紅星餐廳

营业中

休息中

同MAY MAY行完柏架山走到這頭搵食 見晚餐牌有十多款SET選擇 有湯有包 有餐飲 價格也不太貴 於是一試推門入內 黑黑暗暗 地方也不是很大 但內裡客人經已滿滿 女友人又想試下於是等了一陣可惜要跟別人搭枱 四人枱坐埋一起 還以為大家相識 因為完全冇分隔 像茶記坐埋一個卡無異我們點了兩SET 一份是紅酒牛尾飯 另一個是芝士焗雞扒天使麵牛尾入口鬆軟 份量不少 而味道惹味 天使麵煮得一般 芝士雞扒味道也不夠濃郁 一般OK餐湯是羅宋湯 入口沒驚喜 而自家餐包有微溫 但不太香脆 餐飲熱啡作結 比錢後 轉戰到北角翠苑食糖水 

在鰂魚涌返工的朋友介紹下，我們今晚決定聚於紅星。朋友話，間餐廳係佢哋周不時會去嘅餐廳……果然令我哋眼前一亮，這棕紅色主色配搭令人舒服。美國穀飼厚切豬扒配西梅燒汁，厚豬口感爽，值得講講係尼個汁好掂！尼個係食肉獸仔仔要的鐵板雜扒配青胡椒汁，睇都有食欲啦，係咪？皇帝蝦蝦汁意大利飯和珍寳帶子黑松露酱扁意粉。意大利飯略嫌干身些少，而尼個扁意粉好香黑松露味，帶子亦煎到恰到好處，仲有d細細粒帶子和新鮮菇。下次，我會約埋三五知已再來。因為今晚聚得好開心，湯和甜品都唔記得影低添回想下，個自家製香草麵包點醋都好味原來仲有d唔記得影相，下次再分享畀大家。

偶然同朋友黎到Quarrybay 想搵下附近有咩好食 便用OpenRice 搜尋附近美食 見到紅星餐廳🍴幾得意個名 便同朋友一齊去試下地點都不難搵 地鐵C出口見到麥當勞個招牌左拐直行，見到麥當勞斜對面便是我地去到正是下午茶時間價錢令人喜出望外 估唔到咁有feel的餐廳 下午茶價錢卻十分實惠我同朋友分別叫左一個下午茶餐朋友叫一個C餐 要英式兵家腸因為個名好特別所以叫黎試下 結果味道都不錯本身餐牌係炒蛋🥚但朋友想食太陽蛋也可免費轉！而我叫左一個吉列豬扒配炒蛋多士！一上我地都哇左一聲！個豬扒好大塊，而且炸得好好味 唔似出面個d炸完好乾又冇味 ，而是好juicy 重點係價錢都係30幾蚊!

我唔食公仔麵唔得！一間西餐廳，以前佢地早餐冇公仔麵，經過多次要求，加左尼個餐，估唔到做得甘好。好簡單，麵爽滑彈牙，清湯味唔假，加埋麻油...正。我要求濃邊太陽蛋，做到。

格調好正，非常愛呢種舊式西餐廳的感覺，好似入左時光隧道！呢d越來越少，依家都數都係franchise。if you're looking for a little cozy western restaurant, this might be your thing. 有機會係度食lunch好開心，唔算太貴，野食都okay，有得坐卡位比較舒服，下午精神爽利。叫左三個餐都無中伏，幾好味，有紫薯食，幾特意。a nice place for some steak during workday lunch if you're in the area. the food is not bad, portions are decent. 建議叫扒類，我始終都覺得有西餐feel多d，而且穩陣嘛～

平時食早餐 經常都是太興或者翠華但如果不想走遠，一定是「紅星」啦也是我最愛我早餐下午茶餐廳之一點解咁推薦佢的早餐及下午茶呢？因為絕對是「西餐廳的質素，茶餐廳的價錢」①食物味道👍🏻②價錢便宜③份量非常足夠④環境低調舒服早餐及下午茶係非常抵食既一間餐廳. 午餐同晚餐都食過, 價錢就大概$80～$160早餐：呢個兵家腸, 好味！呢隻腸都幾特別, 味道不錯. 吉列豬扒好大舊！ 肉都好厚身架～ 都做到外脆內嫰, 唔乾, 肉汁仲係保留住, 炒蛋份量都係好多. 呢間啲炒蛋都好滑.. 佢早餐都有10種左右選擇⋯ 英式All day breakfast 都有. 選擇都算多.仲有下午茶炸魚柳好大塊, 唔會好油, 佢啲野食份量真係好大份. 相比起個價錢, 堅係好抵食. 重點係味道都絕對值得試呀推介推介推介!!!! *「有加一收費」*

係北角食早餐, 豬仔最推介紅星餐廳早餐種類比一般的沒太大分別, 有一兩款是外面少有🤗黑松露炒蛋多士非常足料, 黑松露佈滿每一處的蛋中, 每口都有濃濃的黑松露味, 喜歡黑松露味的人士, 必定推介炸魚柳配多士炒蛋沙津也是豬仔大愛的, 蛋味濃而且很滑, 不會很油膩, 炒蛋要滑又不油膩, 這間可謂數一數二而炸魚柳也相當出色, 魚柳被薄薄的炸粉包裹著, 魚柳非常滑身及鮮味, 外脆內軟, 魚汁同時進入口腔, 相當美味早餐會跟杯餐飲的, 豬仔覺得佢地既咖啡不錯, 也可以識識

