紅茶冰室

营业中

休息中

經過想行入去攞張外買餐牌睇，我又冇阻住你個門口，我攞完正想轉身走，個職員就用呼喝嘅形式叫我出去睇，其實呢，我冇諗過企係你個門口度慢慢睇囉，冇必要咁既態度既，亦唔需要呼喝客人

經常都會去呢間分店買麵包做早餐，今次都一樣去買麵包，順便買多兩個芝士撻但由一開始店員態度已經極度惡劣，因為前面個客搞咗好耐，然後佢問我要咩我明明已經嗌左要咩包，過多幾秒之後就完全當我透明問後面嗰個買咩，已經極度無奈唔緊要啦，咁買完兩個麵包同兩個芝士撻，另一個幫手嘅店員極快將呢四樣嘢塞落一個膠袋度就比我拎走離開唔夠兩步我一望個芝士撻已經炒晒車，我翻舖頭度同佢反映，佢係就話會換俾我，但個態度好惡劣（同埋其實我冇話過一定要換，只係想反映問題）之後嗰個店員仲勁串咁同我講話「今次嗰啲芝士撻唔好放落膠袋啦」我即刻反問佢，好似係你放落去㗎喎一直都有喺紅茶嘅其他分店幫襯佢嘅堂食，但喺大圍分店就只係買麵包外賣，所以都唔知啲staff態度係點, 但幫我啱啱一上OpenRice睇頭幾個都係劣評，得啦明白晒

黎排隊買芝士蛋糕 包點外賣 叫左2個芝士tart 1個菠蘿包 1個叉燒包同埋芝士蛋糕，講完佢係窗口入講幾錢 因為聽唔清楚 問多次請問幾錢，聽唔清楚？阿姐：啤左我一下講 89蚊呀跟住我放左張100蚊係窗口 佢果個位不停有風有冷氣吹出 吹到啲錢前少少阿姐：搞笑 我做到仆x仲要幫你搵錢？其實我都係想買野食姐，做錯左咩？好似啲客欠左你咁 如果唔想做咪唔好開或者唔好做呢份工囉 平時都有買開野 但依家未必去了好唔好食都唔需要貼錢買難受

大圍e間紅茶上次外賣叫咗2件菠蘿油，打開得1件入面有牛油，今日係門市買咗3件菠蘿油，又係有1件係普通菠蘿包，唔知係米佢地慣例黎，每次叫超過1件都混合比客，但收費都係照收貴果個價

黎過幾次， 分別堂食，外賣。流面，收銀， 面包部 ，都接觸過。 對客的員工， 基本上所有對客既員工態度都係劣質。 喝狗咁喝。 每次都諗住下次唔會咁差既，只係個別同事姐。 一個月黎左三次， 基本劑劑都係咁。 今晚呢次之後無第二次。 係出面等外賣，聽咗十分鍾 ， 聽到既就係入面同事 ， 粗口橫飛， 對其他客人都係態度都係差不多。 其實食物質素係唔差， 廚房有比力。 但係出面嗰班就趕客。食個茶記唔洗受氣掛。 食第二區既紅茶好耐從未試過係咁。一星期係 觀塘平均都食5 次以上 從未試過係咁。 請管理層正視

我叫了一個咖哩薯仔雞扒焗飯，香濃多汁，非常惹味。呢個焗飯係炒飯底，溫習非常熱。絕對對得住七十蚊呢個價錢。之後再叫了一個菠蘿包，不是空氣飽，面頭好脆。朋友的茄汁焗豬扒飯也非常美味！令人回味的一餐！

買蛋撻外賣，打包緊時見到幾燶，跟住見到堂食都有人退，個底黑哂。我見到咁話唔要，點知個姐仔好兇咁話已經打咗單，唔可以唔要。我再問轉買其他包得唔得，佢都話唔得。我反問佢唔通成舊炭都要迫我買？最後佢問個高級啲，即刻話冇所謂。以後 blacklist間野，完全係受氣！

今日約咗friend去踩單車順便去食個早餐，咁就打算由大圍踩去大埔嘅，所以就喺大圍到食一間紅茶餐廳，咁就叫咗一個沙嗲牛肉麵，配丹麥數麵包同炒蛋，而另外一個就叫雪菜肉絲米，都係配丹麥酥同炒蛋，咁兩個都飲熱奶茶😆😆先講個熱奶茶先啦，茶味濃郁，配搭埋花奶，濃郁嘅茶味同濃滑。咁個沙嗲牛肉麵，面都幾彈雖然唔係出前一丁，不過都唔差，依個沙嗲都好濃郁😁😁咁丹麥酥都好多層次感，同埋好香牛油味咁炒蛋都好滑另外仲加咗個蛋撻，但個蛋撻好似冇上次好食😂

