純寿司 (已搬遷) 新店位置

進步不是容易的事, 保持平穩又是談何容易, 不退步更是難上加難! 任何事也會碰上這問題吧!週末睡醒已是接近中午, 天氣太熱不想走遠, 便到Yoho Mall的純壽司, 大半年後再次光顧。午飯時間, 光顧的依舊門庭若市。 這次安排坐於吧檯, 壽司店有魚腥味算是正常的事, 但太過強烈, 某程度上也會影響食慾呢。 清潔問題比上次到來是改善了, 但氣味是否難以避免呢?繼續用平板order食物, 但翻看落單後的項目時, 發現上手的“歷史”仍殘存, 要麻煩店員清除, 如果用平板落單務必要檢查一下, 以免造成混亂呢。因應夏天時節推出的菜單, 而上菜速道仍然是很快。夏之三文魚盛 $78夏天的期間限定, 由加了三款不同醬料的三文魚組成: 芥辣沙律三文魚, 柚子麵豉三文魚腩, 麵豉他他三文魚, 各兩件。麵豉他他三文魚 - 表面火炙的痕跡未免過於敷衍, 麵豉味不算濃烈, 側邊的魚皮是全生的狀態, 咬也咬不開, 滑潺潺的口感, 有點兒.....這塊魚皮真的可以食嗎? 我們很疑惑, 同時亦放棄了它。 再看看菜單, 相中的魚皮似是脆口, 還有墊底的紫菜也不見了, 胃口也飛走了。柚子麵豉三文魚腩 - 全沒有火炙跡象

蟹籽薯泥8.5/10⭐️要自己壓粹薯泥，但和蟹籽混在一起味道十分夾饅魚壽司8/10⭐️饅魚香滑，燒得剛剛好，米香！三文魚9/10⭐️三文魚肥美，魚脂分佈均勻鰻魚炸軟殼蟹蟹籽卷9/10⭐️軟殼蟹和鰻魚都有燒過，有燒烤味香，必食之選！炸雞配蛋薯泥8.5/10⭐️炸雞外脆內滑，配上自己壓粹的蛋薯泥沙津，十分夾！蟹籽壽司7/10⭐️大大粒蟹籽，味鮮，溢於齒䶝！漬魚生盤8/10⭐️魚生新鮮，魚生本身已有調味，不用沾鼓醬。海鮮盤9.5/10⭐️全部海鮮都十分新鮮，蝦甜！三文魚、帶子、魚邊壽司8.5/10⭐️特別喜歡魚邊壽司，肉質結實，唔講以為食緊豬頸肉。唔記得咩魚壽司7.5/10⭐️鮮甜！三文魚壽司9/10⭐️三文魚三種味，醤油、柚子、介末。本人首選介末。豆腐沙津7.5/10⭐️豆腐香滑，加上麻醤混在一起，開胃。

落雨同囡囡老公一齊上完Playgroup，就回到Yoho Mall，想要有High chair又要有Kid's meal既選擇不太多，據我所知純壽司就有，所以快快入去醫肚。十二點多的星期六，店內6成滿，很快就被安排了有沙發的座位了！可惜地下有條烏東同少少水仲未清理，可能待應都無為意，相信上一手都係小孩子坐的。叫左一個Kid's meal俾囡囡先，因為待應會拎住一籮玩具給小朋友揀的，條件就係要選呢個兒童餐。兒童餐頗豐富，有玉了壽司、腐皮壽司、熟蝦壽司、蟹柳壽司，炸蝦和炸雞、布旬和一支益力多，點解無魚生既？當然，小朋友都係唔好食魚生啦，始終腸胃未必適應。因為囡囡食唔晒，做媽咪既當然要幫我，我首選係炸蝦，雖然得一隻，一開二，但配埋Mayo，覺得外脆內軟，甜甜地咁，出奇地好味！其他既就一般來貨的味道，唔特別。燒尤魚壽司，老公同我都覺得原全唔似燒過，不過確實有幾個位係黑了的，應該真係用火槍燒過下，雖然附上海鹽和檸檬，不過味道還是偏淡三文魚腩比想像中無咁濃味，不過油份算多，食落都算Fatty，三文魚就薄了一點，還可以。$38一碗迷你三文魚飯，其實個碗又真係好細架，應該好似日本飯碗咁上下大，不過迷你

