紅橋餐廳

营业中

休息中

前幾日去咗紅橋食飯，發現咗個好好食嘅炒飯！佢個每日精選隔兩日就會變一變，咁啱嗰日嘅每日精選又唔係好啱我食，所以我就叫咗佢Menu入邊其他嘅意粉同埋飯。依個蟹子煙三文魚海蝦蛋白炒飯超好食！佢蟹子勁多滿瀉，個飯炒得幾有鑊氣，啲三文魚都唔少，佢仲有啲菇，真係好豐富！平時我唔係好鍾意食炒飯，但係呢個炒飯出奇地好味，會想再嚟食。呢個意大利鮮茄茸海蝦蜆肉意粉都唔錯。佢有啲蘆筍，啲海鮮都幾多，個意粉唔酸，但食到濃濃嘅蕃茄味。係佢每日精選揀唔到想食嘅嘢，不妨喺佢Menu揀下嘢食，會有驚喜！

最近放假多左，有時間可以係閒日食下午茶！呢次就同屋企人黎左呢間餐廳食下午茶，其實之前都有同朋友黎過食晚餐，但呢次食下午茶竟然比我見到佢價錢雖然平，但質素真係唔錯啵!咁當日我就叫左個手打牛肉burger 配薯角！上枱時已經見到個賣相都好吸引，包皮有查左牛油到煎一煎，成個包都係熱辣辣，牛肉都係剛剛煎起。切開佢之後可以睇到切面都係好吸引，牛肉熱辣辣得黎好多汁，加埋生菜芝士蕃茄大啖食，好滿足！再加埋熱辣辣脆脆炸薯角，我都幾肯定佢即叫即炸..因為真係熱到我第一啖吐番出黎！總結黎講，下次食下午茶我都會再想食多次，呢個set加埋野飲先至係44蚊..隨時仲平過m記呢！完！

行街行到攰攰地，同朋友坐低食個tea，吹下水。下午茶既款式都幾多，我就揀左個紅豆雪米磁流心吐司。+紅豆雪米磁流心吐司+一口西多士上枱個下仲以為係朋友既一口西多士，因為冇諗過吐司係炸左既西多士樣。上面仲淋左好多煉奶同朱古力漿，omg...so heavy。吐司係3塊麵包夾住紅豆同一粒仲凍既雪米磁，外面熱入面凍，配紅豆都幾match。如果啲醬可以比客人自己落會好啲，再加埋三塊麵包既吐司 ，真係好有份量既下午茶。P.S 份量真係多，一個女仔絕對食唔哂一個餐

經朋友介紹 第一次到呢間餐廳下午茶時段 除左可以簡午餐外 有個「悠閒茶聚」係一個幾好既選擇-20個選擇 簡左個吞拿魚他他醬牛角包配薯角大型薯角非常香口 熱辣辣又唔會太燶太乾身配上蜜糖漿 甜甜地 食落好開心😃牛角包size較大且脆 包面有一塊半溶既芝士 內裡有蕃茄生菜 他他醬吞拿魚 因為醬料都充足 所以食落唔會好乾身 整體好夾👍🏻天氣熱辣辣 配上一杯紅豆冰（+$8）就更爽個杯外型幾特別 但量就比其他餐廳為少（因為容量太少啦）餐廳既冰塊 係一個球體形 佔位都比較多 味道方面-椰汁味太濃 如果你唔係太好重椰汁味 未必岩你食完呢個餐都幾飽 性價比都高 下次可以再選擇

前幾晚，見女朋友溫書溫得咁辛苦，就諗住同佢食餐好味嘅晚飯獎勵一下佢，但結果令我女朋友更唔開心🤭平時女朋都食開海南雞飯或者三文魚焗飯，但佢果日唔知做乜無啦啦話想食蛋包飯，就叫左個蛋包飯配蜜汁金莎一字骨，唔貴，連野飲都係～$60，我就叫左忌廉芥末牛焗飯，加幾蚊加餐，～$70左右。個蛋包飯入面通常都應該係西炒飯，但呢個只係普通炒飯底，而且只配蕃茄醬，味道一般⋯⋯不過最差嘅係金莎骨⋯⋯勁乾😅味道就ok但真係好乾！餐湯不嬲都唔錯只於我個焗飯，就好好味😅好香濃，診熱食超正！不嬲d焗飯都有保證😂下次再黎一定叫女朋友叫焗飯好啦，其他真係麻麻，但焗飯就好抵食又好味🤣

