紅伶飯店

营业中

休息中

冬天又到左食打冷羊腩煲嘅時候喇❤️今次就去左呢間位於油麻地嘅紅伶飯店試下佢地嘅羊腩煲同小菜。一去到餐廳就見到大大個紅字招牌同掛滿滷水嘅玻璃窗，非常有傳統打冷鋪嘅感覺。✨秘制羊腩煲（$398）天氣凍嘅時候總係會想食羊腩煲😋呢度嘅秘制羊腩煲份量相當多，除左滿滿嘅羊腩外，仲有枝竹、馬蹄等配料，羊腩炆得都幾腍，但相對黎講就唔太入味。✨滷水什錦（$138）食潮州菜當然唔少得滷水喇🤣呢度嘅滷水種類五花八門，第一次食嘅我地就揀左咩都有啲嘅滷水什錦。入面基本嘅豬大腸、豬耳、腎片、墨魚等都有齊晒，食左有滷水汁獨突嘅咸香味，值得一試。✨馳名煎蠔餅（$80）最後係我必點嘅蠔餅，呢度嘅蠔餅水準算係不過不失，略嫌炸皮厚左啲，令成個口感偏油膩，個人覺得可以增加荽茜同蠔嘅份量令成個味道更突出。

最近天氣開始變凍 整個羊腩煲先 上次係屋企自己試整 原來工序都幾多 又要唔同既調味料 不如出去仲好啦 叫左個2人量($398) 一上枱 嘩 熱辣辣既羊腩煲 即刻身都暖曬 就甘睇羊腩份量都唔少嫁 味道都好濃😋 新鮮羊腩真係好淋好入味 如果可以再多啲支竹就無得頂 另外加多左公仔面 怕唔飽 羊腩汁撈公仔面 又幾夾咼👍👍不過我都係中意白飯多啲另外叫左個鹵水拼盤 真係乜都有 紅腸 雞腎 雞腸 豬耳 豬腸 配酒一流 其實真係幾抵食 所以我最後捧住個肚走人 下次可以再試下其他小菜

平日去食 兩層小店都坐滿晒人🐒地方略淺窄 非常熱鬧 好岩一班人黎食💁🏻‍♀️韭菜豬紅 $80 (3.7/5)湯碗咁大 裡面放滿晒豬紅🍲韮菜墊底 粒粒嫩滿彈牙 無渣😋//馳名滷水鵝 $130 (2.9/5)呢間名較出名嘅滷水靚鵝片一早賣晒😢諗住差唔多叫碟鵝試吓滷水汁偏淡 肉質非常韌 咬唔郁 小失望🥲🌟黃金大蝦球🍤 $128 (3.85/5)邪惡之選✨熱辣辣炸起 沾滿蛋黃炸粉薄 蝦大隻 推👍🏻🌟馳名炸蠔餅 $80 (4/5)超多蠔仔！每一次夾都見到飽滿嘅蠔💖唔會得炸粉同蔥😆配魚露食風味十足🤓砵酒田雞 $118 (3.55/5)田雞份量多 幾滑 醬汁食唔出酒味更多嘅係蕃醬味😂稍為再醃下田雞更好 味道有啲單調🤏🏻薑蔥魚雲煲 $108 (3.6/5)個人唔太識食魚雲🥲鍾意大大啖魚肉嘅🤣但薑蔥炒得好香 味道不錯😏

紅伶飯店🌟整體: 老牌潮州飯店 有唔同打冷食物🏠環境: 係大排檔典型風格 雖然冇好靚嘅裝修 但就係有果種懷舊風味🧑🏻‍🍳服務: ✔️☆║．．．．．．．．．．．．．║☆‼️ 羊腩煲 細 $398好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 冬天凍凍地食羊腩肉就最舒服🤪 gas 爐咁火候 keep 住成個煲都好暖✅ 煲最主要有羊腩 同 馬蹄 調味幾好 好惹味 叫咗碗飯 撈飯一流 不過略嫌馬蹄有少少唔夠爽✅ 幾欣賞佢個腐乳醬 豆味香而唔會死咸✅ 肉嚟講 ok 特別一提佢個皮 幾好食 彈牙又唔會咬唔開‼️另加菜 $48好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 正常菜 不過勝在夠大碟 正所講食菜都飽 菜吸汁能力強📍 油麻地砵蘭街10-16號宜發大廈地下D及E號舖Shop D & E, G/F, Yee Fat Building, 10-16 Portland Street, Yau Ma Tei⏰ 星期一至日17:00 - 00:00☎️ 電話號碼 34812020📩喜歡我的文章，可以關注我及讚好以作鼓勵

