紅煮意

营业中

休息中

上完畫畫堂，近近地就約好一起食晚餐。 我地孖寶好耐都冇一起食晚餐了，可以聊天。未入到食店，已經有一個大大的Menu放在店外，吸引我地入去了。POST IT 留言，好好留下要說的話，讓大家慢慢地留下腳步，心神領會了。突然間，回眸一望，好有日本小店的感覺。晚上9點左右，仍然有很多食客，可以暢所欲言，有時候，想好好地說話，都沒有時間。價錢合理、食物又好味道，一見到這樣豐富的餐點，不二次選，食左先想食咩，就睇Menu 慢慢點，好多選擇。🍽️忌廉湯 ：好滑好飲，多點磨菇更加美好。🍽️黑松露湯 ：黑松露味濃，好飲。🍽️肉丸長通粉 ：平時喜歡食意大利麵條，今晚就食個長通粉，口感很實在，又滿足，配上蕃茄煮的紅椒及肉丸，免疫力增加，又健康……蕃茄有抗氧化，有茄紅素；紅椒有排毒、抗癌、預防心血管疾病、美顏、護眼、促進新陳代謝、造血、使胎兒正常發育；肉丸肉質多汁又補血。 食得健康，健康之選。🍽️煙三文魚沙律：三文魚配上沙律加上意大利醋，開胃又好食。🍽️瑞士雞翼🍽️野草莓沙冰 ：冰凍又解渴……好好飲，夏天之選……cheers 🥂

✋🏿☝🏿黃金週，當然要去黃店課下金，支持下🤑越式香蔥醬油雞扒飯 $58>賣相靚仔>雞扒皮脆，肉滑有肉汁，無雪味>飯少少硬>香蔥醬油出奇地不油，好香，少少甜，鹹味適中，好味>配菜好鮮甜==================推介指數 🌕🌕🌕🌖🌑慢煮濃香蕃茄薯仔牛腩 $65>個樣似中學食嘅螢光汁碟頭飯>牛腩好腍，但有一兩粒好似煲湯豬肉咁實，醬汁蕃茄鮮味幾出>薯仔有薯味>意粉軟硬適中>配菜好鮮甜==================推介指數 🌕🌕🌕🌖🌑除咗兩個餐外，我地仲跟餐order咗脆炸雞中翼 $18 (跟餐) ，雞翼炸得乾身脆卜卜，有肉汁，出色，好味👍🏿👅👅 依度逢星期六晚仲有live band 🎶，揾晚要再嚟支持下先💪🏿 毋忘五一

收工黎到油麻地，知道有呢間幾舒服嘅cafe，而且都幾抵食。我今晚黎到出面滂沱大雨，老闆娘即刻比個袋我裝住把遮，又比熱水我，好好人。今晚揀左西冷，有8oz，啱曬我呢個食肉獸，有得陪意粉、飯、薯蓉，我就揀左意粉。黎到比我想像中大份！平時可能一個main只有一塊牛，宜家係牛加意粉，感覺好似巨人餐～牛扒揀左5成熟、控制得幾好，依然鮮嫩，保存到肉汁，加上本身配嘅汁，好夠味。而我最鍾意Tabasco，呢度每枱有有一支，加落意粉好正。本身跟餐有沙律或湯，我就揀左沙律。清新爽脆。餐飲揀左熱檸茶。一場黎到想試埋甜品。呢度居然有Crepe Cake，當然要試。份量頗大，仲有雪糕添，建議2個人share。本身綠茶味清清地，配嘅罐頭雜果就比較重味，容易蓋過綠茶味，所以食左個蛋糕先會比較好。呢度固定有音樂表演，而且裝修都富帶音樂主題。坐落又幾舒服架。

