影片
港铁鲗鱼涌站 C 出口, 步行约4分钟
继续阅读
电话号码
98339823
56836987
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
食家推介
相关文章
成日听朋友讲话有间怀旧西式餐厅好掂，终于约到时间一齐试。入到去满满的旧香港情怀，复古灯光配木枱木椅，瞬间穿越返70年代老香港西餐厅，气氛满分！款款都想试，最后索性豪啲，一次过叫咗成枱嘢。-🥩 铁板美国牛封门柳（鲜菇烧汁）$130封门柳够晒淋身，七安士份量啱啱好，肉味浓得嚟唔会韧。鲜菇烧汁捞埋薯蓉一齐食，-👑 美国安格斯牛肉眼扒（黑松露烧汁）$20010安士超大块！肉眼扒脂肪分布靓，切开仲系粉红色，黑松露烧汁超浓郁，每一啖都系奢华享受。呢个价钱好抵食！珐瑯锅慢煮牛面珠墩肉配红糙米饭牛面珠炖得够耐，夹起嚟成旧肉都系入口即溶，汁收得够靓，仲有只温泉蛋捞饭一流。红糙米饭烟烟韧韧，唔会太硬，配埋个汁一齐食真系好啱。*update 5-course set $40 跟沙律杯、餐汤、餐饮、甜品🥗 凯撒沙律沙律菜新鲜爽脆，芝士味香浓，烟肉烟韧有咬口，加埋提子干同沙律酱，层次丰富，开胃之选！🧀西班牙巴斯克芝士蛋糕表面焗至焦香，中间少少流心口感。芝士味浓郁但唔会太重，甜度啱啱好，系会想一食再食𠮶种。呢间餐厅真系有惊喜，由主菜到小食都好有心机，唔会有啲行货味。环境舒服，服务人员都好有礼。成晚食得超满足，之后一定会再嚟，尤其系个蘑菇汤同巴斯克芝士蛋糕，实要encore‼️😛红星餐厅 (北角)北角英皇道668号健康村2期UG楼UG10号舖
继续阅读
近北角图书馆同街市斜对面，都几多附近街坊帮衬。餐厅系怀旧复古风嘅老牌扒房格局，有质感既高背椅，精致水晶灯，仲有古典摇摆钟，旧时香港嘅高级西餐厅，优雅又带点怀旧feel。近年周街都系所谓新派冰室，呢d算买少见少了。难得加上店员服务贴心，好有亲切感。menu都感受到对食客既诚意，餐牌选择多到爆，鸭、鱼、猪手、牛扒、羊扒、海鲜饭、铁板牛脷、牛尾，感觉有d癫，乜都有！！😆街坊生意，价钱又唔贵。行过附近，呢间真系食得过👍❣️🦆 法式油封鸭腿配烟肉 呢道油封鸭腿系皇牌！鸭髀皮薄脆，咸香扑鼻，入口微焦好香口，内里鸭肉鲜嫩多汁，唔会干柴。配上香橙黑加仑子忌廉汁，酱汁酸甜浓郁，橙香突出，杰身得黎好平衡鸭肉嘅油腻，调味啱啱好。🐟 镬仔烩香煎鲈鱼扒配蕃茄肉酱 鲈鱼扒煎得外脆内嫩，连鱼皮，鱼皮无散架！！！鱼肉鲜滑唔腥，配上蕃茄肉酱（可拣辣或唔辣），辣既几惹味。好欣赏呢度既饭用红糙米添！健康又有咬口，吸晒酱汁。🐂 🍷珐瑯锅红酒杂菜炆牛尾 牛尾炆得软腍入味，肉质松化，轻轻一咬就散开，红酒酱汁浓郁香醇，带点杂菜嘅清甜，味道层次丰富。珐瑯锅保温一流，食到最后都热辣辣，配饭一流！🍲 红菜头忌廉汤 餐汤日日唔同，𠮶日咁啱红菜头忌廉汤。本身个人麻麻地红菜头，但有惊喜佢处理得唔错！无平时食红菜头阵草腥味，红菜头打烂得细滑，佢应该仲沟左少少粟米，估唔到咁夹！入口鲜甜清新。饮饮下我竟然饮晒个红菜头汤！😋🍰 Basque Burnt Cheesecake餐+$20就有埋个Cheesecake,真心抵！平时一块Basque Burnt Cheesecake闲闲地5,60蚊，表面微焦香气浓，内里creamy虽然唔算好软心，但甜度适中，食完好满足！怀旧扒房，街坊价钱，又咁有人情味既小店，买少见少！真系要食多d呢类小店🩷👍
