紅星餐廳

营业中

休息中

總有一個人食飯的時候，有d攰。心諗，不如去紅星稍作休息下。順便e下肚仔先。可能星期六嘅原因，店內並不是太多人。懷舊音樂！有禮貌，有笑容的侍應睇下，我一個人的午餐吧……沒有肉的菜湯啱哂我尼d扮健康的人，，好多菜紅酒雜菜燴牛尾，酒味不算太濃，但牛尾燜得入味及够焾。其實都有一段時間冇來，但令人開心嘅係幾次嘢食都畀人滿足的感覺。再加上舒適的環境，真係尼附近不可多得的食嘢好去處。希望紅星keep住嘢食水準同友好服務。

係呢頭住咁耐竟然冇發現有呢間餐廳，可能平時好少行內街，今晚係係附近工作的朋友相約一起黎食，聽講呢間餐廳好得意，晚餐同午餐的menu一模一樣，同樣價錢食兩種氣氛因為朋友說平時黎食lunch時間會比較趕，因為餐廳幾乎日日爆場係夜晚食飯時間比較鬆動d因為早到，所以係佢門口影左相 門口把超級大遮幾得意 遮內仲吊住一盞馬燈 夜晚感覺餐廳好浪漫 燈光比較昏暗 應該好適合情侶約會我地一行五人聚會 一坐低就會送上自家制麵包點義大利黑醋同橄欖油 好少係出面食到咁ge麵包 多數都係牛油麵包 幾有心思 我喜歡！重點係麵包可免費添加 一食完侍應就過來問你要唔要加麵包即使食唔到好多麵包 都覺得好有親切感！真系好少餐廳會做到咁講到主菜部分啦我就order 左呢個厚切豬扒 本身係鐵板 但侍應都會提醒話可以用碟上 我不想整到成身味當然選擇碟上 但呢一份餐真系等好耐 差不多20分鐘到 我一度以為係漏單 但一上檯見到咁厚真系o咀 重點係好味又唔鞋 讚其他朋友都分別叫左佢地個三文魚同雞扒 都覺得十分抵食同好味呢間餐廳我會一來再來！好味又大塊，重點係唔貴！！！氣氛又好

好耐好耐之前食過一次紅星，個次用餐經驗實在麻麻，所以之後一直無再去。今日有同事提議紅星，好啦，比次機會你。12:40pm左右時未算多人，店員問我地1:15pm還枱得唔得，實話得架⋯⋯⋯Menu比以前多選擇！未order已經放底麵包同問我地要咩餐湯，可能想加快我地既用餐速度？！紅湯好濃郁，西芹味較突出。麵包則普普通通。最後揀左厚切去骨豬扒，都等左一段時間先上菜。豬扒確實係厚切，大件，唔韌，西梅燒汁微酸。成件事好飽，我唔應該配意粉，女孩子們絕對食唔哂！餐飲唔記得影相，熱鮮橙蜜，一杯熱水然後自己加蜜糖同鮮橙片幾塊！檸蜜就飲得多，橙蜜真係第一次，特別，唔錯，值得一試！食完已經1:40pm，好彩無比人趕走！對紅星改觀啦，可以再來。橙蜜一定要試！

晨早空氣清新開朗，梗係落紅星嘆返個靚早餐.咁先有力再返公司搏殺過兩人行，朋友心大心細，想食吉列豬扒又想要黑松露炒蛋。最後都係揀咗豐富的黑松露，蛋裡有唔少黑松露，面頭專登擺多d，迎合咗喜歡黑松露的朋友們。而我揀咗水煮蛋配法式荷蘭汁，蛋煮到剛剛好,切開時蛋黄流落多士蘸埋荷蘭汁一齊食.直頭人間美味

炸魚柳配炒蛋：每次光顧都必點的。 炸魚柳外表香脆，魚柳本身不會太薄，不會像某連鎖快餐店的魚柳般只有炸粉和很薄很薄的一小片魚柳。 魚肉不算太乾，炒蛋多數都很嫩滑，而且份量十足。三文魚奄列：裏面是一粒粒的三文魚肉，而且有一些磨菇。餐茶方面，除了一般的咖啡奶茶，特別之處在於還有橙茶 (即類似檸檬茶，但是以橙代替檸檬，感覺更清甜)。ｰｰｰｰｰ順帶一提， 大約每個月去光顧一次，感覺食物質素浮動比較大：有時炒蛋很嫩滑，但有時又過熟，可能是不同廚師處理的。

12號晚上選擇呢間餐廳同中學同學同Miss食飯，餐廳服務員的態度超級nice喔，餐廳環境好正，燈光唔會好刺眼，反而係比較柔和！！講翻正題先！！大家睇相啦！忌廉湯好好味，唔會好膩！😍自家製香草包，好好味！超大舊三文魚，三文魚愛好者一定要試，好正勁大塊雞扒！真係啖啖肉肉眼扒，絕對抵食啊，正過牛扒先生好多倍（純粹個人意見）成餐飯真係好抵食，重點係好好味。餐廳環境適合約會，聚會！！好正，會再幫襯！👍👍👍

