紅螞蟻 (已結業)

有日行過見到佢D早餐幾抵食'於是泥試下'坐低左成5分鐘都無人理'於是叫個waiter過泥'佢黑口黑面十分唔有善'落單全程無反應'都唔知佢聽唔聽到'2杯咖啡先到'都唔錯'之後我份茄蛋治熱烘烘上枱'哈!又幾好食wor'老公的雞排蛋通粉終於都到'(注意!我已經差不多食完)佢話好一般'(哈哈'我睇見都知)諗住走叫埋單'個waiter依然木口木面'多謝都無講'下次都唔再去*

記得中學時一放假就會去尖沙咀行街, 亦成日幫襯亞士厘道0個間紅螞蟻, 主要因為朋友們好鍾意, 價錢又唔貴, 但自中學畢業之後已經無再食過, 始終自己一向唔太好佢d 古靈精怪「創意」焗飯... 今日0黎幫襯, 都只係因為(又)想食朱古力心太軟蛋糕=P呢度的叫「即焗軟心朱古力布甸」($28), 因為「即焗」, 要等10 分鐘. Serve 時賣相粉飾得好靚, 仲有一小碗vanilla sauce 送上... 先食配角水果, 芒果(茸) 好香又多汁, 可惜比較「一pat pat」, 食得困難; 士多啤梨係一d 都唔酸的, 不過當然蘸少少vanilla sauce 會比較香比較好食. 主角朱古力蛋糕夠熱, 聞落香噴噴, 一拮落去d 朱古力漿無流出來, 不過又的確係「軟心」的, 算啦. 朱古力蛋糕好spongy, 面層少少脆, 朱古力味夠又帶點蛋香, 都唔錯; 朱古力漿0既朱古力味唔算好濃, 食落偏甜, 不過都幾好食, 至少好過長洲0個間「花臣甜品店」0既「招牌」心太軟(詳見2008 年1 月12 日食評)!環境唔錯, 輕鬆casual 又好坐, 客人頗多但完全唔嘈, 0係銅鑼灣區實在難得

星期五晚去利舞台附近的紅螞蟻食飯，D 間野D 質素比以前差左好多!點了一個二人餐- 有雞軟骨，沙律，鰻魚焗飯及菠菜千層麵，side order 蠔焗意粉，兩杯飲品除了兩道前菜，所有焗飯/意粉都大失水準!!! 飯乾料少，賣相普通!!!個人認為d 間野收人中等價錢但卻比d 差過美心/ 大家樂質素既食品人客真係不知所謂唯一好處係幾好坐又唔會趕客走，但係竟然差到這樣子，下次想食焗飯只好去新森林算了

第一篇食評，就拿來拯救近來劣評不絕的飯堂吧! (其實也就來過四、五次而已)自從年初一次很滿意的晚飯後，就接二連三來了好幾遍，雖然食物水準偶有失手，但整體印象都是不俗的。不知是不是比較幸運，我每次兩三個人來這裡即使是周末都不用等位(或許人數少)，而每次來都是吃它那超級扺食的二人套餐再外加一碟飯/意粉。它的二人套餐選擇定期更新，每次都可以試吃新款=D這晚只有兩個人，就叫了個二人套餐算了。(1) 小食拼盤有涼拌茄子、燒雞翼、香酥蘿蔔糕、炸雞肉丸和烤魷魚。這次又轉了小食的配搭，沒了特式春卷，不過它的茄子依然開胃，其他香口小食拈它的甜酸醬也很好吃~(2) 蛋白焗鮮茄湯雞肉丸伴蒜茸法包個人很喜歡的一道菜加到套餐裡面，當然立刻叫了。脆卜卜的蒜茸包很適合跟雞肉丸和蕃茄湯一起吃~(3) 羅馬焗豬扒飯很普通的豬扒飯，豬扒有點靭(4) 焗朱古力布甸(+$20)水準永遠保持的心太軟! 賣相討好，新鮮焗起的它叉開後還會漏出朱古加醬!! 拈煉奶吃一絕!!連飲品這個質素價錢才百餘一位，飯堂真的很討人喜歡

