紅粉佳人 (已結業)

同朋友去食lunch, 我叫咗雞扖+薯菜, 朋友叫咗俄羅斯牛+飯, 大家都叫咗白湯, waitress話係青口, 但我地飲個時覺得應該係蜆肉。由餐飽, 湯到主菜都好好味, $50蚊咗右一個lunch雖然唔係話好平, 但以品質來計我地都覺得好唔錯, 連嘢飲都做得好好。美中不足係佢個餐飲唔比加錢轉其他凍既嘢飲, 有啲失望...都值得推介~

Due to a lot of good comments and with the high expectation... well... nothing really special there...Is quite hard to find and the look from outside is not very attractive... inside was dark and very crammed... The service is not so good... i guess they are busy... and the food... again... just normal... i didn't even finish them and didn't want to take out... would i come again... well... to be honest... i don't think so... i mean is NOT bad... just nothing special thats all...

和男友首次光顧,覺得環境唔錯,食物質素OK!先order左兩個set dinner,因為二人餐限死了main course,男人話要食豪dd,所以叫了set dinner,頭盤我要salad佢要湯,main course佢要什扒餐,我要海鮮餐,我怕唔夠飽仲特登跟意粉,我心目中係茄醬意粉,另外有drink同dessert。三文魚沙律最早黎到,幾fresh,不過dressing唔係好夠,男人既海皇湯亦夠濃郁,仲有法包4塊,仲暖的,男人話個sauce超好味,我又未覺得咁誇張!main course黎我真係嚇一跳,大碟到傻,魚蝦蟹+帶子,同碟野搏鬥左好耐,係個蟹大隻得黎唔夠鮮甜,其他都above average,可惜個意粉係齋烚,冇味的,男人o個個main course係什扒,有豬牛羊雞,係牛扒略嫌over done左,其他都好好味。最後落野飲,都普普通通啦。而當日甜品只有pancake揀,其他要加錢,於是我就要番ice cream pancake,男人要banana pancake,我地都覺得ok啦!成餐飯都食得好舒服,美中不足係冷氣機滴番d倒汗水,有d狼狽,查實職員早已提醒我地唔好坐o個個

之前幫襯過呢度兩三次，都係食晚飯，自從第一次來食嘢之後，次次都係食呢度的二人套餐，為的是飲呢度最有名的「泡沫煙三文魚忌廉湯」同吃「三文魚白汁醬伴法包」。今次來到就係晏晝，為的是試試呢度午餐的水準。呢度隨餐附送的b]「三文魚白汁醬伴法包」仍然好吃，包身夠脆，醬汁好味。個餐湯----「雞蓉粟米忌廉湯」----雖然唔係招牌泡沫煙三文魚忌廉湯，味道都唔錯，粟米同雞蓉份量都多，湯也夠濃稠。至於個主菜「燒西冷牛扒配牛肝菌燒汁」，燒汁味道偏濃，牛扒算大件，不過不夠厚身，而且有一點韌，不過問題還不太大，以$50左右的西餐廳午餐來說，這質素的牛扒已算可接受。總的來說，這裡的午餐算係及格啦，不過如果同晚餐比較，雖然晚餐價錢係貴了一大截，我就寧願在晚上才來幫襯了。

今天想去可以慢慢食嘢又可以傾談又可以訂位的地方，所以選擇了這間。食物：-白湯：個侍應話是青口忌廉湯，我和朋友都覺得是有蜆肉及青口，有很多料，每口都可以吃到兩款海鮮。超滿分三文魚醬配法包：個三文魚醬好好食，法包又夠脆。滿分鑊仔牛柳配蘑菇汁跟薯菜：（1）我吃不到與鑊仔有什麼關係（2）牛柳：軟滑，很容易咬（3）薯條：普通，無特別（4）瓜：我不知道是什麼瓜，很爽，很甜（5）汁：好鹹，鹹到我要盡量撥開個汁去食及狂飲水。扣分鑊仔牛柳配蘑菇汁跟飯：朋友叫的。他表示：（1）白飯：好好食（2）汁：好鹹（我見到的朋友好似我一樣狂飲水）凍檸茶：我叫的。普通，無特別（無影相，因為杯飲品一到，便極速飲完）熱咖啡：朋友叫的。普通，無特別（無影相，因為我專注飲我杯飲品）服務：-我們坐於房內，經常要等侍應入來環境：-與其他西餐廳相比較嘈，不方便傾談

