紅木餐廳 (已結業)

撐檯腳到此,叫了澳洲羊扒$98,大蝦牛柳$108。前菜餐飽軟熟,餐湯OK.主菜羊扒有三條羊肋骨,肉幼嫩多汁,帶一些肥膏,咬落香口,不膻,醬汁味道配合得很好。掂！大蝦有蝦味,煎得不不油,食落香滑有蝦味。牛柳味道可以,但有些硬,可能是太熟(七成)的關係。配菜意粉OK,薯菜(焗薯)加上些火腿粒和牛油幾香口。餐飲轉西班牙咖啡+$10,小試無妨。環璄雅緻舒適,座位寬敞,待應服務勤快有禮，值得加分再試！連加一埋單$238,合理！

23/3/2008轉轉早餐的口味，再次來到紅木。看了早餐餐牌，點了雞扒+餃子+雜菌拉麵。餃子實在太「火農」了，雞扒煎得挺香，而雜菌份量也不少。拉麵質地就普普通通，這樣的價錢，很不錯。不過假期要加一，還是去快餐店比較好。^^

19/2/2008今天爸爸農曆生日，到了這在家附近的「西餐廳」。(感覺有點像茶餐廳，因為他們的餐牌連海南雞都有=.=)點了一個最貴的。大蝦拼牛柳，$108。先來餐包和餐湯。那餐包暖的(看著侍應用微波爐翻熱)，白湯但沒有cream的香，還略咸。牛柳點了八成熟，切了邊的試試，邊的地方全熟了，幸好味道不錯。再切入少少，有點紅，像是medium，也可以。再切有少少，完全紅色，medium也沒有...... =.= 結果叫了一位女侍應/經理來，她很禮貌地代我換掉那半生的牛柳。等牛柳的時候，唯有先吃大蝦。味道還可以，但不算出色。等了差不多十分鐘，牛柳來了。新的一塊(不是吃了一小部份的那一塊)，還有新的配菜。這次真的是八成熟了。^^ 味道不錯啊！餐飲要了檸檬茶，味道可以。甜品有綠豆沙？這究竟是不是西餐廳。這裏的侍應像是生手似的，要多加訓練才行。總覺得西餐廳，餐牌要專一點才行。要不然，只怕甚麼也做得不好。

我食過紅木便當我覺得其他西餐~如意粉/焗飯都5錯服務態度真係幾好而且環境又好舒服~但有時係嘈小小囉我覺得個便當ge湯5係夠日本風味原本話有饅魚架..點知得鴨胸,5知內部出現咩問題呢d salad 一般,白飯加果d燒汁麻麻地呀

平安夜，周圍都咁多人。我一心諗著去如心廣場聽平安夜群星倒數音樂會，所以去荃灣。我都冇預先book位，因為我都唔知自己放工放幾。好彩，我放6:30 p.m.，我決定去愉景新城食飯，諗著去outback，知勁多人，最後去喱間紅木餐廳，都等20分鐘先有位。 侍應送餐湯& 餐包時簡單一句Merry Christmas，令人覺得好warm，唔錯！龍蝦湯隻龍蝦都唔知食，我都費事用手搣肉食，於是咬幾啖，都有一小塊肉，幾爽甜！湯都唔錯，唔會太稀。吉列加拿大珍寶蠔海鮮墨汁意粉個吉列蠔有腥，我嘛嘛！但海鮮墨汁意粉好好味，汁唔會太漏，海鮮料算多，有青口、蝦、帶子& 鳥貝，又熱辣辣！唔錯！法式香草扒地雞配薯菜有兩塊雞扒，好濃香草味，正！雞扒煎得好香，幾好味！ 喱度地方幾大，裝修都幾靚，侍應有禮貌，食物質素唔錯。雖然，今餐唔係咩特別名貴晚餐，但我都覺得好開心！