同同事得閒都會過黎食，不過通常午市都會爆哂棚，要等15-20分鐘先有位，所以都要先約定哂同事再預早過黎食。佢地常餐最抵食，有半煎半炸既雞排，外脆肉嫩，配蕃茄通，仲有黑松露炒蛋，雖然略嫌少少油膩，但非常好食，食哂包保飽足半日。有同事比較大食啲，佢就通常會食蛋包飯，我食過一次都先得唔錯，蛋好滑，而入面既飯有用牛油炒，非常香。而餐廳每隔一陣都會出唔同既配搭，今次食既係配紅酒煮牛肋條，有去高級餐廳食既感覺。不過我自己就比較少食，因為認真食唔哂。

紅橋開業係大埔開業幾年，不嬲都係平靚正晚市之選。周日夜晚真係好多人一家大細黎食，所以都要等左一陣先入得。基本上晚市$50-70就有一個set，我比較推介既係呢度既焗飯，係炒飯底，粒粒分明。今次就叫左個海南雞飯，同車打芝士忌廉煙三文魚焗飯。芝士忌廉焗飯味道簡直係一流，好香濃，好邪惡，每一啖都拉到絲😋至於海南雞飯，平時食開都覺得雞肉嫩滑但份量少，但今次食雞肉就多雞胸肉，無咁滑，比較「鞋」😫 有點失望😞不過叫既時候已經係最後一份，所以可能因為咁得番無咁靚既肉🤔

成日係大埔食野都有啲悶了😌😌...今日係OpenRice 睇下有無未試過既餐廳🍴見到呢間有蛋包飯咁吸引..一於試試～平日12:30黎到，大半滿座～～見到menu，好多都好吸引喎！最後都係揀左蛋包飯先😆😆先上餐湯，揀西湯-南瓜忌廉湯👌🏻主菜-西冷牛扒蛋包飯西冷👌🏻蛋包飯是正常水準😌但驚喜既係入面係炒底飯（食過幾間過百蚊都未必有炒底）所以呢樣值得👍🏻另外朋友叫左芝士雞扒亦相當吸引～下次試試！（走既時間出面已經有7，8人等位了🙈）

好多人話呢間好味，係伙記收枱超快，好似趕住要你走咁，於是有日行過，我又入去試下。坐低後，員工就企係旁邊等你落單，可能得我一個剛入去，所以企係度。坐位唔多，又冇人等緊位，所以都唔係好忙掛。呢間有解牛肉，有沙爹牛腩，但冇沙爹牛肉，但我沙爹人一定沙爹牛腩啦，點知⋯牛腩又硬又冇咩味，個沙爹汁唔知點形容好，總知唔好食。奶茶有茶味但奶味欠奉，似用奶精多過用奶。我一下子都睇漏眼，比咗個牛角包，我比較怕街食牛角包，因為食到成身都係。員工都友善，但佢地比較喜歡高談闊論，面對面都超級大聲。而家香港搵間寧靜用餐既地方越黎越少。😰若果有其他地方選擇，多數唔會再黎。

椰香紅咖哩海蝦燴意大利飯 $60 *免加一🌕🌕🌕🌑🌑好辣！食開譚仔3小既我食左2啖就頂唔順，似冬陰公湯，好有泰色風味。有3隻蝦，幾大隻幾爽口。意大利飯軟硬度都唔錯，但覺得risotto 都係夾黑松露蘑菇或番茄醬多啲。辣到飛起，下次唔會再嗌。-蛋包飯配香橙豬扒 $52 *免加一🌕🌕🌕🌑🌑香橙汁同豬扒唔夾，豬扒鬆軟同大塊，但香橙汁累事...另外，蛋包飯蛋太薄，飯無乜味，唔似出面有用茄汁炒過既蛋包飯，香但唔重口味。-南瓜忌廉湯🌕🌕🌕🌕🌑好濃郁好滑，有淡淡南瓜味，好飲過中湯好多！熱上好正！-友人話佢黑松露飯係好好食，好正宗，下次試完再話比大家知有幾好味啦～-

