紅蜻蜓 (已結業)

既然說明是學生優惠餐，穿上校服的學生，點這個餐，居然不能，原因是：此優惠是比中學生，不是小學生！簡直過份得很。餐牌上並沒說明清楚只適用於中學生！難道小學生不需要吃飯嗎？那是否屬於不符合商品說明條例呢？那些侍應態度亦極之不負責任，唯有選擇馬上離開，不會再光顧！

裝修完了，鋪頭一開二，一邊依然係紅蜻蜓，另一邊係拉麵。地方係靚左，干淨左。有冇進步到？定保持水準呢？估下呢碗叫乜？咖哩湯麵？？？係：魚片牛肉喇沙。忘記左放魚片，因為冇魚片。。三粒魚蛋後補水準依然保持不變。今晚叫左喇沙，涼瓜叉燒飯同炒菜心。價錢比以前多幾蚊。

I live nearby and due to the restaurant I go to closing down (for renovation?) I have started to come to Red Dragonfly. Food quality is OK. Understaffed, so Service attitude is quite poor:- not friendly and sometimes black face - lots of wrong orders (not mine but many tables next to me)Pricing is a high as it seems there's little competition around here in Lok Fu Centre. As long as you don't expect a 5 star experience and are only looking for a quick bite, this place is fine.

同一班朋友食，咁本身價錢貴質素一般呢點都唔講，因為預左茶餐廳同領匯店😐到埋單個陣佢同我全部人每個飯加左$2，其實個幾蚊無人在乎，只不過想知下點解，就好聲好氣問個收銀：「咦⋯呢幾個餐個餐牌唔係寫$46咩，點解張單$48既？」個收銀就大大聲，奏晒眉咁答：「係$48咖wo！」「下？你張餐牌寫$46咖wo？」「加左價，張餐牌錯！你等陣！我叫第二個人同你講，（向水吧方向）阿__姐！」其實當下講真有少少慶，佢由頭頭尾覺得收多我每個人$2理所當然，然後態度又串，好似我做錯事阻住佢咁😠然後應該個部長出來，果然係同一間餐廳，態度一樣，了解左兩句發生咩事，就問：「咁你想點？」呢下我真係慶😡😡：「退錢啦！你畀張咁既餐牌我落單食飯，到埋單就同我講加左價？」其實個心純粹慶佢態度，老老豆豆邊個在乎個幾蚊？最後同佢講多幾句，佢真係大聲咁喝（險向收銀）：「唉！__姐畀返$2佢！」態度真係差到令心慶，完全無諗過解釋，就當你換錯餐牌畀我地，得悉事情後態度惡劣，由頭到尾無講過「唔好意思」。專登上Open Rice開account打咁大段野都要講返畀大家聽。呢間野又貴態度又咁，無下次，就係咁，完。

我細個嗰時已經食過呢間店，價錢經又實惠。餐廳環境其實唔錯，不過有時坐得唔好會影響到另一枱嘅食客 (每張凳都連住另一枱客其中一張凳) 。好多街坊下就一定會入去食反個下午茶，而我今次都唔例外。今次，我點左焗芝士肉醬意粉。呢個意粉醬的比例太多，所以太肥喇。就算我食完，都仲係剩左啲醬。其實個意粉同肉醬都好好味嘅肉醬有濃濃嘅芝士味，而且又有好多肉喺入面，好有咬口但我會期望多反啲意粉，平均反個比例

一家人本來開開心心來食，，，叫咗個鹹豬手餐，，，，等咗一個鐘之後，仲話仲要等。。。。。之前又唔話尼個餐要等耐少少下次唔會再來食。。。。。。。等到我D想講粗口！！！

第一次來紅蜻蜓食野，叫咗 葡汁雞扒意粉，雞扒好硬 好似過期肉一樣 意粉好焾 葡汁無味 配菜得2條青椒，第一次食雞扒意粉係咁差 咁難食！淨係得杯 朱古力叫做入得口！環境差，侍應服務差！唔會再有下次嚟食啦！

