素來素往 (已結業)

性價比高嘅新派素食自助餐。 好多時我打算去食素, 呢間總會係我優先選擇之一。食物選擇唔算特別多, 但食材新鮮, 味道非常啱我口味。 除咗幾款招牌菜外,好多食物款式亦會不定時轉換.唔想堂食嘅話，可以選擇外賣。 晚市外賣$58，包一個外賣盒任裝一次，另送湯/糖水。

阿姨剛去完素來素往，大讚那裡的素菜好食，於是我便同媽媽和妹妹一齊試下。其實我地都好少食素，所以今次都算係一個新嘗試。餐廳唔係好大間，但落地玻璃令整體感覺開揚，唔會有局促感。食物主要放在中間兩邊。我地幫襯下午茶時段，每位$68任食無時限，真係好抵。食物種類豐富，除左沙律，清菜外，亦有似模似樣的口水雞和辣鳳爪。 我最愛蒸水蛋，真係超滑，食完一round 又一round,另外欖菜四季豆亦煮得好入味。媽媽鐘意食皮蛋粥，佢話食左好舒服，同埋咕嚕齋，味道適中，唔會重口味。而妹妹就鐘意蕃薯糖水，佢話夠薑又唔會太甜，同埋芋頭魚都好正，外皮好鬆脆，外脆內軟，可以加埋甜酸汁，但其實原味已經好好食。另外甜品有豆腐花，班蘭千層糕同埋南瓜千層糕等，都值得一試。整體感覺係一間有誠意的餐廳，不單價錢超值，食物質量唔錯，難得素菜不斷補充，唔會因為手腳慢左就食唔到好野。隔鄰枱的嬸嬸話佢每個星期都會來，佢雖然住新界都專誠來食，真係好捧場。

潮流興健康飲食，大角咀博文街呢間素來素往非常好，位置又方便，奧海城地鐵站行幾分鐘就到，門口裝修頗文青風7點到，入座率都7788，睇嚟幾受歡迎，建議大家預約咗先，嘢食選擇都多，就講幾樣特別推介嘅先講凍盤，我最喜歡嘅係皮蛋豆腐，豆腐入口滑溜，震藤藤好新鮮，配上皮蛋好醒胃口水麻辣鳳爪，做得好香口，口感好似真鳳爪，我估係蒟蒻，總之好辣嘅一定要食比較特別嘅，我會推介呢個南瓜布甸，甜甜地幾正Pizza新鮮出爐，厚厚嘅芝士唔會吝嗇煎釀三寶，全部都係熱辣辣，特別鍾意食係茄子，煎得好香脆手工素餃子，鄙薄餡靚要飽肚嘅有乾燒伊麵，同埋欖菜炒飯素食菜係最基本嘅，佢呢度嘅菜好新鮮，碧綠色的甜品方便，有番薯糖水，豆腐花，薑汁糕，斑斕糕，生果，甜度剛剛好，正任食任飲，每人先係百幾蚊，下次一定encore

新年食得多糕和大魚大肉，所以上個週日就我去咗食素。下午3點左右，我由博文街街口行到街尾，路經好幾間餐廳，一係無開，一係無乜人，但行到位於街尾的呢間文青風裝潢的素食店係坐滿人㗎，店外仲有人等位𠻹。好彩我一向都有個好習慣提早向餐廳訂枱，所以去到有位坐咋✌🏼呢度個流程係咁嘅，先搵咗位，然後去櫃枱賣飛 (週末下午茶時段 — HK$78/位)，之後收據放自己枱面。枱上每人有一隻大碟，用嚟重複裝嘢食。呢度全自助式，食用餐具自己去攞，有刀、叉、匙羹、筷子、杯、小碗和小碟。🍲 湯品：節瓜雜蘿蔔湯，清晰湯頭，但落足料㗎，飲出濃郁節瓜味和青紅蘿蔔的甜味😋🍲 粥品：皮蛋粥，超有皮蛋味，粥是綿密有但不會糊咗，有驚喜！🥔 🥗 沙律區：．薯仔沙律，撈得好食，薯仔粉脆，配有紅蘿蔔粒。．仲有生菜、粟米、蕃茄、等等，可以自己撈，不過我就偏向想留肚食鹹食多啲😄🍲 鹹食：．南乳齋菜，足料又入味，喜歡有腐皮和粉絲．蘿蔔糕 ，口感滑一滑，仲有一舊舊白蘿蔔，不只是麵團舊㗎！．欖菜蒸豆腐，豆腐滑一滑．素肉餅，外表真係好似肉餅，但素肉其實係芋頭，正👍🏼．紅燒茄子，炒得香口，醬汁味道好好．南瓜芋頭蓉，特別配搭，南瓜軟身但保持有咬口．咕

