糖百府 (已結業)

排成個幾鐘先有位, 入到間鋪裝修都幾簡陋, 同埋都幾迫下, 叫左個綠茶冰底, 另自選豆豆, 成三十五蚊, 好似食雪糕咁, 而且賣相不太值三十幾蚊, 味道都不是很引, 就好似綠茶奶刨雪, 如果要我比三十幾蚊食個甜品, 我覺得麻布重好, 起碼座得舒服啲, 要我排得咁辛苦, 我諗我都唔會再黎啦!

古時有唐伯虎點秋香，今天有我到唐百府，尋找我的秋香了，但所說的秋香，其實只是花冰而已。久仰此店子一段時間，但未有時間來一試，見現在天氣熱得透不過氣來，正好也是吃冰的時候了，今天順道和女友來一試，在下午的時間竟然是大排長龍，等了一陣子，覺得情況不大對勁，所以最後放棄，晚上再來一趟，也是要等，但等了十多分鐘也有位了。坐進一張窄窄的二人桌，也全心是想吃花冰的，所以快快手的點了朱古力秋香及宇治金時秋香。不消一會，也有得吃了，先來的是朱古力秋香，即巧克力花冰，配上一點香蕉片及綿花糖，用匙羹舀了一點花冰來吃，嘩！那些巧克力濃得很呢，當然若要跟吃純巧克力的來比，當然是被比下的，但若以花冰的界別來說，絕對是很濃，而且冰也很綿滑，對版。而似乎巧克力及香蕉像是永遠不錯的配搭，配起來效果不錯，香蕉片片也沒有庝痕，不錯；可是個人不太欣賞那些綿花糖，不綿不鬆而有點韌的，真奇妙，最後是吃剩了大量的。吃到巧克力花冰也差不多要吃光了，也未見宇治金時秋香的踪影，問一問店員，才知道是漏了單，幸好的是花冰不久後也端到了在桌上，宇治金時秋香，即綠茶花冰，配上一點紅荳、小丸子、椰果及綠茶凍，用匙羹舀了一點花冰及紅豆來吃，紅豆煲

第一次寫食評, 因為呢間野的水準真系差左好多, 如果要我等, 一定唔會好似以前禁薯仔傻傻的等. 之前試左佢D冰, 覺得都好味, 點知尋日試左佢最好味的 "石榴冰", 哇, 估唔到食冰好似食生果禁, 每一啖入口都是 "渣", 似食石榴多過冰LOR. 但我個FD就話OK. 可能系因為我去過, 令我太失望了. 還要一提的就是食物的賣相, 冰少左不在話下, 賣相又差左. 我望下周圍果D, 原黎都系一樣, 俾人一種好求其的感覺. 雖然都知道你依家勁多人食, 但再系禁, 我覺得KEEP唔到LOR.由於真系同之前有明顯分別, 我會俾一個喊面. 希望老闆可以改善下啦!!

同男友食完北海道十勝豚丼後，唔食甜品就好似周身唔舒服咁就決定去糖百府試下！見識下佢有幾大吸引力去到勁多人，男友一見到就話，不如去第二間啦我份人唔食唔今心，拉住男友陪我等等左要半個鐘，到我地啦！叫左抹茶冰同香蕉冰我抹茶冰 - 加抹茶醬，朱古力樹皮，愛玉，有一個唔記得左，因我之前係未試過食任何既綿綿冰，第一啖完全唔似食冰！好好味！抹茶味夠濃，抹茶冰加朱古力樹皮無澀味！男友香蕉冰 - 好有驚喜好得，我開頭覺得會怪怪的，完全唔會！好清新，食得出係新鮮香蕉味，唔係蕉油味！加左百香果醬，好夾！店鋪好細！所以要等好耐，如果唔洗等咁耐既話，一定有下次！

