紅島冰廳

营业中

休息中

叫咗做早餐D，豬扒煎蛋米粉，湯底ok，米粉好少(有相為證)，個豬扒嚡熠熠+有豬酥味，咬咗兩啖，真係吞唔落，再叫個榨菜肉絲米，呢碗啲米粉份量正常小小，榨菜係即食嗰啲(一包包)+肉絲+豆瓣醬，無難食，也無特別之處，炒蛋配多士，正常無乜特別，咁就食咗$83

收工好想去食肉肉呢間茶餐廳其實想試好耐今日收工見到個餐牌有雜扒餐仲要係羊同豬，諗咗好耐都唔知食乜嘢肉好，咁我就入咗去試吓，店內嘅員工唔多，所以當時入邊有位坐，都未嚟得及招呼入座，因為見佢哋都好忙，體諒體諒嗌咗個蒜蓉雜扒餐，有羊扒同豬扒，仲有嘢飲，湯，餐包 ～個餐$90上餐速度好快熱檸茶有6塊檸檬，落足料👍🏻湯類有得揀：紅湯，白湯，或者中湯我揀咗中湯，蓮藕豬肉湯【對我嚟講】都幾甜餐包軟淋淋都幾好味主菜就唔係熱辣辣咁上，微暖⋯食嘢唔熱要打10個大板😢薄切豬扒大塊過羊扒～羊扒，係羊架size我唔記得咗走汁⋯或者汁另上⋯【對我嚟講】好咸！！！我片開晒啲汁食都仲係好鹹，羊扒好少少，放喺面頭冇咁多汁，所以都幾好味配菜有得揀飯或意粉或薯菜，我揀咗薯菜焗薯仔同埋椰菜花拼西蘭花菜花合我意，爽嘅咁當然焗薯仔都唔係好熱，都係焗薯仔嘅醬汁，類似沙律醬酸酸地甜甜地嗰款整體環境舒服嘅我諗只係咁啱我叫嘅嘢食比較鹹，又或者可能我食得清淡食完之後我同自己講，早知去對面薩X亞食🥹唔小心浪費咗喺啲味精度😮‍💨😭因為返屋企途中都勁口乾雖然係咁，但未至於劣評，有機會會再試多次

講開香港地道茶餐廳/冰室，最近佐敦新開分店———紅島冰室😚就有曬香港人🇭🇰鍾意食既香港地道美食元素啦。呢度兩層高既冰室，而且裝潢別緻，營造出舊香港🇭🇰的味道👅又不失現代風格，真係好花心思。來得冰室當然點返D香港最出名既幾道美食，味道好好之餘賣相吸引，最重要價錢不貴，真係夠曬親民，隨時可以做飯堂啊。1. 乾炒牛河 $69 味道正宗炒得好出色好彈牙，超級鍾意食乾炒牛河👍🏻2. 常餐A 泰式冬陰功肥牛麵🍜 $58 小小辣好開胃，湯底係重點，整體好好味😋3. 常餐B 瑞士🇨🇭雞中翼撈麵 $58 雞中翼色澤好靚好吸引，撈麵口感也適中，做得好好👍🏻兩個常餐都配炒滑蛋，丹麥🇩🇰酥，熱飲☕️ 抵食啊再點多份公司三文治🥪配薯角 $53 大大個三文治🥪超足料，都有4 件咁多，岩曬上班族企輕食🥰

今日去佐敦準備做驗身📑，未夠鐘搵間茶記食個靚早餐🍴🍽️餐廳裝修雅治✨燈光舒服💡門口麵包櫃🍞🥐🥖各種麵包已非常吸引，選擇亦多一早已經鎖定目標試下沙嗲牛麵香滑炒蛋配丹麥多士🍞沙爹牛肉麵🍜凍奶茶少甜少冰🥤味道中上😋，面身偏淋，我本身都鍾意食淋麵所以可問題🆗，如果鍾意食硬麵嘅朋友可能就要預先通知樓面姨姨💁， 多士炒蛋🍳中規中矩，絕對合格🈴 。最後係凍奶茶， 小甜都係好甜，可能要叫少少少甜😆