懷舊的裝修，播著懷舊的英文歌，感覺很舒服。食物質素也不差，只是地方太小，2位要同人share 台，這樣就沒有任何浪漫氣氛可言，還有些不自在。下次要先訂座卡位應該會更好。餐飲可選橙蜜 (以前未諗過蜜糖除了配檸檬，還可以配橙)，好好味

食物ok 幾鍾意吉列豬扒餐，超大份～～每次都食得好滿足。但呢排廁所味好重 距離洗手間好遠都聞到即刻冇食慾⋯做飲食行業難道乾淨唔係最重要嘅咩？麻煩花多d時間做清潔吧！

唔知哩間餐廳有幾耐歷史，同類嘅只去過波x頓但裝修後冇咗嗰種老餅feel, 太平x 又好似貴啲(未去過) , 哩間就可以感受番嗰種港式老餅西餐情懷~~三文魚忌廉湯 - 好有三文魚味嘅白湯，唔錯香煎美國安格斯牛肉眼扒配白松露油肉汁 - 名有夠長，塊扒夠晒份量(話有10安士); 個人喜歡茹毛飲血，叫4成熟，切開果然夠生而只有少許血水，算係咁；牛扒夠林夠嫩滑，白松露油好香夠味但稍嫌油咗啲，整體唔錯食得暢痛快香煎挪威鮮三文魚配蜜糖芥末籽忌廉汁 - 三文魚煎得太好，外面煎香而魚肉保持溏心，咬落去軟滑得嚟仲要熱辣辣，一流牛油雞湯燴車厘茄西蘭花及忌廉鮮薯蓉 - 主食嘅配菜，個薯蓉其實夾雜薯粒，比起一pat薯蓉有咬口紅豆冰 - 應該加咗"呵嚦"(好立克) , 甜味就來自紅豆，幾好味即磨咖啡 - 唔識亦唔特別鍾意飲咖啡，但食西餐多數會叫；好香咖啡味，夠滑口但稍嫌唔夠厚，還可以自己家製芝士餅 - 芝士餅本身冇乜特別，但個餅底做得幾好，最怕食餅底都覺得幾好食，唔以一般餅底咁死實實又重味後記 : 哩個價錢算十分唔錯，如果間鋪可以唔用個lcd電視播埋晒啲老舊英文MV,更好，個電視同間餐廳完全格格不入

haven't been there for a while but I always like this cozy restaurant. Ordered breakfast today with oatmeal, peanut butter toast and 2 boiled eggs with coffee. You really cannot expect this can go wrong but to my surprise boiled egg is only around 3 min boiled, peanut butter portion is so little so it can only be good for 1/4 toast, coffee taste very bitter I think they need a chef with more passion  ..

Unlimited baguette with butter. Shy waitresses. Good effort put into presentation. Classic 80's music videos playing. Western Asian fusion. Potatoes served with set were not cooked all the way through and seemed unevenly cooked as soom were mooshy. Comfortable seating. New York cheesecake was a tiny portion and lacking in flavour and texture. Main sets were delicious and generous portions with delicious flavour. Overall this restaurant has exceptional value with generous portions and intimate, q

聖誕佳節，出街食西餐係指定動作，但預咗貴同迫。今次嚟到呢間餐廳其實已幫襯過好多次，因喺屋企附近，整體質素又高，所以大時大節都會再返嚟食，呢晚都唔例外望望menu, $198一個聖誕晚餐算係相宜，而且4款主菜都相當吸引，最後我揀咗燒春雞拼薯菜~首先上枱係餐湯。賣相吸引又足料，入口有濃濃混入多種海鮮配料嘅鮮味，酸甜醒胃，配合青口、龍脷柳同大蝦，帶來嚼勁同富層次嘅口感，本身已足以成為一道菜式之後主角燒春雞出場~~ 雞肉嫩滑但味道略淡，不過醮埋伴碟嘅醬汁就即刻美味番晒最後提提嘢飲，個人推介橙蜜，一來喺第二度比較難飲到，二來佢會提供橙片同蜜糖俾客人自行調配合適嘅味道。。飲落微酸偏甜，帶陣陣清新橙香，有助消滯

餐廳座位不多 建議打去book枱但環境好靚 高身沙發位 餐單有二頁係晚市套餐 多數七八十蚊 包餐湯麵包同飲品 麵包仲可以無限添加野食算大件 又不差 又掋食但我覺冷氣不夠 越食越熱溫馨提示:飲品係等食完主餐先拎尼 吾想等就講聲拉叫扒餐無問幾成熟 有需要都係講定好

跟朋友一行3人，行經北角發現一間很有氣氛的西餐廳，又當晚飯時間，於是走進一試。服務員安排我們安坐於一個英式梳化卡坐，因坐背很高，很有私隱邢又坐得好舒服，服務員有禮可讚。翻開餐牌晚餐套超過20種，價錢仲要70幾蚊起已有湯，有餐包，有主菜及包餐飲。我地最後叫左3個套餐share食，第一度餐湯及餐包已有驚喜，一間餐廳仔不怕麻煩，居然連餐包都自家製作，仲要好好味，仲可以免費添食 主菜3樣都幾好味，闊最特別就係我order個份雜扒餐，件牛扒居然係酒店式燒牛肉 連杯凍檸茶檸檬及糖水都分開上,好多酒店都無依個服務最後個自家甜品都有酒店級數埋單仲驚喜每人平均＄100 相信依間日後會成為我地飯堂！