一嚐紅茶冰室的下午茶叫了炸雞髀餐同埋吉列豬扒烏冬餐聽講紅茶的奶茶算出名，所以凍奶茶同熱奶茶都叫左，比較之下個人認爲凍奶茶比較好飲，相對比較甜同奶味比較重，滑一啲。吉列豬扒湯烏冬塊炸吉列豬扒得出色，很鬆脆，應該係即炸即上，唔係用千年油。烏冬就不過不失，正常水準。炸雞髀配薯皇炸雞髀好重香茅味，所以睇個人鍾唔鍾意食香茅而覺得好唔好食，薯皇不太夠熱。有比茄汁點雞髀同薯皇。最後，口痕叫了兩件蛋撻。熱辣辣，酥皮很鬆脆。

上次本身諗住同個friend去食其他餐廳，但由於嗰間Cafe太full，所以就試吓紅茶餐廳，平時食早餐就未試過食lunch，所以今次試吓🤩🤩估唔到佢午餐都種類繁多😄咁我哋四個人就叫咗三個餐，蝦仁炒蛋，黑椒汁牛扒，同埋芝士豬扒飯，先講個蝦仁炒蛋，都幾滑幾好味😋黑椒牛扒到易入口好有口感，唔會咬唔開😄芝士豬扒飯呢就比較膩，一人食幾啖都厭😂雖然係好食嘅，但真係食唔到一個，好彩係share🤣🤣🤣而蛋撻都幾好食，幾鬆化同埋唔太甜嘢飲方面凍咖啡極力推介真係好好飲

元旦日晚和朋友第一次光顧這食肆。本人點了一客鮮茄焗豬扒飯和熱檸檬水。熱檸檬水上枱後看到杯面的水很多油漬(很噁心)，明顯是清潔問題，於是告知侍應。誰知他反駁是檸檬碎，不想退換，後來死死氣地在很不願意情況下拎走去換了另一杯來。如光顧大家樂快餐店，此情況下無須多講已換了給客人，還會加上一句“對唔住/唔好意思”。嘭一聲鮮茄焗豬扒飯奉上了(因為侍應很大力放上枱)，不作聲頭也不回走開了。鮮茄焗豬扒飯($68不包飲品)是此店之大力推介，吃落後覺得，飯粒一般，豬扒肉質及味道也好不過“大”字頭快餐店，鮮蕃茄2件也沒有(哈哈！)。各位網友光顧此店時請三思！花錢事小！受氣事大！

衛生好一般抹枱時把紅豆抹到哦。薯仔有啲燒燶。真的太好「吃了」！椅子坐得不舒服不建議去吃特別係有疫情時如果你真係好想試就試吓囉記住評價喎我唔知道係咪因為廚師技術有問題令我很傷心失望

門口有位阿姐專是叫人入座，我地是3人，同佢講仲有一位差唔多到，就安排了長卡位(疫情前坐到6人這款) 比我地入座，隔了一陣，依位企門口阿姐走入黎問點解未到，叫我地讓返個位出黎！！！ 我無理會佢，佢又話叫我轉細卡位(4人位)依間舖都好大仲要兩層，是問需要企門口阿姐專登走到最入既長卡位，叫我地讓返個位出黎？？？我真係未試過咁樣比人叫返出黎！如果係咁，到開始就唔好比6人長卡位啦！另外所有冷氣風位都無加板，正正坐長卡位吹到正，問伙記中央無得較，而家好多餐廳都加啦！樓下厠所好似水浸咁，問cashier上面點，話都係濕架喇！真係想知佢地憑咩野，西炒飯/揚洲炒飯都66元，另加錢先有野飲

喺大圍嚟講，紅茶算係環境好，味道尚算穩定的茶餐廳。點解話味道尚算穩定，係因為剛開幕時佢奶茶難飲、沙嗲牛面又有燶味…但近來水準算唔錯，雖然杯奶茶仍未比得上同區太興（以連鎖店嚟計）。紅茶下午茶非常抵食，份量多，而且好味。已經試咗幾次燒味飯，叉燒都好稔，而且比大圍普遍下午茶燒味飯都足料。吉列豬排烏冬都唔錯，豬排係新鮮熱辣上枱，炸粉薄，豬肉有𡁻口。另外推薦出爐酥皮蛋撻，雖然7蚊個唔算平，但幾好味，經常一出爐就賣晒

今日夜晚同女朋友2個人7:25pm入餐廳坐低， 因為我哋喺放工嚟吃飯，所以想要一張櫈放袋，但其中一個男侍應不想我攞走單人位張櫈，話會幫我拎另一張，結果冇影，我要自己去其他枱拎。去到落order， 一個女侍應落單， 但我哋等到7:45pm，同枱幾個人都食完，有個仲走埋，我哋啲飯都未到，去催單，先同我講話幾分鐘有，點知放低張單時，俾我發覺寫住<漏單先上>，但全程啲侍應冇講過，算，我轉外賣，但原來外賣要每個收$2，2個飯就收多$4，又係冇講過。去到拎外賣，終於以為冇事，點知個袋得1個盒，冇野飲，我明明叫2個餐，想點先。結果又要等多5分鐘。最後補充: 我8:10pm先拎到個完整嘅外賣，呢間餐廳只收現金，不過我之後唔會再幫襯，大圍仲有好多好野食，多謝曬。