继续阅读
餐厅：红星餐厅地点：鲗鱼涌菜式：西餐餐牌：主餐牌主菜15选1，有多款肉类，可以自选配餐项目，包括沙律/餐汤面包/芝士蛋糕/饮品等。旺市后入座同前离座仲有八折。美国安格斯牛肉眼扒（约八安士）黑松露酱烧汁 $180 另加一美国安格斯牛肉眼扒超大块，我叫左7成熟，肉质仲嫩带少少无血水，外皮少少脆，好多肉食。面头加上充足烧汁同一pat黑松露酱，味道刚好，入口绝对唔会干。配有新鲜秋葵两条，车厘茄两粒同香草滑溜薯蓉。铁板法式羊扒 腰果芥末酱 迷迭香蒜蓉汁 $130 另加一铁板法式羊扒一客三件，用锡纸包好方便用手食。热辣辣用铁板上枱，服务员仲帮我倒烧汁。羊扒我叫左七成熟，肉质好嫩，连筋。个汁够咸香，而羊扒面头加左迷迭香蒜蓉汁，好够味。伴有新鲜秋葵两条，车厘茄两粒同洋葱条，仲有少少滑溜薯蓉。珐瑯锅红酒杂菜炆牛尾配意大利粉或红糙米饭 $90 另加一珐瑯锅红酒杂菜炆牛尾真系一大个珐瑯锅上，入面有四大件炆得超淋既牛尾，肉多又嫩又带厚厚骨胶原。伴有红萝卜同洋葱，个红酒汁好味又唔会太浓，捞意粉唔错。意大利粉另上，摆得精致而上面加有香草。凯撒沙律 加$30 另加一凯撒沙律好大碟，爽口新鲜罗马菜加上适量沙律酱，芝士片，甜甜提子干，烟肉粒同脆脆，口感味道丰富得黎又健康。餐汤及面包 加$20 另加一汤可以拣意大利菜汤或者白汤，我拣左红汤。个意大利菜汤味道刚好而有丰富蔬菜，包括蕃茄、红萝卜同椰菜。个餐包好大个，暖暖地上枱，好松软，伴有一包牛油。西班牙巴斯克焦香芝士蛋糕 加$20 另加一西班牙巴斯克焦香芝士蛋糕摆盘唔错，一只长碟加上朱古力粉铺既星星，代表餐厅个名红星。主角西班牙巴斯克焦香芝士蛋糕非常浓厚滑溜，而焦香味适中，呢个价钱一流。四款果汁有100% 橙汁、100% 苹果汁、100% 菠萝汁同石榴汁，加$10就有。我最钟意石榴汁，好浓厚，香甜滑溜好好饮。菠萝汁都好香甜。今餐食物饮品令人满意，呢个价钱实在系太实惠。餐厅环境复古怀旧，座位舒适，好有气氛。唔怪得平日午市超多人。
继续阅读
在餐厅出面看以为很老土，但一走进餐厅，觉得很复古，给人很优雅的感觉。有点似日本的吃茶室。食物款式多，味道很好，摆盘也不错。选了两个$80的全餐，价格非常优惠。我们点了铁板猪扒和铁板鸡扒。猪梅扒质地外脆内软，比起高级餐厅的黑毛猪更好味。配温泉蛋和意粉或糙米饭，非常鲜味。洋葱汤和杂菜汤也很香浓，最后的芝士蛋糕更是令人满足。另外，也点了鸭腿和羊肚菌忌廉意粉，两样也很出色。能感受到这间小店认真的态度，非常推荐。
继续阅读
位于北角嘅红星餐厅，餐厅系复古怀旧气氛，除咗有$80牛扒set menu 之外，单点Menu都有不同种类嘅扒，贵极都系$200有找，份量多之余，味道亦都非常之唔错，可以话系性价比超高！宝云酥挪威鲜三文鱼•山葵芥末籽蜜糖忌廉汁非常鲜甜嘅三文鱼扒，表皮煎得香脆，配搭芥末蜜糖汁，令到三文鱼味更加突出！美国安格斯牛肉眼扒•黑松露酱烧汁呢块牛扒份量一啲都唔少，厨师将牛扒嘅熟度控制得非常之好。牛扒肉汁丰富，配搭香浓黑松露酱汁，真系食到lam lam脷😋凯撒沙律 呢度嘅沙律同样都非常之出色，除咗蔬菜份量充足，仲配搭咗炸面包粒，芝士，提子干等等，两个人食都几乎食唔晒！
继续阅读