本身都有玩音樂既我，成日都見到身邊既音樂朋友係喱度表演，但一直都未有機會過黎食嘢，今日正好同朋友路經油麻地，靈機一觸就走左上去支持下！喱間餐廳每個星期六7:30pm 都會有Live Music, 可惜，因為疫情關係，已經暫時了，真可惜！見到周圍既牆掛滿了樂器，電視播著音樂人的表演片段，聽著本地音樂，充滿了本土音樂文化的氣息！我同朋友分別點了兩份dinner set, 分別是周打忌廉湯，鱸魚及羊扒配薯菜加餐飲。周打忌廉湯口感都ok羊扒有酥咪，都幾厚身，啖啖肉。鱸魚好香口，外脆內軟。最喜歡是薯餅，好似麥當奴薯餅既味道！好好味！另外，值得一讚係醬汁，好creamy,味道一流！至於餐飲，我特地叫了特濃朱古力特飲，前所未有咁多Cream!! 正呀！同店主閒聊左幾句，都明白現在疫情令很多音樂表演者都失業了！同行既我當然深明苦況！各位音樂人要加油！撐住！💪🏼💪🏼

今日黎到油麻地舊區做少少野，附近唔多野食，經過呢間紅煮意見餓餓地就上黎醫下肚先❗️❗️先黎餐湯同餐包，餐湯係蘑菇湯，好飲👍🏻👍🏻海鹽深海鱸魚柳配黑松露忌廉汁 $80佢有個選擇要飯、意粉定薯菜，今次我就簡左薯菜講番個主食先，海鱸魚好大條，好鮮甜，外皮炸得好香脆，配合埋個黑松露汁好正🥰🥰😋😋個薯蓉撈埋汁食一流，吸曬所有味😋😋香草法式燒原隻鴨胸配維也納腸 香菇黑椒汁 $62係第二度唔多機會食到成隻既鴨胸，大大啖，香草味好香，好食😋😋值得推薦👍🏻👍🏻👍🏻👍🏻

餐廳：紅煮意 (油麻地)地址：油麻地新填地街151號俊逸豪園1樓B座(後座入口/油麻地警署斜對面)其實香港真係好需要更多有基督元素嘅餐廳🙏，可以比人係食飯果陣有啲洗滌心靈嘅時間，而油麻地俊逸豪園1樓呢間紅煮意嘅老闆夫妻檔都係基督徒☺️，親自落場經營，除左食到好食嘅食物仲打造左一間比人感受到人間溫暖嘅cafe紅煮意除左係一間基督徒餐廳，仲有另外兩個身份，一係黃店🎗，二係支持本土文化嘅餐廳🇭🇰，佢地定期會有本地樂隊黎表演🎸，不過呢排疫情關係就停左喇我點左個期間限定嘅炭燒法國羊西冷扒配薄荷、燒汁及薯菜($138)，7成熟嘅羊西冷放置係燒汁海上面，輕輕倚靠住薯蓉山🗻，有啲比薩斜塔嘅感覺😂。西冷羊扒肉質鮮嫩🥩，輕輕滲出嘅肉汁連埋燒汁一齊食就夠哂豐富，仲可以蘸埋薄荷汁黎食🌱，格外清新黎cafe緊係唔少得叫杯咖啡☕️啦，叫左個我最愛嘅意大利黑朱古力咖啡($48)，黑朱古力嘅苦同咖啡嘅甘撞埋一齊都幾吸引😋，面頭仲有cream，令咖啡變得更香甜老闆娘仲好Nice好好傾😆，下次一於帶埋班基督徒上黎一齊吹下水先

黎到油麻地，梗係要幫襯下黃店～呢度好早已經要度體溫，確保冇人發燒先可以用餐～～ 店員話仲有liveband 可以聽住歌食野，schedule睇番佢地個社交平台就知～不過受疫情影響都可能未必有住～我地叫左兩個set分別係burger同牛扒～餐湯就係磨菇湯！ 好香濃磨菇味！認真唔錯～Burger配上薯條，薯條夠哂熱熱辣辣，一上枱唔好急住食如果唔係會辣親～burger夠哂大份同件肉都好Juicy! 牛扒叫左西冷7成燒，勁juicy! 勁有牛味！ 超正！配埋Mustard 都唔會蓋住左牛既香味！ 飲品叫左特濃朱古力，好香朱古力味～～仲有好多cream係面，夠哂邪惡！甜甜品叫左Blueberry cheesecake 同埋桃味雪芭，蛋糕夠哂cheesy 雪芭勁特別，用成個桃黎整！呢餐以甜品作結實在係Perfect!