天氣凍，係時候食嘢食暖下個身，當然唔少得羊腩煲啦，呢啲咁地道嘅香港食物，我同咗朋友去油麻地一間潮州打冷飯店試下。羊腩煲$398羊腩煲有兩個size，方便唔同人數嘅人食，大size就$498，而細size就$398，普通如果兩個人，其實叫個細size都夠食。個煲嚟咗嘅時候，其實都幾大，個底好深，啲料都好足夠，入邊有羊腩、枝竹、馬蹄，材料非常豐富，所以唔使擔心唔夠飽。羊腩煲非常濃味，羊腩唔會有羶味，反而放入口到可以感受到羊嘅香味，羊腩幾有咬口，羊肉幾滑口。羊腩汁就喺個湯嘅精華，個汁好重要，好唔好食在於個汁做得好好，呢個汁濃味得嚟，又唔會好鹹，飲啖湯，可以試到淡淡嘅羊味，用嚟撈埋飯一齊食一流。白飯$12/碗汽水$15

油麻地歷史悠久的本土飯店☀️高質打冷、小菜也好味！這次推介最適合冬天吃的羊腩煲🍲《竹枝羊腩煲》細$398雖然是細，但也足夠二至三人份量。羊腩很嫩滑，脫骨的😌而且完全沒有羊膻味，秘製湯底亦很香濃！除了羊肉外，還有竹枝、馬蹄等配料，極至入味！✨羊肉有些連皮，有些連骨，把羊肉點上腐乳醬，肉味更加香！👏🏻《油麥菜》$48另外點了一份菜做羊腩煲的配料，香濃的湯，灼灼油麥菜，好味道！《冰鎮芥辣墨魚片》$108打冷必叫！墨魚片厚度切得適中，充滿著麻油味，再沾上wasabi和豉油，鮮味非常突出！好吃！👏🏻此外，配上白飯和咸蛋，簡直天衣無縫！😌總結：高質的打冷店，羊腩煲也出色！

📍紅伶飯店 (油麻地) 呢排又開始凍返啦，咁既天氣就最適合食返個暖笠笠既羊腩煲啦！❤️紅伶飯店既舊鋪開業歷史悠久，不過已經結業，而家新店一樣咁有潮州打冷特色，好受街坊歡迎，每次經過都大排長龍，座無虛席。😉今次我好彩等左一陣就入到，如果大家想黎就記住早少少黎拎位啦！𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️秘製枝竹羊腩煲 (細) ($398)雖然呢個係細既羊腩煲，但係份量絕對都唔算少架，適合2-3人食用。🐑羊腩煲入面個湯底好濃郁，令到啲羊腩同枝竹都好入味！羊腩炆得好腍好香，羶味唔重，而佢層皮煙煙靭靭咁，好有咬口好彈牙！😆強烈建議大家要點腐乳醬食呀，同羊腩勁夾勁香！配料方面有枝竹同馬蹄，佢地完全索哂湯底既汁，超正！🥰果然冬天就係要食羊腩煲，食完即刻個人暖笠笠咁，好幸福~ ▪️金菇肥牛煲 ($108)呢個係黎到大排檔既必點菜式！😍肥牛份量好多，而且個汁好香。另外除左金菇之外仲有好多粉絲，好滿足！▪️蜜椒薯仔牛仔粒 ($138)牛仔粒不過不失，🥔不過薯仔真係好香好正，🤤佢既表面沾滿哂蜜糖同黑椒汁，而且炒到外面有少少脆脆地咁，超香！𝑨𝑫𝑫𝑹𝑬𝑺𝑺:📍油麻地砵蘭街10-16號宜發大廈地下D及E號舖Shop D &