夜晚9:30pm,滿心歡喜入去red ant,冇咩人嘩正呀!!!平時見到其他red ant 排晒隊都唔想入就食左2人套餐:小食:香蒜豬仔骨& 羅西哥辣肉醬焗薯皮主菜: 芝士南瓜蟹肉菠菜千層麵& 泰式豬頸肉炆飯飲: 青檸汁& 熱柑桔檸蜜小食都OK呀, 香蒜豬仔骨都唔錯,要伴埋佢個SAUCE先好味,SAUCE 係KETCHUP + TASBASCO味羅西哥辣肉醬焗薯皮:不錯O既芝士南瓜蟹肉菠菜千層麵: 唔好味,味唔夾,南瓜搞到D蟹肉好甜好似浸左糖水咁>_<......芝士冇味得南瓜甜味同埋蟹肉腥腥地囉泰式豬頸肉炆飯: 個飯唔OK,煲仔飯咁...好咸青檸汁: 好淡但咸咸地熱柑桔檸蜜: 都係好淡不過都ok o既整體一般

首先我一入去登記拎位既時候，完全無人登記，企左幾分鐘先搵到個人...service 已經有d 問題o個晚叫d 野食...全部都細份左我男朋友吾夠食...之後仲叫左碟雞翼添呀!!成晚d waiter service 都有問題...亞貓叫狗..叫極都吾彩..而且仲有2 個waiter 成日企埋一邊度講野...我覺得甘既服務態度完全吾掂呀!!!!

12.28 (Fri) dinner上次幫襯已係四、五年前既事。以前覺得佢d焗飯好味。食物、service都差咗好多…二人餐($178)：1）菠菜南瓜蟹肉闊麵：茄汁部份甜但芝士部份酸，唔知佢想點，成點野既料好唔match!!!2）金牌焗飯：汁好咸好油，炒蛋飯幾乾3）小食拼盤：全部都係炸，有幼春卷（朋友話似炸麵粉only）、茄子（唔軟，唔得）、肉丸、軟殼蟹4）加$10@轉滋潤特飲：我個係冬瓜惹米（唔夠熱，味道有點兒怪）5）加$20要個朱古力心太軟布丁：內裡朱古力漿唔夠熱，冇"激流"既現象。另外仲叫咗：6）蜜糖咸魚雞卷飯：見佢係recommended但呢個mix & match我唔係咁buy，唔咸唔甜想點？而且雞都唔滑7）鴨pizza：都可以，但肉較少Service差在成日問你ｄ野黎齊未，我地即刻叫佢『唔該加水』、收錢時個經理勁黑面，張卡返黎就咁擺張檯到，抵我冇俾tips仲有佢地個toilet幾唔得食夜晚一定唔會再黎紅螞蟻！

陪伴好友去準備結婚之事, 是整古? 是諷刺? 是挑戰? 是學習?看着好友的美, 也看見她的幸福, 真心祝福她. 多麼的難得, 從少認識她, 到看到她和男友分隔兩地細水長流的感情終可結果, 在旁看來也覺安慰.三個人叫了兩個tea set 加一客意粉.雞肉長春卷- 雞肉淡淡的, 不知名的可能食不出是雞肉. 炸得不過火, 但面可以再索乾些油.西生菜煙三文魚三文治(烘底) –清清地, 煙三文魚不太咸, 加了沙律醬更開胃.香蒜磨菇桂花蚌炒意粉–可以的, 但桂花蚌偏韌.不用你遲來, 虛假, 多餘的關心. 執着令人感覺出苦, 人生本就有高有低, 有喜有悲, 我還是在學習中, 放底心事, 放開自己, 人從來就不可控制生命發生的每件事, 但每件事的發生總有它的意義, 只是可能自己那刻被蒙住了, 看不出來, 那就要留待稍後或下一次事件中學習了, 急也沒有用, 騙人也騙不了自己.

中秋翌日飯後到該店吃甜品，友人要了一客芒果糯米卷($20) -- 皮厚、果肉酸。我要了一客焗鮮奶蛋白，等了25分鐘仍未到，分別問了三位侍應才有一位真的替我查看，得到的回覆是: 蛋白太稀，做不到應有效果，厨房正重新再做。再過了10分鐘，侍應又說做不到，問可否另叫其他食物。前後浪費我半個小時....我一惱之下離去!!!

