紅茶冰室 (已結業)

今日天氣熱辣辣🥵，咁梗係叫外賣啦😁。一向都覺得紅茶冰室好正，叫外賣即諗起佢。雖然無得送外賣，但打電話落完order，一落到去就有得拎啦💃🏻都唔使10分鐘，正呀👍🏼！今日我叫咗午餐之一，咖哩牛腩飯，午餐包括有餐湯🍵、飯🍘及餐飲🍹。羅宋湯～味道剛剛好，不太酸👍🏼。咖哩牛腩飯～牛腩好食夠淋又夠多，最正仲有幾嚿牛筋，咖哩汁又夠正🤤。飲品～我叫咗凍檸茶，少甜少冰，完全做到要求👍🏼。

星期一的lunch，通常都係叫外賣😝，仲要今日咁熱，所以決定試吓紅茶冰室，平時見佢入去餐廳食嘢嘅人都好大排長龍，但係都依然咁多人去食，證明有一定嘅水準！👍🏻👍🏻今日叫左夏威夷豬扒，雜菜湯再加杯茶走。見到個飯盒，份量都好足夠，豬扒夠淋，估唔到呢個價錢佢可以比到兩塊豬扒我咁多，估佢唔到。唯一係啲汁唔夠多，啲菜太乾。至於佢個雜菜湯，真係好好飲，下次一定要再叫呢個湯黎飲。見到同事叫咖喱牛腩飯，佢哋話好味，下次我都要試吓。整體來講我都覺得算係好味嘅。

喺觀塘長大既我，經常食儘觀塘各大小食肆，總累積了不少觀塘搵食經驗，好多人都奇怪一間普通既冰室/茶餐廳，為何經常都咁多客人，為何茶記門口都要排隊。平日返工午飯時間更經常出現幾十米的人龍。今次我一行三人早餐時間去，前面排了6，7個人，大概等了5分鐘就有位入座。3人都落單叫了招牌沙爹牛肉麵，招牌不愧是招牌，湯底混合滿沙嗲牛醬，公仔麵充滿沙嗲味，牛肉著得淋入哂味，接近滿分的茶記沙牛麵另外炒蛋多士都極之出色，炒蛋好滑好味，多士好鬆軟。杯凍咖啡都係高水準之作。

好難食。茶餐廳食意粉已經係一件錯誤既事，但係我冇諗過佢個意粉係可以咁難食。好似俾唔夠錢買忌廉咁，乾巴巴。調味有落鹽，的確，不夠唔夠姐。所以咪冇味囉。佢完全係用緊中式既方式煮西式野。我叫錯左中左伏姐。啊，之但係另外一份你鮮茄焗牛脷意粉又幾好喔，正常囉，合理囉，有調味既。杯凍檸茶就幾好，茶記既凍檸茶又點會唔好飲？要讚既話，環境係幾好既，有卡位囉，侍應態度唔錯。同埋開到好夜都有飯食囉，觀塘工業區黎講的話。

紅茶冰室星期六放工後就特別去了一間平日中午會常常看到排很長隊的一間港式茶餐廳食午餐。其實今天都坐得很滿。坐下了便點了個午餐茄汁魚柳蝦球飯，红湯和凍咖啡。只等了一會兒，紅湯去了，緊接是魚柳蝦球飯和凍啡。紅湯是什菜羅宋湯，很多菜但仍然很濃郁加小小的辣味，十分好味和開胃。而個飯，只有一隻小蝦球，但魚柳卻是一大件，能把飯和配菜完全蓋着。鱼柳本身很好味加上茄汁就更可口。竟然吃完了飯仲有魚柳未吃完，未試過。因魚柳不是淡淡的，兩個字，好味。如果多幾隻蝦球就更完美。凍咖啡都很濃郁，很好喝。

