紅糖

营业中

休息中

✨紅糖金魚餃 賣相精緻 係欖菜鱈魚餃 呢個配搭幾新鮮餃皮偏厚 帶少少煙韌欖菜鱈魚餡 口感嫩滑 味道偏清淡✨魚子金箔帶子餃餃皮厚薄適中 帶子鮮味 蘆筍清甜✨日本大根和牛絲酥餅外層酥皮 層次豐富口感酥脆鬆化蘿蔔絲幼身 味道清甜 和牛冇乜存在感 味道唔錯✨香梨咸水角外層香脆 口感帶軟糯餡料滿滿 味道鹹鹹甜甜 但比起其他點心相對普通✨脆蝦紅米腸粉腸粉皮薄 米網皮夠脆 蝦鮮味彈牙✨兩儀炒方脷方脷起肉炒球 肉質嫩滑 蘆筍菇菌爽脆 調味好惹味魚骨炸得香脆 夠乾身 唔油膩 名符其實連骨都食埋✨楓糖黑豚肉叉燒叉燒厚切 啖啖肉好滿足半肥瘦 肉質結實 口感鬆軟 有咬口味道方面 用上楓糖所以冇咁甜 少左份蜜味 多一份楓糖香 味道唔錯 只係我自己偏好食甜d 但Mr.H就覺得呢個已經夠甜✨金果青檸明蝦球外層有層薄薄起沙嘅鹹蛋黃包住蝦球蝦球每隻都大大隻 鮮味 口感爽脆醬汁味道酸甜 幾醒胃✨脆炸鮮奶紫薯盒蜂巢外層鬆脆 內餡外層 滿滿嘅紫薯蓉 幼滑綿密中間 鮮奶流心 流心程度唔錯整體味道唔太甜 唔好甜嘅可以一試我自己就覺得唔夠甜 但Mr.H話夠甜喎✨奶黃小柑桔外皮軟糯 但略嫌有少少黏餡係傳統奶黃餡 質感偏實 唔夠香滑食

家人響外地返香港，一齊食吓點心，傾吓偈! 我揀咗質素一向好好嘅嘉里酒店紅糖中菜. 呢間嘢日日爆, 要早一兩個禮拜book..首先今日去嘅時候，我哋有5個人, 佢哋好好, 安排咗長枱放一塊板響中間比我哋… 坐落發現枱面有D食物殘餘物資… 😓心一沉! 點解咁樣…. 投訴後, 佢哋快手快腳清理咗, 同埋say 咗sorry… 咁就算… 衞生今次扣D分! 平日好乾淨嘅之後叫嘢食, D嘢食都係同以往一樣好超班! 樣靚味道好..尤其要讚下佢D XO醬, 超香同多蝦米同瑤柱, 好好味!叉燒燒肉拼魚子帶子餃蘿蔔絲酥餅+XO 醬黑松露素菜餃鮑魚燒賣帶子腸梨型咸水角最後想讚下shangrila集團, 佢哋D服務一向好好, D服務員真心好人同有禮貌, 大家食得好開心!

五星級酒店的中菜廳，景靚加上食物出色嘅中菜！出名楓糖黑毛豬叉燒🤤我地今次雙拼燒腩仔，七味椒鹽豆腐好似每次都必叫呢個餸，薄脆嘅外皮包住熱辣辣豆腐！見到山藥浸時菜即叫配莧菜非常好味，欖菜荷葉鹽焗鱈魚塊，淡淡嘅香荷葉味，咸咸嘅欖菜配上鱈魚塊，而且肉質嫩滑仲鎖住肉汁！最後係龍蝦🦞湯泡飯，好味😋雖然話係4位用，但有我地喺度點會食唔哂😂首先裡面有大大舊嘅龍蝦肉，湯非常正！重龍蝦味加上脆米連湯一齊食卜卜脆口感😍yummy