吃完農夫包行左一陣~再吃多個甜品~呢期超出名的糖百府~當然要去TRY下啦~~去到見到的盛況~簡直以為唔使錢~多人等到要在出面放椅子~拎左籌~在出面熱左9個字~終於入到去~間店好細~但都OK乾淨~叫左個咖啡味的綿花冰~$35~佢話有埋小丸子,紅豆,咖啡凍~但係吃完都唔知D紅豆去左邊~D綿花冰咖啡味好濃都OK滑~小丸子就淡淡的一團粉團~咖啡凍沒有咖啡味~$35真係太貴啦~~如果唔使等都可能會再幫襯GE~

天氣好熱走去吃台式綿花冰聞名不如見面的確很多人在門外排隊等位但都算快.. 半hrs 就有得入坐入面冷氣好大食住個刨冰... 愈食愈凍= =好在有帶外套 綠茶冰好濃綠茶味佢附有d 白色既粉圓(?) 好yin un 朱古力冰有個hazelnut 糖漿好香好好味同個朱古力冰好match!!不過唔會有下次吃過台灣的, 就覺得佢冇咩特別但都可以1試

眞係好掛住糖百府個薑汁味綿綿冰，今日專登早D落去食。已經4點鐘左右到，竟竟竟然係要等位點解D人眞係可以咁瘋癲我眞係起記憶中未見過有食市4點幾要等位囉冇偈…眞係眞係好想食，唯有等，等咗約8-10分鐘啫，都好過夜晚、仲等得耐啦我當然係叫我嘅賣飛佛薑汁綿綿冰+乳酸魔豆+蒟蒻QQ+香蕉配抹茶汁同杏仁片有進步，我都係等咗唔駛5分鐘就有得食，太太太好喇味道各方面都冇變(我太耐冇食糖百府喇），果然唔會因為大把客就降低食品質素同份量要讚下！

成日都見到好多人話好食次次經過都見到好多人尋日終於去試左五點半，已經有好多人係出等梗雖然要等廿幾張枱但可能ｄ人等等下又走開左所以去其他地方行左個圈十五分鐘就到喇叫左個宇治金時同埋杏仁秋香杏仁秋香配芒果，台式黑珍珠同埋百香魔豆個雪花冰入口即溶雖然話係杏仁冰但冇咩杏仁味感覺一般，唔係太特別可能係其他地方都食過唔係太鍾意個百香魔豆因為咬落去個感覺好怪至於個宇治金時配綠茶冰，紅荳，小丸子，椰果同埋茶凍個冰比之前個杏仁冰溶得快要係咁食但最後都攪到成隻碟係綠茶ｄ綠茶冰幾好味好甘香不過個小丸子就一般，因為好硬由於尋日既天氣實在太熱食完之後好涼好舒服呢～

今次係第2次幫襯佢喇~但係我覺得第1次好食d...今日晏晝同左男友再去食...第1次要等15分鐘先入得去...今次好好彩出面無人等可以即刻入我地2個人share一個食...佢有2款叫法...一種就係只需要揀要咩味ge冰...佢就會有特定ge配料..唔駛自己諗~另一種就係自選...自己揀咩味ge冰...咩醬...咩配料...我地揀左牛奶冰($22)+朱古力醬(free)+粟米片(free)+哈蜜瓜(水果每款加$5)+棉花糖(呢d配料每款加$2)...佢o黎ge時候...個面有d金柚...以為係佢送的~所以無為意...不過我地2個都唔食ge~ 同埋仲要係苦的咁都算喇...睇睇下...發覺只有哈蜜瓜...少左棉花糖...於是同waiter講...佢都有用碗另上返比我地...一食第一啖...覺得好奇怪...因為除左食到一口金柚之外...咩味都無...但係佢痴住o係d冰道...整唔走...無晒d金柚之後...個冰ge味ok好味食到一半ge時候...我望下張自選紙...發覺d金柚唔係送的....而係佢比錯左!!我地要ge係粟米片(我地2個都唔記得左)...但係佢無比我...反而比錯左金柚...好無

下午五時多去拿飛等位...知道要等一段時間..先去日船買個小丸子食~足足半個鐘先有位...叫左朱古力冰上個冰好靚~ 食落好濃朱古力味!! 不過漏左最重要的配料....綿花糖!!!同個侍應講..就擺番一小碗綿花糖比我...再叫一個自選配料的抹茶冰.. 白珍珠煮的時間未夠..好硬... 又係少了個配料...不過冰底好綠茶 好正~這店錯單的情況嚴重...望改善...btw. 七點倒比較少人...下次正餐時間來吃...

