紅煮意

营业中

休息中

今次來到油麻地的紅煮意食晚餐，經朋友介紹得知這裡有私房菜吃。由於我和朋友都大愛海鮮，所以交給老闆兼大廚輝哥幫我們安排新鮮的海鮮。首先是頭盤，火腿不會太咸，而且份量適中，剛好能開一開胃😬之前便是海鮮登場的時候，生蠔完全不腥，入口順滑且飽滿！至於酷愛帶子的我，簡直是一口接一口！芝士焗大啡菇，這個最佳配搭我相信不用多說。香煎鵝肝配多士，份量大小適中，油香味充足，平時食鵝肝最怕太肥太滯，這次剛好過到口癮。看似平凡的瑞士汁雞翼，但是食落有驚喜，瑞士汁不會過甜，而家完全入味，兩個字—好食！忌廉汁煮青口，青口size略細，如用上大青口，口感會更佳。終於到了主菜的時刻😬我平時好少食羊架，因為都怕有羊的味道，今次淺嚐了少少，是還可以接受的程度。香辣龍蝦意粉，龍蝦肉彈牙，配上香辣的醬汁，更顯惹味！意粉也煮得剛好，口感十分不錯，我和朋友都大讚！甜品是藍莓芝士蛋糕配杏仁雪糕作為一個完美的句號😌這次西餐私房菜的經驗十分滿意，因為大廚會好有心地觀察我們的用餐進度，不會一下子上菜，確保食物都可以熱辣辣新鮮送上。而且會事先問我們的budget再安排時令食材，所以份量和種類都調較得很好！👍🏻我們還留意到餐廳在星期六晚上

黎到油麻地呢間紅煮野cafe，一去到店門口就知到一陣黃氣，而且一d狗除都無，食野都安落d，心情都好d。門口見到咁多手足既打氣字句，真係心裏唔少感動。環境方面，有落地大玻璃，望去街景，呢排咁岩毛毛細雨，係到飲下咖啡，食下野，慢慢hea下chill下，都真係幾唔錯。而且呢度都有唔少board game玩，一班朋友上黎就岩曬，係呢個咁緊張既畫社會下，難得既輕鬆一下。食物方面，叫左個牛扒7成熟，食落有少少難咬，不過牛味都唔差，薯蓉配芥辣，本人就十分之鐘意，幾唔錯。Burger夠曬大份，burger做得就比牛扒出色，包皮夠乾身脆口，食落好新鮮Juicy。飲品叫左特濃比利時朱古力，Coco含量好高，好夠濃，朱古力味重身甜品方面，40幾食到咁既甜品，收曬貨，同出面甜品舖果d有得揮。

之前一直都搜尋緊社區有冇一啲小餐廳 今次嚟到油麻地嘅紅煮意 睇下佢有冇為我地帶嚟驚喜雖然地點唔算起眼 但係絕對唔難搵 經過屋苑好快都見到入口。店內裝修乾淨俐落 有紅色嘅牆 加上橙色嘅燈光 感覺都幾溫暖。先飲咗佢哋嘅餐湯 今日嘅餐湯係蘑菇忌廉湯，飲得出有好多蘑菇新鮮咁樣打成，湯底都好濃郁，加上香脆嘅牛油包，都幾唔錯然後我哋叫咗七成熟嘅肉眼扒，配上薯蓉。餐廳上菜速度都好快，牛扒都幾大塊，食落去牛肉味都幾重，配上薯蓉同埋醬汁，百幾蚊嘅價錢真係好抵。跟住我哋叫咗一個香草三文魚長通粉，調味上面會好濃味，所以食想去新鮮感都幾重。長通粉方面我都會推薦蕃蕃茄肉醬肉丸長通粉。香濃嘅蕃茄味，加上大大粒嘅肉丸，分量唔算好多，可以講係啱啱好。最後食埋呢一個豬仔骨，薯條嘅話都係正常發揮，豬仔骨煎得好香脆，而且都幾多肉，唔會剩係得條骨冇咩肉，簡單咁樣配上茄汁醬，同酥脆既肉都好夾

