紅星餐廳

营业中

休息中

《紅星餐廳》宮廷式裝潢、仿水晶吊燈很吸睛，處處都足打咭位。✨️琺瑯鍋紅洒雜菜炆牛尾炆到牛尾好軟腍，配以意大利粉，夠飽肚。✨️琺瑯鍋紅洒雜菜炆紐西蘭羊膝羊膝啖啖肉，用琺瑯鍋煮出來好鎖水，咬落好多汁。✨️ 寶雲酥挪威鮮三文魚三文魚很滑溜，配以味道濃郁嘅山葵芥末籽蜜糖忌廉汁，好滋味。✨️凱撒沙律有多款新鮮嘅蔬菜和小番，上面有車打芝士片，非常開胃✨️熱鲜橙茶熱檸茶就飲得多，熱橙茶原來都好好味。用伯爵茶，配上幾片鮮橙，飲落順喉，味道匹配。

朋友約北角食飯，原來有間裝潢西式又浪漫既餐廳，而且便靚正味道佳，茶餐廳價錢食到西餐水準真心正要推薦比大家。第一次到呢間紅星餐廳🍴都比呢度裝潢吸引，紅牆加皮沙發凳，好復古既西式風格，打卡真系一流靚😍1:45pm 系下午茶時間，下午茶餐好抵食，茶餐廳價格系度食美食分外有氣氛。我就想食翻主食餐牌美食，下午時段一樣有供應，點左最貴既美國🇺🇸安格斯牛肉眼扒，約8安士，都係$180，仲要有8折，7成熟又真系整得好好食😋自選項目可以要沙拉🥗，餐包餐湯，又可以飲咖啡☕️或酒🍷食得牛扒🥩我就當然要配紅酒🍷，由中午食到下午，紅酒都係➕$25 杯好抵飲既happy hour ，同朋友來食野兼飲野真系吾一定去酒吧，呢度性價比極高啊。最後食個甜品🍮就滿足極，巴斯克蛋糕也是必食之選，配埋呢度既咖啡☕️就最佳配搭，舒適😛最後餐廳推薦有個主打菜式，就係用琺瑯鍋煮燉的，呢度食物質素甘好👍下次真系要試試😬😛

🩵酥皮湯酥皮唔會太厚，好酥脆，浸一浸湯食，一流😍🩵美國安格斯牛肉眼扒配黑松露醬燒汁五成熟肉眼扒，肥瘦分佈平均，黑松露醬加黑松露，黑松露味好濃好香～🩵琺瑯鍋慢煮牛面珠墩肉軟淋肉質！墩得好入味！不錯！🩵寶雲酥挪威鮮三文魚配山葵芥末籽蜜糖忌廉汁厚肉三文魚扒，滿滿蛋白質同魚油🥰 個汁好惹味，令人想一啖接一啖咁食🤤🤤🩵板燒去皮雞髀肉串髀肉串燒到金黃色，個醬都好惹味～🩵烤雙重芝士茄蓉醬板燒巨菇滿滿既芝士，仲做到拉絲效果🧀🩵西班牙巴斯克焦香芝士蛋糕同時做到有焦香味又creamy既口感，出色👍🏻

