紅茶冰室

营业中

休息中

假日每次行過都好多人 好奇有幾好食，今日一個人見唔洗等位入去食個早餐叫左招牌沙嗲牛麵加杯凍檸茶，冇凍茶底，同阿姐講咁少少冰就得，黎到杯野依舊係冇少冰，仲要半杯都係冰，自己倒返出黎就算，個人認為沙嗲牛既好食唔係一味濃味就叫好食。。濃到咸又出唔到沙嗲香寧願佢淡好過，就連個炒蛋都咸到食到鹽！咁樣叫招牌。。。講完野食講服務，我一個人坐圓檯用隔板，食食下拎開我隔離個隔板叫其他單人客落黎坐！🤷🏻‍♀️對我而言，一間唔會再食既茶餐廳Blacklist

睇完中醫，又到下午茶時間，經過呢間餐廳，見有好多人排隊，好彩一人前唔使等😀下午茶餐，選擇都唔少豬扒包伴沙律$39冇期望就唔會有失望，仲有驚喜添😄豬扒包除咗有豬扒外，裏面仲夾有生菜同蕃茄，豬扒肉質鬆軟，食唔出有鬆肉粉味，又唔會油淋淋，個包都好軟熟，唔係乾爭爭的👍只係豬扒上的沙律醬比較多，要先減去一部份，豬扒包整體都好好食😋跟包上的沙律唔錯，起碼唔會只得薯仔和甘筍。仲有杯奶茶，入口唔澀都算滑。

諗住平時咁多人排隊見今日少人去試下點知一試發現勁伏🤮🤢叫野食明明叫咗個波蘿油但個侍應阿姐送錯左隔離枱然後隔離枱食左就畀佢原本叫個個波蘿包我之後不但只冇道歉仲自稱自己之前嚟過我地枱屈我同我朋友掛住傾計冇應佢都算啦諗住叫佢換過個新嘅比我但佢直接比舊牛油同刀我叫我自己塞入去正常個波蘿包係熱熱地會令啲牛油融但食落去個包已經凍曬然後另外點嘅沙嗲牛肉麵又難食服務同食物質素咁差真係唔會再去食勸你哋唔想中伏真係唔好去食

已經食過好多次，其實係大圍，紅茶不論價錢、食物、服務，都係我既選擇前幾名既。今日再去食下午茶時段。等三張枱就到我哋，餐廳都好窩心安裝咗部風機係門口等位嘅地方。菠蘿油加紅豆冰，水準之作，抵食之選。👍🏻吉列豬扒配烏冬，烏冬淋淋咁，湯冇咩味。All day breakfast 份量同以往一樣好大，魚柳好大塊，不過炸得有啲過火及粉比較厚。希望今次係少少失準，下次會回復正常。😊

話說今日風和日麗天清氣朗，咁就即刻相約三五良朋去踩單車！都係果句三軍未動糧草先行，一定要醫左肚先！咁住大圍嘅地膽就推薦左食紅茶呢間茶餐廳呢間茶餐廳地理位置非常方便，就喺大圍站嘅斜對面，十分好彩地唔係好駛等位就入到去坐今次當然食返茶餐廳例牌早餐沙嗲牛肉麵啦整體而言，茶餐廳嘅早餐都好難失手多士係熱嘅，炒蛋亦都夠滑，叫做不過不失但當我食落第一啖沙嗲牛肉麵嘅時候，就發現原來呢個沙嗲牛麵並非一般嘅沙嗲牛肉麵，佢個沙嗲真係特別香濃，食落非常之有驚喜，所以如果下次有機會我都會再嚟食多次餐後感：食完之後發覺餐廳已經排晒人龍，好彩早咗過嚟食，餐廳出邊又可以泊到單車，加上幾驚喜嘅沙嗲牛肉麵，各位踩單車嘅朋友不妨一試