嘉里酒店景色靚就好多人都知🥰而佢入邊嘅中菜廳亦係望住個咁靚嘅海景～不過窗口位就要提早book定啦...京烤片皮鴨 $788片皮鴨有兩道菜，侍應會先喺客人面前即席片皮，餘下嘅肉會整成鴨崧。片皮鴨皮脆卜卜，肉質好嫩，亦無任何羶味。另外亦有好足夠嘅青瓜、京蔥、蜜瓜同山楂提供。只不過整好後薄皮已經凍左，如果保溫方面做好啲就好啦。.鴨崧份量都唔少，炒得超惹味！就咁食有少少咸，但配埋生菜包就岩岩好！真係兩道菜都一樣咁好味.香麻海蜇手撕雞 $148手撕雞唔算好出色，麻油味唔係好夠之餘海蜇亦唔太彈牙。同平時普通中菜廳既唔太同🤭不過可能係食完片皮鴨太飽啦😛😛

香格里拉集團的嘉里酒店擁有無敵海景，今次來到酒店的中菜廳《紅糖》吃飯，坐在窗邊位置看著大海景吃精緻點心，非常寫意😌紅糖金魚餃：美得說不出話來😍金魚造型栩栩如生，還有碧綠的湯汁伴著，造型絕對100分~外皮雖然有點小厚，但連同湯汁一起吃味道卻不錯；餡料用上鱈魚肉配搭欖菜，竟然出奇地match一品燒鵝酥：天鵝造型很精緻，外層酥皮據說有約150摺🤩酥皮鬆脆可口，燒鵝肉充滿油香，必試松露鵝肝海鮮荔茸盒：本日最好吃的點心😋香酥的外層包著芋茸、松露、鵝肝餡料，松露味好香濃，炸芋茸夠綿滑且完全不覺膩！香梨鹹水角：鹹水角金黃色的外皮夠脆而不油膩，入面是滿滿的蝦米、肉碎、菇菌等餡料，呈上時熱辣辣，好吃原隻鮑魚燒賣：每粒燒賣上配一隻鮑魚，鮑魚煮得軟腍，燒賣豬肉肥瘦適中，正👍🏻碧綠帶子腸粉：味道略淡，較為普通甜品拼盤：拼盤有青蘋果菊花凍、奶黃小柑桔和琥珀合桃酥三款甜品；最喜歡青蘋果菊花凍，微酸甜的青蘋果配上清熱的菊花，夏天吃一流😋奶黃小柑桔煙韌的外皮包著香濃的奶黃，甜而不膩；琥珀合桃酥餡料是蓮蓉及朱古力，好特別的口感《紅糖》📍紅磡紅鸞道38號香港嘉里酒店7樓

🌹父親節是我重視的節日，早早預訂了收藏，Kerry Hotel 內的中菜廳《紅糖》，為老公慶祝，他比較喜歡吃中式點心。🌹第一次踏足嘉里酒店，令我驚喜，地方闊落及開揚，比一般酒店算大，搭電梯上餐廳，出電梯後就會見到紅糖鐵閘，入去前我先打卡。預訂時要求窗邊位置，如願可以坐到一個好位置，景觀很不錯，能望到海景。紅糖以紅磚色調為主，每張檯之間距離恰當，感覺舒適，望住海景歎杯茶吃美食，與最愛的人輕鬆渡過父親節。🌹翻看餐牌點食物，叫來7款點心已足夠，每款點心味道很好，賣相造型皆不錯，而服務員💁‍♂️亦很有禮，開心體驗！💕💕冬菇流沙包⭐️⭐️⭐️⭐️冬菇造型精緻，惟內餡不是流沙X.O.醬豉油皇炒腸粉⭐️⭐️⭐️⭐️⭐️豉油配腸粉，惹味香梨咸水角⭐️⭐️⭐️⭐️⭐️造型可愛，香口惹味「紅糖」金魚餃⭐️⭐️⭐️⭐️造型精緻，味道一般雪山和牛餐包⭐️⭐️⭐️⭐️⭐️皮薄餡正日本大根蘿蔔絲酥餅⭐️⭐️⭐️⭐️⭐️造型可愛，充滿蘿蔔香，外皮鬆脆紅糖甜品拼盤⭐️⭐️⭐️⭐️⭐️三款甜品，造型美麗，不甜膩個人評分食物味道⭐️⭐️⭐️⭐️⭐️環境⭐️⭐️⭐️⭐️⭐️衛生⭐️⭐️⭐️⭐️服務⭐️⭐️⭐️⭐️抵食⭐️⭐️⭐️⭐️⭐️回頭率⭐️⭐️⭐️⭐️⭐️