匆匆忙忙的每一天，總想找機會好好的和妳食餐飯。選擇尼間餐廳係因為實在太多選擇，妳一定可以揀到妳鐘意食嘅嘢？由於周末原因，我晨咁早就打去訂台。安排我哋坐在近門口的窗口卡位，有禮貌地递畀我哋餐牌。門口的棕色大遮正首先送上係自家製香草包及餐湯，今日係菜湯及鮮菇忌廉湯。麵包同我上兩次來食一樣好味，口感超正蝦控的朋友們，睇到尼張相是否垂涎欲滴呢？實在有驚喜，竟然係兩隻大蝦而三文魚煎得恰到好處，外脆內滑。我的她讚不絕口，也已在期待下一次，下下次開心，滿足的2人晚餐

奶油包爸爸正日生日就梗係要慶祝一下而奶油包第二日又要返工唔可以去得太遠食所以就決定去屋企對面既『紅星餐廳』因為上次媽媽食過煎魚柳配飯所以今次媽媽就encore返呢個呢個餐真係好大份有2條完整既魚柳媽媽話食極都仲有好有五餅二魚FEEL魚肉冇泥味或腥味以奶油包呢個唔鍾意食魚既人嚟講佢係食得過既而奶油包爸爸就要左個燒羊架配意粉份量又係多到喊個羊架冇個D羊既SO味爸爸覺得OK...但奶油包覺得個羊架既肉唔夠軟身有DD筋同硬奶油包就要左豬手配天使麵豬手真係好好食....而且份量係3個SET入面最多既....成隻冇骨豬手上枱豬手咸得嚟又好軟身仲有D豬皮好Q彈咁滿滿既骨膠原餐飲方面...爸爸要左杯餐酒媽媽要左個熱橙蜜而奶油包要左杯西柚汁飯後甜品奶油包要左個 +$15 既芝士餅芝士餅份量又係唔細但係冇咩芝士味同甜味奶油包只係食到橙皮味如果再多D芝士味會好D

今日Lunch前要到北角做野, 咁近老家當然要約媽媽出黎嘆護個Lunch撐下枱腳啦。係Openrice搵到呢間紅星餐廳, 因為評價都幾好, 所以決定訂位同媽媽食好少少。可能係太遲訂枱的關係, 訂位時店員已經通知需要1小時內交枱, 我同媽媽都係習慣食完即走嘅人, 所以問題唔大。我地訂左12:15枱, 餐廳比預期細間, 卡位雖然未坐滿, 不過繁忙時間正常都會預留比4位客人, 我地被安排坐係一張由兩張細枱拼成的4人枱, 同隔離2位客人搭枱。餐枱唔大張, 見到隔離枱客人因為湯未喝完已上主菜, 搞到張枱食物放得太滿有d不滿, 不過呢度服務員的服務態度都唔錯, 好快就幫助拿走客人剛喝完的湯。是日餐湯有雜菜湯同周打魚湯選擇, 我點左周打魚湯, 材料都豐富, 咸淡適中, 不過自家製的麵包唔係我喜歡的口味, 香草味濃麵包口感偏軟。我點的主菜是鐵板雜扒, 份量十足, 牛扒雖然薄但牛味濃郁, 豬扒略略乾左少少, 值得一讚係配菜味道都唔錯。Lunch$130價錢合理。媽媽點的厚切去骨豬扒, 豬扒好厚身, 肉質都幾軟腍, 只係鐵板上豬扒底部燶左少少, 整體都唔錯。食緊主菜時隔離卡位客人入座, 估唔到會加一張摺椅

搬來鰂魚涌已有一段時間，今天終於有時間出去食lunch12點幾已有咁多人在外面等位,好彩我已訂咗位.我哋叫左羅宋湯,並冇太大驚喜,反而香草麵包口感唔錯,點埋油醋簡直一流.重要的是:尼個自家製香草麵包可以免費添加我叫左紅星意式雞扒,雞扒好滑,而意式茄蓉酱則是令我刮目相看,食到新鮮的茄粒,味道鮮d,和一般餐廳的茄酱好大分别.而朋友叫左厚切豬扒,豬扒周邊有些少肥膏煎到輕微燶,而咁厚的豬扒居然一d都唔鞋口仲相當juicy,

