影片
Old Store 老店大埔墟荳腐花杯仔云吞细蓉（＄26）云吞面怀旧之选，必食推介，大元街市品尝昔日情怀，有荳腐花同多款中式甜品，有质素值得回味，😋又平又好食抵食。
继续阅读
【大埔区】【老店】我成日称大埔呢个地方人杰地灵，而啲靓女又靓又聪明，主要系因为认识亲喺大埔住或者长大嘅女性，一般颜值都好似高啲，唔知点解，所以先会有呢个感觉。有时都想多啲去大埔，沾染吓啲灵气，可能可以改善吓外观都未定。咁今次就系同一位读者朋友倾开，佢就同我讲大埔有呢间嘢几好食。我初时都不以为然，但系见到呢排自己少咗写大埔嘅嘢食，就入去探索吓啦。大元邨我之前都去过，不过好似系街市装修之前嘅事，所以对我嚟讲都新。入到去见到得几个位仲要拖紧地，以为佢哋已经唔做堂食，鼓起勇气问吓原来仲有堂食，咁我就唔客气坐低食喇。首先叫咗 $22 嘅「杯仔云呑」，即系有净云呑六只，佢系小云呑嚟，一啖一只都得，味道几好，又几有鲜味。个云呑用杯装住咁得意，我叫埋 $20 嘅「猪扒」睇吓系咪都系用杯装，点知佢虽然都系碎上，但系装喺只碟度，有啲失望，哈哈。味道上，佢煎得几好食，首先佢系煎唔系炸已经赢咗啲新鲜感，其次系味道上都唔错，系几好。饮品我饮 $8 嘅「无糖豆浆」，豆味香而易入口，正。点都试读者朋友推介过嘅豆腐花，$16 买咗碗冻嘅「薏米白果豆腐花」嚟食，有啲似奶皇包嘅甜香，配合埋天然食材薏米、白果同大豆，系好味。夹埋食咗 $66，乜都食过咁。。。（地址：大埔大元邨街市商场401号）#1amfoodie #foodie #hkfoodie #thatfoodiething #hkfood #food #instafood #yummy #foodies #globaleats #tastyfood #foodpics #followforfollowback #love #eat #1am大埔区 #大埔 #大埔墟 #老店 #大元邨 #大元街市 #杯仔云呑 #云呑 #猪扒 #无糖豆浆 #豆浆 #薏米白果豆腐花 #豆腐花 #1am0806 #1ambackup
继续阅读
住咗大埔一段时间，想揾间好食的云吞面，其实都几难，终于遇上依间舖头，细细间位于街市里面，毫不起眼，但相信你食过佢嘅云吞面 ，一定回味无穷。先澄清个人口味，其实喜欢全虾云吞，但依间舖头的云吞，应该唔乎合我的口味。 但为何仍然推介呢？重点就系佢嘅汤，完全充满大地鱼的味道，仲加咗一点点嘅韭黄，令 汤底锦上添花，非常非常香。细细粒嘅云吞内里只有点点的肉，不多不少，恰到好处， 胃口小嘅可以选杯仔云吞，胃口大嘅可以选大蓉，总之充满怀旧云吞嘅味道， 仲要一阵系个面质够弹牙。饱饱哋再加多一个红豆沙或者绿豆沙真系完美。 唯独是豆腐花真系好一般，不用试了。 其他推介有炸云吞，豆浆……。
继续阅读
同事带我去大埔太元邨街市嘅大埔墟豆腐花《老店》，试一试传统嘅云吞面。店舖非常挤逼狭小，然而食客不绝，睇嚟应该有番咁上下质素。坐落即叫同事推介嘅云吞面 ($32)，虽然已经叫大蓉，不过份量一点都不大。看看呢碗久违嘅大蓉，面汤上浮著一些韭黄，而面身亦较平常的幼面更幼细，食落爽滑弹牙，正！的的骰骰嘅云吞，拖著大大条金鱼尾，咬开馅料，猪肉比虾肉多，完全系传统云吞风味，不比今日的一味大大粒同虾肉多。旧日情怀，油然而生。我好快咁KO完碗大蓉，然而意犹未尽，再叫多个元贝鸡丝翅 ($20)，金黄色的碗仔翅上枱，一嚟乜调味料都唔落，先呷一口，有元贝嘅鲜味，滋味不俗 ; 跟住再加番少少醋进食，风味更佳。难得品尝到昔日美食，今餐真系宁舍满足。
继续阅读
放工有啲饿，但又要食晚饭，想食少少嘢摄下肚，原先想去大元街巿买烧卖鱼蛋啲小吃，但见到呢道有鸡丝翅，就叫左试下，加埋云吞。鸡丝翅真系好足料，好多元贝，有鸡丝同粉丝，好似酒楼食开果啲感觉，几滑！云吞皮好薄，有虾同猪肉，同平时粉面店不同，佢属于小云吞，有大约4-5只左右，热辣辣，好味！虽然鸡丝翅个价钱属中上，但咁足料，都算抵啦！一般碗仔翅而家都要20 蚊了！之前仲食过绿豆沙豆腐花，都好滑好正！推介大家一试！
继续阅读
您可能会有兴趣的...