羅勒醬燒魷魚意式茄蓉墨汁意粉🍝有事要出尖沙咀，一個人貪方便就試吓呢間。😆⭕️等咗10零分鐘，應該係即炒上枱時熱辣辣，中間嘅意粉都冒晒煙。🦑魷魚彈牙嘅，但就一定唔係燒啦，調味亦唔夠，淡口咗少少，亦唔覺得有羅勒醬味（雖然個食物名有😂）。意粉都有唔少茄蓉，但係個汁比較稀，水水地，所以意粉掛唔到汁，亦影響整體味道。⭕️整體嚟講，份量頗大，而且喺佐敦地鐵站出口，大馬路地面，又近尖沙咀，非常方便。以份量價錢計，可以接受啦，味道就正常發揮。

紅島冰廳位於佐敦192至196號協成行九龍中心地下至1樓鄰近恆豐酒店，萬寧餐廳門外有售賣各種麵包菠蘿包，蛋撻等等堂食有厚厚的餐牌越南菜炸雞翼撈檬雞翼炸得皮乾唔油內裡肉嫰撈檬有青瓜等配菜好清爽越式柚子大蝦沙律大蝦彈牙柚子清新配上生菜同青瓜絲蝦餅大大塊分5小塊蝦味香日式鰻魚炒飯非常香飯粒均勻滿滿一碟阿華田西多西多士加上糖漿同鍊奶面頭再灑上阿華田碎非常美味班蘭紅豆爆珠冰班蘭非常香紅豆粒粒分明微甜爆珠有咬口香橙乳酸飲落酸酸甜甜橙味香，夠fresh

鐵板海鮮炒烏冬鐵板熱騰騰，上到枱仲出晒煙，海鮮類有海蝦、青口、魷魚等，份量豐盛，烏冬Q彈，甜醬油風味，口味香濃。焗芝士腸仔肉醬意粉濃郁肉醬覆蓋表面，啖啖意粉都沾滿肉醬，層次豐富，和芝士鹹香平衡，唔錯！銀芽肉絲炒麵色澤金黃誘人，麵條彈牙而不柴，入口仲脆卜卜，肉絲軟嫩，同爽脆嘅銀芽好夾，好有鑊氣。越式雞翼撈檬檬粉有啲唔夠凍，勝在份量充足。雞翼脆卜卜，入口有鹹香，加上醬汁，散發陣陣清新酸香，充滿酸爽感。斑蘭椰汁紅豆爆珠冰呢款特飲好得意，斑斕味嘅椰汁冰好特別，爆珠內係一粒粒紅豆粒，充滿爽脆感，入口清新自然，很涼爽。

茶餐廳擁有一種獨特嘅懷舊氛圍，而且食物多款式，啱哂我哋傳統港人口味。我哋揀咗晚餐set套餐美國牛柳牛肉大大塊，表面有點焦香，內裏粉紅，有濃郁牛味，芝士焗龍蝦🦞就比較juicy，肉質爽彈，芝士份量豐富，即叫即整，set包括紅/白湯、餐包和飲品，就連餐包，上到枱都仲係熱辣辣，配搭意粉份量好多，炸薯就比較吸汁，整體性價比極高！見到呢度仲有越南菜Menu，都幾特別，就order咗海南雞飯，雞肉無雪味，肉質嫩滑，揀咗配搭雞油飯，黃澄澄嘅飯比較軟身，勝在充滿香氣，整體都唔錯。最喜歡就係配搭特飲，大大杯都係加$12👍