食物質素很不錯，服務員大致都有禮貌，選擇又多，當中菠蘿包拚紅豆冰套餐都唔使三十蚊，真係良心之作，全日供應添。常餐、午餐選擇都好多，地方又大，有兩層樓，搵位方便。讚今日叫咗個全日餐，大大塊炸魚柳、黑松露炒蛋、兩條腸仔、兩塊煙肉、一小盆黃豆、半件多士，十分豐富。魚柳都算嫩口、鬆化。價錢都係$5x 包飲品。芝士焗豬扒意粉，豬扒大大件，滿滿嘅芝士，熱辣辣，味道不錯。係大圍有一間咁様既餐廳真係有驚喜，可以重複食幾次都唔悶。

近年來香港的連鎖集團茶餐廳越開越多，第一次於觀塘試到紅茶的晚餐，有水準，怪不得午飯時段經常門外大排長龍。最近開到入嚟大圍，新鮮麵包蛋撻好吸引，今日下午茶時段來到，同樣十分旺場，坐滿食客。思前想後，原本諗住食午餐，特餐都好吸引，火腿奄列，鮮油厚多士，最重要係招牌沙爹牛肉麵，凍奶茶。火腿奄列蛋顏色鮮豔，厚多士入口煙韌唔脆，可能因為凍咗少少；沙爹牛肉麵味道比較濃比較咸，等左陣間先食麵質依然夠爽，牛肉夠淋夠入味；凍奶茶正常發揮。聽到剛剛出爐，忍唔住叫咗個酥皮蛋撻，熱辣辣即刻食好鬼正！

食過幾次，主要食下午茶點解我會食幾次呢，首先排隊幾快，另外間野真係好平，一餐可以40蚊以下而且有野飲，而且野食都算入得下口又飽既，選擇都幾多，唔同其他茶記，有得食下豬扒包，菠蘿油蛋撻咁不過問題都有，就係個服務真係好差，由你坐邊度開始已經會感受到服務有幾劣。有次入門口條友叫我直行轉左再轉左，間餐廳咁大，我轉完2次都仲有好多空位，姐係坐邊呀？最後都要問伙記先知坐邊度，而且有D阿姐真係好惡，你聽唔明一次就好似得罪佢全家咁如果你對服務態度無乜要求既話係幾值得去食下午茶既，不過你要服務既話就真係唔建議了。另外下午茶以外我都唔太建議去，一黎貴到似出面茶記，二黎無乜特色又唔算好食，三黎個服務態度真係好差。大圍茶餐廳其實好多，無乜必要去食Ps：下午茶D野偏熱氣多油，煎炸野多，注重健康既都唔建議食

唔可以錯過既大圍特長人龍餐廳，晚餐扒類，焗飯都好靠得住，輕盈之選有龍躉魚湯飯。未試過沖得咁濃既熱朱古力，少少似熔岩，味道適中，入口感覺好似去咗天堂一樣。😋😋

食物物質係唔錯，幾好食，但服務態度好差。未坐夠一個鐘，飲品都未飲完，個侍應姐姐就走過嚟，大大聲同出面講: 呢張枱就快走。過左一分鐘，佢又過嚟大大聲向出面講: 呢張枱飲埋呢啖就走。。其實佢好聲好氣同我哋講就得。。唔洗專登俾說話人聽。。

成日去大圍踩單車都會經過，成條街幾間餐廳，惟獨呢間見到長期大排長龍 今日終於的起心肝一早去食個招牌沙爹牛肉公仔麵早餐仲有個必食丹麥酥多士沙爹牛肉麵個汁底好濃所以牛肉好入味但依然爽口 仲唔會影響左公仔麵個湯底丹麥酥多士非常鬆脆香口 就算食曬個牛麵先食都仲好好食 唔飲咖啡唔開心既我 都覺得好出色又夠滑 但奶就偏多左食完成個set太飽了 下次3點3再尼食試埋個蛋撻先價錢十分合理 $34 凍飲加$3 依個價錢同質素 性價比高👍

