紅茶冰室

营业中

休息中

成日去大圍踩單車都會經過，成條街幾間餐廳，惟獨呢間見到長期大排長龍 今日終於的起心肝一早去食個招牌沙爹牛肉公仔麵早餐仲有個必食丹麥酥多士沙爹牛肉麵個汁底好濃所以牛肉好入味但依然爽口 仲唔會影響左公仔麵個湯底丹麥酥多士非常鬆脆香口 就算食曬個牛麵先食都仲好好食 唔飲咖啡唔開心既我 都覺得好出色又夠滑 但奶就偏多左食完成個set太飽了 下次3點3再尼食試埋個蛋撻先價錢十分合理 $34 凍飲加$3 依個價錢同質素 性價比高👍

嗰陣同朋友入去大圍踩單車，諗住隨便食啲嘢填包個肚仔先，點知其他餐廳都好多人排隊，我哋就決定咗揀呢一間餐廳🤤因為佢有餐湯飲。我哋等咗五到10分鐘左右就有得安排入座，我哋被安排到上樓上同其他人夾枱！因為疫情嘅關係，所以我同朋友們都分開咗位錯我淨係影到自己嗰個餐點俾你地睇！我就叫咗個午餐A，配左薯菜。一開始覺得個薯菜會係薯條加一啲雜菜，但係當我餐點上到嚟嘅時候發現，佢竟然係用咗一個薯仔，用焗薯嘅方式呈現😻入邊仲用咗好豐富嘅忌廉汁，食落去嘅時候一啲都唔會太over，而且佢焗薯嘅時間控制得啱啱好，個薯仔唔會話淋到爛晒或者係特別難硬。但係相反佢個主角牛扒，就令到我感到好失望。因為佢主導過熟不特止，可能係因為我太黑仔嘅關係，佢上菜嗰個部位竟然係以牛筋為主，搞到成塊牛扒都好難咬！

紅茶係近排覺得比較Hit🔥嘅新興連鎖茶記冰室，限聚令📜關係餐廳營業嘅時間🎛好似日日唔同，日日都要重新適應下，印象中紅茶由上年疫情🦠開始嘅時候就開始聽到，而且起疫情當中係越做越旺嘅感覺✨✨，每次去都要排隊等位，外賣都要等一等🚶🏻‍♂️🚶🏻‍♀️🚶🏻其中一個原因係大大份又保持到水準，好似今次嗌嘅港式傳統🇭🇰🍽<乾炒牛河配凍啡>一上檯就已經有驚喜‼️‼️，好大碟，成碟炒河占個碟好大部份位置，雖然睇相可能無個震撼感❇️❇️，但話你知個碟唔係細細隻裝下午茶餐飽嘅茶底碟，而係酒樓上一例例小炒嘅大碟，份量上都已經好滿足🈵。而且牛肉份量好多🥩，有嫩滑，好味，加埋蔥段芽菜洋蔥等配菜🥦🥬份量，成碟炒河係絕對滿足鍾意去茶記食大大份嘅大家。👍🏻

本身冇食晏就諗住食個普通下午茶醫下肚，鑒於依家防疫條例要等一陣先位入去，入到去餐廳環境乾淨舒服。我哋一行人岩岩好四個，職員就安排左我哋去樓上圓枱到坐。坐低一陣就落單，啲食物就好快送到尼而且係熱辣辣，初初以為下午茶會好細細份點知一尼到就眼前一亮，估唔到份量都幾大份味道又唔錯，食到飽一飽可以頂到夜晚，而我啲朋友則叫左燒鵝飯，我之前都食過一次依間餐廳嘅午餐燒味飯，的確唔錯下次我會再試下其他下午茶同午餐先

平時經過已經成日見到有好多人係門口排隊，今日返工前專登黎試下係咪真係咁正！我地就分別叫左西冷牛扒配德國腸配嫩滑炒蛋+香酥丹麥多士（$43）同埋脆脆魚柳配德國腸配嫩滑炒蛋+香酥丹麥多士（$42）餐上到之後終於明點解咁多人排隊，雖然價錢唔算話好平，但對比起連鎖式餐廳，佢地既性價比更高西冷牛扒唔似其他早餐店一樣咁細塊，佢大塊得黎仲有d厚度，最重要係佢個蒜蓉汁，配上多士，就變成左蒜蓉包既味道（本身食完以為佢塊多士係蒜蓉包，同朋友講完先發現原來蒜蓉味黎來自塊牛扒）愛食蒜蓉包既大家不妨可以試下！脆魚柳同樣份量充足，炸得夠脆，配上沙律醬，正！至於炒蛋方面，非常嫩滑！最為可惜既一部分就係德國腸，如果佢係煎而唔係煮既會更正！

今日去開大圍，見好多人喺紅茶門口排隊，於是又試下係咪真係咁值得多人等等左15MINS 就有位，叫左兩件蛋TART 加一個流心西多士叫待應俾兩杯熱水，佢就HEA 我地俾凍水，於是搵另一位待應同佢講叫佢再俾過杯熱嘅，點知嗰位待應專登將隻手插哂落杯水到，仲話「係喎，真係凍喎」轉身就走左，睇到我地眼都突埋，心諗咩料啊D食物質素SO FAR SO GOOD啦，但服務態度就有好多嘅進步空間囉

📍紅茶（大圍分店）————————————紅茶餐廳既下午茶真係好吸引。今次點左- 招牌流心西多士🧀 $34 罪惡感滿滿，卡路里極高🙈但係真係好食到忍唔到口🙊🙊🙊西多士入面既芝士好足料咬落水啖啖都係芝士既香味$34 包埋熱飲，要試呀各位🙌🏻