平時好少去港島，今日咁啱朋友生日，諗住去接佢放工順便食生日飯，佢話同事成日讚呢間懷舊西餐廳，但係佢一直都未嚟試過，咁就一於嚟試吓同埋同佢慶祝生日啦。呢度嘅裝修好復古，但係又不失高級嘅感覺，好適合慶祝生日或者情侶拍拖。而且呢度嘅侍應服務態度好好，一坐低已經好多食物推薦，而且笑容好好，嚟到食嘢都好開心。慢煮牛面肉配意大利粉牛面肉經過長時間嘅低溫慢煮，肉質軟嫩入味，每一啖都充滿咗濃郁嘅牛肉香味。意大利粉熟度恰到好處，麵條彈牙，同牛面肉嘅鮮美完美結合，味道層次分明。鑊仔燴香煎鱸魚配辣汁鱸魚肉質鮮嫩，外皮煎得金黃酥脆，再搭配上獨特嘅辣汁，味道有層次又不失清爽。鑊仔嘅烹調方式保持住鱸魚嘅原汁原味，辣汁亦唔會過於刺激，非常適合鐘意海鮮嘅食客享用。西班牙海鮮飯呢道菜選用新鮮嘅海鮮同香料煮成，米飯吸收咗海鮮嘅鮮味，每一啖都係味蕾嘅享受。海鮮飯份量十足，口感豐富，無論係蝦、貝類定係魷魚，都鮮美多汁。呢間餐廳除咗抵食之餘，侍應既服務態度都好值得一讚。一飲完水侍應就會過嚟斟，我覺得呢度既服務比幾千蚊位嘅高級餐廳更加好，雖然唔係住附近，但係我下次都一定會再嚟食呀。

呢晚心血來潮想食下鐵板餐，發現原來北角有間富有懷舊色彩嘅餐廳。餐廳裝潢有溫馨小屋感覺，情調唔錯，座位亦寬敞舒適。 餐牌選擇好多，入面除咗有牛、羊、雜扒鐵板餐外，仲有意粉、鴨腿、琺瑯鍋紅酒牛尾，羊膝，焗飯等選擇。鐵板法式羊扒· 腰果芥末醬· 迷迭香蒜蓉汁 - 羊架肉質鮮嫩味美味，份量亦相當多，加埋原個鐵板上，零舍有風味。腰果芥末醬同蒜蓉汁味道好出色，提升咗羊扒嘅味道。美國安格斯牛肉眼扒 · 黑松露醬燒汁 - 無論係牛扒同黑松露醬嘅份量都多，未食已經聞到陣陣香味。肉眼扒入口嫩滑，配埋黑松露醬，香口惹味。 晚餐加＄20就可以跟餐包及餐湯，又或者配酥皮餐湯。點咗最經典嘅羅宋湯，酥皮湯汁叫咗紫薯忌廉湯，味道不錯，酥皮焗得非常靚，賣相一流。 餐飲點菠蘿汁同石榴汁各一杯，味道清新可口，亦唔會太甜。甜品係巴斯克焦香芝士蛋糕，據聞呢個係小店自家製嘅甜品，入口非常creamy，充滿芝士香味，鍾意食cheese cake嘅朋友不容錯過。 餐廳價錢相當抵食，食物質素唔錯，充滿港式風味。店員服務殷勤，充滿人情味。

一間好靚嘅港式西餐廳，外表看似平平無奇，但一入到去就感受到濃濃嘅懷舊氣息，環境好有格調，搭配水晶燈，令人有種時光倒流嘅感覺。✨Slow-Cooked Beef Cheek 分量唔多唔少，岩岩好～用咗慢煮牛頰肉，肉質超軟嫩，味道濃郁。可以配搭嘅意粉🍝意粉吸收咗肉汁，味道層次分明，真係好好味！✨Grilled U.S Beef Hanger Steak叫左5成熟，用左鐵板上～封門牛柳好有咬口，完全冇過熟嘅感覺。搭配一啲特製醬汁，味道唔錯～✨Grilled U.S. Angus Beef Rib Eye Steak呢款牛肋眼牛扒🥩，肉質唔錯👍🏻一啲都唔鞋，口感非常豐富。廚師用心調味，搭配上特製醬汁，好多黑松露鋪左喺面～好香😋自選配餐項目叫左餐湯+Caesar Salad 凱撒沙律沙律新鮮餐湯熱辣辣湯～尤其係天氣轉涼嘅時候，特別適合。飲品✨套餐加$25就可以飲到Red Wine，性價比超高。酒味淡雅，搭配牛肉更加襯，無論係搭配正餐定係單飲都好合適✨100%石榴汁，健康又美味，飲落甜甜地，清新又解渴甜品——芝士蛋糕喺餐廳自己整～呢個芝士蛋糕口感滑順，味道濃郁，甜度岩岩好，真係完美嘅結尾～大滿足😌

