘藍燕麥奶🥝

同狗狗去完附近診所覆診，落緊雨，拿拿林搵間餐廳避吓，行過素年醒起佢係pet friendly，寵物可以坐室外，又有瓦遮頭，就二話不說幫襯🏃🏻‍♂️.✨芫荽漢堡配蕃薯條✨漢堡扒既上下都係滿滿既芫荽，芫荽控根本無可能唔叫呢個burger食🤣漢堡扒好厚好大塊；蕃薯條甘香香脆✨豆腐丼配素餃定食✨豆腐丼既醬汁係似酸辣湯既杰身bb辣版本，上面舖左九層塔，食落都幾開胃；素餃有5隻，入面都係蔬菜；成個定食感覺都好light無負擔，仲配有少少漬物同蕨餅做甜品跟餐飲品方面，記得好耐以前素年既其他分店係會用茶包(熱飲)，而家無左茶包，成日都會飲埋d茶葉落口，如果可以改用茶隔可能客人會飲得比較方便

今次跟友人到訪位於紅磡的分店開業了一段時間 上幾次經過已經好想去最近剛好有想吃素食的心 就衝一波了裝潢是簡約的文青風格 以木系餐桌為主玄關後的空間以光猛白燈作主調後面的走道空間則是溫暖黃燈氛圍比想像中更大空間素年的素食可謂比較破格以新式的西日套餐呈現 很貼近年輕一代的概念從外觀上絕對無法看出是素食餐點有意粉 定食 沙拉等等的選擇平日一至四提供晚市套餐價錢從 $𝟽𝟾 起 包括了基本飲料玄米茶/伯爵茶在競爭激烈的黃埔區也算親民𓋪 生酮牛油果藍莓檸檬芥辣沙律以自家製生酮檸檬芥辣沙律醬配搭新鮮時令水果和蔬菜 像椰菜花 牛油果 藍莓等口感豐富又帶清爽 芥辣 sᴀᴜᴄᴇ 又添一點風味𓋪 日式咖喱素吉列豬扒定食以新豬肉替代傳統豬扒 還蠻像真的外皮炸得香脆 內裡質感像免治豬肉一樣帶微辣的咖喱汁也給得充足 每口飯都能沾到醬汁 ~ 定食還包括了是日漬物 前菜和甜品甜品蕨餅也是我的愛𓎾 京都宇治玄米茶𓎾 斯里蘭卡伯爵茶每份套餐都免費配了甘香的熱玄米茶或是濃郁香醇的伯爵茶 跟餐點也很搭也可以優惠價加配咖啡/其他飲品個人來說較少機會接觸素食不過偶爾吃一頓總會有新鮮驚喜感覺尤其文青親民的氛圍 成功吸引不少年輕客群

聞名已久嘅素年，上網見佢哋個釀蕃茄超級靚，所以特登即晚嚟試一試真假。再配個signature dish嘅咖喱吉列豬扒定食。第一眼感覺喺，估唔到素食都可以做到咁精緻，完全冇違和感。塊豬扒咬落去令我猶豫咗幾秒，究竟喺真豬定假豬，呢個感覺就好似家燕姐食黯然叉燒飯嘅感覺，喺好好味啊。食唔返咁好食嘅植物肉豬扒飯點算？聽講喺同真豬扒一樣人手每塊搓，厲害。證明素食都唔喺簡單嘢。釀蕃茄一流，上面有芝士，下面喺菇粒。好睇又好食，一睇就知心機貨色。員工都好有禮貌，will come back!

今日去屋企樓下食齋 呢度一改齋菜係好沉悶嘅感覺 呢度非常賣既都係好西餐感覺既素食 好有年輕文清氣息金不換泰式香辣意大利粉 意大利粉口感爽彈加埋金不換同埋茄子豆角豆腐乾等嘅配菜 都幾香口素年經典不可能芝士漢堡 配炸番薯條 佢嘅素牛肉真係如假亂真 連中間粉紅色半生熟嘅肉汁佢都仿真埋 唔講都唔知其實係素菜嚟 而且炸蕃薯條外皮香脆內裏好鬆軟又甜 我哋揀咗免費跟餐嘅斯裡蘭卡伯爵茶 非常香濃另外呢度嘅餐點份量都幾大 所以食完都幾飽肚餐廳仲有兩個免費位係出面 面向行人路及馬路景 可以帶埋狗仔嚟食