係openrice搵到呢間餐廳但地點其實有夠難搵跟據地址圍住幢大廈兜左個圈先知，因為入口唔係正面係警署同麥記中間果面先係入口番茄紅菜頭湯意外發現原來都係一種唔錯既配搭因為配左紅菜頭之後湯有番茄味但唔會好酸因為中和左反而有點甜甜地既味道普通法包，就咁食有d乾但用黎點湯就冇咩問題香草燒法式紐西蘭羊仔架一般餐廳都是2塊羊架呢度有3塊感覺cp值都幾高雖然冇問要幾成熟7成熟剛剛好易切又唔會過火因為有鹽同胡椒調味唔點燒汁會更加好食燒汁會搶左羊架既味道佢唔會話好大陣羊騷味如果都係膽心有騷味可以試下配埋薄荷醬燒雞扒拼烤菇雞扒普通但依然鎖住肉汁菇反而好食d即使烤完之後都仲Juicy 因為驚唔夠食所以叫多左個椒鹽薯條上碟果陣真係俾佢嚇親雖然40幾蚊但勁大兜熱辣辣炸起好好食薯條係實心有薯仔肉唔係只得粉同皮既薯條

這陣子都累，沒有甚麼心情去食飯。這晚和他來到油麻地吃飯，希望把納悶的心情稍為轉移一下。行了一層頗長樓梯後，一站到門口，先是連儂牆，另一邊是文化資訊。內裡不大，平日夜晚人流算不錯。煙三文魚沙律，$68，份量還可以，算是新鮮。瑞士雞翼，$50，這個抵食，汁都夠入味，剛食時真是燙口。還有一款小食是青口，$78，味道算不錯，青口亦鮮。叫了一個餐，軟殼蟹意粉，$108，有趣的是軟殼蟹形狀，味道可以，意粉煮得不錯，汁亦收得剛好。加了$12，要了這杯升級朱古力，偶然一次很爽，味道很濃，是我想要的。服務還可；餐廳播放音樂，也不錯。

好耐無去樓上餐廳，要支持一下小店。係駿發花園呢度，舊油麻地警署斜對面有棟樓，行一層長長樓梯上，有種舊式風味嘅書店。門口貼住好多posters，原來每個月星期六有本地音樂表演，依家疫情下無咩機會俾佢哋唱歌分享，呢間小店俾左一個空間佢哋。周圍都見到主菜算多選擇，另外加小小就可以轉成餐，有餐湯或沙律，包同飲品。家人要左湯，佢話幾好味我就要左沙律，正常，係新鮮。家人要左海鹽燒魚扒，114元（跟餐），要左薯蓉，魚都幾大條，好多肉，煎得唔錯，有啲味，但又唔話咸。係餐牌上見到呢個，北京填鴨炒意粉，100元（跟餐），好似好特別咁。鴨肉幾好，幾入味，小小辣，幾香口，意粉係煮得均勻。環境唔算，播住耳熟能詳嘅廣東歌，突然好想唱k。同店長傾左兩句，知道佢都好支持本地音樂，即使呢度地方唔大，希望都俾佢地空間去唱好音樂。