同朋友途經紅星餐廳，見到餐廳餐單性價比高，好似都唔錯，決定入去試下羊肚菌•黑松露醬•鮮菇•忌廉•意大利粉 $90叫咗一份羊肚菌黑松露醬鮮菇忌廉意大利粉，份量啱啱好，表面有四五個羊肚菌，意大利粉佈滿黑松露醬，食落香口美味寶雲酥挪威鮮三文魚•山葵芥末籽蜜糖忌廉汁 $110挪威鮮三文魚，配山葵芥末籽蜜糖忌廉汁，三文魚一整條，魚皮煎得香脆，配上清新嘅芥末籽蜜糖忌廉醬，兩者配合得好好Happy Hours $198餐廳做緊歡樂時光套餐，只要$198就可以任食小食同埋嘢飲，叫咗美式叉燒串板燒豬梅肉粒配燒烤醬、板燒去皮雞髀肉串、香煎兵加腸、煙肉秋葵卷、烤雙重芝士茄蓉醬板燒巨菇、炸薯角、甜品係西班牙巴斯克焦香芝士蛋糕，飲品就叫咗石榴汁。咁多款嘢食入面覺得芝士茄蓉醬巨菇係唔錯，好爆汁；薯角都新鮮炸起好酥脆另外亦都叫咗份琺瑯鍋慢煮牛面珠墩肉配意大利粉，味道都唔錯

今日咁啱喺呢邊返工，呢度多數嘅餐廳都係茶餐廳或者連鎖店，咁啱經過竟然見到有間裝修好靚嘅西餐廳，咁就一於嚟試吓啦。仲要喺門口見到佢嘅價錢好平，而且入面都好多街坊，一定水準有保證。入到去佢嘅裝修好靚，係行懷舊美式風格，而且座位都好闊落。一坐低侍應姐姐就好有禮貌咁樣問我哋食咩同埋好好介紹，服務態度非常好。原來呢度有做$98任飲，價錢真係好抵。不過今日比較肚餓，所以我哋就選擇一人叫一個主菜再分享嚟食啦。好耐冇飲過酥皮湯，估唔到呢度都有。而且佢嘅酥皮非常脆，一揭開個酥皮，就聞到好香嘅忌廉湯，佢嘅忌廉湯係木瓜忌廉湯好特別，而且飲落唔會太膩，越飲越開胃。我就叫咗個肉眼扒五成熟，一上枱估唔到份量咁大，切開仲有驚喜。佢嘅五成熟啱啱好，食落好有牛味，而且唔會太硬又唔會太軟，食到佢嘅牛係好新鮮，我覺得比高級餐廳嘅牛扒更加好食呀。朋友就叫咗個羊架，估唔到呢個更加誇張，佢嘅羊架有三大嚿，賣相靚之餘朋友話食落都好香。羊味手唔會太騷，但係好夠味，唔使落黑椒汁已經好好食。呢間餐廳又靚又抵食，性價比真係非常高。而且侍應姐姐嘅服務態度真係好好，食完佢仲會幫我哋換碗碟，媲美高級餐廳，但係有一種人情味，真係好推薦大家嚟試下呀

今日同朋友去左間勁有懷舊氛圍感既扒房鋸扒😎，勁有Feel❤️，香港已經見少有少，餐廳服務都非常Nice👍🏻最中意就係扒房必叫焗酥皮餐湯🤗同朋友叫左share鐵板 美國牛封門柳（約7安士）•鮮菇燒汁美國安格斯牛肉眼扒（約8安士）•黑松露醬燒汁琺瑯鍋慢煮牛面珠墩肉鋸扒一定會揀牛，勁juicy，鐵板一定冇得輸仲有個優惠係🤫120分鐘任食小食同指定飲品（有紅酒🍷🤭）煙肉秋葵卷烤雙重芝士茄肉醬板燒巨菇肉配菜，健康又好食😋炸薯角，新鮮熱辣炸起，外皮勁脆野飲就揀左健康既100%蘋果汁同石榴汁，果味濃濃最尾當然要西班牙巴斯克焦香芝士蛋糕收尾

