純寿司 (已搬遷) 新店位置

比起之前質素差左啦，仲要亂收費，昨晚無留意張單，今日睇番，no.19我叫左一客，但就收左兩客價錢，以後出街食野真係唔可以唔睇單呀！無啦啦比多四十幾蚊，大家小心D啦。

今晚一行兩人，七點去到等左成個鐘先有位。但之前食過，性價比好高，刺身新鮮，決定再挑戰！第一碟：火炙三文魚白腩，魚腩肥美充滿住魚油香，壽司飯唔會太多醋又唔會一夾就散，岩岩好！ 軟殼蟹龍之卷（6件），每粒都好精細唔會左甩右甩，頂頂既蟹籽好新鮮配合埋面層既鰻魚（入口即溶，唔會有腥味，好香鰻魚味）加埋裡面大大件岩岩炸好熱辣辣既軟殼蟹，一啖咬落去，多重口味，但又唔會唔夾，正！推介火炙三文魚刺身望落去好似好奇怪，但其實叫左都係魚子、三文魚刺身分開食，但咁叫會抵d 魚子一睇都知唔新鮮，一patpat，唔會一咬落去爆汁，麻麻地。三文魚又燒得唔夠，唔可以叫做火炙！天使蝦擺碟唔錯，有埋鹽同檸檬，但我就選擇咩都唔加，食蝦本身既味為主，食落新鮮既，口感有d似泰式生蝦。美中不足係蝦頭炸得唔夠，冇得食埋。 整體黎講刺身新鮮，壽司一份份上，唔會幾碟放埋一齊，仲有各自既伴碟，睇得出師傅非常用心！但建議用app拎定飛。

一直都食開純依間壽司店，相比好多連鎖壽司店，佢都真係算性價高，平均三四百就食到，好食又飽，平時都係食晚餐多，不過近排鐘意埋午餐。百幾一個刺身餐，又有沙律，茶碗蒸，麵豉湯，刺身同飯，仲有前茶，都食到好飽，不過通常同女友食，都會叫多小小嘢食，因為我地都大食嘅，不過依到冇影到，但值得下午去食刺身套餐，係女友最愛。次次都會叫嘅卷物，鰻魚軟殼蟹！正依個真係性價比超高！三點盛，好飽滿嘅刺身，都係四十幾，夫復可求！茶漬飯，雖然唔大，但夠曬飽，三十幾，又好食！其實件件壽司都真係幾高質，認真比好多餐廳好很多，希望可以保持住！

星期二睇完戲 食埋飯先走 未夠7點去到純壽司 前面得一個人嗌緊外賣 咁我地就企門口等陣啦 唔趕時間又唔想阻住職員做野等左陣 有對年輕男女行埋黎 個職員即時跳過左我地過去問佢幾位 望都無望下我地 你門口有幾大？一個人係你前面嗌緊野食 我地企隔離會睇唔到？會唔會過份左d? 企左咁耐先知我地係透明既 完全被無視 差到爆炸之前已經食過一次唔特別好 諗住今次再試真d 點知仲差 食都無得你食平時食飯都唔會在意服務態度 食完就走 但今次被完全無視真係勁嬲

由於上次在Grand YOHO食過一間大型連鎖日本餐廳，今次就過隔離YOHO MALL I 揾吃貨。不過今次有少少賴野感覺 又係食日本野。店舖格局及燈光都是走這幾年興既暗黑路線，座位都幾舒適。但食材方面真係麻麻，首先order左一盤壽司拼盤，諗住一路食住慢慢睇order其他嘢。嘩！ 等左成25分鐘咁濟算！諗住慢工出細貨，點知。。賴野賴野賴野賣相是可以的。但唔足夠留住食客個胃架~~d魚生刺身太多根又唔夠凍完全無入口即溶個個感覺 完全feel唔到有魚既味道 另外，飯團散散地又無黏黏感，d醬油又偏咸，wasabi又唔夠味。So, 我只好起身走人總括黎講， 環景是可以。雖然價位偏平，但食材真係要諗諗辦法。否則，真係留唔住真食客。

打劫左朋友個囡囡，食好野係要從小培育ge，所以三大一小嘅組合lunch時間去左食日本野！而家好多餐廳都有小朋友餐具提介，呢間都係其中一間，仲要係朋友囡囡喜歡嘅米老鼠，即刻感覺到餐飯會食得開心好多🙈我地叫左一份set lunch ,再散叫左其他野食，由於小朋友好鍾意食魚籽、蟹籽，所以我地揀嘅大部分野都有好多「籽」😂新鮮同處理得好嘅「籽」，完全唔會腥，見到小朋友食得甘開心就知掂啦！埋單個時，個員工仲送左枝壽司🍣造型嘅棒棒糖俾妹妹！so good!

六點晚飯時段開始，一踏入店內，感覺好焗，好似無開冷氣咁，有問侍應生，但由食到完都唔覺有改善，點完餐，嚟咗個沙律，但嫌沙律醬唔夠，叫個女侍應生要求比沙律醬，個侍應生嘅答案令人覺得好唔專業，正常你面帶少少笑容答好，轉頭攞比你咪得囉，但佢好似好疑惑咁問攞你個碟去唧定攞比你🙄 店內嘢食係 Ok 嘅，我都鍾意，到埋單，個女侍應比我簽卡，簽完，佢就目無表情將張信用咭同單比我，全程無任何眼神交流，無講多謝，比完我轉身就走 😑 我唔係要你90度鞠躬，但基本服務禮貌都要啦！Training 有問題！

