紅茶冰室 (已結業)

成日見到喺門口大排長龍，咁岩星期日早左12:30去到見到無乜人等位即刻衝入去攞位試下餐廳入面都好大好寬敞有大圓枱12人坐都無問題叫左2個午餐午餐價錢好抵食平均5十幾蚊已經有一個餐跟餐湯+飯/意粉+飲品蕃茄豬柳意粉豬柳好入味意粉係幼身既意粉，但太小醬汁，無乜味道忌廉湯芝士焗魚柳飯+奶茶，咖啡好多芝士舖喺面正夠多白汁份量都好大碟魚柳都有2大塊奶茶茶味都好香，無苦澀味加多個菠蘿包外皮好脆可惜麵包唔夠熱同鬆軟

其實呢個呢一間餐廳食飯好幾次都覺得佢啲質素唔錯。重點係佢有好多款式可以選擇有中式西式日式粵式泰式同朋友或者家庭聚會嘅時候大家就可以叫一啲自己鍾意嘅菜式餐廳嘅侍應服務態度還算不錯，上菜速度亦很快甚少有漏單的情況出現。上菜的溫度亦是合格。茶記來說整體還算不錯。不過不要期望每次去到的食物質素也很好試過有一次叫了牛扒餐然後那個牛扒是un到吃不下的猶如沒有食過一樣。不過大家即可去嘗試一下因為平均來說也可以接受。

本身對連鎖式茶餐廳就冇咩好感,但今日就真係改觀,今日行到觀塘工廠區見到有間茶記排晒隊,心諗有冇咁巴閉,米又係茶餐廳,識飛咩,但見咁多人排,點都要排下,一試便知龍與鳳,排隊期間發現原來仲有新鮮麵包出爐,仲要係菠蘿包,平民價,食完個包,終於到我,叫左個蕃茄牛肉,好正,火喉剛好,d汁好餸飯。。可再來

第一次食，味道同價錢同有驚喜，3個人叫咗1個沙嗲牛肉麵拼奄列，丹麥多士同全日早餐，沙嗲牛肉米拼炒蛋首先沙嗲牛肉麵好好食，好香，丹麥多士熱辣辣加上牛油入口即融，十分推薦最後全日早餐好抵食，分量好大，大家可以試下

中午每次經過都大排長龍。真係有咁好食？夜晚來呢間餐廳就相對易搵位，唔使等直接有位。見到晚餐牌上面呢個板燒豬胺，本身$90幾，依家做晚餐套價$68，有嘢飲，真係抵到爆。呢個豬胺夠曬厚肉，香脆得來 都幾Juicy。淋上香濃的蒜蓉洋蔥汁。簡直絕配。幾時蚊咁抵食，真係可以覆桌的餐廳。

餐廳臨近公司，向來多客見稱，茶記來講，地方算大，座位尚算闊落及乾淨，落單又快，食早餐最佳之選！每朝都被其門口玻璃櫃內的新鮮出爐麵包吸引，價錢又大眾化，值得一試！只是今天選擇了堂食！情人節的早上，好啦就叫份D餐～炸菜餐肉雙拼米配茶走，唔該！🙋🏻‍♀️嘩！好浪漫啊！端上的雙併米，午餐肉排到好似心型咁！頓時心花怒放！炸菜爽口及咸度適中，餐肉好味，又是厚切的，實在難得！每個人心中的那杯茶的標準都不一，而我覺得呢杯茶走，茶與奶共存的比例剛好，茶醇奶滑，值得一試

今日放假，係觀塘行下行下，發現有一間茶餐廳，門口好多人排隊，原來間野叫"紅茶"既茶餐廳,咁多人排隊一定有佢原因，咁緊係入去試下，坐值之後，發覺入面好大，開頭仲諗住普通茶餐廳，都係咁上下格局，但依度唔係，環算係闊落，全場滿座，睇一睇餐牌，價錢都算正常價位，難怪咁多人幫襯，一定有佢原因，同埋都就腳，係觀塘地鐵站A2出口出，再沿觀塘道轉去駿業里，行去觀塘熟食街市對面就係，都係5分鐘路程左右，都算幾方便，另外佢仲有甜品，今次太飽，下次再試

