糖百府 (已結業)

遲來的食評....因為不想打字, 所以很少在網上發表文章.不過見很多人對這間甜品屋的評論, 我也來發表下我當日的感受.當天跟平時一樣要等上1個小時左右, 如果不是想試吓它的雪花冰的話,真是懶得去等, 不過算啦, 好嘢通常都要等吓啦.雪花冰我在台灣吃不少, 不論是台北, 台南或高雄都試過, 不過不同地方有不同的配套, 如果對香港人口味的就要數台北了, 可能有很多香港人去那裡旅遊,所以有些店舖的口味都配合香港人. 廢話說了太多, 老人家通常都是這樣糖百府的雪花冰的冰底的而且確不錯, 很有台灣的風味. 可惜份量真的太少,而且溶得很快, 未食夠2-3匙就開始溶化了. 在台灣的雪花冰份量比它多,但通常吃完都還未見有溶化的奶水, 不知為什麼?而配料方面, 不談其他配料, 只是蜜紅豆就已經不知所謂. 蜜紅豆是台式雪花冰的必需配料, 不論吃什麼口味, 蜜紅豆是一定會落的. 但糖百府的所謂 "蜜紅豆" 只是用熱水煮過, 不但沒有台灣的鬆軟,連最基本的甜味都沒有, 真是令人十分失望.唯一可取的是它們的員工都不錯, 會耐心推荐產品給我們. 總結是下次不會再去, 期待有另一間更好的雪花冰店出現吧!

星期日在旺角晚飯後,想食d甜品,上open rice時,見到"糖百府"有台灣的奶冰食,於是去試下~行到街口,已經見到有好多人排緊隊.....等了一個小時,終於有位啦!!!入到店鋪,真係有如其他食家所講的大約得十張檯左右.....細得很.....點了奶冰+士多單梨汁+朱古力樹皮+芒果+小丸子+愛玉+乳酸魔豆一來到,覺得d冰比台灣的少好多....芒果可以數得出,得5-6粒....至於味道,主角奶冰味道跟台灣的都很相似芒果應該浸過糖水,所以係甜的小丸子不硬,好似湯丸咁愛玉反而我地叫錯左,因為係好細粒的o者喱食食下發覺唔見了乳酸魔豆,原來是執漏了,跟那位店員講,他看了我們的冰真係無,就比了大約十幾粒我地~食落去,感覺真係好似魚子一樣~味道就ok啦,甜甜地~

之前有次想食，點知遠處已見門口堆滿人，所以放棄咗，前晚同朋友食完飯後，諗住嚟睇下多唔多人，都係堆滿人，不過個侍應話三四個字有位，咁就排吓啦，真係等咗唔係好耐就入得喇。三個人叫咗兩個︰番石榴冰+芒果漿+杏仁片+芒果肉+朱古力魔豆($32) - 番石榴冰底好青甜，軟棉棉好味；本來以為魔豆係硬豆，原來係軟淋淋，感覺好似魚子咁，一個泡泡，口感好得意花生冰+朱古力漿+花生碎+香蕉($30) - 花生冰底有濃濃花生味，好味本身唔多鍾意刨冰，但哩種棉花冰就好好味，口感好好，軟棉棉。好想試牛奶冰、香蕉冰 & 其他味魔豆，要再去呀

之前天氣稍冷的時候來吃, 那次差不多1時多來吃, 老闆也說我們是最後一檯客呢......不知是好運還是不幸呢。為何如此說呢?～可喜當然是有得吃啦, 一試這間迅速躥紅的熱店啦, 不過代價就是因為它臨近收鋪, 本身地方又比較淺窄, 我們一行6人唯有分開3個位置分頭行事啦算啦, 永遠也說, 食物本身才是最重要的～不過我點的朱古力香蕉雪花冰, 我只不是吃之前先用手機影了一幅相就倒塌了呢＞v＜, 就是溶得快了一點是了, 不過味道就算可以的呢～而同檯朋友點的雪花冰, 她比較起來就相對遜色一點啦, 甜味蓋過了本身的味道。最後想說的是, 店舖以糖水店質素尚算可以, 不過以30多元那一個份量來說, 還要我之後數次和其他朋友來試吃, 不是要等1個半小時就是已經停止派飛......我只能夠認為是"台"風吧!還是等它幾時再開分店才去好了

聽朋友講最近有間好多人排隊既台式棉花冰,終於有機會去試下,同朋友叫左個紅豆抺茶既棉花冰,唔似一般刨冰咁,味道都ok既..係望落有d似棵菜..整體上店員同老闆都好nice.......but,如果等候時間可以短d就好喇(因為真係等得太久,等左差不多一小時!!)

經過幾次, 但都給人龍嚇走. 今日決定吃晚飯前來, 六時正到都要等五分鐘. 叫了一客宇治金時及朱古力雪花冰.一上檯巳覺得開始溶,馬上便吃. 雪花冰ok, 味道不錯, 但紅豆jelly 之類很小.以前在台灣吃過size俾這間大一倍.覺得他們收得很貴而物非所值.試過之後,不會再去了.

