紅磡雞蛋仔

营业中

休息中

食完時新....順便走來再食個薄餅~$6/塊奶油薄餅~真係好抵死~仲要即叫即整的~~而且佢地落好重料~薄餅仲好香蛋味~仲有條隊有時好長, 不過有D人買雞旦仔, 有D人買薄餅~有時要聽清楚老闆會叫「排雞旦仔行前」因為有時前面D人唔係排雞旦仔, 老闆一整起就會叫~所以唔好掛住傾計, 或者篤手機~XD

專程去食甜奶油甜班戟，因為依家唔係好多地方有得食，所以知道有得食就走去試，造型同兒時嘅一樣，但味道就……本身已經煎好一大堆，阿姐好快手塗上牛油、花生醬同煉奶到手時唔太熱，食落好散嘅感覺，無咩味！連花生醬都無咩味，都幾失望！係未搵到另一間比佢好食嘅時候，都可以一試！

成日看食評寫得甘好, d 相又甘靓, 今日就滿心歡喜專程來紅磡試下呢度的美食 ~ 十二點三已到 , 遠望仲未開門 ...... 只好到已預計會去的什麼開倉行一轉先 行左一個鐘就番去睇下 ... 因為已肚餓 ... 那時人不算多, 一兩個左右 ... 叫左個芝麻雞蛋仔 ... 之後個男人又走左去買野 .... (後尾番來拿住幾盒飯)個女人又問我要咩 ... 我話我要個芝麻雞蛋仔~ 誰不知又唔記得落芝麻 .... 吓唔緊要, 反正一場來到 , 我等得 ... 好野係要等既 , 我順便講要脆 d 喎 ~之後個男人返來攪番 ... 想打開 ... 我又講一次我想要脆 d ... 果時既然等了, 當然要個最 perfect 的 ... 結果有得食 ... 又未拍照 ... 好向前行看看有否地方坐前面不多遠有個細公園仔 ... 有櫈坐 ... 咬了一口 ..... 有芝麻味既 ... 都幾甜既 ... 但係唔似雞蛋仔囉 ~點解 ! 無蛋味你同我講係雞蛋仔 ... 唔係化 !脆一般, 厚都唔算 , 一味甜 ... 我就真係覺得差過我近來食太子臭豆腐果間囉 .....可苦要走甘遠食 d ... 唔合格

紅磡區一向不乏美食 近年亦開左好多間甜品鋪 競爭自然大增但區內小賣店既競爭同樣激烈! 只要係openrice扒一扒食評就會知道有兩三間雞蛋仔店大受好評~最出名既有長期人龍店'mummy' 而第二間就係呢間坐落於大沽街既不起眼陳年小店店名既然以區為名 相信對自己一定好有信心 今日決定試一試是妳是龍是鳳!!!!去到見個MENU都有好多種唔同既組合 由於琴日先食左一低雞蛋仔 唔相連食兩日因此今日食左況一名物~格仔餅原味既格仔餅賣9蚊 比起'mummy'平 芝麻味賣11蚊 朱古力味好似賣13蚊 anyway~都係平過呀'mummy'今次食左芝麻格仔餅($11)老闆即叫即正~前後用左2分鐘左右餡料有牛油,花生醬,砂糖當然重有黑白芝麻啦見老闆係咁落係咁落 睇到都流哂口水 好似啲料唔洗錢咁 正係呢點未食都已經要加佢分啦拎上手 暖粒粒的但唔係辣手 因為老闆係正好之後放左佢一陣 等佢唔會太熱咬一口 夠脆又夠熱 好正加上入邊既混醬同芝麻就如之前所說 真係多左一口都有大家可以睇睇圖~食完我覺得好滿足 因為價錢比起同區名店平 最緊要食物品質又差唔多喎~又冇咁多人排隊喎 唔洗等10分鐘先有得食!(對唔住呀老闆X

