紅蜻蜓 (已結業)

牛扒煎蛋 , 牛油多士 , 火腿通粉 , 熱奶茶 一般的茶記貨色 , 普通的牛扒 , 普通的牛油多士 , 普通的火腿通粉 , 普通的熱奶茶不過份量都足 , 夠飽粟米有牛油味 , 幾好食 熱奶茶的奶味茶味都不濃 , 亦不滑環境 & 服務裝修不錯 , 座位坐得都舒服服務反而唔似食評所講比一般茶記的好 , 部長有笑容 , 落 order 快 , 食物嚟得都快

1) 牛油個藍重有個其他人食完既牛油盒！！( 環保牛油 ？)2) 熱Coffe 竟然係帶酸味？？ 甚麼口味？？3 ) 我同侍應投訴餐包籃內有個舊牛油盒，個待應竟然只係同我換左個牛油就算數 ……天呀！！這是香港嗎？還是第三世界？4) 它所謂的安格斯牛排 = 花園餐廳的鐵板西冷牛排。總結：只想食飽對食物及服務唔計較先好去！

間中會食下好鍾意食的乾炒牛河, 今次試下紅蜻蜓, 第一次來雖然OR劣評如潮, 但每次經過紅都見幾多人食, 有時還多過隔離的膳坊及星泰真味 乾炒牛河 (tea $26 包熱飲, 平日不用加一) 等左十幾分鐘, 都幾耐, 一上桌已香氣撲鼻, 好有鑊氣, 好香, 而且仲好大碟!!! 別處晚市正價都無佢咁大碟 味道好好, 咸甜適中, 呢種醬油調配得好正宗 河粉唔會太碎, 與醬油撈得好勻 牛肉足料, 夠稔, 味道剛好, 不會醃得過咸---- 估唔到西餐廳的乾炒牛河都做得咁出色!!! 好有大排檔風味 ----

認真難食,服務十分差. 我和家人食到想嘔好難食! 我地叫了德國鹹豬手,吉烈炸帶子伴豬扒和沙爹蝦仁炒麵等等! 首先為大家介紹最難難食嘅德國鹹豬手,佢隻鹹豬手完全不熱,啲肉又靭又鹹又苦. 啲伴菜意粉有嗅膠味想嘔咁! 第二樣便是吉烈带子啲炸粉好砍口難食豬扒同食豬肉無分別認真揾笨..食到一吐氣一定無下次.再說下去大家都唸到個碟沙爹蝦仁炒麵啲蝦仁似晒乾了的蝦米仔囉又細隻又無鮮味,再寫下去真是無晒胃口了.唔講你唔知隔離枱亦頂唔順叫晒啲食物嚴不夠熱投訴後還是照舊於是乎為有打包真慘話翻屋企丁返熱咼. 我就米攪咁難吃你硬啦! 我希望大家認真注意不要看外表裝俢得咁高檔,其實是虛有其表食物質素極劣...小心......小心唔隋陷井...

之前聽fd講呢間野唔好食, 但基於晏晝既樂富實在冇咩好食, 唯有去博一博...去到叫左個午餐: 安格斯牛扒配意粉+凍奶茶先黎一個羅宋湯, 普普通通冇咩特別跟住就黎個意粉, 茄汁意粉樣既竟然可以冇味, 仲要係凍既!? 好似係一早整定咁, 非常之好野.牛扒預佢薄就緊, 普普通通都食得落肚既.......到杯要+2蚊既奶茶, 絕對要推介, 太甜又冇茶味, 我未試過一杯奶茶可以飲2啖就唔飲, 呢度就有得飲, 未試過真係要試下總結: 樂富食野都係冇希望架啦