今晚0係大圍搵食屋企人話想食星洲炒米我就黎左紅茶呀大圍呢間未食過以前番工就成日幫襯觀塘果間呀點左~星洲粆米個賣相已經唔錯喺面度有少少芝麻食落幾香整體既份量正常女仔就應該夠飽~咖哩魚柳意粉個咖哩汁入邊有兩舊薯仔不過我就無食要一讚個咖哩汁幾香微微辣用黎送飯或者意粉一流呀魚柳有兩大件都算炸得OK唔會好干呀

超多分店既紅茶茶餐廳。朋友推介我試～點左沙嗲牛肉公仔麵餐。$50 有麵包，火腿奄列，沙嗲牛肉麵同野飲凍飲加$3-沙嗲牛肉麵暫時食過咁多間茶餐廳，呢間最岩我口味！湯汁好濃郁，牛肉都好足料。麵質不太軟不太硬，對我黎講係剛剛好😆-至於服務態度方面唔知係咪因為太多客人，服務員態度一般有待改善💪🏼但食物質素係好既🤤

我係一個好鍾意食沙嗲牛肉麵嘅人，這是其中一間我最鍾意食嘅一間，呢間沙嗲牛肉麵早餐永遠沒有令人失望，雖然做到連鎖式嘅數量，但係佢嘅沙嗲牛肉麵仍然保持水準，因為我除咗早餐時間之外，沒有在其他時間光臨，所以唔知道午餐和晚餐的水準如何。今日嘅沙嗲牛肉麵仍然和平常一樣，充滿花生的香味，仲有少少花生碎，唔會只有死鹹味，亦帶有少少沙嗲的獨有香味和五香粉的味道。呢度嘅公仔麵我唔知佢點樣處理，但我相信佢同其他茶餐廳一樣，都係一早準備好，但係佢比我嘅感覺，很像剛剛煮出來的一樣，可能係因為個湯夠熱，使到牛肉麵放在枱上，可以很容易整散個面底。其實個湯夠熱，呢個係基本要求，我試過食過好多茶餐廳嘅湯，只係微溫，完全沒有熱力，就算你個牛肉同埋公仔麵做得幾好都係冇用。上網見到有個沙嗲牛肉麵關注組，佢哋話荔枝角有一間茶餐廳係香港數一數二，嗰間我都有食過，但係嗰間嘅水準唔係咁穩定，有時真係好好味，但有時真係可以平平無奇。呢度嘅炒蛋我自己覺得份量偏細，我只係可以話係中等水平，但係個麵包就好好食，將啲炒蛋放喺麵包上一齊食簡直一絕。呢一間算係有心做嘅茶餐廳，見到佢哋啲同事都好落力做嘢，食物同埋服務水準絕對稱得上達標，希望香港人

勁嬲 頭先坐低咗响卡位，個阿姐都叫我搭枱 仲話「生意難做，幫幫手」。明明勁多吉位無人坐。跟住即走！另一個阿姐即刻叫我坐另一張枱但我都無理 即走宜家乜野時勢， 啲防疫意識差到咁！

強烈不滿大圍分店門口安排座位的所謂侍應,叫左個外賣,侍應企正係收銀走廊,我同佢講佢阻住我外賣俾錢,佢態度極度惡劣反串我話外賣另一邊俾錢,當時連個收銀都愕然,我諗係咪外賣就唔洗俾錢?呢D乜野服務態度?🤬

食午餐🥣有個三蝦炒飯 估左好耐有咩三蝦，點知係蝦片，蝦仁，鮮蝦？🦐🦐🦐塊蝦片真係搞唔掂，一黎無味二黎好油又淋。其餘都係普通炒飯味無咩特別。見到朋有叫左個牛柳扒飯$6x有二塊大大牛扒，都幾大塊。佢個餐幾平

朋友未到，諗住攞位先，再幫朋友order食物，待朋友到可以唔使等就有得食。點知佢要等齊人先可以入（只有兩位），目測是有位的！記得第一次唔係咁，可以攞咗位先，邊食邊等朋友到🤔 唔緊要啦，反正朋友就到突然又叫我入去😂 安排上有點奇怪🤔 最後我都等朋友到一齊入去。佢哋安排我地坐樓上細圓檯，坐下時發覺檯上面係冇隔離板！而坐位相隔好近😣 坐低冇耐，再安排兩位人客同一枱🙏 由於疫情關係我要求坐另一張大圓枱（當時沒人坐的），員工立即拒絕並稱不可能更換座位！態度相當不友善😳 當然我和朋友選擇離開！佢哋餐廳防疫措施好差，唔會再幫襯👎 之前都幫襯過，可能剛剛開業的時候，所有員工態度好好，服務唔錯👍 結論係，而家多左生意，服務差左好多，雖然茶餐廳，但係客人係唔需要受氣的😾 大圍都好多選擇，建議注重防疫措施及服務的人，就唔好去食

本次行過呢一間冰室都大排長龍, 有乜嘢咁特別呢咁巴閉？終於搵左1日閒日, 一早起身去試下佢地個早餐, 窺探一下真相｡因為得我一個人去, 當然要搭台啦要上到二樓同人地坐大圓檯｡ 地方都算乾淨, d姐姐就非常之有效率, 解釋得好急。沙爹牛肉麵湯底濃味嘅, 有少少辣油，係特別嘅但食哂就會覺得偏咸｡最欣賞多士因為喺丹麥多士, 好酥脆唔喺其他茶餐廳可以食得到｡奶茶好濃郁比較少拉大茶味比較重｡36蚊落樓對於一個早餐有點小貴但可以接受,下次要試下佢個酥皮菠蘿包同蛋撻｡不過如果你要我排隊先食到就咪搞我啦……