第一次去嘉里酒店，環境好新好靚，無論室內定室外草地或海景都大把打卡位，聽聞佢地啲野食唔錯，今次就先入佢地中菜廳試試佢地嘅點心。紅糖金魚餃～金魚真係造得好精緻，用黎畀小朋友影相真係一流，不過主要都係用黎影相。咬落去個皮有啲厚，亦唔太食得出係咩餡料😅。蛋煎糯米雞～蛋皮煎得好脆口，糯米好軟熟，真正做到外脆內軟，好好味！脆炸鮮奶紫薯盒～齋睇已經覺得好鬆化，完全估唔到咬入去係流心鮮奶，唔會好甜同埋漏，好驚喜！燒鵝酥～天鵝造型好可愛，咬入去又係好鬆化同埋有好juicy嘅燒鵝，必食！XO醬炒蘿蔔糕，XO醬味道既香又濃，蘿蔔糕超軟滑，有種入口即溶嘅感覺。脆蝦紅米腸粉，腸粉好軟糯，加上脆蝦，食落好有層次感，但略嫌唔係好夠味！

上司請食飯，慶功兼聚會影維港夜景靚相，此餐廳位於紅磡碼頭海旁附近的酒店內，五星級的酒店中菜廳，當然有五星級的服務，加上一望無際的維多利亞夜景，未用餐已經令人心曠神怡，一行四人點了六菜一湯，粟米羹的蟹肉份量很多，啖啖蟹肉加粟米陳醋青瓜海蜇頭味道非常清新爽脆，七味椒鹽豆腐炸得外脆內軟，脆軟之間帶點辣非常惹味，龍蝦煎米粉，龍蝦肉質彈牙，醬汁鮮香與煎米粉份外合襯，蝦醬骨鹹香得嚟香脆可口，三杯斑腩炆得入味，整體菜式高質，服務非常細心，整個過程吃得非常愉快和享受，不錯

平時好少食中菜，辛苦左一個星期，就去咗附近嘅嘉里酒店食好西前兩次去都係嗌套餐，今次決定散叫自己鍾意食嘅嘢！楓糖黑豚肉叉燒甚少食中餐嘅我，每次都一定會嗌叉燒！呢個叉燒係用梅頭肉，非常之淋，加上甜甜的楓糖漿，食完一舊又一舊沖繩涼瓜炒和牛脷呢道菜味道正正常常，苦瓜亦都唔係特別太苦，牛脷係薄切去炒梅菜蝦乾蒸茄子又到每次食飯必叫嘅茄子🍆，呢度簡單嘅菜出奇地幾好食，茄子蒸得幾淋，上面嘅梅菜蝦乾亦都唔係好鹹，配搭得啱啱好蝦醬和牛鬆炒飯因為飲得太多酒，突然之間好想食炒飯，其實食唔出有蝦醬味，係一個正正常常嘅炒飯，冇乜特別琥珀合桃酥蛋白杏仁茶甜品是必須的環節！最後叫咗兩個甜品，兩個都係我最鍾意食嘅 正常發揮嘅甜品，兩個都唔係好溜，唔錯整體來講，食物質素正常，未見有驚喜，勝在有海景，成個人都relax晒！服務方面唔錯，都好有禮貌！價錢方面，值唔值就見仁見智，呢餐飯大約$2200，間唔中一餐都可以接受嘅

