影片
今日大概夜晚7:30嘅时候，一个人喺大埔行到攰攰地想食啲嘢，行咗过去大元邨，喺大元邨街市呢个时候好多舖头都已经闩咗门，唯独红辣椒未闩门，咁我行咗入去，见到个雪柜得返几样泰国特色甜品，就买咗个芒果糯米饭，一个春卷，同埋椰汁糕返去屋企食，$65有三盒嘢食，喺价钱上面来讲已经10分抵食，味道更加系不得了，蔗渣价钱烧鹅味道，如果各位大埔人想揾正宗泰国嘢食，我极力推荐去大元邨街市红辣椒👍🏻👍🏻👍🏻
继续阅读
食饱饭又口痕🧐想食啲甜品😚见到平平哋$12 一兜嘅泰式甜品又未试过嘅就试吓先😍🧊椰汁紫米糕 ＄12 8/10呢一种甜品可以一次过满足晒两个愿望🙊又想食椰汁糕，又想有啲咬口食下紫米嘅话呢！呢个就啱晒你啦😚😚佢分为上下两层，上面𠮶层就系椰汁糕🥥而下面𠮶层就系紫米糕😛。整体来讲唔算太甜，份量又唔太大唔太细，啱哂一个人食👻。舖头仲有好多唔同嘅泰式特色小食，不论系想食泰式𩠌菜，例如海南鸡、咖喱𠮶啲～👅仲会有好多唔同嘅泰式甜品，价钱都唔贵㗎！👣📍红辣椒
继续阅读
上好友屋企聚会，佢预备左泰国菜外卖，仲话呢间好早要去买，今日佢中午1点去到，有啲菜式已经卖晒！因唔系我买，唔知正式名称同价钱！木瓜丝沙律：酱汁及花生是另上嘅，可自行调节辣度（朋友话佢上次落晒一包酱太辣，今次我哋落左半包刚好）木瓜丝够爽脆，有皮花生脆，简单加车厘茄已很好味生菜肉碎包：生菜用胶袋另装，每块都新鲜爽脆（应该话无一块是老的）肉碎是对味的，猪肉也不老，唯一是不够辣烧鸡扒、猪颈肉、鸡肉串烧：朋友再用焗炉翻热，鸡肉串及鸡扒腌得入味，不老，肉质厚而不老，沾花生酱好味，猪颈肉切得很薄，腌得咸香入味！不过薄就咬口不够咖哩鸡：黄咖哩，朋友是配自家印度烤薄饼，沾咖哩来吃，对我来讲咖哩不够稠（不能说是浠）而味道不够辣，我没吃肉，吃了一块薯仔，薯仔有心思切波浪纹，应该是增加沾酱嘅面积，而薯仔不够稔，有种入味但煮得唔够耐嘅感觉！是今晚最失色一款虾肉米纸卷+札肉米纸卷：米纸皮烟韧，生菜爽脆，不过札肉味道不够抢，有种没有主角嘅感觉，反而虾沾酱是稠的甜酸酱，但我们发觉沾海南鸡橙红色嘅汁更清爽口味更夹海南鸡：呢度应该是一只嘅份量，跟了三款酱汁，我只会沾甜酱油，鸡肉放了一段时间都仲滑，好味椰汁榚：很厚很大只，椰汁滑，西米也很滑，不会干不会太甜，很好味班兰千层糕+蝶荳花千层糕：弹牙不太甜，好味肉松椰汁饭团：第一次食这种甜+咸嘅泰国甜品，卖相是很可爱的，朋友都不知是什么，只是放在甜品柜内，外面是芒果糯米饭的饭，入面是肉松，食落有栥饭的感觉，惊喜地喜欢食物全都不错，只系有啲减辣左，对我嚟讲欠咗啲辣味（要平衡大众接受嘅口味）外卖嘅水平不错（包装+味道）
继续阅读
您可能会有兴趣的...