紅橋餐廳

营业中

休息中

同朋友到大埔救世軍聽完認知障礙的講座後，大家都想食個下午茶輕鬆吓. 我哋幾個九龍人唔熟大埔地區，經過紅橋餐廳，見裡面光光猛猛，4點35分，都有幾枱客，估計唔會中伏😆.我哋3個人叫了兩個下午茶餐，額外再叫一杯飲品. 咖吔鮮油多士配雞中翼：～鮮油雖然薄薄，但係咬落去感受到牛油仍是凍冰冰，我覺得非常好食，我要比個👍廚師.～雞中翼炸得好香口，味道唔會太咸.法式芝麻蝦多士配薯角：～蝦多士上面鋪滿密密麻麻嘅芝麻，非常香口，我朋友最鍾意食熱氣嘢，佢話好正👍👍. ～我鍾意點茄汁，所以我鍾意食薯角，再點好多茄汁🤪， 熱辣辣嘅薯角配茄汁，正.

以前住大埔時成日都同屋企人去食，味道OK，價錢都抵，性價比高。今日再去食，覺得食物維持到質素，環境亦好舒服，推薦大埔友去試👍🏻👍🏻今日食咗炸雞扒蛋包飯，連羅送湯及凍飲，共$71

閒日嘅中午兩三點經過平常爆滿的紅橋冇乜人就入去食坐低見到推介有海膽醬意大利飯就點了，而餐湯有中西選擇，我揀左西式唔係普通嘅白湯，係紫薯忌廉，味道很特別飯就夠熱，濃濃海膽香，加配蟹肉更加一絕

除夕時，我嗰日要去大埔海濱公園倒數，想起試下大埔嗰間紅橋，依間紅橋喺大埔廣福道中心，容易找到，之前試咗太子嗰間環境良好，今次去到大埔各間環境仲好過太子嗰間，值得讚賞， 今次我嚟到都係食下午茶嘅肉醬意粉， 因為芝士加埋肉醬 配搭啱啱好，我今次去到都見到老闆坐陣非常有禮貌，見到嚟的肉醬意粉無令我失望，反而好食過太子嗰間，價錢仲要平過佢，CP值非常高，希望嗰個都不仿喺大埔去幫襯依間紅橋 ，下次一定會再來幫襯👍👍

成日去大埔食飯都只係去大埔超級城周邊嘅餐廳搵食，食得多都有少少悶，所以就試下去大埔墟附近發掘吓有咩餐廳好食啦。行過見到有幾個人企喺間餐廳門口等位，就吸引咗我埋去睇吓有咩好食，發現原來係食西餐嘅，而且價錢又唔貴，加上見到精選套餐有自己鍾意食嘅黑松露忌廉汁煮嘅意粉，所以就排隊等位試吓啦。跟餐忌廉湯黑松露忌廉汁海蝦燴意粉一嚟到見到三隻都幾大嘅海蝦放喺面，而且黑松露嘅味道都好突出，一嚟到就聞到好大陣黑松露嘅味道，醬汁都好濃郁，而且意粉軟硬度適中，除咗加入蘑菇之外，亦都加入咗少少蘆筍，令到成個意粉層次有所提升。可惜海蝦並無任何調味，好似白烚蝦肉咁，如果佢可以加返少少調味，同煎一煎啲蝦肉咁就完美啦。黑啤忌廉汁碎牛肉帶子燴意大利飯另外，我哋亦嗌咗一個比較特別嘅黑啤忌廉汁碎牛肉帶子燴意大利飯。本身我哋滿心期待住呢個特別嘅黑啤忌廉汁係點，結果一見到真身就有啲後悔啦，因為佢嘅醬汁太過多，令成個飯好似變左湯飯一樣，而且佢嘅帶子係用咗珍珠帶子仔，再加上碎牛嘅樣子不太討好，所以喺外表上已經扣咗唔少分，而味道亦算中規中矩，下次應該唔會再叫呢個飯。海棠魷魚鬚除咗主菜之外，我哋亦加錢配搭左一個是日嘅小食，就係海棠魷魚