同女友久仰呢度大名，終於黎呢度試叫了二人餐前菜三文魚1/4磅幾好味，同壽司店的魚生有dd唔同，有種香味，幾特別麵包外脆內軟，三文魚醬真係好好好正，同女友食唔停口Caesar salad好正，菜好新鮮，足料，dressing好好味，真的很一絲不苟加20幾蚊轉左三文魚湯，泡泡係gimmick多d無乜味，反而係個湯真係好濃好正!!!炸軟穀蟹好得，炸出來香口但不油膩2人餐只有一個main dish，我地叫左煙三文魚意粉，煙三文魚好好味，意粉個sauce好好味，好少食到個sauce creamy得黎又唔會太膩既意粉!甜點是雪糕pancake + cheesecake，pancake皮新鮮整出黎，暖暖地好香，個texture剛剛好，cheesecake幾dense，足料食物真的是爆燈，因我跟女友都是三文魚fans唯一不足的是餐廳比較細，同埋waiter真係好有效率上菜同收碟都超快，感覺有點pushy，難得餐廳咁有情調就唔好久唔久行黎問人食完未啦~一般情侶食2人餐應該唔夠飽的，下次黎會散叫

今日原本係我爸爸生日 開開心心一家五口~食一餐飯一上飲品, 個WAITER好唔小心將成盤飲品倒潟哂落我個身度..(由頭到腳都有)連我媽媽都不幸被D飲品整濕... 我同媽媽對鞋都濕埋 仲要拎水沖乾淨我成件外套同埋條裙全濕... 之後成身都有奶茶味 仲只係可以用紙巾印乾佢就算之後 成身濕哂咁0係冷氣地方度食完尼餐飯 好嬲 最後埋單佢話比個9折.......當算數無事發生...之後講講下話請我食一餐飯(扣一個SET DINNER錢)就當賠償比我 不過收足服務費 我完全係唔想比服務費佢囉 根本就無SERVICE之後食完飯再打去投訴 想佢比返乾洗衫既錢我 因為成套衫都有奶茶漬之後個經理話我最多可以留件衫比佢地洗 佢唔會比我自己拎去乾洗 再拎單CLAM錢我唔信佢會拎去乾洗囉 態度又差 又無誠意道歉 有咩可能會幫我拎D衫去乾洗 之後 我話我宜家身上著住果件都有污漬 係咪你比件衫我著 我除出黎你拎去洗佢話我可以第2日拎返去佢公司比佢地拎去乾洗我話唔得囉 我仲要特登去佢公司 哂車錢哂時間 佢最後都係答我公司規矩係由佢地幫客拎D衫去洗!!之後講講下個經理仲CUT左我線 佢話佢已經交待哂同埋佢已經事後立即幫

之前睇食評, 點解個個都係晚餐先話好浪漫?眼見晚餐都唔平, 所以不如試下 午餐。一點幾,入面個個都係放LUNCH既白領, 雖然要等一等位 ,但都唔駛20分鐘一有位都即刻出黎叫我地, 服務唔差。午餐有2-3個CHOICES, 見到個個都食牛扒我又試下先。三文魚白汁醬伴法包 好特別, 可能未食過D 醬係有三文魚子, 汁又唔算太酸 ! 讚 忌廉菜湯 加左菜油左小小, 不過都足料,唔會太水蒜容牛扒意粉雖然唔係好特別, 不過正常價,3X-4X牛扒已算煎得幾好, 意粉唔會太軟 鮮茄海鮮天使麵($6X)呢個讚 不過呢D係散叫,好足料,C大蝦魷魚食極仲有,鮮茄又有,食到有D茄膏味牙不過環境未去之前, 都未想像到有幾不過D燈暗暗地, WALLPAPER 坐位都好似為情侶而設服務幾好因為我地位果到係房位, 冇咩人經過, 但定時間會有侍應裝下我地有冇人叫野定點如果可以,會試下晚餐 泡沬煙三文魚忌廉湯---- 等我!!

從來沒有一家餐廳的裝修頻率是來得這麼密的!由開業至今這六、七年期間起碼有三次以上,在這區要找一家各方面水準平均的餐廳除了這家外,確實是想不出有任何對手!避開七時晚飯時段的高峯期就算沒有訂位也會較易入座.三文魚白汁醬伴法包----已成為招牌,烘得外脆內軟的法包好吃,三文魚白汁醬味道只此一家!羅宋湯----湯的酸辣度適中,湯料沒有煲至溶溶爛爛,能看到蔬菜的原型亦都軟淋好吃. 三式雜扒----友人揀選了豬、牛及雞扒,配上薯菜份量頗大!各款扒類雖非什麼有名堂的種類,但出來的效果卻比部份自稱專家的做得更好.奇味牛仔骨----習慣了每次來也會點選的食物,一客有三大件,肉質軟淋帶點脂肪,吃起來很甘香(太瘦的牛仔骨基本上和柴皮沒甚分別!)雖到現在也不明白為何叫奇味?但好吃就是!管它叫什麽名字.看著一家初開業初期,出品已有不錯的水準的食店,卻每晚也只得一、兩檯客,(那時一星期也會來三次以上),要派特價優惠券來吸引顧客,到今天晚飯時段不提早作預約也一位難求的現况,對這些有誠意小店的支持者來說,心裡也確實感到高興!