$ 68/人下午茶（2:30-5:00）素食自助餐，食物種類豐富，由前菜、主食、熱盤、冷盤、炸物、甜品到飲品，樣樣有齊。經濟實惠。前菜我最欣賞麻辣藕片和雞腳。用蒟蒻做的雞腳外形神似，連腳趾也有呢。主食最好味是滷肉飯，真的是白飯殺手。熱盤和冷盤的選擇最多，各式炒菜、蘿蔔糕、蕃茄炒蛋、蔬菜卷、酸齋等，都好味道。炸物也有水準，芋頭魚外酥內軟最正，另外椒鹽炸豆腐、炸藕片、炸番薯都好吃。甜品有豆腐花、番薯糖水、紅豆糕和桂花糕。飲品有五花茶、普洱茶和檸檬水。六十多元吃足兩小時，不錯啊。

呢間位於大角咀既素菜下午茶係自助餐形式，好多人在門外排隊，價錢好平好抵食，人均100蚊都唔駛，我地入到去職員好快安排我地坐低左，食物都會不停refill,食品有湯，糖水，冷盤沙律自己想食咩就用碟夾，沙律冷盤既醃蘿蔔同青瓜爽脆，另外必食推介係炸菇類同埋皮蛋瘦肉粥好香滑軟綿綿既囗感，仲有炸物芋頭大大塊，其他熱食都有好多款嫁，有豆腐，酸甜麵根齋，仲有期間限定既蘿蔔糕，選擇都幾多，而且好多唔同國家既人都黎食。

媽媽話想食齋buffet 見呢間都好似幾出名咁 平日晚餐成人 $128 免加一 都幾抵食😎哩間齋buffet選擇好多 用齊頭盤 主菜 甜品 生果 晚餐仲有紙包飲品同涼茶揀 好多元化呀！🤩喺川味冷盤入面 我覺得鳳爪係必食嘅 佢佢樣同口感好似真嘅一樣😂另一款大熱絕對係蔬菜卷 結構就好似墨西哥捲餅咁 但就轉走左啲肉 變左包雜菜 咬落超級清新爽脆 如果想食落軟稔啲可以沾沾隔離嘅沙律醬🤣我最推薦必食一定係素食披薩🍕搭配美味餡料又香又脆 仲有好多Cheese🧀🧀中式食品 個人覺得煎釀三寶最正👍茄子再加薯蓉 真係好好食 忍唔住食多幾舊🤤甜品酒讓丸子同豆腐花 丸子淋左啲 但個甜酒好正喎 好香微甜無酸味😋豆花豆味濃又夠滑👍🏻

過時過節好容易就會食多左，所以新年前出街食飯都最好都係揀返間負擔輕啲嘅餐廳，但人總係貪心嘅，負擔細都想要款式多，好彩有素食自助餐滿足到我。自助餐嘅菜式都唔少，前菜、小食、熱盤、主食、甜品樣樣齊備。前菜有肉鬆皮蛋豆腐、手拍青瓜、酸蘿蔔、薯仔沙律、香辣薯粉、素口水雞、雞腳、雜菜墨西哥卷；小食有炸香菇, 炸豆腐、炸什菇；熱菜有芋頭魚、蔬菜捲、酸甜麵筋、菜心炒牛肉；主食有pizza、素滷肉飯、乾燒伊麵、炒飯、減肥人士必備嘅番薯同粟米甜品有豆腐花, 椰汁糕, 反沙芋, 番薯糖水, 綠豆沙等。今次呢個素食自助餐除左有一般常見嘅蔬菜/麵筋，仲有雞腳、牛肉同三文魚，似係由蒟蒻製成，除左中式菜之外，仲有西式菜例如pizza，而且每道菜完食之後，都會好快補上，食客唔怕試唔到～～飯後再諗下，發現其實仲有唔少素食菜式，小食有蔬菜春卷；甜品就更加多，例如湯丸、芋丸、地瓜丸、香蕉煎餅、紅豆餡餅、芝麻卷、糯米糍等，素食餐廳都可以有好多變化，加油努力。