睇落好多正評，又開咗好多年嘅大埔紅橋，餐廳外觀正常，入門口個膠板燙門唔穩好似會跌咁，價錢係出面茶記茶記差唔多，點咗個馬沙文咖喱飯，咖哩勁甜，可能個人口味唔同，但食食下有怪味，白飯又硬又乾，隔離檯都換咗幾次，連阿叔去櫃檯埋單都同個老闆講啲飯好乾；同檯點咗個蛋包飯，個蛋勁熟同啲飯勁濕，食得出係支裝蕃茄醬炒，唔好食，淨係得番杯奶茶、檸茶同埋個湯還算可以，飯食到一半唔食，走人，堅係俾錢買難受，唔會有下次。

以前中學成日食呢間，午餐50幾蚊有湯有野飲又有主食，超正！仲要唔無加一收。今次我叫左套餐以外既煙三文魚蛋包飯。一如既往既好食，仲要無加價！！湯有蘑菇奶油同冬瓜湯揀，野飲不論凍定熱都係一樣價錢！！真心超高性價比！但野飲我個人覺得佢地熱飲好飲過凍飲😂，試過幾次佢地阿華田，凍飲就比較水😂😂。呢度既下午茶先至係最低食！強力推薦大家得閒過去食，30、40蚊可以食到好飽，而且餐飲選擇都幾多～總之就係大埔寶藏餐廳其中一個！！

最近呢兩個月都去大埔捕螢，而呢間亦係其中一間近轉車站的餐廳，都去過好多次，所以可以一次過講下食過d咩.多數食下午茶如果牛角包其實就應該美利好些，但不知道為什麼朋友喜歡來這間吃😂可能選擇比較多. 但其實這間也很好吃.然後試過一次午餐意粉水準基本上ok蛋包飯有看過食評是必吃，但我覺得蛋包飯調味不夠，比較淡，蘋果豬扒其實都一般，不推介.午餐首推飲中湯，中湯夠濃夠味，西湯磨菇湯又是調味不夠，因為不覺得湯稀，所以都不建議飲磨菇湯.總結首推焗豬扒飯必食😆😆😆另外有一樣很讚是這間餐廳的洗手間空間很大很難得😆

黑松露大啡菇帶子燴意大利飯 $70 😋😋😋😋😋飯粒口感有啲咬口👍🏻雖然黑松露味道有啲淡，但配埋鮮甜嘅啡菇露荀同帶子，味道平衡得唔錯值得再食蜜莎一字骨配蛋包飯 $62 😋😋😋原本打算試試個蛋包飯 點知配菜更加出色蛋包飯：飯略嫌調味過淡 要靠茄汁| 份蛋有啲老蜜莎一字骨：調味充足，肉質不錯另外，中湯都幾老火feel，唔係好稀個type(中湯：合掌瓜蘿蔔湯| 西湯：西蘭花忌廉湯）姐姐服務都好好，環境乾淨👍🏻

大埔市中心平日很多排隊今日星期六而且比較早12:15左右都要等15分鐘左右佢lunch有餐湯今日餐湯係什菌湯淡淡地叫左個豬扒蛋包飯-豬扒淋-味道幾好-蛋包飯入面有蛋汁-整體黎講好味

今天早上去吃了一份香港味的傳統早餐！🍞🍳🍜☕ 我點了牛油多士、煎蛋、午餐肉、沙爹牛肉公仔面，還有一杯熱咖啡，整個早餐給人的感覺就是溫暖又熟悉。😊首先是牛油多士，外脆內軟，帶著香濃的牛油味，每一口都是回味無窮。🤤煎蛋的口感剛剛好，蛋白Q彈，蛋黃則是半熟狀態，一切下去和牛油多士完美結合，好吃到爆炸！👍午餐肉的味道很特別，香脆的表皮包裹著鮮嫩的肉，一咬就化在口裡，完美地平衡了鹹味和香氣。👌沙爹牛肉公仔面，肉質鮮嫩、口感細膩，而且有著獨特的香甜口味，非常適合喜歡吃辣的人。🍜最後是熱咖啡，味道濃郁醇厚，一早喝下去就感到精神焕發！☕整個早餐，好吃又飽足，價格也非常親民，真的是很值得一試的香港傳統早餐店！🤩