宵夜已經係在家工作的必須品。其實講緊嘅宵夜係晚上九點。都市人可能在這個時段係晚餐，所以大家觀點與角度不同，只需換位思考罷了。好明顯這里以年輕人為主，所以不用有周全的服務，大家當自己屋企咁，每張枱面有玻璃樽裝水和玻璃杯，同行友人坐下來翻閱餐牌的時候，同行伙伴便為友人湛水，或者獨行者就自斟自樂。餐牌主要分一頁兩面，詳細排列，任君選擇。黑松露忌廉湯＄38這個湯配有一塊法包，先暖下個胃先。煙三文魚沙律配蜜糖芥末醬＄68煙三文魚隨意放在沙律菜上已經颜色鮮艷，吸引眼球。黑糖瑞士汁雞翼＄58雞翼用黑糖瑞士汁煮成，所以有少少甜甜地。晚餐另加＄5元升級了飲品，熱檸蜜一杯。檸檬真夠多的，有三大塊厚切的，解除了成晚食物中的油貳感。

油麻地有間幾有特色嘅樓上cafe😎位置響油麻地百老匯電影中心附近☺️雖然係隱藏，但唔算太難搵🙈平民價錢，食材優質，性價比高👍每逢星期六下午7:30🕢更有駐場Live Music🎼可以一邊進餐，一邊欣賞音樂😇炭燒紐西蘭西冷牛扒·燒汁·芥末及配菜🥩$127 (套餐)叫咗五成熟😎牛扒有8至10安士重😛炭燒令到表面有脆口感覺😋食落肉質鮮嫩，牛味濃郁🐮配埋意粉一齊食，十分滿足🍝套餐跟埋餐湯同法式烤包😋飲品就叫咗杯熱咖啡☕️黑糖瑞士汁雞翼(6隻)😋$50瑞士汁雞翼真係好食😛雞翼醃得好入味😝黑糖味道又夠突出😉一咬落去，輕鬆骨肉分離😇絕對係必食之選👍紅煮意 (油麻地)油麻地新填地街151號俊逸豪園1樓B座(後座入口)

店內環境很有風格，很喜歡關於音樂的裝飾價錢比想像中便宜而且食物質素不錯。每一份主食是配有沙律菜，感覺十分健康，沙律也很新鮮，蒜蓉包也很脆，蒜蓉味是偏淡。炸魚和薯餅十分出色

拖左好耐冇出嘅食評店舖：紅煮意餐廳位置：隱閉但易揾好耐冇去了~發現佢地都算幾黃，有連儂牆及其他poster等有見到佢地有做過義唱及罷工等第一次食左個下午茶日式雞肉丼飯，又驚喜之餘仲好好味，夠熱及d汁包住了雞肉，好(野)味~真心覺得佢地應該改做招牌菜佢地嘅雞肉實在係太好味了又唔乾可能係我食過最好食嘅雞飯我自己大力推介$38仲有飲品媽咪食左個牛腩意粉都唔錯好啱佢嘅口味，但意粉淋D更好不過對我黎講呢餐嘅主角係雞丼所以對其他野已經無咩記憶……好少寫食評,但真係忍唔住要讚下