星期六晚上在觀塘上堂， 工業區那邊沒有太多晚市的餐廳， 最後我們到了駿業街56號一間叫紅茶的餐廳晚飯。餐廳舖面幾大，座位多。餐廳門口站立了數人等候，店員態度不太友善，明明餐廳內有位也要求客人在門外等候。最後客人都是自己進入店內找位置。晚餐有湯粉麵，炒粉麵飯，焗飯意粉，咖哩飯，鐵板餐等。我和朋友點了兩個餐。首先是poster 推介的日式浦燒原條鰻魚飯套餐($100)套餐配餐湯，餐包和飲品。原條鰻魚非常巨型，非常厚肉。鰻魚燒過，表面塗上燒汁，香噴噴，暖暖的，邊位微微帶脆，口感和味道都很好。鰻魚飯配的是蛋炒飯。雖然只有蛋，但炒飯乾身，味道剛好。燒鰻魚加炒飯非常夾，推介！餐湯選了紅湯，有點濃和有點辣，不愛辣的我只喝了兩口。銀芽肉絲炒麵($52)麵底是幼麵，炸得很脆。上面鋪滿肉絲，銀芽，韮黄，配料頗多，很豐富。但芡汁太厚，感覺有點膩。飲品方面，我和朋友點了熱奶茶和凍奶茶。熱奶茶的茶太濃，奶不夠滑。相反，凍奶茶的茶味不夠濃。飲品不是太好。總結，食物味道不錯，尤其是鰻魚飯。服務不太好，衞生一般，地下不太乾淨，地板有點跣。對鰻魚飯有興趣的可以一試。

同朋友打完war game，超級肚餓想搵地方醫肚。朋友帶咗我哋嚟呢一間紅茶冰室，朋友話：喺紅茶冰室入面，無論你食啲咩，都係一樣咁好食！食完知道呢位朋友所講嘅所言非虛！當日我嗌左一個咖喱雞扒飯，同埋實在太肚餓嘅關係，我嗌左朋友推薦嘅炒蛋配多士。嘩！食落真係令人驚喜！首先咖喱雞扒飯的咖喱味道濃郁，而且雞扒有烹調過，食落多咗一份焦香😋再加埋大大碟嘅白飯，真係一瞬間就被我消滅左！個炒蛋多士亦都係一個絕配，炒蛋非常滑，配埋富有特色嘅丹麥多士，呢一餐真係非常完美！以香港冰室來講，紅茶冰室都絕對係數一數二啦😋

2019年5月19日 在公司完成工作， 跟女朋友就近找了間茶餐廳， 地方很大，位置很多， 由於時間比較夜， 不用搭枱或等位， 平時可是要大排長龍的。 我看餐牌沒有什麼特別想食的， 就點了是日晚餐：板燒鴛鴦扒， 女朋友點了焗咖哩薯仔雞扒飯。 是日晚餐加凍奶茶少冰少甜要$73 點選了羅宋湯， 味道重，沒有稀釋過， 就一般的雜菜湯。 板燒鴛鴦扒配意粉 份量大，無論扒和意少都份量十足， 豬扒醃得不錯，肉質夠鬆軟， 牛仔骨同樣很入味， 亦很腍， 不用怕牛仔骨的筋膜卡到牙縫中， 意粉比較乾硬， 醬汁沒有比較好， 就是很一般。 焗咖哩薯仔雞扒飯 相反這個焗飯就做得不錯 焗得香之餘， 亦不會焗得太乾， 雞扒是用雞腿扒， 肉質嫩滑， 這個焗飯的香和味都做得很好。 凍奶茶少冰少甜 不錯的奶茶，奶和茶調配的不錯  價錢一共是134 性價比一般 不是特別好食，也不是特別貴

喺觀塘工作不經不覺都三四年日日食咁多餐 總累積左少少心得可能初來報到的人會好奇怪點解紅茶成日咁多人，反之龍城的人比較少，最奇怪的點係點解d人寧願曬住排隊都唔多願去龍x因為以前有個女侍應態度十分惡頂（已離職）應該好多人都受過佢的脾氣，所以寧願排隊都唔太想去當然仲有另一個原因就係紅茶大間，坐得舒服d帶位的同事十分盞鬼以前我都幾常去龍X食飯所以兩間的菜式都可以作出少少分析今日先講講我的口袋名單魚湯泡飯紅茶的魚湯咸香濃味，好似用左成粒濃湯寶咁，料都比較多最大分別在於，紅茶用的係翠肉瓜，比較清甜爽口兩者價錢相約不作比較而龍x 用的係勝瓜，湯頭偏淡d, 料少d如果喜歡淡口味d 就推介呢間有機會再講下佢地的咖哩也是非常出色