紅島餐廳今日森仔去到佐敦同朋友仔食個快飯！竟然搵到間高質茶餐廳🍴🤣🤣佢好似部份新興嘅茶餐廳🍴一樣，打造貴少少🤏但係食物質素高，同環境舒服嘅感覺。當日我叫左三款食物，都令我幾喜出望外：🥇鐵板牛柳拼鵝肝整個鐵板上，真係好有格調和高級👍🏻👍🏻熱辣辣上枱，香氣撲面😚牛柳肉質鮮嫩可口，搭配濃郁醇厚的鵝肝！兩種高級食材的碰撞，讓人欲罷不能。尤其是鵝肝的口感，入口即溶，滑嫩細膩，完全不輸給任何高檔餐廳。🥈生牛肉湯河生牛肉湯河亦別有一番風味。🙌🏻湯頭清鮮甘甜，沒有半點腥羶味，正！而當中清甜湯底更能帶出生牛肉嘅味道！😍生牛肉香嫩夠味，熟度自由調控！再配上爽滑的河粉🍜，讓人一口接一口停不下來。🥉焗味噌鰹魚汁櫻花🌸蝦雞扒最後的焗味噌鰹魚汁櫻花🌸蝦雞扒同樣出色。鰹魚醬汁濃郁鮮味，想像不到的美味😋而份量之多，焗過的蝦肉和雞扒多到看不見飯。味道👅更加在醬汁帶領下相得益彰。連同櫻花蝦的芳香和香脆口感，提升了整個菜品幾個層次，回味無窮。整體嚟講，紅島冰廳不僅保留了香港茶餐廳獨有的特色，亦有在菜品製作上有新飲創意。無論是對味蕾還是對生活情調的追求，這裡都是一個值得光顧的好去處。

得知紅島冰廳在佐敦開了分店以後, 小編馬上來朝聖, 本身已經有心理準備需要等位, 但餐廳有3層高, 好多座位, 就算是星期五晚上7點多的黃金時段也不用等位。小編有事先做功課, 知道這邊的鐵板扒餐算是出名, 當然要一試。香煎西冷牛扒拼大虎蝦 $148套餐已包餐包, 餐湯 (紅湯/白湯), 餐飲。主食可選飯/意粉/焗薯, 值得一提的是焗薯並非薯條或薯角, 而是整個焗薯仔, 頗為特別。小編點了焗薯走醬 (個人喜好不喜歡沙律醬)。醬汁可選黑椒汁/蒜茸汁/燒汁/加錢要其他特別的汁醬, 例如咖哩汁、粟米汁等。蒜茸汁很夠味, 而且有蒜頭粒粒, 配牛扒一流。西冷點了5成熟, 在烘得很熱的鐵板, 慢慢享受已經會變成7成熟, 剛剛好。肉質比想像中好, 西冷的脂肪當然不會比肉眼多, 但也有肉味, 肉質嫩滑。常餐D $56常餐D包括招牌沙爹牛肉麵配火腿奄列、丹麥酥。沙爹牛肉麵的沙爹很濃郁, 有花生的香味。火腿奄列即叫即炒, 蛋不會過老, 是剛好的熟度。香辣炒貴刁 $70放心, 一點都不辣。炒貴刁有不少蝦仁、炒蛋和配菜, 上檯時冒著煙, 炒得乾身, 很有鑊氣。清炒白菜仔 $55吃了這麼多肉當然要叫一碟蔬菜平衡一

餐廳Menu食品種類豐富，三五知己嚟到，都可以滿足各人口味！西冷牛扒拼虎蝦蒜茸汁我哋order咗七成熟，牛扒表面煎得微焦，肉質粉嫩。大大隻虎蝦好飽滿，淋上甜甜地嘅蒜茸醬汁，配搭意粉，吸附上醬汁，味道濃郁。鐵板餐仲會附送餐包和餐湯、加$12仲有杯特飲添，性價比高！越式香茅雞翼撈檸檬雞翼上到枱都熱辣辣，外皮金黃酥脆，檬粉則是夠哂凍冰冰，淋上特製醬汁，散發著清新香茅味，酸酸甜甜和微辣風味，很回甘，配上碎檸檬片，充滿清新氣息。馬來咖喱牛筋腩筋腩上比例上牛腩份量比較多，牛筋炆至軟滑，牛腩咬下帶有柔韌感，咖喱汁好香，濃郁而偏向甜味。嚟到茶餐廳，點可以唔order西多士，即叫即炸，香酥可口，中間有碎花生🥜和花生醬，入口勁香😚個人覺得係必食！