在大埔，呢間<紅橋餐廳>是好受歡迎的，當然有它可取之處：第一，平民價錢，午餐或下午茶，你吃完都覺得值。第二，雖然平民價，但出來的水準有高级餐廳水準，就以下的下午茶餐(蟹肉海蝦鲜茄牛角包餐配薯角，如不要薯角可配沙律菜)，就比想像中好，不但蟹肉蝦肉鲜甜唔腥，加上新鲜的蕃茄和生菜，和最正的是牛角包即烘脆出來，上面還有塊芝士，一口咬下去，真是又脆又清新的感覺，很有口感，另上跟餐的沙律亦非常新鲜，加上胡麻醬，簡直無得輸呀!第三，老板好有彈性，我不想要飲品，想飲中湯，他便一口答應，因為我很喜愛飲它的中湯，真材實料煲，例如今次有白菜、肉、花生等來煲。咁样這麽好食的下午茶只是$48，實在性價比高!第四，多元化，大小朋友和學生哥都啱，請參考以下套牌。第五，環境亦可以。

今日喺大埔做嘢，同事介紹呢間餐廳，話蛋包飯好食，所以就試下。同事叫左蛋包飯：香草蜜糖雞下脾配蛋包飯 $59上台既時候都嘩一聲，呢個價錢有呢個賣相係性價比高。不過我就俾黑松露同蟹肉吸引左：黑松露忌廉汁蟹肉燴意大利飯 $67眼見賣相唔錯，份量都好多，上面有一堆蟹肉，有啲菇有啲露荀。不過有樣嘢我覺得唔太夾，就係咸魚味，唔知點解一個咁西式既飯會有咸香味，完全蓋過左黑松露既香味，聞落有少少古怪。食落既味道就無咸魚味，個忌廉味幾濃，意大利飯既口感就一般，唔似平時吸晒汁既意大利飯，有少少似煮熟左飯先再同忌廉汁煮。餐湯：西蘭花忌廉湯，正常一般無咩特別以下係餐牌：

性價比很高的蛋包飯平時見到呢間舖頭好多人排隊食飯，今日唔太多人就同同事一齊出去食飯，今次叫咗呢個雞扒蛋包飯，雞扒嘅比例係超大，有一着手掌咁大，肉質都好好味，夠嫩又多汁。而個蛋包飯都好好食，入邊是蛋炒飯。

間唔中會同屋企人光顧既餐廳，因為阿爸話佢意大利粉同咖啡幾好，價錢經濟又大份，但好多時夜晚都要等位，都幾多人排隊，可能地點近巴士站啦。今日打風，變番三號波，一個人晏晝經過紅橋見好多位，即刻入去食。叫咗個午膳套餐，忌廉蟹肉意大利飯加凍T，包餐湯同熱飲，凍飲加$3。白湯（忌廉蘑菇湯）：對上一次夜晚9點幾食，好明顯湯較稀同淡味。今日唔知係咪打風未有太多人幫襯，啲料都幾夠，又濃味。忌廉蟹肉意大利飯：份量好夠，濃味，賣相雖然一般，蟹肉稍為睇落少啲，但其實都好飽肚，而且啲汁唔會過多，唔會一路食一路要飲水。如果健康女士食，應該會覺得多。見到隔離枱多數叫一字骨蛋包飯同海南雞飯，同樣份量好多，雖然唔知係咪好食，但價錢介乎都係$55-70，同埋一個球雪糕既紅豆刨冰，下次嚟要叫下試試。