已經第二次黎食壽司了貪佢種類多，而且價錢都唔算太貴我比較鐘意既係佢炙燒既壽司種類都多，有三文魚、蝦、玉子和蟹棒等等 而且味道仲好好味添食燒既壽司最愛係上面既沙律醬面餐廳一d都唔吝嗇佢既沙律醬，會放好多好多落去好味啊～而三文魚壽司都好食，幾鮮味 再來係尼件燒鰻魚壽司即燒既關係唔會煋，加埋鰻魚汁食落口好美味啊 尼個係軟殼蟹反卷，上面一粒粒既係黑魚子食落幾有口感，味道也不錯

元朗的新商場yoho mall有多間連鎖餐廳進駐，今天試試純壽司。一看餐牌便被三點盛和期間限定的九州春旬祭壽司吸引，點了春之三文魚盛、貝三點盛、北海三點盛。貝三點盛包括帶子、赤貝、海螺，帶子肥美甘甜，赤貝和海螺彈牙。北海三點盛皆為軍艦，包括海膽、三文魚子、蔥粒吞拿魚腩。三款中我最欣賞蔥粒吞拿魚腩，吞拿魚腩打成蓉，口感綿密，加上蔥粒更能帶出吞拿魚的味道。春之三文魚盛中，每款壽司都很巨型，有兩件，有厚切魚子醬三文魚，明太子三文魚腩、櫻蝦三文魚卷。魚子醬其實是飛魚子加蛋黃醬，少了貴氣，但味道配合得宜，是小朋友會喜歡的味道。任何食物配上微辣的明太子都「無得輸」，這個三文魚腩都不例外。櫻蝦三文魚卷舖滿櫻花蝦乾，一粒粒香脆的蝦乾，加上柔軟的三文魚，口感兩極的配搭，夠特別創新。我們愈吃愈開胃，再點了螃蟹膏醬軍艦和自家製炸雞。螃蟹膏醬軍艦一般，炸雞應該是即叫即炸的，上桌時熱辣辣，炸粉很薄很脆，裹著的雞件保持肉汁。最特別的是隨炸雞附上的一碟醬料，有沙律醬、雞蛋、酸菜，超出想像的配料，但又能消減吃炸雞的油膩感。純壽司水準不俗，有機會再encore。

今天來區內風格較特別的壽司店一試，壽司店位在商場內，店內環境幽雅，座位舒適，主打九洲名物。先來一份熱食﹣自家製南蠻炸雞（$48)，其特色之處是附帶的沾醬和炸雞的完美演繹，沾醬由蛋黄醬、雪菜、洋蔥粒及雞蛋粒組成，有如吃沙律一樣口感豐富，我把醬料拌好後，再用生菜包著吃，清新爽脆的洋蔥和雪菜與炸得皮脆肉嫰滑的炸雞一起吃，真是絕配的組合！把它們安排在一起的人真是很用心。卷物方面，點了一客六件的軟殼蟹龍之卷（$58) ，用烤香的鰻魚片包裹著炸得酥脆的軟殼蟹，上面加了卜卜脆的蟹子，三重口感，一口一件，令人滿足過癮，回味無窮。來壽司店當然要吃手握壽司，點了好幾款壽司，其中以螃蟹膏醬軍艦（$22)、鹿兒島鰤魚（$18)和玉子（$10)三款最為令我深刻，螃蟹膏醬軍艦裝得滿滿的，上枱時紫菜仍是乾脆的，蟹膏醬香濃的鮮味令人驚艷，鹿兒島鰤魚不常見，口感鮮甜彈牙，值得一試，另外，估不到其玉子壽司都有質素，蛋香嫰滑，整體壽司質素令人滿意。另外點了一個迷你海鮮飯（$38)，吃完上面幾款出色的手握壽司，這個就顯得平凡，所以不多介紹了，反而自家製八爪魚芥辣（$28)比較特別，材料新鮮，用來送酒不錯，可以一試。區內的日本