11月中和友人到愉景睇家電,無意之間發現呢間食店,就試下喇~環境唔錯,裝修幾靚,我地被安排坐窗邊卡位~朋友見到西餐廳竟然有打邊爐,佢就即管order左個海鮮火鍋($5x)+凍奶茶(+$8)~我就叫左個什扒餐+凍檸茶($88)等左好一陣子,先黎我嘅餐包+湯:包係熱嘅,湯一般西湯,無特別~又等左十幾分鐘,都仲未有其他野上枱,我忍唔住落左樓下奇華買皮蛋酥(我個坐位係望到間鋪架),可惜賣哂...只好買其他野食......接到友人電話,個餐到左,我就上返去喇~友人嘅海鮮火鍋...好細份量,佢應該好快快會肚餓~有d蝦,肉,烏冬,生菜o係底~~係個湯底特別d:冬陰公~佢話少少酸辣,幾好飲~~我嘅什扒餐有:碟好大,擺得幾精美(好:好似有花過心思~~壞:唔知關唔關份量少事呢),唔會好似有d餐廳咁堆埋一堆~~司華力腸,夠熱,外脆內軟,係成個餐最好食~~雞扒都ok,幾嫩~~牛扒,薄,一般味~~個件豬扒,又硬又乾,好彩把刀夠利......跟薯菜,有少少薯溶同埋薯條,薯條好脆,乾身,唔錯~~座位算濶落,環境乾淨,比紅樹林好好多(唔知佢地有無關係呢?但亦貴一點)等上餐比較耐,當日都唔算好滿人~剛啱見到有食評話佢d

又嚟食Tea,不過今次冇食我的至愛,因為今朝冇食野勁肚餓,所以叫咗個炒飯,叫,熱辣辣,好好食,有啲鮮蝦,雞蛋,五香肉丁,又有啲咖哩味,好好食!仲有個乾炒牛肉意粉,亦都好好食,意粉乾炒,唔會(爛pat pat),好乾身,總之好好食.唔知係未我贊得多,越嚟越多人嚟食!!!嘻嘻!!!

噙日喺大角咀食咗個冇餡既西多,很懷念這裡的下午茶.今日即刻落嚟食翻個芝士火腿西多士.嘩!真係又香又好食,三個字唔洗就清碟,真的唔夠喉,唯有下次再食過,不過要等冇咁肚餓先食得,否則都係叫翻炒粉麵飯吧!

難得早起身,落去食早餐,今次食吉烈魚柳配腸仔煎蛋跟餐包.餐包唔得,因為凍既.但魚柳即炸,好熱,好脆,好好食.熱朱古力好濃好味,因好多朱古力粉.早餐至11:30a.m.,貪佢仲有五送一.

搵地方食晚餐，見呢間價錢唔太貴，所以一試。叫左海鮮鍋飯&帶子闊條麵，味道ok，但分量少得可憐，完全唔夠食。實在太唔抵，唔會再去了。

其實我已幫襯咗好多次,不過一直冇寫,因為唔知應寫邊次,冇理由食十次寫十次食廿次寫廿次啩?不過唔寫又唔得,因為証明我食過嘛,同埋如果而家唔寫,到想寫時唔知佢仲喺唔喺度呢?嗱!我唔係話呢間餐廳唔得,係我比較黑仔,食親啲食市多數都好快既!呢間我食咁多次係貪佢有食五送一呀(只適用於早餐,下午茶)早餐我靜係會選擇湯粉麵，下午茶除湯粉麵我都會選擇炒粉麵飯，西多士都唔差，佢唔係食開啲花生醬餡，佢係芝士火腿餡，幾好食咖！總括嚟講都OK啦啦！有五送一喎，哈哈！

前一日行到倦,忽然想食下午茶餐,便到紅木試下.見到價錢,一般都是20-30元,沒有加一(星期日及公眾假期除外). 以咁既價錢,都唔會有什麼期望.的位都算舒適,叫了一個炸魚薯條餐($24)及芝士火腿西多士餐($22),下午茶餐已包冷,熱飲品全部食物都熱騰騰,似是即叫即製,誠意十足個炸魚雖然係雪魚,但入口嫩滑,味道不錯薯條亦不過不失芝士火腿西多士,芝士包在西多士內,切開後芝士由西多士流出,十分美味及特別,令人驚喜萬分