呢間野你再請我都唔會再去呀！離譜呀！今日同屋企人去食下午茶，叫咗一個乾炒牛河，好多芽菜，河粉極碎，牛肉得４塊咁大把囉，仲要超薄！另外再叫一個豬扒意粉，仲過份，粉又乾又碎，叉都叉唔起，用羹都食到，又冇乜汁仲有一個炒貴刁，粉都係碎嘅，辣都唔辣，粉又粗，同河粉個賣相差唔多不過．．．個炸豬扒沙律叫做唔錯啦，塊豬扒炸得好香，但個沙律太多汁囉！我地全部人叫熱咖啡，夠熱，但好似有一種燒焦味道，不過唔好以為佢係灰燒咖啡囉，普通咖啡咋呢間紅蜻蜓一個下午茶最少２０蚊，平均都要２５蚊左右，另外再要加一，即係廿七蚊一個餐啦！喂！好食就話啫，你俾咩個客食先？食完仲要自己出去俾錢！想學人做中高上餐廳你冇份喇！起初樂富開新餐廳諗住："掂喇，終於有野好食喇！" 但點知好令人失望囉！你咪以為我食一次就屈佢呀，我食咗３次喇，一次比一次差！上一次我屋企人食完個河粉返到屋企肚痾添呀！算～　今日喺樂富有嘢做先再俾多次機會佢，因為樂富真係冇乜好餐廳俾人選擇，點知．．．．　真係食到火都嚟！一句講哂：呢間紅蜻蜓已經俾我Black List 咗！係咁！

真係好耐冇寫食評...近一年樂富商場大裝修，食肆買少見少。上個月開始，終於見到新舖開張，當然要試吓。午餐一般$30幾蚊，包飲品，但餐包、湯就要加$。叫咗咖喱牛腩飯、乾牛河，熱奶茶 x 2咖喱都幾香幾惹味，不過好勁椰油味，食得多好膩。太太唔鍾意，我就覺得ok。牛腩多數超實淨，食到牙都軟...乾牛河唔夠乾，好彩牛肉唔韌，但整體幾油吓。望落幾細碟，食落份量都ok。奶茶水準一般，有啲似茶餐廳，但又唔係十足十...已經有食友提到，勁多人！服務絕對係新手牌！位坐得唔係咁舒服。睇吓仲有冇選擇先決定再唔再嚟...

我成日覺得D人有錢開餐廳就應該用個心去做。就如這餐廳，裝修不錯，座位舒服，但D食物上到嚟就完全唔得！上次我食牛排沙律，塊牛排好似樹皮，又乾又薄。D沙律太多沙律醬，但份量都OK夠，食晒D沙律就飽晒。但要成HK42，有D唔值，仲要自己出去理單!!!!!!!這次叫咗個帶子焗豬排飯，D汁又多又杰，很嘔心，我完全remove晒D汁才可以吃。希望樂富快D有人開返間有heart嘅餐廳啦？如以前的沙龍餐廳

最近發現樂富商場有不少將會新開張的食肆。忍受了那幾家質素一般午膳的我們，望呀望呀，望穿秋水，終於等到第一家新舖開張 - 紅蜻蜓。可能各方在附近返工的人士都有相同想法，1點也不到，紅蜻蜓門口已是擠滿等位的人。幸好不用等太久，就可以入內；紅蜻蜓的非扒類午餐都是$31, 包一杯飲品；如要餐湯和餐包要再加$3. 兩位餐包餐湯愛好者，當然要跟！不過，那個餐包就教人大失所望；麥香完全欠奉，食而無味；牛油更有微微的酸縮味，尤幸吃畢沒肚痾；羅宋湯則是不過不失，尚算足料不過也未算香濃。炒貴刁也只是剛好合格；炒得不夠香，不過總叫夠乾爽，叫做食得入口。單憑這個炒貴刁，實在不能將之稱頌為「美食」，只能說，於食肆選擇嚴重短缺的樂富區，多了個「食得落口」的選擇而已。(係呀...響樂富食野真係好humble...嗚...)不過話說回來，連加一都要$38一位....以此價錢此質素加上侍應全程無笑容的服務態度，如果他朝有其他更好/抵食的食肆開張，就真係好難有再返黎的意欲！