糖百府 (已結業)

九點九到.....人龍長到喊....店員話要等九個字....十點半折返.....都未到....足足等左一個鐘先有位.....誇張....座位超逼.....即係食完要即走果隻....原本係門口等位時已揀好....點知入到去居然有"車仔沙冰"....可以自己的喜好逐一揀.....自己要左:香蕉底沙冰 + 朱古力醬 + 芝麻 + 士多啤梨 + 椰果賣相吸引....味道一般....而且沙冰勁快溶....要食趁快......份量超大....一個人好難食哂一碟.....最好同人 share....(P.S. 寫呢篇食評前上黎睇其他食家的食評及相...點解人地果D咁多生果....我果碟似係一粒士多啤梨刴碎???)

星期六我們一行三人來到糖百府，諗住撞彩下午六點多去少Ｄ人，去到已有差唔多十人在等位，等二十分鐘就到我們，終於食到一直很期待的雪花冰，一坐低就點了朱古力香蕉小丸子紅豆，之後就嗅到好大剩番石榴味，就叫左番石榴芒果醬朱古力樹皮乳酸魔豆蒟葯Ｑ，等左十分鐘到，番石榴就黎到啦！～一食落口同我想像中有很大出入，想像中番石榴應該帶點酸酸，但係食落口卻是一口甜，番石榴的味道也不太濃，加了酸酸的芒果醬就好味Ｄ，至於乳酸魔豆就黎錯左朱古力魔豆，我地也懶得換，一咬開粒魔豆就流Ｄ好假既朱古力糖水，味道怪怪，蒟葯Ｑ也是一般當我們食左一陣之後朱古力就黎啦！～朱古力味道好濃和香蕉好夾，不過友人話許Ｘ山Ｄ小丸子好味Ｄ同埋冰底味好似牛Ｘ公司雪條！～朱古力食完番石榴還剩一大半，只好由叫個個人＝＝＞我，默默咁食埋佢食完覺得味道好一般，沒什麼驚喜！～

小妹乃嗜冰份子，從雜誌得知有一新冰店，即專程試食。未知是否傳媒效應，店外已經出現等位人群，需派籌輪候。等約三十分鐘後點了自選組合，冰底口感軟棉棉及濃郁的牛奶味確實不錯，尾中不足嫌加$2配料的份量不足，及糖漿不夠，食到最後無味。

見有新店，經娜娜好介紹，一月中已經黎過，一直都想帶水母黎試下黎食冰，今晚終於有機會了！首先，當然要照舊嗌返個~$38。抹茶治金時雪花冰，如常咁好味：一層層像鉛筆刨既刨冰上有些綠茶醬，下面有d紅豆、綠茶凍、小丸子伴碟…抹茶味都幾fresh架！原本水母想嗌芒果紅豆雪花冰，點知店員話芒果底暫時無晒，所以退而求其次就嗌左咖啡，不過都唔錯，因為有咖啡凍的關係，咖啡味都好濃！$35。咖啡紅豆雪花冰：咖啡凍、紅豆、小丸子題外話：8:45pm到，已經大排長龍，拎左籌，店員話起碼等半個鐘，咁我地咪行下街先囉，點知大約9個字他返黎已經過左啦，仲要……唔見左張飛，好彩店員認得，兼且仲補返比我地，等陣有位就即入得，服務態度如同兩個半月前一樣咁好，值得一讚！

由於餐飯食得太飽所以同朋友係旺角閒逛一陣.之後,有個朋友又想食甜品,所以就帶佢地呢間試.點知...今次到都係一樣又係大排長龍...仲要等接近20張等接近半個鐘頭...終於都到我地啦!今次同朋友揀自選組合,其實價錢同set既差唔多,如果唔係揀太多配料的話,又可以揀自己鍾意食既野,而且又方便,好似食車仔麵咁既方法,每樣計錢.1.朱古力雪花冰+藍莓醬+糖霜+蜜瓜+椰果2.咖啡雪花冰+焦糖醬+七色彩針+菠蘿+菠蘿椰果好特別既制作,唔似炮冰,似雪糕多D眼看層層既炮冰,己覺得特別.食落口既感覺,都唔識去形容.只嫌生果既種類比較少,賣相亦都唔吸引.但依舊,老闆&伙計都幾好禮貌.P.S.由於落錯單.所以做個指天椒雪花冰,老闆仲好好人,請大家試食,不過就真係好辣好辣,食呢個,成口都冇感覺,完全麻痹

星期一5:45pm去已經要等4張枱, 不過算la,去元朗食咪仲遠出面有d位坐下, 傾下計時間都好快過叫左朱古力冰底,花生碎,朱古力糖漿 -->$25,小丸子-->$2, 朱古力魔豆-->$2朱古力味幾濃, 個口感真係好似食雪糕咁好得意, 配花生有d咬口 ba~小丸子有十幾粒, 稔左d,唔夠煙奀, 許留山個d比較好食, 但$2仲想點?朱古力魔豆好似三文魚子咁一咬就穿, 我好鍾意!! 但味道麻麻, 唔知點解有d酸味.....落單之後好快送到, 服務態度唔錯,總括黎講一試冇妨, 但唔會話心思思成日想食lo~

每次星期六經過都見到一大堆人排隊..梗係唔排啦..所以就搵左星期二睇下仲有冇咁多人.點知一樣都多人..果時仲要係11點幾喇..不過10張都係等左20分鐘左右到..去到一食..發覺..冇乜驚喜..而且總覺我的比他人的細份不過兩個女仔share真係夠我呢個牛奶加香百果醬真係冇乜特別..不過個牛奶冰係有奶味既..不過唔係好濃姐..而我覺得d士多啤梨好細粒而且又少..好似唔值5蚊囉而d小丸子同許留山一樣..ok既.全個冰係個乳酸魔豆好得意..一咬落去有d乳酸既汁..其他都冇乜特別..唔係真係話好好食囉