嗰陣同朋友入去大圍踩單車，諗住隨便食啲嘢填包個肚仔先，點知其他餐廳都好多人排隊，我哋就決定咗揀呢一間餐廳🤤因為佢有餐湯飲。我哋等咗五到10分鐘左右就有得安排入座，我哋被安排到上樓上同其他人夾枱！因為疫情嘅關係，所以我同朋友們都分開咗位錯我淨係影到自己嗰個餐點俾你地睇！我就叫咗個午餐A，配左薯菜。一開始覺得個薯菜會係薯條加一啲雜菜，但係當我餐點上到嚟嘅時候發現，佢竟然係用咗一個薯仔，用焗薯嘅方式呈現😻入邊仲用咗好豐富嘅忌廉汁，食落去嘅時候一啲都唔會太over，而且佢焗薯嘅時間控制得啱啱好，個薯仔唔會話淋到爛晒或者係特別難硬。但係相反佢個主角牛扒，就令到我感到好失望。因為佢主導過熟不特止，可能係因為我太黑仔嘅關係，佢上菜嗰個部位竟然係以牛筋為主，搞到成塊牛扒都好難咬！

紅茶係近排覺得比較Hit🔥嘅新興連鎖茶記冰室，限聚令📜關係餐廳營業嘅時間🎛好似日日唔同，日日都要重新適應下，印象中紅茶由上年疫情🦠開始嘅時候就開始聽到，而且起疫情當中係越做越旺嘅感覺✨✨，每次去都要排隊等位，外賣都要等一等🚶🏻‍♂️🚶🏻‍♀️🚶🏻其中一個原因係大大份又保持到水準，好似今次嗌嘅港式傳統🇭🇰🍽<乾炒牛河配凍啡>一上檯就已經有驚喜‼️‼️，好大碟，成碟炒河占個碟好大部份位置，雖然睇相可能無個震撼感❇️❇️，但話你知個碟唔係細細隻裝下午茶餐飽嘅茶底碟，而係酒樓上一例例小炒嘅大碟，份量上都已經好滿足🈵。而且牛肉份量好多🥩，有嫩滑，好味，加埋蔥段芽菜洋蔥等配菜🥦🥬份量，成碟炒河係絕對滿足鍾意去茶記食大大份嘅大家。👍🏻

本身冇食晏就諗住食個普通下午茶醫下肚，鑒於依家防疫條例要等一陣先位入去，入到去餐廳環境乾淨舒服。我哋一行人岩岩好四個，職員就安排左我哋去樓上圓枱到坐。坐低一陣就落單，啲食物就好快送到尼而且係熱辣辣，初初以為下午茶會好細細份點知一尼到就眼前一亮，估唔到份量都幾大份味道又唔錯，食到飽一飽可以頂到夜晚，而我啲朋友則叫左燒鵝飯，我之前都食過一次依間餐廳嘅午餐燒味飯，的確唔錯下次我會再試下其他下午茶同午餐先

平時經過已經成日見到有好多人係門口排隊，今日返工前專登黎試下係咪真係咁正！我地就分別叫左西冷牛扒配德國腸配嫩滑炒蛋+香酥丹麥多士（$43）同埋脆脆魚柳配德國腸配嫩滑炒蛋+香酥丹麥多士（$42）餐上到之後終於明點解咁多人排隊，雖然價錢唔算話好平，但對比起連鎖式餐廳，佢地既性價比更高西冷牛扒唔似其他早餐店一樣咁細塊，佢大塊得黎仲有d厚度，最重要係佢個蒜蓉汁，配上多士，就變成左蒜蓉包既味道（本身食完以為佢塊多士係蒜蓉包，同朋友講完先發現原來蒜蓉味黎來自塊牛扒）愛食蒜蓉包既大家不妨可以試下！脆魚柳同樣份量充足，炸得夠脆，配上沙律醬，正！至於炒蛋方面，非常嫩滑！最為可惜既一部分就係德國腸，如果佢係煎而唔係煮既會更正！