30-7-07 (一) 下午茶接近六時来到，仍可選擇午餐和下午茶餐。Ｔ：芝士白汁煙肉燴意大利粉(下午茶餐)Ｌ: 瑞士香蔥汁煙三文魚向寬條麵意(午餐)另叫了一個巴黎牛油田螺肉焗鮮白菌薯蓉。這裏的意粉通常到覺得調味過濃，田螺還是吃有殼的好。但是今天有卡位坐，總算是舒舒服服的一餐。

在大球場看完比賽四個大男人漫無目的地走為的就只有一個目的-醫肚走到近時代廣場終於找到紅螞蟻可以坐下來不由分說叫了兩個二人套餐每人加十蚊飲sunraysia各款飲品另滿二百蚊用恆生信用咭簽賬送精美小食兩個二人套餐有四個小食及四碟主菜小食有雞翼豬大腸牛脷 雞軟骨四碟主菜有兩碟飯一份天使麵一碟千層麵(不記得確實的名字)四個大男孩食得飽飽整體都算滿意每人八十蚊超抵

I have been this restaurant many times and I found it is a good place to eat fast coz the chef prepared the good in very short time. The price is reasonable!

再一次來到這地方，人物除我倆外還有些舊同學。不同的是，我和她的身份已經不同了。環境，是聖誕的關係吧，比上一次更好。不過，稍嫌廁所的設計不太好。食物，朋友說只是比大家樂的好一點。其實，我覺得是不止的，起碼的點的焗飯味道還不錯。也叫了餐飲，檸檬梳打（＄２０），略酸，但味道仍是可以的，服務是相當好。叫侍應ｏｒｄｅｒ、拿刀叉也是快手快腳，又會主動加茶，收碗碟。這餐飯理應是相當愉快的，但我卻吃得很尷尬。不提閒話，紅螞蟻，在ｃｗｂ來說，是個對於身上沒太多錢的人一個不錯的選擇。

10 月18 日晚上...約o左某fd 出o黎食飯本來諗住去時代食通天，但係個fd 話貴所以就行過去利舞台果邊搵食經過呢間紅螞蟻，D o野睇落唔算貴，就入o左去果陣大約8 點鐘，應該仲未過食飯時間但係間舖唔滿座，唔駛等位就可以埋位~~入到去...侍應問我地食唔食煙我地唔食，侍應帶我地去到一個一張梳化一張椅o既位，之後個侍應話食煙果邊有2 張梳化o既卡位不過睇o黎張椅都幾舒服，所以冇去到坐低...睇餐牌都冇咩睇過個散餐牌就叫o左個2 人套餐個2 人套餐有2 個前菜+ 2 個main dish + 2 杯飲品前菜...椒鹽牛仔骨+ "酥炸通菜"main dish...煙三文魚西蘭花焗飯+ 香辣海蝦魷魚燴天使麵1. 椒鹽牛仔骨...不過不失啦~~唔算太咸2. 酥炸通菜...呢個認真過癮，竟然有D 咁o既食法~~未試過可以一試，不過試過就唔多想再試...始終食菜都係清淡D 好...炸o既太多油了...3. 煙三文魚西蘭花焗飯...西蘭花同飯冇咩味，攪到煙三文魚o既味太過突出...簡單一句...D 三文魚好咸...4. 香辣海蝦魷魚天使麵...正!! (對於我o黎講)唔係太辣，味道o岩o岩好~~

朋友要做灰姑娘，十二時前要回家，四個人匆匆看完花生騷，便由灣仔飛的到銅鑼灣晚飯，衝著紅螞蟻而來，宵夜二人餐($128)加小食，填滿了四個五臟廟。1)蔥油海哲沒有特別感覺，只記得海哲不夠爽口。2)蒜香豬仔骨二人餐只得兩件，沒有機會吃，連看也只是數秒，已經給KO了。3)日式雞中翼不明怎樣日式，雞中翼就是雞中翼，尚算可以吧。4)巴黎牛油螺肉焗白菌薯蓉螺肉少而沒有螺肉味，配薯蓉還可，$30這個價錢當然是將貨就價，不能期望太多。5)奶油炒通菜奶油是有的，不過卻沒有奶油香味，也不覺是炒的，不過菜是幾腍，似是烚多於炒。6)茄汁吞拿魚焗長通粉一客通粉，吞拿魚不算多，茄汁夠杰，沒有出水，用來填肚不錯，對此店的飯麵一向有信心。7)特色焗豬扒飯就是普通的焗豬扒飯，有甚麼特色不特色，焗飯真的焗得不錯了，可惜沒有飯焦。8)青檸蜜桃梳打很解渴的夏日特飲，青青的青檸味混少許蜜桃的甜，比起青檸梳打的澀好得多。小食不過不失，焗飯才是強項，意粉類也做得不錯，環境也不差，價錢尚算便宜，是理想的飯聚點。