今日係我地2口子既結婚一週年，第一年食好啲是常識吧今日我地選擇左係我地擺酒既地方-Kerry Hotel 嘉里酒店慶祝我哋嘅第一年嘉里酒店入邊其實都有幾間唔同嘅餐廳今次我哋選擇中菜《紅糖》，通常結婚慶祝大部份人都係食西餐或者日本餐，我哋今次試吓反傳統😅😅 🦐金果青檸明蝦球 $338呢個係我一直都好想試，因為本人好鍾意食蝦，食落去個口感好特別蝦外層有一層既食落去有啲粒粒外表我估嗰層應該係今個青檸嘅汁，口感非常好，好鍾意咬落嗰種感覺，味道啱啱好唔會太過重味，連不嬲唔係好鍾意食蝦嘅老公都話好好味，所以必推🐟欖菜荷葉鹽焗鱈魚球 $368 呢個令我喜出望外，非常之好食個鯉魚連皮厚切，個皮煎得岩岩好，唔會好un唔會咬唔開🤣咬落去仲有少少脆，最緊要係佢啲魚肉可以鎖緊啲肉汁完全唔會好乾，仲要哇有魚香味，其實真係唔簡單，最特別嘅係佢外邊加咗先荷葉同埋潮州欖菜去包鯉魚嘅外層，用已經炒熟既鹽焗熟嘅方法，所以仲有淡淡的荷葉香味仲要唔會太鹹👍🏽👍🏽🥩酥炸和牛面頰 $268食肉獸點可以唔食肉類🙈，因為我哋太鍾意食和牛所以今次都係叫咗和牛系列🙉，和牛出邊包住左一層好脆既表門（但係我就唔知嗰層究竟係咩黎🤪）正常酥炸會

公眾假期加埋家人生日，就約咗一行七人去Kerry Hotel 嘅紅糖Lunch, 環境一流，舒服清靜，同埋講真依家香港唔係好多酒店有近距離嘅海景，因為公眾假期所以佢哋要分兩場，第一場11am至12:30pm, 第二場1:30至3pm, 個人就覺得佢哋硬件好，軟件就有待改善，第一我哋因為帶咗生日蛋糕，就問佢哋可唔可以豁免切餅費$150，因為通常如果你叫甜品，一般酒店都可以豁免，但係當我哋一開始問服務小姐嘅時候，好嘅就係佢好有禮貌，但係佢點都話唔得，到最後我哋要叫佢問吓經理先答啦！轉頭返嚟就話只要我哋叫甜品拼盤就可以豁免切餅費，第二，因為我哋去嘅係第二場，1:30開始，我哋1:31落單，想叫每人一個金魚餃，點知轉個頭返嚟就話：「唔好意思冇晒」😱，講真我就係響網上見到條金魚餃，最想試就係佢，終於講咗好耐先至叫到一隻，所以提提大家有心想試嘅話，可能book枱嘅時候就要order定

上次因工作關係，到過Kerry Hotel渡過三日training，非常愉快，回憶總是最好的，可惜卻一直遲遲未有機會再踏足呢間酒店嘅餐廳。 本身有諗過嚟呢度staycation，其後疫情反覆又太多其他選擇，最後都係無去到，可能我不夠愛這裡，雖然我念念不忘Red sugar嘅景色，當晚training 係呢度free flow 香檳，食住呢間餐廳唔錯嘅小食，望住個海，非常寫意。 因此F小姐約我來到吃午飯嘅時候，我一點猶疑也沒有就答應了。 當然呢個選擇完全冇錯，呢餐可以話係近期吃過最驚喜嘅午餐。 中午12點多，餐廳都非常多人，F小姐預留了非常好嘅海景位，四個人，剛剛好，當中還有很久不見的M小姐，一次瘦過一次，真係又靚又叻。 呢兩位靚女好襯第一個前菜，三個前菜分別係玫瑰水晶南澳洲龍蝦凍，一品燒鵝酥和楓糖黑豚肉叉燒。 點解會襯？你淨係睇過一品燒鵝酥靚到一個點，同同枱食飯兩位靚女一樣搶鏡非常。燒鵝酥吃落去都唔失禮，不過真係要細心欣賞呢件咁靚嘅製成品，用上接近150摺所造成嘅燒鵝酥身軀又鬆脆又可口，入面淡淡都係粗壯嘅燒鵝肉，剩係呢件都值回票價。 還要讚係燒鵝下嘅裝飾品，