位於大角嘴博文街28至38號地下6號舖的素來素往，主打素食自助餐。筆者在奧運港鐵站B出口步行約五分鐘，便到達餐廳。筆者下班後相約母親在這餐廳吃晚飯。門口擺放了價目表，價格一目了然，不會額外收取加一服務費。母親持有長者卡，享有全單九折優惠。放下隨身物品後，可用餐桌上的碟子前往食物桌拿取食物。各款素食以中式素食為主，也有一個迷你沙律吧。當晚天氣十寒冷，所以筆者建議每次拿取少量食物便可，能夠更加享受熱騰騰的素食。整體來說，所有菜式的水準也不錯，調味也不會太過濃烈。📌皮蛋豆腐 - Preserved Eggs with Tofu豆腐質感嫩滑，醬汁份量適中。皮蛋和肉鬆的份量也頗為豪邁，不會吝嗇。📌口水雞（含蛋成份） - Poached Chicken with Chili Sauce (ingredients with Egg)📌酸辣鳳爪 - Spicy & Sour Boneless Chicken Feet這兩款冷盤辣度頗為厲害，後勁十足，相當適合愛吃辣的食客。素鳳爪與真鳳爪的外型相當相似，輕輕咬一口，素鳳爪原來由蒟蒻（魔芋）而製成。📌鎮江花生土豆卷 - Peanut Potato Roll

素食自助餐下午茶 （不限時）$68.00（長者卡午市晚市9折優惠價）流行素食🥒已經不是最近的事，有質素的素食且有變化新意才能留住港人刁鑽的胃。店舖位於大角咀，位置方便適中，附近雖然是馬路，但舖面隔音做得不錯，走進餐廳彷彿與外界的嘈雜隔絕，餐廳裝修滿有田園氣氛，打卡亦相當不錯，食物種類分布平均，豆品菜蔬、粥粉麵飯、油器、湯水亦俱全。當然並非高級酒店自助餐，有些種類不能比較的。餐廳的感覺比較家常，嚴如回到家中有母親安排一切 ，細心照顧。推介試試炸品，香脆可口。有一種似是桃膠的甜點都非常好吃。試了一口，想再吃已經光盤了，放在甜點區。餃子🥟邊放了香菇醬，非常野味，如果可以散賣就好了。

經過聖誕同新年嘅大魚大肉後係時候食返健康啲啦🙊 記得之前食過呢到嘅素食自助餐幾唔錯，見到下午茶只係$68就即刻打去book位☎️ 餐廳嘅水泥牆同木系傢俬令人感覺好似坐喺田園中，係幾有feel嘅😌 食食下出面突然排長龍，原來佢地成日都會派飯俾有需要嘅街坊，呢啲良心小店真係要多多支持💟自助區有齊曬冷盤、熱食、粉麵飯、甜品同飲品，選擇雖然唔多但都足以再次打破我對素食嘅觀念🥬 例如用油炸鬼整嘅糖醋排骨、大豆纖維整嘅口水雞等都係店主親自創作👨🏻‍🍳 呢啲新派素菜大部份只用原型食材，可以安心咁食多啲😙 店員refill得幾快，有時仲會攞啲新菜色出黎添🆕 有幾樣要特別推薦：冠軍一定係好搶手嘅披薩，新鮮出爐嘅拉絲芝士配上薄脆嘅餅底真係好正🍕 日式天婦羅有幾種，薄薄一層嘅炸粉包住爆汁嘅蔬菜點會唔好食呀🤌🏼 麻辣鳳爪用蒟蒻整到似模似樣，連雞皮凹凸嘅紋理都見到，咬落同鳳爪一樣咁彈牙🤪 台式肉燥像真度超高，鹹香又惹味，撈紅米飯一流🍚 甜品除左煙靭嘅斑斕千層糕同香濃足料嘅綠豆沙🫘 仲有用木桶裝住嘅豆腐花，豆香唔算濃但口感超棉滑，一定要留肚食呀🤰🏻