話說今日係同女朋友拍拖週年日黎咁上次黎油麻地睇戲都諗住食呢間但冇book位 所以冇位 冇得食咁今次我係訂咗座先黎嘅但係間嘢好似包場咁已經冇客啦成個場都冇人呀我地任坐呀見餐牌都幾多嘢揀但我地其實都揀好鋸扒架喇頭盤沙律冇沖乾淨食到最後先發現碗低有啲唔希望食嘢見到嘅嘢 唔黑色嘅不過唔知打呢句嘢出黎openrice會唔會唔批我呢篇食評但我係有拍片影底嘅佢有話換過碗沙律 但我話唔駛喇 都係同一批沙律菜黎嘅啫餐湯蒜蓉包我幾鐘意食蒜蓉包叫咗兩碟一碟係肉眼黎 另一碟都唔記得係咪都係肉眼扒啦講真嘅 有啲比沙律影響到食慾嘅但我食呢塊扒都覺得ok嘅其實都整得唔錯肉質鬆 易咬 肉汁唔多但味道覺得都唔錯嘅最後我都係覺得沙律個到係一件不可接受嘅嘢啲扒我覺得唔錯 價錢都合理

餐廳位於油麻地電影中心附近，樓上鋪，見到門口寫住憑即日戲飛票尾可免費獲贈小食一客，不過今次去冇睇戲，下次可以睇完戲食呢間。入到去感覺好cozy, 睇落有啲逼，不過所有座位都空間十足，仲有梳化位，坐係到會覺得好舒服，唔太逼。星期一至日都有dinner set, 價錢由幾十到百幾，包餐湯/沙律，包，同飲品（仲可以揀是日果汁）。今次食左個西冷排(約120hkd)同羊排(約160 hkd)。餐廳格局係open kitchen, 不過都唔會話好大油煙。見到淨係得1個廚師，但上菜進度都ok, 主菜一到，食落有驚喜，牛排食落去係鬆脆，冇諗過咁好食，友人食羊都覺得好味，話似佢係英國食果陣味。夜晚星期六有live band唱歌，我星期日去果晚都有，都幾好聽。適合同朋友聚會嘅餐廳。

知道紅煮意在油蔴地開業了很多年，餐廳和位置比較低調，都沒有特別去留意。今次決定要試一試這裡的晚餐，可以網上訂位，當天餐廳也會打電話來confirm booking。要到達餐廳要走一條筆直的樓梯。由於今次跟婆婆去食，不想她走得太辛苦，就預先打電話詢問。原來是可以搭升降機上一樓的餐廳，老人家或者行動不便人士要來用餐也沒有問題；只是要先跟住宅管理處溝通和在另一個出入口進入，但也是方便的。餐廳地方不算很大，是開放式的廚房，也看得到有部份位置擺放了一些音樂器材，星期六晚上有live band。餐牌上的食物款式都有不少，欣賞這裡的餐牌設計很彈性，可以讓客人選擇套餐或者單點。我點了套餐，可選餐湯或沙律，我則選了前者番茄牛肉湯，配有多士一片。湯的質地和味道比較稀一點，不過飲到有牛肉味；多士烘的香脆。幸運地，我的碗了有一件牛肉，另一碗就沒有了。為了讓婆婆容易咬，幫她點了是日精選的比目魚扒，配薯菜，也就是薯蓉。比目魚煎得香脆，鎖著肉汁在裡面，肉質也很軟滑。薯蓉裡面加了忌廉，質地也很滑。我點了雞扒拼有機大烤菇配意粉。首先份量有點迷你，看樣子我都不清楚我是否能夠吃得飽🤔雞扒比較細塊，表面煎得少許香脆，配以番茄

已是第二次光顧紅煮意，兩次都是到電影中心睇戲前醫肚。門口頗為隱蔽，要上一條長樓梯，不易搵。今次是食lunch，黎到時坐滿8成，不過都不用等位。叫了一份炭燒紐西蘭西冷牛扒，配薯菜(薯菜為薯蓉)，跟湯、蒜蓉包及餐飲，共$98。蒜蓉包香脆好味。這個價位的牛扒當然不能有太高要求，但其實質素是不錯的，火喉剛好，外面煎得香口，不會過熟或韌口，肉味也不錯，性價比是頗高。薯蓉上次來，依希記得質素也是不錯，可見餐廳水準甚為平穩。