星期二夜晚，睇完場戲專誠去食綿花冰，去到有十幾廿人係出面等，拎完張飛食埋個飯，剛剛好到我。簡簡單單點個牛奶冰底，芒果醬，芒果肉，粟米片。上碟好靚，不過少左芒果肉，我同店員講佢睇都無睇張單就話OK，另上一碟芒果肉，好野！唔通我會呃你幾蚊咩，我欣賞佢，哈哈！味道唔錯，感覺良好。不過冰底都係台北既綿D。走果陣埋單比錢，滿臉笑容果個多數係老闆啦：係咪食食下凍阿？我見你女朋友著番件衫。好野WOR老闆！一個笑容，一句說話，睇到一份誠意。剩係尼件誠意都值得返轉頭啦！

本身愛吃冰, 只要不弄得太差, 我也會覺得好吃。但很可惜元朗綿綿冰近幾次去水準都強差人意, 所以我們不再幫襯。 今天和老公出旺角, 順道叫老公陪我來糖百府吃冰, 下午時間人客不算多, 真好不用受排隊之苦。坐好後點了一個自選組合, 選擇了元朗綿綿冰沒有的花生冰底配鍊奶、花生碎、小丸子及蜜紅豆。知道製作需時, 但在旺角這個分秒必爭的地方來說, 都算等得頗耐, 這也或許是導致晚間人龍等好耐的其中一個原因吧! 看著每個捧出來的雪花冰都覺得好靚, 每一款都很想試, 看來要幫襯多幾次了。在有比較之下, 覺得這裡的雪花冰比元朗綿綿冰做得好很多, 雪花冰文理細緻, 入口軟綿綿, 花生味道是足夠的, 冰底本身亦不會很甜, 加上有我喜愛的鍊奶, 更加細滑香甜, 如鍊奶糖漿再多一點更合我口味。花生碎很重要, 增強花生的味道及增添口感, 相信配其他應該效果沒那麼佳。小丸子軟熟煙韌, 不放在冰底下, 既聰明又細心, 看似是common sense 的事情, 可是我在元朗綿綿冰却吃過冰硬小丸子, 這種事情, 我却不想再遇上啊!!!唯一可彈是她的蜜紅豆, 為什麼不甜呢? 要靠少量鍊奶的甜來輔助, 有點兒薄弱難撐,

復活節假期,一班朋友有興趣去試一下這間台式綿花冰 睇下係咪好似友人在台灣食的一樣地方算幾方便,火車站落橋,第二個街口就係o個陣係下午4點多, 門口已經有一大堆人在等位似乎人氣算幾好我們一行6人,等了45分鐘才有位因為店內面積唔係好大,得10張桌左右到"主菜"喇! 我地叫左4個冰由最唔好食開始排起啦 咖啡冰 我地加左朱古力醬+紅豆+杏仁片不過個冰咖啡味超重食唔到朱古力醬同紅豆d味建議好咖啡人士才叫抹茶冰+黑糖醬+小丸子唔算難食,不過感覺普通小丸子好似湯丸之後o個兩個都好食 香蕉冰+焦糖醬+乳酸魔豆超有香蕉味!! 同食條香蕉冇分別勁好食!! 香蕉冰+焦糖係唔錯的配搭乳酸魔豆...你要想像佢係一粒丸,個"咸"係益力多,之後你一咬就會爆,bit晒 d益力多出黎咁好似好核突不過好得意, 值得一試牛奶冰+草莓醬+朱古力樹皮+愛玉凍li個係最match的組合好有口感!! 牛奶冰有牛奶味, 朱古力樹皮有朱古力味, 愛玉凍...冇乜味似一粒方型o者喱咁總結: 間野都好整齊, 冰來得快,但係會一個接一個來,等我地夠時間食,夠細心去過台灣食過綿花冰的友人都話同台灣好似值得去食埋單每人$21 度, 抵食建議唔

食一sushi前黎呢度打底, 食左個抹茶冰底+藍莓醬+杏仁片+芒果+蒟蒻q+百香果魔豆+青蘋果椰果~埋單$36抹茶冰底有少少澀, 但抹茶是這樣的啦, 所以冇問題, 不過下次會試下另外一d味道的冰底藍莓醬好好味, 唔會太酸or太甜, 配落去岩岩好杏仁片也可以, 不過其他配料好像比杏仁片更騎呢....芒果十分甜~十分甜~好好味蒟蒻q, 煙煙軔軔的, 頗有口感百香果魔豆, 咬落去會有野bit出黎, 好得意, 好鍾意食魔豆~但百香果味一般.青蘋果椰果, 沒甚麼特別, 也是很有口感的, 味道...忘記了....走果陣好多人排隊呀, 入去之前都等左一陣, 環境可以, 選擇也頗多, 但若果再多些會更好.呢度主要d人都係order冰冰, 好少食其他種類的甜品.