近年素食餐廳盛行，而素食自助餐亦佔一席位！大角咀呢間素來素往，係唔少素食者朋友推薦嘅好去處，打破咗好多「食齋」嘅刻板印象，令到我對素食都有好多新鮮感😀價錢幾親民，平日晚市都係做$128/位！據聞餐廳主廚研發咗好多新潮嘅自助餐菜式，兼顧到中式口味，包括近年大熱嘅川菜🤩皮蛋豆腐、口水雞、涼拌薯粉等等，開正晒我口味🥳Pizza整得好靚仔，餅底薄脆、餡料豐富，賣相都非常吸引😋反沙芋頭，其中一款我好鍾意嘅中式甜品小食🤭但係市面上唔係咁多店舖有做，估唔到會係素食自助餐店食得返🤣大大份蔬菜卷，好有營養😁南瓜布甸，口感滑嫩，風味香甜😃兩款千層糕，臨近新春特別鍾意食糕點😄飲品區有好多選擇，包括基本嘅罐裝汽水、紙包飲品~最近做緊晚市優惠，買5送1👏老友記有9折優惠😎

這間素來素往是一間自助形式的素食餐廳，假日成人每位$158，如果有長者同行更有9 折優惠。環境裝修簡約舒服。食物款式都頗多，冷盤，熱盤，炸物小食，蒸點，湯品，甜品等。菜式偏各中式的比較多，如四川涼拌薯粉，涼拌青瓜鳳爪，還有日式關東煮，薄餅等多國菜式。冷盤有沙律及涼拌，當中涼拌鳳爪令我有驚喜，外表真係完全地還原了鳳爪的模樣，味道麻辣惹味。熱盤的紅燒豆腐，釀青椒及素叉燒是推介。另外平平無奇的滷肉飯，味道卻令我食了一整碗，很有台式風味，很好送飯。粟米芝士薄餅亦是必食，芝士味濃郁，海量的粟米，餅底脆脆，剛出爐就很快搶空了。湯品中的西洋菜湯，雖然沒有肉，但都很清甜。甜品有四款糕品(班蘭糕，Mocha糕，南瓜糕及桂花紅棗糕)，當中班蘭糕及南瓜糕是推介。另外有豆腐花及超薑味的蕃薯薑汁糖水，好味。飲品亦可以任飲。餐廳refill食物的速度都頗快，要讚。

呢間餐廳係做素食自助餐既，晚市去食都只係$128/位，可以任食90分鐘，非常抵食🤪食物選擇方面都幾多，沙律、小食、湯、粉麵、甜品都有，主要係以中式為主，例如係南乳炆齋、蒸水蛋等等😬特別有幾樣野食係估唔到會有既，例如腸粉、關東煮、Pizza、反沙芋等等😎而甜品方面有豆腐花、糖水同多款糕點😛整體黎講D野都幾好食，素菜自助餐都可以好多選擇，而且佢個自助餐區既食物係會不停換，結果我都未可以試曬全部野食已經食飽左😂推介大家都去試下!

個人幾鍾意去食素食buffet，可以食得健康點之餘，其實素食都有好多選擇！❣️每款素食都好用心，仲會定時定候refill❣️除左傳統齋菜，仲有仿肉等款式，模仿到口感味道都好似！個人幾鍾意以下款式：🔸口水雞- 整到超級似雞肉，辣辣地夠惹味，食到層層「肉」超級好食- 最特別係就連素雞腳 texture都好似😂，不過係「無骨」🔸千島醬pizza- 新鮮出爐必定要去食！薄餅底好脆香，上面有芝士、蕃茄仔，撈上千島醬好滋味。🔸「東坡肉」- 另一款值得一吃款式，食「肥肉」都唔會guity😂，而且肥肉同肉都模仿得好似🔸關東煮- 幾用心嘅素材選擇，湯底都唔錯🔸布甸- 外層有焦糖脆皮，布甸滑身，甜度適中🔸另外仲有蔬菜卷，薄薄外皮包上條條蔬菜；鹵水蛋、滑身甜甜地的甜番薯、脆口天婦羅、四川麻辣粉絲、豆腐花🔸個人都幾鍾意酒嚷丸子，入面粒粒丸子，口感煙韌，又唔會太甜有機會會再來食！😋