有日做完野想食鐵板鋸下扒，見到呢間餐廳價錢親民，又有街坊既感覺，所以就入去試試。雜菜湯🥦🍅🥬我們首先點了雜菜湯，湯底夠味，配料足料，讓人感到十分滿足，開胃又暖心，是個不錯的開端。鐵板羊架🔥🐑🔥接下來是鐵板羊架，特別欣賞他們用錫紙包住羊骨的做法，這樣吃起來非常方便，還能保持羊肉的風味。羊肉的味道不會太騷，食肉獸，絕對會喜歡！安格斯牛肉眼扒🔥🐮🔥搭配黑松露醬，醬汁與牛扒的結合相當和諧。雖然肉眼薄薄，但煎香了兩邊，卻不會過熟。巴斯克芝士蛋糕🍰最後，我們叫了巴斯克芝士蛋糕，這道甜品絕對是必食的！蛋糕的焦香感，完美地展現了巴斯克蛋糕的特色。整體而言，街坊鐵板西餐廳提供的餐點價錢親民，味道合格，份量充足，非常適合一家人食。強烈推薦大家來試試！@chillchill_aloye#北角美食#鰂魚涌美食#鐵板#西餐#美食推薦 #朋友聚會#食好西#hkfood#香港美食#foodiehk #foodpics #hkfood #foodstagram #foodie #hkig #igers #foodblogger #foodislife #hkfoodie #hkigdaily #hkeat #food

餐廳好有細細個，大時大節屋企人先會帶去食港式西餐既感覺，成個氣氛同座位都好舒服，我地今次叫左凱撒沙律❤ 沙律醬另上同走煙肉，沙律菜好fresh 好爽甜西班牙海鮮飯❤ 一人份量岩岩好，飯粒有咬口，醬汁調味香濃，口感幾creamy，仲有蝦 青口 魚等多款海鮮配料，好豐富。寶雲酥挪威鮮三文魚 配山芥末籽蜜糖忌廉汁❤ 三文魚勁厚肉，外層好脆，入面好juicy，厚切豬梅肉扒黑加侖子燒汁❤ 厚切大大5，但一D都唔乾唔嚡，仲好惹味另外叫返2杯 石榴汁❤ 同 菠蘿汁❤ 開開胃ALC之外，仲有個happy hour，$198有成120分鐘任飲任食既小食❤ 紅酒 啤酒 咖啡 茶 餐湯 麵包 中意食肉既必點美式叉燒串板燒豬肉粒配燒烤醬❤板燒去皮雞髀肉串❤烤箱重芝士茄蓉醬板燒巨菇❤ 我地走左芝士，但真係大大隻好好好JUICY!煙肉秋葵❤

星期三同老公一齊食lunch，揀左佢公司附近既紅星餐廳。凱撒沙律沙律菜爽脆，加入脆片、芝士片、提子乾、煙肉粒、沙律醬，大碟而且新鮮。餐湯及麵包餐湯係燈籠椒忌廉湯同雜菜湯，後者第一次飲，好濃燈籠椒味，餐包香甜又鬆軟，好食。炸薯角好難得食到好食既炸薯角，炸得夠脆，而且薯仔好厚身，非常飽肚。鐵板法式羊扒·腰果芥末醬·迷迭香蒜蓉汁揀咗用碟上，有三舊羊架，好欣賞佢用錫紙包住羊架頭，方便拎起食，配菜有薯蓉、秋葵同蕃茄仔。寶雲酥挪威鮮三文魚·山葵芥末籽蜜糖忌廉汁三文魚好嫩滑，魚皮有脆度，配菜既薯蓉同樣都係有粒粒薯仔係入面。琺瑯鍋慢煮牛面珠墩肉牛面珠墩肉煮得夠軟腍，好易咬，唔錯。西班牙巴斯克焦香芝士蛋糕芝士蛋糕味道濃郁，口感軟滑，美味可口。飲品叫左熱鮮橙茶同熱即磨咖啡。