繼幾日前初嘗媽咪雞蛋仔嘅滋味，今日再試另一間出名嘅紅磡雞蛋仔同樣都係朱古力雞蛋仔，我鐘意呢一間多D首先，甜度大幅減少，冇媽咪嘅咁漏仲有，朱古力味好香濃，又有蛋香味，相較之下媽咪嘅朱古力味唔多夠雖然紅磡雞蛋仔加咗價，朱古力味由$10加到$12，但係點都平過$15一底嘅媽咪啦!不過紅磡雞蛋仔叔叔真係會不斷問你"係咪好好食?" "網上食評係咪個個都讚?"之類嘅問題，有D尷尬下次試下蛋白肉鬆咸班戟先

坊間真正好食的雞蛋仔買少見少，呢間係真正有心又好食的雞蛋仔！雞蛋仔外脆內軟，相比坊間得個雞蛋穀，呢間真正有料到。本人喜愛朱古力，老闆非常自豪自己的朱古力雞蛋仔，用吉伯利朱古力粉開（高成本啊），無色素，所以出品只是淡啡色，但食落都係外脆內軟，仲有朱古力味，正！格仔餅亦可以做到外脆內軟，出面真係食唔到呀！有心人真係要支持下！

由於媽咪雞蛋仔價錢貴, 故一試食評甚佳的紅碪雞蛋仔, 午飯時到小店, 只有數名家長買雞蛋仔给孩子吃, 他們是街坊, 因為健談的老闆與家長們談天, 當時人客不多, 老闆只用一台機製造雞蛋仔, 繁忙時間會用足兩台機器. 芝麻雞蛋仔 ($10)製作期間, 我兩與老闆聊天, 分享下尖沙咀及元朗的失望雞蛋仔經驗, 老闆自信地說他的雞蛋仔是脆口的, 便發功把製造雞蛋仔的發熱器雙手拿起來搖動數次, 使蛋泥漿平均分佈於每格雞蛋仔模具內, 後來把散熱中的雞蛋仔給一粒給我們試, 果然老闆有料到, 待整底雞蛋仔放進紙袋後, 每粒也没有像一般小店的變至稔身, 真的保持脆口, 還有小許香味來自混入蛋漿芝麻.原味格仔餅 ($9)這是老闆熱烈推介的, 鬆脆的蛋香外皮, 內藏半融的牛油及花生醬,咬下便有豐富的甜味, 奇怪有小許花生粒在口中, 原來是老闆送的小禮物.小蛋漿雞蛋仔 ($9)女友特別要求老闆做的, 因她想試低密度雞蛋仔, 只見老闆二話不說再次發功, 味道跟原味没有大分別, 但我兩再吃此底不至過飽.如此好味抵食的小食店, 足以令我繼續支持.

i love their chocolate 雞蛋仔 very much which was just ten,and most importantly it was not too sweet but having a very strong taste of chocolate.therefore i revisited them for two $5 pancake,so that was just same price as i buy one 雞蛋仔.they used the same spoon for four ingredients put in the pancake,which i thought this would affect the hygiene,as the whole day,so hot the weather now,oh my goodness,and the pancake was not having any crispy texture like 雞蛋仔,so cheaper price was really turning to a w

味道：very goodnot too sweetfull of egg tastesoft and moist, taste better than simple chocolate sponge cakecrispy outer layer but too little crispy totally環境：shop size was good worclean too服務：very goodlike to chat with customerwhen the first making was failed that up and down part was not stick together,they ask if i will pay half price to have it,but i wanted a new one with full price衛生：bad because they use same knife for butter, sugar, condensed milk and peanut butter,this was why i didn't order

每次路過如果見不太多人, 先會ORDER因這鋪的位置在一條好窄的街旁, 不太方便!! 好彩只有兩個人在等候, 我就ORDER 了朱古力雞蛋仔, 因此味是即叫即做, 所以要等約5MIN., 個老細有點怪因佢會好大聲問D客好唔好味及脆唔脆,加上又唔笑感覺好似威嚇人, 通常如果係第一次都會比佢嚇"親"!好好味不會太DRY, 及過脆KEY POINT 係10蚊就食到朱古力, 我相信係最平的一間!