排期排左好耐…話黎食又轉左軚…今日終於黎到幫襯…呢度午市都唔算多人…有自選點菜i-pad…算幾方便…朋友當然要率先發牌…唔覺唔覺都點左成一個版面…波子汽水無味道選…只得原味…烏冬好有彈性…可惜天婦羅無分開上…所以浸腍左唔好食…但好開心烏冬都有迷你版…唔駛食到咁飽…可以試多幾樣…厚切刺身好肥美…魚生仲左十字花…顯得更有立體感更加吸引…果然十分鮮甜…今次朋友點菜樣樣有d...唔會獨沽一味…壽司也很不錯呢…釀雞翼漲卜卜…皮好脆…加埋蜜糖…一流…南蠻雞反而好唔得…炸皮腍哂…雞亦無咩味道…配料亦怪怪的…對“自家製”有點失望…水旦好滑…有帶子蟹柳魚旦等…好多料…唔駛加豉油都好夠味…仲有埋爐火保溫…唔駛急…可以慢慢食…甜品以為係普通煙韌既福餅黎…點知入面有雪糕…仲有薄脆朱古力…口感幾特別…千層糕係普通cake款...cream唔算好多…真係幾層口感…不過不失…以前元朗有間<板長>…質素也不錯…有去左日本食sashimi既感覺…但多數只係sashimi同shushi...依家有<純壽司>…仲多d款式…無咁悶...好好多…

已經是第五次再食，口味嘅野人人唔同，正所謂各花各眼，但個人認為此店性價比高，值得推介。香蔥火灸三文魚　—　美味得黎有自己風格，第二道食唔倒。軟殼蟹卷　—　軟殼蟹有榚，外軟內脆，好味。九州風雞翼　—　外脆內軟有肉汁，小辣我最鍾意。純玉子 —　暖粒粒甜甜地食落口好有滿足感。各類魚生及鮮帶子都很新鮮。缺點：食物款式不多，等位時間太長。優點：環境及食物質素算高及衛生，服務態度一流，抵食！ 

20/12同家人再到純寿司，簡直不合格，最初新開都 ok，但今日招呼差，店長掛住傾偈，食物推介名物！等等蒸蛋。水一般的狀態，海鮮差， 地獄廚房都好過佢 😣，所有寿司飯散，連茶都不知什麼中國谈茶，無味只有色。😑其實最少都有米茶喇！。以後都吾會幫襯。

12月是屋企人的生日月,月頭先同妹妹慶祝生日，今次揀去形點1期,我同屋企人住元朗,形點1期位置太不就腳,甚少來這個新商場，一直未有光顧商場内餐廳，難得屋企人生日要吃好一些,就揀了純日本料理店 ,以為要排隊，事先用app取飛，屋企人打來話冇人排隊，好快可以入去,這裡地方又幾大,本來想坐壽司吧,為了方便BB,改坐非壽司吧,當屋企人到齊之後，開始叫食品，這裡都是平板電腦下單 ,十分方便易用,我們下單冇耐,所点食品，這裡好奇怪先上熟食。反而刺身要好耐 ，刺身明明不會煮,唔知點解要20分鐘才送上來 ,三文魚味道好鮮味,魚油好平均，十分肥美可口,甜蝦亦都好鮮甜,清酒煮蜆亦都新鮮美味，蜆肉十分新鮮爽口，壽司亦都幾好，香港日本料理為迎合香港人口味不會加醋,有去過日本就會知道當地在白飯中加入醋 ,香港不會加入醋，這裡壽司整得算有水準，服務還可以啦,這裡出品整體都幾好,價錢稍為貴咗些小，亦都可以接受

第一次去YOHO MALL食野就揀左純壽司, 一來我愛日本野食二來感覺環境唔錯...大約6:45到, 人流不多可即入座,,,還編排我們到窗邊自成一閣.感覺上跟峰壽司差不多..用IPAD落單, 款式亦八成似, 但這裏的小食款和其他款都跟峰壽司差得遠.真的很對版, 很迷你,,刺身款式多夠新鮮我每次食壽司都必點...除了紫菜夠爽...其實跟平價迴轉壽司分別的不大.份量多但味道不夠濃...即叫即做..估不到不是表面化...食到底都有料~~~仍然都係新鮮為主....味道不錯但其實價錢都唔平...對我地係不飽肚的..但已吃了差不多二百元..款式又不多所以都是決定走了