好友帶我去位於北角英皇道668號健康村2期UG樓 UG10號舖的紅星餐廳食晚餐，環境舒適，裝修雅緻，有著歐洲風格，坐得舒服。我點左個 美國安格斯牛肉眼扒（約8oz) 配黑松露醬燒汁，好友點左個 鐵板法式羊扒+腰果芥末醬+迷迭香蒜蓉汁；另外點左個 琺瑯鍋紅酒雜菜炆牛尾，凱撒沙律；小食係 煙肉秋葵卷，烤雙重芝士茄蓉醬板燒巨菇，甜品係 西班牙巴斯克焦香芝士蛋糕，餐飲係熱檸檬茶，菠蘿汁。美國安格斯牛肉眼扒大大塊，牛味香濃，7成熟好味；鐵板法式羊扒有3大件，都係7成熟最好味；琺瑯鍋紅酒雜菜炆牛尾係原鍋送上抬，鍋蓋用來保暖，好貼心呀！牛尾炆得軟腍入味，好好食呀！板燒巨菇好入味，芝士拉絲好味，煙肉秋葵卷好香口；芝士蛋糕好香滑美味。

餐廳以英倫風格裝修每道菜式都色香味俱全，令人回味無窮仲有任飲任食歡樂時光，啱晒三五知己敘舊✨⭐️鐵板法式羊扒·腰果芥末醬·迷迭香蒜蓉汁～一客有三大件，叫咗七成熟，服務員幫手倒燒汁，羊扒非常入味，肉質鮮嫩多汁，脂肪含量適中，仲配咗薯蓉同秋葵添😋鐵板重量級雜扒·青胡椒汁～雜扒分別有薄切紐西蘭牛肉眼扒、豬梅肉扒、雞扒及兵加腸，每塊扒都勁大塊，仲係即叫即煎，最喜歡豬梅肉扒入口鬆化，肉汁豐盛，肉和脂肪分佈均勻👍烤雙重芝士茄蓉醬板燒巨菇～幾Juicy幾香😋凱撒沙律～大大碟爽口新鮮，再加啲芝士片、提子乾、煙肉粒同脆脆，口感豐富😄

喺鰂魚涌放lunch，見到有間西餐廳，睇完個Menu覺得好抵食，所以去試吓。紅星餐廳呢間餐廳，睇環境，已經覺得好有懷舊氣息，包括水晶燈、舊式皮梳化同聖誕樹等。佢嘅主餐牌上嘅菜式都好平 (例如一個法式油封鴨腿只係$70，好誇張)，可以咩都唔包，但同時可以用好平嘅價錢，加沙律加茶水等，為食客提供最大嘅自由度…琺瑯鍋紅酒雜菜炆紐西蘭羊膝 $130呢個係見到隔籬枱食所以叫。用上紅色琺瑯鍋明顯係炆咗好耐。呢個羊膝肉認真腍，佢腍嘅程度係啲肉係非常容易同條主骨分離，連埋個紅酒汁，食落非常惹味。寶雲酥挪威鮮三文魚 $100原本覺得懷舊餐廳做呢種三文魚應該比較一般，但食落其實相當好。呢個寶雲酥嘅做法令到三文魚嘅外層好脆，好有質感，但同時三文魚肉亦都好腍好軟，加上佢嘅芥末蜜糖忌廉汁，意外地好好食。美國安格斯肉眼扒 $180我叫之前都有啲擔心佢係梳打粉牛扒，但原來係一塊正宗嘅美國安格斯肉眼，而且佢嘅成熟度亦都啱啱好(我哋叫medium)。最特別嘅係佢加咗一大堆黑松露醬，未食已經覺得香。凱撒沙律 +$30$30嘅凱撒沙律居然係regular size salad，我哋都嚇咗一跳，沙律就正常發揮。紅酒 +$20