這間店舖出名人多，食物質素不錯，這個的確事實。已經光臨多次。叫咗個素菜煎蛋咖喱飯，份量0k，但雜菜的款式不多，來來去去都是西蘭花和青椒，本人認為最少也應該有其他顏色例如茄子。但味道是不錯的。不過，服務質素....真的需要提醒各位，如果你嗰日心情唔好千祈唔好來。1. 人齊先有得入是常識吧。2. 離遠就叫你坐邊張枱，聽唔清楚坐錯咗仲俾佢鬧。3. 放低餐湯飛落嚟冇咗一半。問佢攞杯水好似要求咁，低聲下氣。都係果句，如果你嗰日心情唔好真係唔好來。

原本想食沙嗲牛肉麵,但一問,佢話個湯底用味粉開,馬上唔想試,之前見有人話佢地個沙嗲牛肉麵好好食,所以想試,但用味粉開就..........我無食到所以就評唔到味道係點轉買菠蘿包一到手.........菠蘿包太軟........菠蘿包又唔熱..............菠蘿包好似一般麵包店果D..............但一般麵包店又比佢好食..............................無咩賣點........................菠蘿包似食空氣包咁10分滿分味道:3/10香味:5/10樣貌:7/10抵食度:1/10我之後重試了幾間菠蘿包,有興趣可以睇埋我其他店舖的評價

觀塘區茶記冰室中算數一數二非常繁忙的店中午時分總會出現幾十米的人龍這次碰巧是下午茶時段便來了這邊用餐門口有大大個的蛋糕櫃不過老實說從來沒有見過有人點這裡的蛋糕下午茶的選擇還算多基本上人氣商品都可以在這點選到炸雞脾的品質還算不錯雞髀挺大的而且炸得很脆總算有保留到內裡的肉汁紅豆冰也是很大杯的紅豆非常多招牌流心芝士西多士雖然吃得出是非常平價的芝士可是勝在夠熱辣夠足料這樣的價錢實在算是性價比很高而且店內座位尚算舒適如果不是下午那麼多人的話相信也會常常來這邊吃飯

皆因遠處看見車水馬龍 那得湊個熱鬧、八掛一下吧! 有拉車的，有大有小的，一堆堆， 人氣頗高呢全日早餐 ~ 你愛什麽＂點＂吃也可， 反正是今天的首餐，你說早餐也行、午餐也行內容豐富： 吉列魚柳、牛仔腸、黑松露炒蛋、煙火腿 (餐牌上有。。。但現實是不翼而飛。。。偶有出錯，大人有大量）、茄汁豆和香酥丹麥多士。。。整體就是一般，魚柳炸得久了一點午餐 - 蜜椒薯仔一口牛，這個我覺得差一點點，配上意粉，不夠醬汁，有點乾巴巴 門口招牌大大的寫上 >>> 鎮店之寶: 冰火"脆皮"菠籮油，配經典紅豆冰，這又愛又邪惡的傢伙，下次必定要試上!

之茶係太子食過呢間茶餐廳分店，近排發覺佢愈開愈多分店，都有驚佢質素會變左。自從知道觀塘開左之後，每個星期六日都想黎呢度食早餐，因為食過一次之後就覺得好味過其他茶餐廳☺️佢店真係好大，基本上好多人食，但係都唔洗點等位👍🏻價錢都係30零蚊左右，有個麵、蛋同麵包呢個沙爹牛麵，湯底我估係麵的湯粉，連埋估滿沙爹牛醬（食落充滿沙爹味！），好正呀😋差不多係食過最好味的沙爹牛麵👍🏻如果唔想食公仔麵，可以轉通粉哦，雖然無左湯粉底，但係湯都係有味道的！（食得多出面通粉成日都係清水無咩味...) 蛋炒得好靚，唔會太熟或者太生，餐包好好味，我諗係自家焗的。奶茶平時都幾香茶味（可惜今天失手帶點澀😭）

啲侍應態度差，叫佢攞黎野黑口黑面，多次有禮貌地提佢攞野，佢哋應左，但都吾攞，吾發脾氣都吾攞，正一賤骨頭.食物質數亦都差，窩係涷既，一啲都吾熱。垃圾餐廳，自以為是，垃圾中既垃圾。