我哋今日六點半入座，唔洗等位。用ipad 點菜，非常方便啊！自家製南蠻炸雞熱辣辣好香口，個醬係有烚蛋，餣菜，洋蔥，來到時自己攪拌的，好夾好好味！特上盛合呢個好抵食呀，9件+3小卷！ 好新鮮呀，海膽又好夠凍，呢個價錢好耐冇食到呢個質素！芥辣八爪魚呢個就麻麻哋，因為我暫時冇乜食過邊間嘅芥辣八爪魚，係好食過元氣埋單＄298 ,真係同平時食元氣係差唔多錢，但係食到較高嘅質素！正！

Yoho mall 有好多食肆，中西日韓都有。今次就試吓純壽司，5點幾去到，都有幾枱客喎…打開menu, 好吸引啊…樣樣都想食。落單用iPad 好方便。貝三點盛，人氣三點盛，加州卷，軟殼手卷同蔥吞拿魚腩手卷。全部壽司同手卷都係即叫即整，食材新鮮，好好食！一定會再來！

如無記錯這應該是我第一篇發表的壽司食評。提起「壽司」這玩意，各位絕對不會陌生吧，這是日本除拉麵以外的另一種享譽全球、無人不曉的「國民美食」。但閣下對它的真正了解又有多少呢？「壽司」的種類千變萬化，單是依關東 / 關西的不同地域分佈便有所謂的「握壽司」及「箱押壽司」。前者為現時壽司的主流，後者則主要流行於大阪等關西地區。此外，又有各式卷物如太卷、細卷、軍艦卷...再配合數之不盡的食材，便成就今時今日的壽司世界如萬花綻放，豔彩照人。誠然，一貫壽司由選材、刀功、醬汁、師傅的手法等通通都有講究，並按照每一家的特定做法而有所變化。是以喜歡吃壽司的人雖多如天上繁星，真正懂得品評的卻少之又少。要知道一家料理店真正的壽司水準，非一嚐其「お任せ」(Omakase) 才有資格品評。所謂「お任せ」，是指那一餐所有壽司，大至選用的食材，小至上菜的次序，皆由站在板前的師傅發辦決定，客人只需安坐享用即可。一頓飯下來，每個人至少$800以上是走不掉的，在日本甚至有過$2000一位，也是等閒的事。為的，就是要目睹師傅以畢生功力呈現的「手勢」，說是一口能值千金亦不為過。當然，上述是極致的情況，一般平民大眾還是能夠以相宜

Yoho Mall唯一一間壽司店新開時已經想試了，可惜新商場新食店，每次經過都堆滿等候的人龍。一個月後人潮稍稍減退，於是趁假期去食一次。用手機app取飛真是非常方便，梳洗好才落去，時間剛剛好！去到食店門口還有食客等待中。店子頗大，先見開放式廚房內師傅們正忙著準備壽司，一邊落地玻璃窗令光線充足，樓底高而舒服。店舖中間設有大檯，另有卡位和散座，唯獨沒有迴轉位，全部都是order檯。吃壽司慣了坐迴轉位看著碟碟壽司於面前經過而選擇自己喜歡的，或是坐吧檯前看著師傅手握握的準備壽司。此店雖有吧檯，但高度似面壁思過般。菜單和落單都是用平板電腦，是現今新食店的趨勢吧！除平板電腦菜單, 傳統菜單亦有提供.上菜速度很快，不一會陸續送上壽司。因剛剛訓醒，肚子受不了吃太多生冷食物，所以多點了火炙類。純玉子 $14/2印上店名的玉子，蛋味不算香濃，但煎得不錯，夠厚身，到來時仍保持暖暖的狀態，好味。油甘魚 $26/2喜歡油甘魚的特別口感，有別於三文魚魚脂的膩口，魚生的新鮮度都滿意，其他沒有驚喜，只屬一般。三文魚 $14/2吃壽司典型必叫的項目，魚油魚脂屬一般，新鮮程度可接受，每塊魚生都頗長而厚身，以這價錢算交足功