4個人下午去完花展影花~食埋晚飯仲有大把時間~肚仍有大量空間~我就提議不如去食旺角新興糖水店既刨冰拉~~~咁就轉移陣地去左旺角拉~當時仲係8點幾...已經好多人係門口等拉誇張左d喎8點乜唔係食飯時間咩!!!已經有咁多人等位拉~~~仲要等成十幾張幸好幸好!!!等左半個小時就有得坐o者~係出門等緊位既時間~當然係唸定要叫咩拉~~~我衣d崇尚日本文化既梗係叫"宇治金時"刨冰拉~而友人就叫左鮮果刨冰(朱古力冰底)...哈哈!!因為我想試朱古力又想試綠茶味~好彩朋友叫左~如果唔係我都好煩要邊個好!!!唔知典解刨冰都起碼要刨10分鐘~感覺上都幾慢~~乜唔係有部機直接刨d冰出黎~再支兩下d果汁再"but"幾匙d配料就ok咩??等10分鐘係令我意外既事不過好野唔怕等既~佢拎出黎既賣相係"得"既之但係綠茶冰有少少失望~因為個冰既綠茶味唔強烈~如果唔係靠個綠茶汁....我唸要食好多啖先食得出~~~d 配料亦比想像中少........話曬都三十幾蚊既刨冰....d配料只可以話係普通貨~~唔係日本紅豆..可能個賣點真係係個刨求度拉....而個朱古力味既刨冰~大家一入口就即話超似朱古力雪糕嚕~~都唔錯~不過d生

跟食友閒聊有關近期旺角超人氣甜品屋，當然有機會抽空過來試試！光顧當晚是閒日晚上，但門外起碼已經有三十多人麝集著，但已經來到門前，好歹都會這個唐寅一會！可能是賣的是砂冰，快快融掉的情況下光顧人流都挺快，大概半小時已經安坐下來，點的就是朱古力紅豆雪花冰；啖下，論朱古力味道，這裡的算是很濃鬱，每口都嚐到濃濃的朱古力味道，但配上紅豆及朱古力醬，偏甜，其實這砂冰，味道跟牛奶x司的朱古力雪條味道一樣，當然，在這裡品嘗的，開心很多！份量足夠倆口子一起share，但礙於偏甜，下趟，可能綠茶配紅豆效果會好一點！

上星期日同朋友食完飯黎呢間一早已經聽聞過要等位, 當時我地去到大約10:30pm....真係完全冇諗過要等一粒鐘, 11:30pm 先有位~棉花冰真係好棉花, 好有台灣feel不過略嫌貴咗小小, 同埋d 料好似小咗d總括而言係好食, 但短期唔會再去: 1. 勁唔抵食, 2. 等位等到傻

行街時不經意經過, 好多人排隊... 過左個幾月, 專登過黎試. 等左20mins左右...原本想order mango favour, 不過, 店外貼左張紙話冇mango & 士多啤梨味......... 唯有下次再黎試我order左朱古力香蕉紅豆雪花冰. 賣相極佳, 見到已經好滿足!! 終於試到雪花冰!!!! 原本以為會食到個口痺la, 冇事wor其實, 佢好似雪糕咁, 好濃, 好滑, $35一碟, 2個人share都夠食. 我見到隔離枱有2個女仔, 佢地一人order一個, 都有食剩...我一定會再試架!!

星期日下午五點幾去，一去到已經見到非常多人於門外排隊。拿左張飛，大約要等十幾張枱.....聽老闆講，開左分店都依然唔可以疏導旺角店既人流，認真誇張。等左四十五分鐘，終於到我可以入去食。我叫左一個朱古力冰底+士多啤梨醬。雪花冰本身真係非常軟綿，朱古力味濃烈，相當不俗。不過我一個人食既關係，食晒成個真係幾飽，建議大家最好兩個人share一個冰來食會比較好。

選了自由配搭雪花冰香蕉味雪花冰+朱古力醬+朱古力樹皮($25)另加$2小丸子,$2焦糖味布丁香蕉味雪花冰真係好蕉啊食緊真蕉咁,應該唔係落糖醬冰完全無雪味,唔係平時食果d碎刨冰咁簡單而係一層層好似望緊地理果d關於山脈既圖片!食落唔會索索聲.反而好似雪糕咁囉,口感好特別!朱古力樹皮原來只係普通朱古力味碎片無乜特別焦糖味布丁有d失望,好細粒似jelly多過布丁不過整體感覺係好食仲有好多口味選擇,下次可以再去試下

一行8人點左5個冰chocolate x2 milk x 2 (鍊奶味)coffee x 2 ( 鍾意coffe 既實岩...因為佢真係有coffee 果隻甘甘苦苦既味)普偏35蚊一個冰都幾大下....好多人都係share , so 其實唔係好貴味道整體不錯起碼唔會好似元朗果間咁係呢到 , 係雪糕同冰之間既口感元朗果間簡直可以話係雪糕 , 100% not 冰老闆(應該係掛? 冇著制服)好好人好識做 見我地多人 就特登移過晒d 枱又nice 又好笑容對客人好 係令客返轉頭幫襯既絕橋可惜唔係好多鋪頭識做

由於上次試不到牛奶味,特登抽時間排隊去再食過但實在有點失望,同我想像中的牛奶味是有點距離因為完全沒有鮮奶的味道只有濃烈奶粉味食時完全感覺自己像一個bb =.=一般綿綿冰自然牛奶味是身為主打的招牌口味,但此店都做得很一般總括來說不太好味就是了