嚟到觀塘食個靚早餐先，呢個舖位勁大，裏面環境闊落。雖然平日返工午飯時間超多人排隊，但因為座位都好多，好快都可以被安排到入座。今日星期六早早嚟到當然唔使等位啦。揀咗A餐仿鮑魚絲火腿麵配炒蛋及自家製鮮油餐包，餐包鬆軟牛油香，炒蛋熱辣辣好滑。勁多火腿，麵質爽。B餐招牌沙爹牛肉麵配炒蛋及鮮油厚多士，多士香脆。牛肉夠淋唔韌，香濃沙嗲味，但個湯偏鹹。奶茶錯，唔加糖都好飲，茶濃奶香。埋單畀錢時見到隔離嗰個櫃有芝士蛋糕，賣相也不錯。自家製出爐麵包，大大個菠蘿包，熱辣辣，價錢經濟，值得一試。

紅茶冰室光顧無數次！相信大大話話都二十次！一來裝修企理，桌椅新淨！溫煦燈光，全店朝氣勃勃！二來餐廳食物選擇甚多！中西式都有！不過早餐和午餐及晚餐是這茶餐廳其中一大特色！其午餐由四十多元至五十多！價格也相對實惠！這家餐廳是一個小商場邊的一家餐廳！況且是街舖，地點很旺！每到用餐時段，人氣暢旺，生意興隆！門外總是大排長龍！工作到中午一時左右, 終於到午飯時間正值中午黃金食飯時間，內裡十分擠擁！坐下來快速點了兩份四寶飯午餐！下單後三分鐘湯同飯送上速度挺快捷！湯濃足料的魚湯！雖不像中式魚湯清淡鮮甜！而是味道很重的周打魚湯！加入炒香的洋蔥碎同煙肉碎煮更香甜美味！帶點煙肉的咸香，且每一啖都吃到魚！四寶飯兩大碟用料豐富！有切雞鹹蛋，紅腸和叉燒！半隻咸蛋，唔錯唔太膩！紅腸薄切，中規中矩！叉燒做得都唔錯，多瘦少肥，食落唔嚡！切雞麻麻地, 全部雞胸啲肉唔夠滑既！見到朋友的是脾位，羨慕死我了！飯粒軟綿有飯味！還有兩條青菜伴飯解油膩！套餐的咖啡也很好喝！啡味很濃，奶的份量也很好不落糖是為健康著想！總括是一個快靚正, 不錯的選擇

2019年1月19日，中午在红茶餐厅吃完午餐后，在入口处买了2个芒果千层蛋糕打包回办公室（共64蚊，给了$65蚊还要跟阿姐讲仲未找返$1蚊畀我）。吃边边小许时候发现蛋糕是硬的，越吃越不对劲，连忙切开蛋糕中间看看发现还是硬硬的，真气结，这蛋糕原来已经风干了，以这干硬度来推算至少存放了有两天还没卖出也没扔掉，服务员就故意给我这傻仔打包走。

之前試過午餐，好食。前晚一於試埋晚餐，呢度好多款食物都啱我食，有些選擇困難😅。最後叫咗"西西里鮮茄小元貝意粉"，同埋 "蒲燒原條鰻魚飯"。1.意粉，好食. 意粉煮得剛剛好，不會煮得太淋，同埋用新鮮蕃茄煮到蓉，不會好似一般茶餐廳咁用一pat意粉醬，材料以及份量對我來說剛剛好😊 正常份量，我個人好喜歡這個鮮茄小元貝意粉，味道不會太濃👍2. "鰻魚飯" (跟餐包，湯，飲品) 這個餐是阿仔order, 我冇試到鰻魚，但睇落幾靚心，佢地另外有個汁俾你點，個汁有d芝麻😊餐包說是自家製，我試了一啖非常鬆軟。這個飯是炒飯底，炒飯粒粒分明，好香👍呢個飯有少少沙律菜拌碟.另外，我鐘意觀塘呢間分店既紅茶，因為有我至愛既蛋糕😋同埋麵包。有評語話佢地態度差，我又唔多覺😅 so far, 我去咗2次，2次也唔覺佢地態度有問題😅