自從雞蛋仔伯伯事件發生後，我就周圍搵傳說中ｏ既實心雞蛋仔，最後終於俾我係屋企附近搵到啦！有原味同朱古力味，仲可以加芝麻同花生，而且朱古力味仲係直接係蛋漿加朱古力粉，整出ｏ黎成底都係朱古力色，食落外脆內軟，好有朱古力味，最重要係好抵食！朱古力味雞蛋仔都係十蚊咋！一般係其他地方食原味雞蛋仔都要啦！另外仲有格仔餅同多款班戟，班戟食到蛋香，好鬆好軟！芒果班戟仲係用新鮮芒果添！後來同老闆傾開，先知道原來佢已經係紅磡做左廿八年，好多街坊都係由細食到大，老闆同我媽仲係識左好耐ｏ既街坊添！

有日同經理食完飯經過,其實我食過好多次,但知經理鐘意食呢D小食,特登帶佢黎食朱古力雞蛋仔同朱古力夾餅(加醬)即叫即整,以前我一向都係食蛋白肉鬆,但食過朱古力夾餅之後真係次次都想食返朱古力老細係用吉百利朱古力粉開漿的~真係好少見,食落真係好濃朱古力味,熱熱既夾餅再加上朱古力醬溶到滴出黎,感覺好朱古力!!!!真係推介我真係向出面食唔到/未食過老細個度仲有日文MENU,原來係有住港日本人食過好食之後特登為老細整一個日文MENU方便其他日本人ORDER(呢區好多日本人居住的)之後有次我向旺角街食過一次夾餅,但原全唔係個回事了...根本出面個D夾餅好實~本身餅底無味,無蛋味,無蛋香,靠D 糖 馬支 花生醬 黎帶起個味雞蛋仔得個死甜味再加上此家雞蛋仔一D都唔貴,唔似北X雞蛋仔賣$15蚊一底,真係癡線

聽聞紅磡雞蛋仔已久，但因為一直唔識路未有機會試下；今日食完晏返去的途中見到門口既吹氣雞蛋仔，突然好想食甜品，誤打誤撞竟然給撞進了紅磡雞蛋仔一店。紅磡雞蛋仔的店面不大，好容易走漏眼。寶其利街同大沽街既路口往入看有一個吹氣的雞蛋仔，嗰度就係紅磡雞蛋仔啦！如果你想食有廿八年歷史既正宗港式小食，咁就一定要去試下紅磡雞蛋仔。佢個menu比其他賣雞蛋仔同格仔餅既舖頭多選擇。雞蛋仔格仔餅有原味同朱古力味之外，另有原味加花生，加芝麻，朱古力味加芝麻，而格仔餅仲可以加肉鬆。不過，好吸引既係佢既班戟，有甜有咸，有得加雜果芒果香蕉粟米肉鬆花生等，所以有選擇困難症的我完全陷入困境！不過，都係因為咁多左好多同老闆傾計既時間，值得一提既係在這段時間伯伯完全冇停過手。老闆原來係潮州人同太太開呢間舖，已經做左廿八年。可以做咁耐既原因，老闆話係佢地用料好，麵粉餡料佢地一直都只會用最好的，雞蛋仔唔洗用風機吹都可以好脆。而且佢的粉漿係自己多年研究出來的比例，所以世界其他地方都唔會食到這個味道。喺老闆的＂工作站＂前有一份日文寫的menu，原來係一個日本遊客喺食完這裡的雞蛋仔後幫老闆翻譯架，想比其他日本人都食到呢個港式味道。伯

之前食過$5 ge 混醬pancake~覺得幾好食!睇開openrice先知呢間野都幾出名!尋日同fd放工去食~我食雜果香蕉~佢食雜果mango~2件都係新鮮整熱辣辣~d雜果好好食呀!因為近公司~會再去食埋其他款=]

每次經過都忍唔住要買黎食，因為每次買親，無論當時係有人排緊隊定係無人，買返黎o既pancake都一定係熱辣辣，新鮮香軟，而且d醬又唔會吝嗇，食過一定翻尋味！！推推推！