📍 素年 (紅磡)約咗好友來到呢間好出名嘅素食餐廳🍴地理位置方便，餐廳裝潢簡約大氣，坐低吹水好舒服素年經典不可能芝士漢堡 $138套餐含有薯條、洋蔥、沙律菜同純素芝士，健康無比。佢哋嘅素肉扒同真嘅完全冇分別😍我同朋友都覺得好amazed！絕對值得一試日本南高梅柚子青提慕斯蛋糕 $68‼️必試之選‼️混合淡淡柚子青提味道的蛋糕口感香滑🍇底部有木糠，食落酸酸甜甜，非常之開胃焦糖燕麥奶咖啡 $36香濃無比，甜度啱啱好朱古力咖啡 $40朱古力味好濃郁，好鍾意🤎

放工相約幾個朋友飯聚，其中一個朋友係素食者，決定揾間新派素食餐廳試吓。一入餐廳環境唔錯，日式西餐廳裝修。坐低後職員馬上遞上餐牌，雖然選擇唔算多，但大家好快就揀到想食嘅嘢。主菜選擇了不可能肉醬意大利粉、日式咖喱吉列豬扒、韓式炸醬烏冬甜辣醬炸猴頭菇定食、牛油果莎莎夾餅全日早餐，再揀咗幾個小食一齊食，包括黃金炸雞雞塊、鹽酥粟米條同黑松露蛋黃醬番薯條。主菜我最鍾意不可能肉醬意大利粉，覺得仲好味過平時食開嘅肉醬意大利粉，夠晒番茄味，肉醬口感亦好好，完全食唔出係植物肉，而且份量十足，一個人未必食得晒，另外，咖喱吉列豬扒亦好好味，炸得好香脆，唔講未必估到係植物肉，但韓式炸醬烏冬同埋甜酸醬炸猴頭菇就鹹咗少少。小食方面，鹽酥粟米條夠晒出色，每人分得一條真係唔夠喉，至於黃金雞塊同番薯條水準亦唔差，夠晒香脆。

一直都是食肉獸的我去素食餐廳可以說是近乎其微，見素年網上評價不錯，而且經常滿座，便試一試。店內環境裝修偏向文青風，牆壁留白簡潔。田園野菜意式焗釀番茄全日早餐 （$148）全日早餐包括沙律菜，車厘茄，甘筍，粟米，大啡菇，甜椒，薯餅和香草蒜蓉吐司。意式焗釀番茄內有蘑菇粒、蒜香粒，味道不錯，原隻甘筍味道特別，充滿田園風味。值得一提是香草蒜蓉吐司，以為會有點硬，但食落十分軟化，蒜香味極重，配搭其他蔬菜一起食用，意外地配搭。日式咖喱吉列豬扒定食 （$138）包括新豬肉，漬物，前菜，甜品新豬肉不論味道、觸感都和真豬肉相似的「植物豬肉」，如果無話我聽，完全分唔出其分別，吉列脆皮亦做得唔錯，能有效增加口感，咖哩分量都唔少，馬鈴薯和洋蔥條都烹調得好軟淋，喜歡食肉但同時想健康啲都可以試下。醃蘿蔔酸酸甜甜，作為不錯的開胃菜。牛蒡絲味道濃烈，一條條食起上黎口感豐富。黃豆粉蕨餅係我喜愛的甜品之一，類似甜甜的蒟蒻粒，鬆軟可口。京都宇治玄米茶（熱）斯里蘭卡伯爵茶（凍）

星期日晚上6:30 入座，見到枱面簡單但靚的花擺設，諗住係有heart 的店，所以都有d 期待野食應該都好食。叫左金不換意粉，真係失望到極點。 意粉係硬的。。。一個意粉連意粉本身都硬，即係最基本都做唔好，真係好失望。味道就冇咩味道可言。成碟野似求其整個泰式/香辣選擇落menu 而做。跟餐杯凍錫蘭茶係好飲有質素，茶味有層次亦有茶香，多得呢杯茶，先冇食碟意粉食到黑面。想叫甜品，但未夠8pm 就五款甜品已經有四款冇曬。。。整體經驗令我冇意欲再次番黎試其他野了。