係觀塘返工的朋友， 應該都知道係駿業街 到了中午時分，一定會出一條好長嘅人龍。日晒雨淋，風雨不改。 呢條人龍就係排緊紅茶冰室。餐廳有一個哥哥，就不停問你一要幾多位，只要一有枱，佢就會話:「恭喜你，好消息，有位啦！」紅茶冰室午餐選擇不少，常餐，午餐，燒味，焗飯，炒粉麵飯，茶記菜式應有盡有。今日我食燒味五寶飯，大堆頭一，好有份量的！五寶有燒肉，叉燒，咸蛋，油雞同燒鴨。朋友食茶記all day breakfast (即係茶餐)，餐内的丹麥多士跟煎蛋。多士鬆脆煎蛋活潑！燒汁雞扒亦唔錯。雞皮脆雞肉嫩。

我地食左四樣野：午餐：A餐牛扒飯，羅宋湯，凍奶茶一上台就嘩左一聲，因為擺得好靚！但我老公話個飯又硬，牛扒連一般水平都唔得，都冇食晒就放棄左午餐：蜜汁排骨飯，羅宋湯，熱檸水排骨係凍既，有好多焗黑左既位，咬極都超硬，吞唔到囉！個飯又硬得返幾成熱好好後悔食呢兩個餐！甜品：自家製拿破崙嘩！呢個真係嚇死人！上台個樣都吸引既！但真係難食到一個點！個酥皮硬到要用大牙咬！都唔知放左入雪櫃幾多日！個d黃色忌廉，似牙膏味，又唔滑又一夠夠！個水準真係差到一個點！甘既質素的仲話自家製！好難食！仲要三十幾蚊！甜品：雪糕+窩夫嗯！呢個既外形真係驚喜！因為三十幾蚊有四塊窩夫和兩個雪糕球，十分抵食！個窩夫上台仲熱辣辣，加埋草莓醬，好好味！個雪糕一般，因為有好多冰碎係入面！但碟入面仲有Oreo 碎！真係要加分！好味！環境：面積好大好多台！我地一點前黎到，好彩唔洗等位，仲有卡位坐！其他台都較迫，仲要搭台坐！侍應都多，但個個都較忙！急住翻場！總概黎講，午餐價錢係抵食既，五十幾數有飯有湯有野飲！但得下次幫襯機會唔高。。

係間鋪叫左杯檸水，飲飲下先發現隻杯痴住左幾舊凝固左既好立克，沖野飲果個無可能見唔到隻杯未洗乾淨，因為真係好明顯，咁都敢照拿出黎比人飲？另外，食物就正正常常，但係乾淨衛生方面唔該注意下啦。

我分開咗三日試食, 分別係12月24日(4位), 12月28日(8位), 12月31日(3位), 無論幾多位都好都係要等, 有時又會大枱著數啲, 有時又會細枱叫得快啲, 其實都係睇返1230上班一族放飯入座人數而去介定既, 1:20左右去到龍尾已經去到龍X冰室門口啦, 雖然係人龍一條, 但流量都好快既, 起碼會郁先, 門口負責帶位既哥仔就好生鬼啦, 叫位有句口頭嬋, "機會嚟啦, 有冇2位, 係你啦, 你中獎啦!" "有冇一位? 齊人未?入得! " 講到服務質素, 樓面啲阿姐就燥底得多, 聽到有個阿姐同自己啲伙記講, 叫佢諗清楚先好叫嘛, 要飯定意粉, 當時都幾大聲, 幾枱客都必定聽到日式鰻魚粒炒飯 - 賣相不錯, 味道甜甜的, 鰻魚都好新鮮炸菜肉絲妏米 - 米粉超多又厚又高, 不過連同辣椒絲一齊炒, 所以全碟每幾條米粉都會有辣椒絲一齊, 唔食得辣既朋友不要叫三絲炒麵 - 底層炒麵好脆口, 味道不差肉眼扒配薯菜 - 賣相一般, 但味道都唔差既雪芭窩夫 - 必叫既甜品, 一碟窩夫已經等於一份午餐, 因為超飽肚, 特別一推係呢到既窩夫入口好鬆化, 唔似出面既死死實實既感覺, 完全唔可以同出