今日下午我們喺元朗附近做完嘢之後去咗元朗形點嗰度搵吓有咩好食？行到去見到有間「純壽司」嘅表面嘅環境裝修都幾好，所以就諗著入去食下午茶！一坐底我們叫咗嘢食之後，喺等緊嘅時候，有其他店員同後面檯嘅人客發生爭執，而且態度仲非常差，呢點我們已經唔係好滿意！我們以為啲嘢食嚟到會令我們覺得滿意啲，點知等咗30分鐘都無任何嘢食，要等到差唔多40分鐘先嚟咗個春之刺身沙律，諗著等咗咁耐終於有嘢食，點知一睇鰹魚刺身嘅色澤係灰黑色㗎，我們要求店員幫我們換過碟新嘅，店員亦有應我們嘅要求攞去退換，但喺壽司吧檯嗰幾位師傅以為我們聽唔到他們嘅對話，就用好悔氣咁同店員講話：「你同個客講，啲鰹魚刺身就係咁嘅色！」當時我們就心諗：「唔係呀嘛！邊有刺身會係灰黑色？祇有唔新鮮或者變壞咗先會係咁嘅色，兼且同餐牌圖片嘅唔同！」所以我們就話唔要喇，即刻起身走！今時今日咁嘅服務態度，真係⋯⋯唉⋯⋯

今次屋企人生日個壽星女想食壽司，平時行過呢間野都見到超多人排隊，有次排左半個鐘都未到就走左，今次醒喇我地，一早係yohomall個app預約左，一去到即刻有得入去，見到出面都好多人下，好彩有book定果日好肚餓，一坐低即刻叫左十幾碟壽司、刺身、同手卷。啲刺身幾新鮮，但有碟壽司唔知點解啲飯係熱lol可能凍唔切。最後上埋蛋糕（我另外自己買），叫啲職員拎出黎，態度好好，叫佢地上蛋糕之前幫手執抬都好快手，又係咁叫佢地幫手影相都態度好好五個人食都係$750 人均先$150，其實啲野食係高質過放題又平好多唔怪得成日都咁多人排🙈

純壽司位於形點一期,刺身壽司新鮮有水準，價錢合理抵食！但每次都要等位，有時候早一點到也最少等半小時！所以晚餐最好6點前，兩人都可以坐四人位，舒服一點，哈哈！左起：玉子$10,唔冰凍室溫既玉子，少少甜有蛋香。厚切油金魚$28單件，油金魚介花切開像菠蘿油，好厚好大粒，不太油潤但味道唔錯。黑象拔蚌$14，乾身左d，但都爽清甜。赤貝$22，鮮甜爽口！左起：八爪魚芥辣軍艦$16，八爪魚有咬口，芥辣味足夠，好爽！螃蟹羔醬軍艦，羔醬好滑入口爆醬，成口都蟹羔，幾好味！

"I fancy sushi tonight" said I. So we went to Jun Sushi in Yoho Mall. It was convenient for the other half. I didn't want high end Tsukiji Fish Market sushi, I just wanted reasonably priced sushi and  maybe some gyozas. It was one of those places where you have your own tablet, scroll through and click on the dishes you want and then send your order straight through to the kitchen. We didn't want to go crazy, so we got some favourites and some things a little different. Assorted flamed sushi pla

純壽司Yoho mall 平均＄65 一個人Lunch 又來YOHO MALL食午餐餐廳座位非常舒服點菜用平板電腦亦很方便食物價錢很合理我都試過有Yoho mall 穴壽司但係食物質素一般特別係壽司嘅飯很乾價錢亦都很貴質素同價錢不合比例所以我始終選擇純壽司 豆腐沙律非常新鮮最喜歡食木耳芝麻醬可以分開上方便不同口味嘅人建議不需加芝麻醬因為木耳已經有一定嘅鹹度青瓜卷同蟹柳卷純壽司嘅飯非常好味飯很新鮮，即日制，軟硬適中不像其他壽司店啲飯咁硬值得一讚貝類三點盛我成日會叫嚟食同時間有三種口味海鮮很新鮮同香滑食完一定唔會肚痛最後係芥辣蓮藕片係吃很香口嘅小食同埋係非常特別其他地方很少有但只適合鍾意濃味的人整體來說餐廳質素很穩定價錢亦都非常合理係可以經常光顧嘅一個選擇1

行完Yoho Mall都大概七點，於是找間餐廳吃個晚餐，見到有間日本壽司店，等位的人數不算多，一會兒便能安排入座。壽司的種類算多，當中比較推薦帶子和魚子壽司:帶子大大粒，味道鮮甜; 魚子爽口新鮮，入口卜卜聲。大家行完街入去醫肚也不錯。

整個感覺不好！壽司飯飯散，醬油偏咸，比家中食用醬油還要咸。價錢平平，但是整體感覺不好。服務員整體好似未瞓醒，忘記比茶，忘記買單，食物售罄沒有通知。下次不會再幫襯。

純壽司算係一間幾有質素既餐廳，所以間中都會去幫襯，星期五、六多數都非常多人等位，有時直情會暫停派籌。星期六遲起身，九點度先食晚飯，所以等兩、三張枱就有位。叫左平時都必叫既白身三點盛、人氣三點盛、鐵板餃子同蛤仔湯。另外朋友喜歡三文魚腩，而且試下新野叫左和風海苔沙律同新菜色海鮮惠方卷。沙律非常大碟，雖然睇落得紫菜同羅馬生菜，但簡簡單單，配埋柚子汁非常開胃。右上係人氣三點盛，右下係白身三點盛，食左油金魚同、海蝦、左口魚群邊，整體不錯，係左口魚不夠肥，有些筋。海鮮方惠卷裡面有三文魚、蟹肉、吞拿魚，上面有三文魚子，賣相不錯，有不同層次感，用料有誠意。鐵板餃子很香口，而且喜歡它的柚子醬，感覺無咁油膩。蛤仔湯今日就偏淡，多一點麵豉會鮮味一啲。