係呀，又有咖喱豬扒、又有burger，不過其實我哋食緊齋🤭已經book mark咗素年好一段時間，琴日趁住星期一就去咗食！雖然唔知點解星期一係Green Monday，不過依個星期有一個健康的開始都好呀！素年地方好寬落，係一間好舒服嘅餐廳。餐牌選擇都唔少，就算唔係食開素嘅人都會好容易接受！我哋要咗一個咖喱豬扒飯、一個漢堡同埋一份炸雞塊，樣樣嘢都幾好味👍🏻 成日覺得食齋就係清淡、無乜味，點知原來完全唔係咁！先要一杯接骨木花檸檬雞尾酒，味道幾清新，不過我就略略覺得甜咗少少。黃金脆雞塊炸得香脆熱辣辣，係一個幾好味嘅小食。素年經典漢堡有驚喜，估唔到 impossible meat 都幾好味，無論口感同埋味道都同真嘅牛肉分別唔算大，配埋芝士同埋啲蔬菜，如果唔特別講，可能都未必知道自己食緊齋！伴碟嘅番薯條好好食，甜甜哋。咖喱豬扒係成個定食咁樣，有豬扒、有飯、有漬物、有蕃茄仔同埋甜品，好豐富！咖喱豬扒係日式咖喱嘅味道，我都幾鐘意食；蕃茄仔都唔好錯過，新鮮好味。本身仲想試吓呢度啲純素甜品，不過太飽了😅 下次先啦。

上星期，我同兩位素食閨蜜一齊去咗一間素食飯店，感覺好有驚喜🌟！我地試咗幾樣菜，講真，每款都唔係蓋的，好有驚喜！首先，個炸素豬扒味道，啱晒口水，咬落去外酥內软，滿口香脆，真係扮得過猪扒了！搭咗嗰碟甜咖喱醬，辣辣地、甜甜地，一言難盡，咪就係正！再嚟講講個茄子，係咁滑溜溜的，未食已經香到彈起，真係百吃不厭。個南瓜醬同埋茄子配合得天衣無縫，非常之開胃，食到我連飯都多添咗幾碗🍚。我地仲食咗個露筍，呢個就真係清新呀，筍又甜又脆，食得我心花怒放，真係一個字—正！雖然服務有啲地方需要加油，但整體嚟講，今次食飯體驗絕對滿意，下次約閨蜜仲要再嚟！🍴

這素食餐廳位於黃埔, 但不是燈光火著的那條大街, 近黃埔站B出口的商場, 我花了一點時間才找到店口。店面寬敞, 擺放座椅多樣化, 1-8人的客人組合都能安夠同桌, 空間感很強, 坐得舒適。1. 照燒汁椰菜花扒配南瓜蓉這碟菜的賣相有點浮誇😝,原個椰菜花切厚片,然後塗上照燒汁拿去焗, 顯得有點乾身,幸好沙律菜新鮮夠味,能夠balance返2. 黑松露野菌意大利飯濕潤的意大利飯煮得不錯,熱騰騰上菜時,散發著淡淡的黑松露香氣, 另外要讚的是, 飯面頂端的炸蝦造型, 原來是炸過的菇菌,頗有蝦肉的口感3. 沙律沙律是正常的沙律菜, 新鮮,意大利黑醋汁也很不錯4. 玄米茶平日飲的玄米茶都是用茶包沖泡,第一次飲用真正玄米炒煮過的茶,似乎另加了一點香草, 茶味醇香5. 香蕉燕麥奶這杯飲品比較濃稠,不太合我的口味總體食物不過不失, 遇上素食朋友, 我會考慮再幫襯。 

公司附近開了很多餐廳，一直好想試【素年】很多同事都話唔錯， 今日終於來幫襯🤭餐廳裝潢簡約風格得來好有文青feel🌿餐廳主打日式西式素食，餐牌有多款純素套餐🍔素年經典不可能芝士漢堡配餐飲🥃斯里蘭卡伯爵茶味道唔太甜漢堡外皮好脆🍔芝士偏流質，吃落口感好juicy，面多數配薯條，但哩度配番薯條，脆卜卜好香口😋🐷日式咖喱吉列豬扒定食配餐飲🍵京都宇治玄米茶好香好濃茶味飲完好解腻定食有漬物，前菜同甜品，個咖喱汁雖然唔辣但夠香，加上味道幾濃，豬扒外皮炸到金黄香脆，吃落似免治豬，又唔會太乾身整體食物質數唔錯，店員有禮，值得再來🤗