鐵板海鮮炒烏冬配搭各種海鮮，種類豐富，有大蝦、魚塊、蟹柳、貝類等，烏冬入口Q彈，用鐵板上，熱辣辣，調味恰到，不會過於鹹，有鮮味，仲有啲芽菜增加口感，飽滿感滿分！Set dinner: 香煎牛柳拼芝士焗扇貝配搭大大碗餐湯和熱餐包，牛柳唔算大件，勝在煎製得恰到好處，口感柔軟。扇貝嘅芝士汁，帶有微鹹，口感層次豐富，回甘持久。可揀選配搭白飯、意粉或者薯菜添！咖喱吉列魚柳意粉 金黃酥脆嘅吉列魚柳另上，做法細心，魚肉口感嫩滑，同濃稠嘅咖喱醬汁好夾。

寶雲酥焗羊扒 $138套餐已經配咗自家製餐包🍞、 精選餐湯🥣 同埋 飲品🍹，飯🍚、意粉🍝、焗薯🥔任揀一樣，羊架份量都唔少，羊羶味味唔算太重，算係大部份人都比較容易接受嘅，成個套餐都係即叫即整，熱辣辣超滋味！😋😋焗招牌鮮茄豬扒飯🐷$72焗豬扒飯雖然周圍都有得食，但係要整得好食，真係一D都唔容易～佢哋嘅鮮茄真係好Refreshing，豬扒厚薄適中，唔會太韌，真係有豬味㗎！❤️馬來咖喱牛筋腩🐮$75佢哋嘅咖喱真係同一般港式咖喱有啲唔同，香料味會比較重，同埋相對地冇咁油膩，個人覺得做得幾出色！牛腩同薯仔嘅份量都多，70幾蚊性價比爆棚！🙌🏻🙌🏻

👧🏻Wodafoodie in Jordan佐敦近尖沙咀個街口開左間新冰室，裝修新派有特色，環境舒適，野食除左中式小菜焗飯、仲有西式扒餐、連越式料理都有！款式好多，價錢親民，可以一試😙✨ 🥩西冷牛扒拼虎蝦 $148扒餐跟餐包同雜菜湯，牛扒超厚身，切開肉質粉嫩，🦐虎蝦大大隻烤得香口，加左芝麻醬既焗薯好好食😝✨ 🥘焗芝士蟹膏醬海鮮飯 $76餐廳有多款焗飯，呢個既芝士蟹膏醬好少見😍 飯面超多芝士同白汁，海鮮有青口、魷魚、帶子、蝦，每啖飯都食到醬汁好惹味😋✨ 🍢烤雞肉串（3串） $40✨ 🫔米紙卷 $35第一次試冰室既越式料理～米紙卷包扎肉，點泰式酸辣醬好refreshing😌雞肉串配沙嗲醬味道一流，略乾身左少少。📍 紅島冰廳 (佐敦)佐敦彌敦道192-194號協成行九龍中心地庫至1樓

啱啱睇完九龍城寨，即刻想搵返80年代感覺嘅情懷。咁啱喺尖沙咀行過佐敦見到有間紅島餐廳，新開張無耐。一副懷舊嘅裝修，多氧化餐牌食物，即使不用考慮。入到去見到個個都食緊龍蝦，以為個個都咁富貴。原來係非常之抵食。成個晚餐，有塊大大塊嘅牛仔骨，在家中湯餐包凍飲，都係90蚊。個湯仲有得轉中湯，個下抵死。呢個價錢個龍蝦都合理，牛扒唔算難食，手掌咁大塊薄牛扒嗰啲feel，抵食。係個包冇加熱，扣少少分。個湯水份好濃...我朋友叫咗個蕃茄焗雞扒意,即時焗起熱辣辣。味道正常對得起佢價錢。下次可以再試其他