又是周日和教會姊妹們一起吃飯，去了慣常去的餐廳紅蜻蜓。紅蜻蜓的下午茶餐都幾抵食，大約HKD40連飲品一杯，份量都足夠飽之餘味道也不錯，紅蜻蜓餐廳坐位也多，環境比茶餐廳坐的舒適，所以也算我們教會的教堂之一。*********************下午茶餐，星洲炒米粉，凍檸茶 ，凍檸茶茶味較濃和甜，所以感覺一般。星洲炒米粉都幾大碟，雖然材料不算很多，單看色澤，咖哩色也很好看，咖哩味香又不會很辣，炒得都幾夠鑊氣，米粉都幾爽口和乾身，如果2個女仔不大吃都足夠食飽。

相信住開樂富嘅人知道紅蜻蜓嘅前身，即係未裝修之前嘅牛車水餐廳啦一直以黎我都鐘意食佢隻咖喱，於是係Tea Time食佢個咖喱啦~其實個咖喱味道水準都係度，只係太貴 加飯都唔得 連埋杯凍飲下午茶要41蚊可能係領匯重點商場所造成吧...成個商場食肆D野都係偏貴.....不過點鐘意食都好41蚊嘅下午餐我真係接受唔到囉~

之前有办公室的同事推荐说红蜻蜓餐厅的菜式可口，便与朋友一同前往，果然不是很贵，晚市小菜套餐，人均差不多60蚊左右，不收服务费。我们点了一道杂菜煲和炸肉排，非常好吃，卖相也不错~

紅蜻蜓餐廳是我們教會完後的另一個飯堂，因為常去茶餐廳，所以今次轉場來此食午飯，大家也可以坐得舒服一點。蕃茄肉片飯，炒飯底再配上蕃茄汁，好味又開胃，不會太酸或太甜，對沒胃口的人可以食這個飯。肉絲炒烏冬，材料不算很多，而且炒得不夠火喉，烏冬都煮得入味，味道尚算可以。星洲炒米，算是做得不錯，香咖哩味，又不會太辣，米粉又不會腍身，所以每次來都要食這個星洲炒米。

無期望及要求走到入一間餐廳食野,食既係無要求及十分保險既星洲炒米，估唔到廚師既誠意係跌到入地球核心，再溶埋。星米無色，火腿絲係唯一可辦別肉類，外加數條無味肥肉。連地道紅腸都無條！太可惡。菜得䓤段，青椒都無條。我只係好市井咁要求一個值45蚊既星米，佢俾一碟十蚊炒米俾我！咁既貨色午飯時段居然要等位，真係無選擇？請大家切勿再幫佢暴殄天物。備註：我阿媽食班腩飯，細姨食炒烏東，同樣好似患左白化病，痴線

今晚和太太到樂富購物,行經這間餐廳,見海南雞飯套餐只要$118,所以一試.環境,服務和衛生是一般港式茶餐廳,不可太要求.先來兩碗中式湯,只是和暖,重味精,所以只喝了一口.再來海南雞一碟,咖哩牛腩一碗,油菜一碟和兩碗油飯.雞是頭頭尾尾的一碟,好像只有骨和雞皮,剩下一點的肉也很"鞋",醬料只得一個油字.油菜是菜心,好似一堆亂草,很老.咖哩牛腩,牛腩很肥,味道不說也罷.唯一可取是兩碗油飯,不過飯也不熱.最後只清了兩碗飯,埋單$118,都係去九龍城德昌再食過!

今日肚餓去左樂富搵野食啦！見間餐廳個樣唔係太難未入去囉！之後叫左白汁吉烈豬扒飯加杯凍擰水，好快就黎左野飲呀！杯野有大半都係冰，d水勁滿，搞到一整就成枱都係水！都算呀！個飯黎先過份呀！勁小白汁，d伴菜超樣衰，到主菜豬扒呀！好難吃，一d味都無，仲要d炸粉厚過d肉囉！實係番炸再番炸先會無肉汁同無油。

早餐: 雞扒+雞翼烏冬 雞扒普通, 幾細舊, 肉少皮厚 雞翼一隻, 用了香茅粉來醃製, 食得出不是用鮮香茅, 味道假假的, 不太喜歡 附上既白菜仔, 十分恐佈, 葉又爛又黃 最欣賞只有暖暖既牛油餐包