每年的5月18日就是奶油包一家的大事這件大事影響奶油包好深係呀...冇佢就冇我呢日係奶油包爸爸同媽媽既結婚周年紀念日今年奶油包一家決定攪攪新意思唔食中菜轉去食西餐而奶油包係一個死懶鬼行多步都會累所以就揀左屋企附近既『紅星餐廳』其實今次唔係奶油包一家第一次嚟紅星只係平時都只係食過LUNCH今次就試試DINNER入到去就覺得紅星好有懷舊氣息棕紅色的裝修Bling Bling既水晶燈環境特別舒服睇到個menu都覺得幾多選擇因為奶油包爸爸同媽媽都好餓既關係我地揀左3個SET媽媽要左個H餐--煎魚柳配飯爸爸要左個O餐--鐵板雜扒配意大利粉奶油包就要左個L餐--加拿大牛柳配薯菜而家就睇下3個餐既樣啦但你睇個Main之前睇睇個湯先周打魚忌廉湯很稠好足料而個自家製意大利香草麵包Sorry...奶油包唔鍾意食....但爸爸同媽媽就Encore左一轉麵包爸爸話麵包點油醋食起嚟酸酸甜甜好開胃睇完餐湯...就睇下3個主菜首先係煎魚柳配飯雖然係價錢最平既一個SET但卻係最好食既一個首先係魚肉唔會有泥味或腥味咸度適中之後就到鐵板雜扒配意大利粉爸爸話豬扒硬左D牛扒算OK肉腸都唔差但係一同魚柳比較就失色了最後既mai

今天係我第2次幫襯，我諗，我會多d來lunch hour,好多人，好彩，我哋12點兩鐘就到左。兩大一細叫左以下兩個set lunch天氣太熱，冇乜胃口，食尼個巨菇扁意粉（素），加左少許白酒一起煮，令個炒扁意粉變得不再寡，面頭個菇係焗的。好滿足，這是否就係人哋講ge:食物係有層次感呢？煎魚柳，個汁可揀辣或不辣。魚煎得金黄金黄，睇賣相都知值得1試我哋到達時只有四，五台客，過左一陣，出面好多人等位食飯。但我哋個小朋友食到成台都係，D侍應姐姐唔單止冇黑面，仲又递紙巾，又迅速幫我哋清理，又拎糖氹下我個小朋友……我覺得好窩心，一餐快但一d都唔倉促的午餐

今天早上十點多我與男友朋到紅星食早餐，開頭見食物份量及質素ok, 服務也不太差諗住第時又多個好地方食早餐！點知，我地剛剛食完野服務員便過來收碟，跟住就話麻煩我地埋左張單先！我地以為11:00早餐完所以趕住埋數叫人埋單，照埋啦！點知埋完先知原來淨係催我地同隔離張檯，因為有人等位，就趕我地走! 如果佢開心見誠講有人等緊位我唔介意讓張檯，但偏偏佢地無，淨係叫人埋單先😡😡😡放假食個早餐想嘆下都比人趕！太差了！

紅星餐廳係我經常食的餐廳，一來係我屋企樓下，二來價錢實惠又抵食！適逢星期六，係外面玩完又唔想回家煮飯，又唔想行遠，就帶著兩個仔同老婆黎紅星食一行四人，七點幾到餐廳幾乎已經full，好彩就打電話訂位先，呢間餐廳位置有限所以都係訂位先去安全d！餐湯個度我地一致叫了是日餐湯-西蒜清湯我推薦大家食 聽到以為好大蒜味 其實飲落完全唔會 而係清清地 西蒜亦煲到淋 入口即融 好正！不得不提ge係佢地的自家製意大利香草麵包，可免費任添之餘，又係點油醋，食起酸酸甜甜特別開胃，我地個個忍唔住order 多一轉麵包！主菜方面我地各自叫了不同餐 互相share餐飲方面我地叫左佢地推介的橙蜜同谷古橙蜜顧名思義就係橙加蜂蜜水 冇檸檬咁酸同埋比較清谷古係朱古力 但飲落比其他朱古力黎得滑！正！

餐廳播着懷舊的音樂，配上棕紅色的裝潢，環境特別舒服。餐湯分別是周打魚忌廉湯和羅宋湯忌廉湯很稠，十分足料！羅宋湯酸酸甜甜，好濃郁❤️側邊嘅focaccia好好味，有咬口，同油醋配合得好好主菜同樣沒令人失望先是挪威三文魚配蜜糖芥末汁蜜糖芥末汁甜甜的，芥末味不重一旁的骰仔薯配上這個汁也令人回味三分三文魚煎得恰到好處，皮脆肉滑九成熟的牛肉眼扒同樣不俗，因為怕吃生的的關係叫了九成熟，卻一點也不乾不硬，反而很嫩很有肉汁，口感煙韌 有咬口。飲料方面是橙蜜，十分特別的飲品，卻意外地好喝。芝士餅裏別出心裁地加了柚子，多了一份鮮，餅底不硬不軟剛剛好，味道尚好。值得一提的是waiters的服務態度很好，每個都很有禮貌，笑容和藹可親。