行過大埔見到呢間餐廳既menu都幾吸引，選擇都幾多就入去試下入到去 眼見餐廳都唔算大 啲位都幾迫下 感覺不太良好 野食方面叫左3個下午茶一個白酒忌廉蟹肉意粉 好creamy 蟹肉份量比較少 但都可接受另一個卡邦尼意粉 味道一般不過不失仲有一個煙三文魚牛角包配薯角 貌相幾好 中間夾住生菜同蕃茄 食落幾新鮮冇咁肥膩而薯角面頭就有啲蜜糖 甜甜地 略嫌唔夠脆口服務方面態度差 有人入黎自己間餐廳冇位 唔叫人地係出面等位夾硬收走我枱上既野 重點係正當我諗住飲埋我杯野飲 佢竟然將啲垃圾放落去 搞到冇得飲 唯有走人 就算野食再好味都好 態度咁趕客都唔會再想黎 black list

上星期食完紅橋嘅下午餐，今次就試下佢嘅午餐先，因為上次睇到人地點常餐好似好正咁，所以今次就決定試呢樣啦!!常餐($44) 有黑松露炒蛋同牛角包，另外仲有碗雞扒米線。雖然餐牌上面寫係雞扒長通粉，但可以轉其麵的。黑松露抄蛋好好味呀，好香，蛋炒得一啲都唔老!! 不過今次嘅牛角包無之前咁脆。另外，雞扒塊皮煎得好脆都好夠味，但碗米線就好淡。本身諗住加鹽調下味，點知係倒唔到啲鹽出黎，之後仲發現個鹽瓶係生銹，搞到隻手好大陣鐵銹味！雖然啲野食係幾好味，但都要注意一下衛生同埋員工嘅服務態度。

大埔真係有好多美食嫁，最近發現左一間又平又好味嘅西餐廳 ，就係“紅橋”啦!! 之前係旺角試過，估唔到大埔都有，就緊係要去食啦！今次食下午茶，點左個“煙三文魚牛角包配薯角”同埋 “卡邦尼意粉”。卡邦尼意粉啲汁比較水，但撈埋啲蛋汁都唔錯嘅，不過比起其他茶廳呢樣就一般!! 但煙三文魚牛角包配薯角呢樣就有驚喜，薯角上面落左啲蜜糖，而且係岩岩炸起，入面又有好多薯蓉，外脆內軟，好味呀!! 牛角包都好脆，牛角包同煙三文魚不嬲都好夾，所以整體黎講都唔錯!!!

今天來到大埔覓食，整條街都是街坊味道，不像新商場充滿華而不實的餐廳，茶餐廳故然偏多，由於我不好茶記，所以要花時間選擇，許多餐廳雖不華但也未必有實力就試試大馬路隨意一間午餐價位合理，款式也吸引餐湯是南瓜忌廉湯，非常有水準，有別於茶記貨色，滿滿南瓜清新味 這蛋包飯真令人眼前一亮要包好飯必須落足雞蛋，而且吃落有陣牛油香真是有水準的蛋包飯如果飯用上醬油飯或炒飯會更上一層樓蛋包飯太好味也不忘雞扒，調味甜甜的還適中，肉質鮮嫩，算是中規中矩的，不錯總結，大埔人的美食選擇也不比元朗人遜色呢，以後覓食又多個好地方

紅橋餐廳係我既星期六飯堂,茶餐廳食個午餐都接近50蚊,比多十蚊八蚊食西野仲好大概12:45pm去到,通常佢都坐爆,不過大家食完就走所以都好快就有位,餐廳外有當日既是日精選,就算夜晚黎都係呢個價錢,係咪好抵食呢我幾鍾意食佢既意大利飯,每次都好creamy好香, 配料好多啖啖飯都可以食到菇,牛仔骨有2大塊,可惜一件係肥膏黎男朋友飯鰻魚蛋包飯,佢寫原條但都好細條下...味道ok的呢度飲品唔會為左慳錢沖到淡一淡,每次都好好飲