充滿香港風味嘅潮州菜館油麻地真係高手林立好多唔同嘅潮州菜館林立於油麻地間但係數到出色嘅相信都係呢一間都係首屈一指佢呢個羊腩煲非常正宗如果唔鍾意食羊肉嘅朋友就一定要來吃吃 因為我相信就算唔鍾意食羊肉嘅朋友你都食完之後都覺得非常之好食唔信嘅話試一試你就知道另外呢個墨魚亦都非常出色非常好食點埋呢一個避世醬汁簡直係冇得頂鹹蛋陳打翻係好多人嘅集體回憶嚟到潮州菜館一定要試一試個正宗㗎呢度仲有不同嘅小菜同埋潮州食物

又到冬天食羊腩煲既季節今次去左油麻地紅伶飯店 食下佢地既羊腩煲😍😍😍 依個細煲既份量超多 啲肉食極都好似食唔完甘 😆😆仲要好抵食 $300幾 就有細煲 4個人食都覺得好多 一定唔會驚唔夠食💕💕依到既羊腩煲 有骨既位置 又有正係肉既位置 岩曬中意食唔同部位既你😋😋最緊要係個羊皮 我最鍾意就係食羊皮 咬落去好爽 好彈牙👍🏻👍🏻👍🏻一定會番去再試另外仲食左佢地既冰震芥末墨魚片 墨魚片好爽口 加埋佢地既咸酸菜做配菜 好香 好開胃 酸酸甜甜再加辣👍🏻個咸酸菜姐姐話係佢地店自家製 $3x 一罐 買番去餸飯食 一流😋😋😋黎得打冷店 緊係要食埋佢地既滷水什錦 就甘叫什錦 有成8款餸 😱😱真係好多 最後我地簡左3款（生腸/雞腎/鵝腸）食依個什錦 一定要點埋佢地既辣椒油食 勁曬香口😋😋😋依到長期full 曬 好彩今次有訂位 早左到🙈🙈想食既記得要訂位呀#紅伶飯店

一向對打邊爐冇抵抗力，尤其係冬天咁凍，成日心思思想食熱野，喺網上做咗少少資料蒐集，見到YouTube有人介紹呢間老字號，就捉埋朋友一齊去食個羊腩煲🥳餐廳好多人，但係店員都冇怠慢我地，全程保持禮貌。因為我哋得兩個人，就叫咗個細size嘅羊腩煲一解打邊爐癮。羊腩煲會附上爐keep住熱度，肉質軟滑，肉味濃，冇咩羶味，口感幾好，煮耐啲就會更加入味。羊腩煲份量比想像中多，合二人之力都食唔完，最後要打包返屋企🙈見到呢到既墨魚片都好多人叫，可以蘸豉油同埋芥末一齊食，呢個食法幾新鮮😛都唔錯既～

🔺老字號打冷店 🔺樓高兩層 • 平日晚市都座無虛席🥢枝竹羊腩煲 (細 HK$398) 天氣開始涼咗, 當然要食返啲熱辣辣嘅嘢保暖‼️羊腩煲絕對係個好選擇🐑 估唔到呢度嘅細煲份量極多, 建議2-4個人分享, 羊肉炆到好軟綿又入味, 配料就有爽口馬蹄同大量枝竹～ 🥢蠔仔碎肉粥 (中 HK$78) 去打冷店除咗蠔餅之外, 另外最熱門嘅就係潮州蠔仔粥啦🦪 呢度有細中大唔同嘅份量叫, 好足料, 蠔仔粒粒飽滿, 冇沙, 加上大量肉碎, 仲有魷魚粒添～ 粥底望落去好深色, 不過一啲都唔會過鹹, 應該係加咗木魚去整, 所以特別香濃～