是夜開會,之後同大紅去食嘢.....諗起SHIRLEY住呢頭,便立即打電話約佢.原來佢都係附近食緊野...仲同另外阿J & F 小姐一齊.我地去度個陣,佢地其實已經食完,係度傾計....間舖頭係食西廳,情調幾好....打開廳牌,價錢唔平...係我心目中,可能以前食花園餐廳 ..定扒王都係幾十蚊可以落樓,而呢度套餐,一打開最平那一份也要85元...有D想縮沙....哈...算啦...就豪一次啦.大紅選咗 ...豬扒配意粉...大紅切咗一嚿比我食...嘩...好食呀...一食落口....軟錦錦既感覺,有肉汁...正大紅選白湯...話裡頭有蜆肉定螺肉,真材實料....而我選了一個海鮮飯...海鮮飯裡頭有魷魚,蝦,魚,青口...又係好好味而我選既羅宋湯...又係好好飲,非一般茶餐廳可以比.甜品...兩粒酒心既雪米糍...食落口好涷呀...不過又係好好味....還有一杯餐飲....88元 再加一 97元...這個價錢吃到這樣美味的食物,是物有所值了.

今日一條冷１２點幾去食午餐明明望過去有10張8張空檯居然話無位（唔係＂比人訂晒＂，而係＂無位＂）唔知係咪嫌我一條冷，幫襯得少？結果去左隔離茶餐廳雖然一條冷，都有卡位坐估唔到比錢食飯都會咁香港地，真係人情冷暖

昨晚同班FD去吃飯, 以投票的方式投中左呢間以前未食過的餐廳, 本來只不過係大家都想試下D新野,地點都幾就腳 先唸住試呢間, 因為其他目標餐廳都係舊愛囉~ 但係意外地 又多左間可以NG的地方~!!昨晚雨下得好大, 我地7點半到左, 因為人未齊, 幾個女仔就係傾下8下啦, 呢家好多餐廳都會計你時, 要你1個半2個HRS 就要你走, 但係呢間佳人~ 我地坐左10-20分鐘先叫野 (傾計不知時日過....嘿....)一D都冇吹我地快D, 又冇Waiter 追我地點餐~ 比5*good la!!!!!! 因為傾得太開心唔記得 影相>_<.....so 大家睇下文字啦!!! 我地叫左4人餐+2個泡沬煙三文魚忌廉湯+外加一客豬仔肶三文魚刺身--- 有10件左右 !~比7分!!有賣相+好味凱撒沙律-- 因為有5個人, so同個waitress講要4變1, 點知個waitress 好好~仲同我地講一碟放唔曬, 要分2碟!!((大大碟!!) +個汁好好味, 有8分!!!三文魚白汁醬伴法包--法包上既時候溫溫地~外脆內軟~唔係好法國but係香港人喜歡的口味!!!個醬呢一d都唔油~ 淡淡地~

同朋友共四個人去食左個四人套餐三文魚刺身1/4磅 – 幾新鮮餐湯 – 好好味,湯味濃&足料凱撒沙律 - D醬汁好味三文魚醬伴法包 - D醬味道真係一流,法包外脆內軟( 不過4個人比得7片包& 1碟醬...唔夠分LOR~同店員要求拿多1碟醬, 佢地話因為明天裝修,所以已賣晒所有包&醬,真係可惜呀 ><")炸軟殼蟹 - 我覺得味道一般而已燒豬仔脾 - 多汁,甜甜地, 味道幾好炒雜菇 -味道okPancake & 雪糕 - 無咩特別...不過味道都ok0既我們四個人不停係度傾計,但服務都好好,價錢不算貴, 是有水準的餐廳.

二人三味：1) 泡沬煙三文魚忌廉湯 ($4x)招牌湯, 唔試下點得？真係好得意, cuppacino一樣的湯, 好香, 用來醮麵包一絕 !!2) 三文魚二重奏(鮮/煙)配清酒白汁菠菜麵清酒味食唔出, 但三文魚兩食唔錯, 烟三文魚新鮮, 煎三文魚香脆, 唔錯 !3) 芝士焗海鮮飯芝士只少少在面, 但海鮮算多, 用石頭鍋上, keep住熱, 呢個抵食, 夠份量, 但有點膩滯呢...ps) 座位雖有點迫, 但暗暗地, 情調唔錯但又因人多, waiter會有意無意催賣單哩

好似第3次食了前菜刺身好新鮮，鮮甜心型蘇盒內有田螺, 整得幾靚餐湯+三文魚白汁醬伴法包泡沫南瓜蝦肉湯龍蝦湯(有Ｄ苦澀味)(飲完個湯已經有Ｄ飽)主菜鵝肝拼牛柳, 鵝肝煎得香口，Ｄ牛"鞋"左Ｄ(再飽D)煙三文魚白汁篇意粉,好味，食左少少，可惜都食唔落了，男友都話飽甜品雪糕新地(兩粒朱古力雪米糍)朱古力梳夫里,燕窩蛋白pudding，又靚又好味食過幾次，菜式其實跟平時差不多，只係擺得情人節左！最後每台都有份禮物仔祝大家情人節快樂，新年快樂！