以前喺附近做嘢，搵到呢間隱世西餐，同同事去食都好唔錯，只係嗰時油煙勁大，搞到想再去食，同事又唔肯再去。不過事隔三年再嚟懷緬吓，發覺煙霧不再瀰漫，環境好好多，唔知食物質素點呢？餐包似乎進步咗，外脆內軟剛剛好蕃茄忌廉湯好好飲，兩者相得益彰，稠結度又係剛好開頭以為佢冇乜汁，有啲擔心，原來啲汁喺晒底度，咁就唔會晾乾，等食嘅時候撈勻佢，超級juicy羊架通常伏味濃，好難煮得好，但佢火候掌握得非常之好，嫩口到不得了是日指定果汁係熱情果夜晚仲有特備節目，呢晚就有大律師同大家講吓法律意見，幾有心

今日出開去油麻地 想搵啲特別野食下 上app一睇就見到呢間黃色小店 上到去門口就貼滿曬香港人字條💪🏽入到去係一個開放式廚房 所以食完野行出去好自然聞到身上面有陣野食味😳餐廳仲有banner寫話每星期都有一日會有live show😻(唔記得星期六/日）咁岩我唔係當日去 所以預唔到🥺講到野食我覺得好食而且都算底食👍🏽.-肉眼牛扒- 🌟牛扒煎得岩岩好 腍腍的唔嚡唔韌 牛味突出.-燒豬仔骨-有三塊豬叻條 切開一條條約有12條 肉質軟腍 燒汁味道融入左係豬仔

這是一家非常支持本土音樂的餐廳在周末還有樂隊現場表演相信氣氛一定很不錯今次是我和女友第一次來美國安格斯烤菇漢堡超巨型的漢堡，必須要用刀切才食得到不然都食得幾狼狽中間塊牛肉超juicy!! 厚肉得黎又唔會un配埋塊芝士口感同味覺都是100分！！薯條勁香脆！點蕃茄醬食一流！海鹽燒是日精選海洋魚扒及配菜喜歡吃健康一點的一定要叫這個我建議配上薯仔或是意粉會夾味一點魚味道淡淡的，皮脆肉嫩配上這個醬汁清淡得來又幾有魚味

位於油麻地既一個不顯眼的閣樓上的餐廳主打是cafe類型的感覺剛巧去光顧的那一天沒有live band有點可惜，不過好在食物很高質，令我有下一次再來的想法！menu上的菜式大多在一百元左右價錢在晚市來說不算特別貴我點了這個燒美國雞扒拼有機大烤菇西班牙蕃茄汁及配菜即點即製的所以等了大約15分鐘才上枱首先是餐湯，今次的餐湯是忌廉湯，很香濃，不會淡如水的口感餐包脆脆的，沒有變淋，質素不錯雞扒超大的一塊，可以自選飯/意粉/薯仔雞扒外脆內軟，口感不俗

😷雖然近排疫情緊張，少左出門，但係飯都係要食，黃店都係要支持嘅，今日就黎到油麻地嘅紅煮意~ 一到門口連儂牆非常吸晴，門口仲有中國旅客，恕不招待嘅告示，未食都覺得安心又放心 😎😎 咁有良心梗係要支持下啦💪🏻店內環境不算大，但係充滿唔同嘅樂器，聽聞逢星期六晚7:30 仲會有Live Band ，裝潢都感受到音樂情懷☺️ 不過因為疫情，之前我地去食時就暫時停左，有點可惜，不過安全為上👍🏻👍🏻野食方面選擇同一般cafe 差唔多，我地就揀左香橙汁燒美國雞扒配燒菠蘿意粉 同 法式砵酒煮鴨肉飯~Lunch set 會跟餐湯，面包同野飲都幾抵食😯香橙汁燒美國雞扒食落有d似西檸雞嘅感覺，酸甜味岩岩好，超開胃😝 不過配意粉好似唔太夾，食完最後好多汁😂 叫飯應該唔錯😂😂法式砵酒煮鴨肉飯就比較有驚喜，鴨肉煮到非常入味，仲肉汁鮮嫩，可能因為佢砌成粒，口感都非常唔錯，有咬心之餘又唔會太靭，值得一試😋😋👍🏻呢到仲有board game玩，岩晒同朋友來一邊享受音樂，一邊聚會吹水 (不過記得帶返😷)