秋冬起, 係時候食羊腩煲啦! 朋友推介話紅伶飯店重開, 仲係一間潮洲老店, 就一心PLAN好今日放工去買個外賣羊腩煲番屋企慢慢食! 外賣包裝簡單企理, 最緊要係個湯呀, 好企理完全無漏無倒瀉。番到屋企即刻既黎睇下, 因為得兩個人食所以叫既係細SIZE既羊腩煲,份量我好滿意! 好多舊羊腩, 而且大舊有肉, 仲幾乎舊舊都連皮, 冇呃秤。羊腩肉質腍又不失口感, 羊香而不酥, 特別係連皮位一齊食香上更香!湯汁好濃郁, 仲有唔少腐竹馬蹄芹菜, 好足料。如果外賣可以好似我咁自己買少少生菜同蘿蔔等配料, 唔好浪費個湯汁呀麻!依個係今年既第一個高質羊腩煲, 係好出色喎, 一路食已經一路諗緊今個冬天一定會食多幾次!

又到咗食羊腩煲嘅季節，朋友今晚帶咗我黎呢間潮州菜老字號話幫我補補身😂呢度有兩層，上層仲有好大既露台位，充滿歷史既裝潢同建築👍兩個人叫咗細羊腩煲，一份生菜，兩碗飯同一罐王老吉～羊腩煲翻熱嘅時候聞到好香嘅香料藥材味😍羊既份量超級多😯😯羊羶味對我黎講岩岩好😊 (太羶既話我頂唔順🙈完全唔羶我又覺得唔似食緊羊無乜feel🤣)羊腩夠淋，羊皮爽彈，有啲有筋位既都幾有趙口☺️湯底濃郁，配埋勁吸汁既爽口生菜同枝竹無得彈！😋不過見到附近幾張檯檯檯都有嗌蠔餅，仲要好大份！望落炸得勁靚好吸引😍 下次要call齊人馬一齊過嚟再食過，咁就可以試多啲唔同款式滿足下貪心嘅我😆

【油麻地•紅伶飯店】—————————————————————————冬天梗係要食羊腩煲暖身🥰手腳冰凍的人有藉口食好野紅伶飯店主要食潮州打冷為主 冬季限定就有羊腩煲🌟秘製羊腩煲HKD398(細)火鍋配料有12種選擇 蜜糖小姐只加配必備生菜HKD48 砂鍋煲入面有大量枝竹 羊腩都起碼有廿嚿 2個人食到飽啲羊腩炆得好軟腍入味 絕對容易咬開 啲羊腩食得出有唔同嘅部位 肋骨部位都有溫馨提示‼️間唔中撩吓煲底。枝竹會痴底燶🌟椒鹽九肚魚HKD108望落好厚粉 但食落另一回事 面頭炸蒜脆口脆脆外皮加上軟嫩嘅魚肉 配啤酒超一流 可惜冇叫難怪咁多人嚟打冷食小菜啦餐廳環境：📸📸📸️服務質素：😊😊😊😊食物味道：👅👅👅👅性價比：💰💰💰💰人均消費 HKD277 (2人)✨✨✨✨✨✨✨✨✨✨✨✨✨🏠 紅伶飯店📮 油麻地砵蘭街10-16號宜發大廈地下D,E號舖

踏入十一月，天氣突然轉涼，係時候去食羊腩煲，l油麻地有間老字號「紅伶飯店」專食潮洲打冷，佢哋嘅羊腩煲也不錯位置於油麻地，樓高兩層，有傳統老飯店感覺， 幾有香港情懷，人流十分多，以為老店都是年長的食客多，估唔到都有好多年輕人幫襯秘製羊腩煲 （細）$398羊腩入味，肉厚嫩滑，肉質彈牙，份量充足，店家用秘製香料炮製，上枱已聞到陣陣羊腩香，熱騰騰地滾住，食落去暖胃飽肚， 非常鬆軟，羶味可以接受，煲底放滿枝竹吸收羊腩醬汁精華，十分滋味。羊腩煲亦都放咗冬筍、馬蹄、八角、桂皮，令到羊腩煑更入味。食羊腩加入腐乳更令到味道昇華。蠔仔粥 （細）$38蠔仔粥幾鮮味， 內有魷魚及其他海鮮，味道鮮甜冬天食羊腩煲是養生保暖，下次會約埋屋企人一齊再嚟食多次