因為發生左d開心野 要食下好野 慶祝下！！e間野環境有好多結他同有音樂相關架野！比人感覺到好悠閒！！ 感覺好舒服！！叫左7成熟架炭燒紐西蘭西冷牛扒 跟意粉跟餐有一片法國麵包 同餐湯 加錢轉左杯比利時特濃朱古力 包就唔得 唔熱 又唔夠牛油 湯就普通 蘑菇粟米湯 有進步空間 牛扒7成熟 唔過熟 但唔夠炭燒架焦 可以加強 燒汁味道都ok! 意粉有口感唔錯有咬口 唔係淋果隻！！但唔夠熱.....（其實好多西餐我食都覺得唔夠熱）杯朱古力真係好正加錢轉都抵！上面一層厚厚架 忌廉張杯野飲加強左 順滑 朱古力味都極濃！！！

前排見到呢間樓上舖既介紹，咁啱今個星期既lunch menu幾吸引，就黎嘆返個lunch。黎到既時候已經坐左9成滿，估唔到咁受歡迎我叫左香煎雞扒拼吉列炸蝦(日式咖喱汁)，再加左個藍莓芝士餅。MenuMenu香煎雞扒拼吉列炸蝦(日式咖喱汁)。雞扒煎得香脆，雞肉幾滑，吉列炸蝦超脆，蝦肉彈牙，炸粉好薄。咖喱汁略嫌少左d，唔係好夠撈飯，不過幾香幾好食。藍莓芝士餅。超正芝士味濃，但係唔會膩，紅色既應該係士多啤梨醬，好fresh。芝士餅幾滑，而且都幾大舊，抵食！舖頭環境唔錯，雖然今日lunch好多人，員工做到踢哂腳，但係都有禮貌，而且見到食客食完都幾快收走隻碟。上菜速度都幾快，野食高質，非常唔錯

Happy firday 係附近睇完電影再搵間樓上cafe坐下。 呢間係樓上舖，好彩朋友熟呢頭，先有咁好推介。好有文青氣息樓底好高好舒服，仲有大量樂器裝飾。係電視仲見到假日會有live band餐牌款式多，重點價錢唔貴。我地一行二人，叫左一個set+意粉+特飲，埋單$286Set有餐湯+包+main同橙汁磨菇湯好濃，飲得出唔係生粉開既。蒜蓉包香脆，好味！主食叫左7成熟肉眼。煮得岩岩好，外面煎得香口，咬口又夠軟，有牛味，呢個價錢係抵食既。另外個醬汁都好配合，帶出牛既鮮味。軟殼蟹黑松露意粉，軟殼蟹新鮮炸起，好香口，連殼一齊食好有咬口，但又唔會有咋。意粉偏硬身，合我心意，松露味都好濃。見到menu就知一定要試呢杯！雖然甜左少少，但好香開心果味同埋有我最愛既花生醬，推薦！最後仲發現咁得意既杯墊係一間值得支持既小店！

不知不覺間已經過咗兩個星期，同朋友喺駿發花園附近睇完戲之後，想食西餐，行行吓入咗去呢間餐廳。打開隻門嘅時候見到呢間鋪頭係有主題嘅，以音樂夾Band為主題。定期會有表演，出show, 我叫咗炭燒法國羊西冷扒套餐，加咗幾蚊叫咗杯比利時特濃朱古力。先講個羊先，味道唔錯，望落去好厚身，但一啲都吾鞋，好容易切落去，食嘅時候加左少少配汁，吾算穌，肉質有口感，一個字正。個杯嘢飲飲落去有陣陣朱古力味，貨真價實，好濃烈，一路同朋友傾計，一路飲，爽。重點係價錢一啲都唔貴，比起出邊餐廳嘅扒類真係平好多！佢哋有好多唔同嘅音樂歌手會去鋪頭表演，一路聽live music一路食飯，交流下，都好寫意，好難得香港仍有支持音樂嘅小店！Support ~