位於紅磡Kerry Hotel的「紅糖」，坐擁地利優勢，Free Flow 無敵海景，偶爾有快艇飛馳，把海面畫成一道雪白的足跡。尤其是在陽光充沛的日子，和煦的陽光照入餐廳，有種暖和安逸的感覺。近月午間多數是約朋友食點心，今次亦不例外，而且更有意想不到的驚喜。「玫瑰水晶南澳洲龍蝦凍、 一品燒鵝酥與及楓糖黑豚肉叉燒」先由最清新怡人的果凍起動，酸甜夾雜的味道，令味蕾煥然一新，馥郁的玫瑰花香，使人心曠神怡，咬落毫不死實的質感，我鐘意，內裡是南澳洲龍蝦肉，帶來了爽勁，第一口已經印象難忘。再來是小巧可愛的燒鵝酥，外層酥皮緊密細緻，原來足足有144摺，全都是心機及手功，餡料是燒鵝肉，濃郁味香，真是內外兼備的點心。至於叉燒是用上近年常見的黑豚肉，選用脢頭位，質地鬆軟有肉味，用上楓糖漿更是有點破格，與平日的麥芽糖是多了一份芳香。「紅糖金魚餃」又是一道望見已經不忍下箸的點心，賣相神似得令人咋舌，澄麵粉搓得均勻，柔韌不黏牙，魚鱗在陽光下，發出鱗光，象真度極高，餡料是欖菜及智利鱈魚肉（分別是有炸過及無炸過），魚肉嫩滑可口，又有欖菜的加持，好味到一個點。「羊肚菌雞湯小籠包」相比之前的鹹點，賣相上無疑有點比下

數數手指已經很久沒跟氣質美人F小姐見面，尤記得初相識時已被她曼妙的舞姿吸引著！難得忙透的她這天能抽空會晤我這個*嫻*人真的太開心了！選址在Kerry Hotel Hong Kong久未到訪的紅糖 Hung Tong相聚，一起在美美的海景下享受一頓栩栩如生的點心午餐。甫坐下當然先除掉口罩及消毒雙手，然後安全衛生地為迎接美食作好準備。人齊的時候我們第一套前菜亦已上枱！三款前菜分別是紅糖品味嚐鮮龍蝦美饌中的玫瑰水晶南澳洲龍蝦凍、一品燒鵝酥及楓糖黑豚肉叉燒！第一口先品嚐的當然是這個賣相精緻的玫瑰水晶南澳洲龍蝦凍，像果凍般滑溜的玫瑰水晶完全沒有魚膠粉的感覺，吃下滑溜富口感之餘還勁鮮甜味美，內裏還有的滿滿的鮮甜龍蝦肉，配以酸微微調味將龍蝦的鮮味完全吊了出來，吃罷胃口完全被打開了我可以繼續迎接另外兩款美食嚕！接下來已忍不住將這件閃令令的楓糖黑豚肉叉燒放入嘴巴！材料用上超淋滑的梅頭肉來炮製這個叉燒，另外還加上甜美可人的楓糖漿來調味，那份香甜跟我們吃慣的蜜糖或麥芽糖又別具一番風味。最後才忍心地吃下這件可愛的一品燒鵝酥，這件燒鵝酥顧名思義內裏用的正是油美可口的燒鵝肉，聽聞酥皮足足也以144摺弄成大家想像到