3.19晚飯後當然要吃一吃甜品, 才算是滿足。一直都很想試新開的糖百府, 拉了朋友們來試一試。其中一位友人先行離開, 所以我們有4 個人來試這個新店。忘記了地址, 找了很久才找到, 到達是看到很多人在等了。不管了, 應該不會很久吧... ...人算不如天算!因為第2日是星期6 的關係吧, 等了差不多一小時才可以入座。我叫了一個自選的, 牛奶味, 加士多啤梨, 蒟蒻, 玉米片。不知道是不是太遲了, 已經沒有士多啤梨了, 改叫紅豆。不一會就有得吃了。先說賣相, 我覺得整體賣相都算吸引, 起碼跟圖片上的相差不遠。而且沒有在半溶狀態下送上, 算是不錯了。配料方面, 紅豆: 我以為會是帶有甜甜的味道, 可惜只像是用滾水煮好的紅豆, 淡而無味。蒟蒻則很七彩, 我本以為是像椰果, 只是白色透明。 不過蒟蒻很少, 只有一點點, 形狀大些可能會比較好。玉米片是平時早餐那一種。到主角牛奶味雪花冰, 光看樣子, 是看不出一片片的。但當我吃第一口的時候, 勺起時是一片片雪花似的, 這個細節很好。吃了一半的時候, 還依舊是一片片的樣子, 吸引!不過要吃得快一些, 畢業溶得也很快。牛奶味其實有點像煉奶味道, 愈吃

這坐落在黑布街的棉棉冰小店，一直擠身在OR十大好評食肆之內。香港人對少有且有綽頭的甜品之熱愛，由此可見一班了。太座不喜吃生冷的甜品，對臺式的綿冰是一點興趣也沒有的(臺北永康街的芒果冰可是例外)，所以一直無緣得試。是夜跟一大夥朋友從勝利道走出來，又是甜品時間。黑布街距離這兒甚近，其中一位朋友又對這裡甚具興趣，太座又不大反對，各種因素加起來，使小弟能一嘗這人氣小店的出品....去到黑布街街頭，離遠已看到一堆人在門外聚集了。是日只是一個普通平常不過的weekday，這小店人氣之盛，是可想而知了。拿了籌，站在門外等了差不多二十分鐘才可就座。究竟小小一碟的綿綿冰，是否值得大家傻楞楞的等候如此久呢 ?叫了個原味牛奶冰作底的，再另加樁子糖漿、花生碎及蜜紅豆。初吃幾口時，感到奶味是挺濃的，但越吃多點就越覺淡口，初時只以為是未完全攪勻的結果，但事實是記得吃之前已先做了這一步驟了糖漿是全然吃不出樁子味出來的，只是一味的死甜；所謂的蜜紅豆竟是沒有事先浸過糖水的，入口是淡淡的要吃好吃的臺式綿綿冰，最好還是到臺北吧......

同得好友食家"乜都放入窿"食飯, 飯後甜品當然唔少得啦, 所以今次師傅當然唔會放過呢間人氣食店啦! 去到店外只不過係晚上九點幾, 但始終都係要等, 人氣店始終離不開"等"!終於等到可以入坐, 入到去地方環境都幾細, 不過師傅覺得夠膽喺石磨坊對面開鋪, 呢間食店應該唔少料, 所以一坐底即刻睇下有咩好食, 最後師傅揀左咖啡紅豆冰花冰, 而好友食家"乜都放入窿"就揀左宇治金時花冰!等左一陣兩個甜品就有得食, 師傅亦有幸試過宇治金時花冰, 宇治金時花冰即係綠茶冰, 綠茶冰味道夠香, 入口唔算太甜, 味道幾吸引; 而師傅個咖啡紅豆冰花冰, 咖啡味非常香濃, 而花冰嘅賣相亦幾特別, 肉眼望落去跟本唔覺得似冰, 唔放埋入口都唔知係冰, 所以幾得意, 紅豆就夠鬆化夠腍身, 而小丸子亦夠煙煙韌韌, 有咬口, 不過師傅略嫌紅豆同小丸子太小少!總括黎講甜品質素真係不錯, 服務亦算好, 環保就逼少少啦, 至於價錢就屬於偏貴, 兩個甜品都要三十五蚊或以上, 未見抵食; 師傅都唔係好明點解咁多人排隊? 係咩令食客甘心等候呢? 師傅就不得而知, 不過咁嘅價錢, 師傅覺得一次就夠, 皆因喺呢區選擇真係幾多,所以未必會

今日第一次到此人氣食店，試了朱古力香蕉那個雪花冰，友人試了那個宇治金時。我吃的那一個有我喜愛的香蕉、紅豆及小丸子伴碟，而初時覺得朱古力有點像牛奶公司朱古力雪糕的味道，但沒有那麼甜，所以味道不錯.....友人亦說她的宇治金時味道不錯，有機會會再試。

一行3人去食星期日下午2點幾去..等左4個字左右叫了朱古力棉花冰 (自選後$36)好靚,但溶得好快...幾好食~係幾特別既雪糕食法不過叫一個要$25up價錢,份量都兩個人食好d