星期五既晚上10點多..等左我諗30min+可能因為同男朋友一路打住ndsl又唔覺點耐喎..加上門口有把噴水風扇所以都無咩煩躁感..白色既係杏仁底+黑糖糖漿+菠蘿+栗米片杏仁底好好食好香好香加埋黑糖都唔會太甜綠色既係綠茶底+朱古力漿+芒果+朱古力樹皮我地食曬杏仁先食呢個都唔係好溶咋喎..男朋友話好食但係我覺得有d澀..(ps:其實店內都有提示話選綠茶底唔好選朱古力漿選選朱古力底唔好選綠茶漿店員話係會帶出苦澀味)但係d生果真係唔得d菠蘿酸到喊..d芒果係爛架..同埋可能夜好多野都賣曬..

剛食完大記攦粉糕點芝麻糕，就再來那店食甜品，閒日下午過來都要在門口等了十分鐘才可入內，坐下後朋友先點了朱古力台式雪花冰，我就試點了芝麻糊，個個都係食雪花冰，可惜我寒底唔可以食太多生冷野，唯有先來碗熱糖水打打底再跟朋友分享雪花冰！其實價錢都幾貴，三十幾蚊食個冷加些少伴碟！味道ＯＫ但是食到後期就只係得冰，朱古力已沒有了～另外配上香蕉同小丸子！小丸子超硬～整體上普通！相反熱芝麻糊有些心思，面上放上幾粒芝麻，芝麻味都很香很濃厚！感覺那款糖水感覺好難煮得差！整體感覺ＯＫ！但有其他更好的選擇都未必再來了～

果日叫左3種味, 朱古力, 奶 同 石榴味 !!! 石榴既味比較好D清D , 朱古力就普通, 奶就真係冇咩味 !!!佢既冰都似雪糕既, 不過我食過幾次元朗既棉棉冰就好食好多, 量多D , CREAM D , 奶重D !! 比較似雪糕多D ! 糖百府都OK既 !!! 未食過呢類棉棉冰就要試下, 起碼唔洗搓車入元朗先有得食可能糖百府係MK 既問題, 等真係太耐, 大大話話都等左十個字, 成個人真係溶左先入到去 !!!! 我見好多人都係架車度等, 叫先入去 !!! 起碼個人唔會溶 !

朋友介紹話呢間D冰好好食,一定要試. 今日下午5點幾得閒,就行左去,諗住試下有幾好食.去到係門外都有好多人等緊,好彩我地都係等左15分鐘就入得去食.叫左朱古力冰同埋香蕉冰, 朱古力冰都唔係好綿,似食緊朱古力雪糕,冇咩特別,香蕉冰加D蕉焦糖又ok既,不過甜左D.試過1次就算,真係唔值得等咁耐去食, 去台灣食D地道既綿綿冰仲好~~

我諗大家鍾意食冰嘅都識糖百府呢間鋪頭，其實我係起呢間鋪頭初初開嘅時候就幫襯喇，當然我之前去食就緊係唔駛等位啦！回想起眞係開心，宜家…唔駛諗啦！！！我諗我都有半年冇食過佢喇，其實我係勁鍾意食冰冰囉！但只要你見到門口D人…點等？？？我最後食嘅一次都等咗超過30分鐘），好喇到你眞係坐得底叫埋再等送到你面前，前後你冇40-50的分鐘都唔駛諗呀宜家夏天晚上都好鬼熱，再企起度等，仲要附近又冇嘢行，點等呀？仲有宜家禁熱如果仲要坐街邊食，D冰冰嘜好快溶晒。但講眞糖百府嘅冰冰都幾好味，我鍾意食佢個薑味，其他糖水舖就冇！而且都算抵食，我見有D舖頭一係味道好假、或者就配料唔夠多，都會比較失望。