糖水檔 (已結業) 查看

走去糖水舖買左兩件蘿蔔糕同粉果食.. 三蚊一件, 加埋九蚊雞, 味道唔算一流, 但係喺等到火滾既時候有野落肚, 唔好食都會變得好食, 更何況佢真係唔係差加埋辣椒油就更加香口了...

原本筆者與太座想食「堂記」嘅燒鵝腸粉，不過到達之時剛巧冇開門營業，唯有到此店食番糖水補數。此店雖開宗明義叫自己做「糖水舖」，但此店俾筆者嘅印象就係菜乾豬骨粥，與維港毗岸嘅「王記」可謂互相輝映。話說回來，筆者與太座分別點了紅綠兩溝、紫米露及一碟齋腸。熱紅綠中嘅紅豆大大粒，食起上嚟夠晒份量；紫米露則水份較為多了一點，當中放了芋頭，但煲得不是很淋。齋腸則口感新鮮，粉團有少許彈牙，而且一層層嘅米漿皮層次分明，太座亦忍不住手用竹簽將腸粉翻開成一大塊，蘸上各種醬汁，特別入味。糖水每碗十蚊，齋腸六蚊一碟，經濟抵食。

天氣寒冬又乾燥，最適宜來一碗熱騰騰的糖水暖在心頭。我又慣例是綠豆沙，我已指明要多渣。有時真係唔明白，舊式的糖水舖煲出來的綠/紅豆沙是無渣的。而這個亦是如此，也不太起沙，似是水汪汪的，不過勝在臭草的草香撲鼻，甜度恰好。而另一碗的麻蓉湯圓，那些薑水十分清甜，飲後即時暖胃，又可起驅風之效。湯圓有6粒之多，不過較為細粒，糯米皮很透薄、軟綿煙韌，輕咬一口後，內裡的麻蓉沒有流出來，且有點硬實口感，不是煮得不透，而是饀料的問題。一晚掃完三場後，要行多個地鐵站還未把他消化。

我地通常遊完車河 , 最like就係揾地方食糖水宵夜 , 咁好多時好自然就去左渡船街既"糖水鋪" , 佢附近又有得泊車 , 好方便 ...我本人就最like食呢度既皮蛋廋肉粥 , 本身d粥底已經好綿 , 加上d廋肉唔係一般係粥鋪食嗰d廋肉 , 似係煲湯嗰d , 咁就最啱我胃口 ... 正呀 !!另外我個fd就最like食白果腐竹糖水 , 加埋隻蛋就very good .我自己就like食紅豆沙 , 腸粉 , 同蘿白糕 .. 咁呢個宵夜就好滿足lu

除左食腸粉之外,仲幫襯左隔離間舖嘅炒麵一碟味道ok,都係好似其他粥舖咁凍冰冰,好難會有熱嘅炒麵食另外再加多碟咖哩魚旦,呢個就普通d,因為根本無咩味不過食到好飽,兩個人五十蚊就食到抱住個肚,過癮!

因為喺堂記食腸粉關係,所以幫襯埋呢間叫左腊味糯米飯同鹽水雞翼,腊味有腊肉同腊腸,味道不過不失,糯米飯比較淡少少,所以整體嚟講係ok反而雞翼幾好食,夠味,損吓損吓越食越開胃,仲叫多碟炸兩嚟食先夠

見有食家連打邊爐料也逐一出食評,我又黎個"屈機"先.身在堂記吃腸粉,鄰店的人走過來說有炒麵,煎釀三寶等等.單是吃粥同腸粉,幾個人又點會夠.過去望一望,P已急不及待先來碗雪耳糖水.我們就要個炒麵同糯米飯.小小甜品舖,點會有可能是生炒糯米飯,打開煲蓋,聞一聞,香氣撲鼻,已經很吸引.面頭的臘腸潤腸排得公整,耍些荵在面,賣相不俗.下面的糯米飯很有黏性.再淋上很甜的豉油,又真的不錯.我說如果吃生炒糯米飯,好多地方都有,不過坐街邊吃,最緊要是有條臘腸同潤腸在面,咁先有種坐在街邊的那種快感.)炒麵就嫌太濕,當然坐在街邊吃,又不能有諸多要求.

只係食腸粉又點夠丫又黎食埋糯米飯佢呢度好特別唔係生炒糯米飯而係普通蒸糯米飯加臘腸20蚊堂食任選兩樣配料(臘腸／潤腸／臘肉)除左臘味外仲有蔥花,花生同甜豉油初初一眼見到唔係生炒版係有d失望點知食落又幾好喎雖然蔥花較油同臘腸較肥但花生夠脆豉油又甜甜地加埋一齊又幾好食不過講真一碟細細外賣要成22蚊就貴左少少佢另外亦有飲品賣250ml就5蚊,375好似係7蚊架!

響街邊食糖水幾有風味, 間中楂車黎食都幾爽. 呢度勝在周街泊車都冇人理你, 唔怕炒牌.馬蹄露幾好味, 馬蹄同蛋花都好足, 好滑. 我估香港都冇乜幾多間糖水店重有馬蹄露賣.不過其他糖水就真係麻麻, 尤其芝麻糊, 好"傑"但又冇味.

朋友揸車入黎e度食, 哇, 驚喜呀.首先呢, e 度係坐街邊既, 唔好expect 有咩裝修d 糖水全部都係最傳統個d, 我最鍾意西米露.好平架ja, 食多幾款. 正

唔知係咪我要求高，呢間舖o既芝麻糊都可算係我人生食過最差o既一碗...冇芝麻味，稀的程度與水無異...一句講晒，得人驚。唯一可稱讚係，佢環境雖然唔靚但好有風味，晚上時份坐著吹吹風，感覺甚爽。(但小心有蟑螂)

個日食完添記三文治之後，去左附近呢間糖水舖。我地叫左芝麻糊同紫米露。兩樣都好普通，芝麻糊唔係咁芝麻，紫米露ｄ芉頭又硬得滯。但係最好既係我地可以坐幾耐都得，因為人唔算太多。佢賣ｄ野有ｄ似堂記，唔知有冇關係既呢？

係呢頭住咁多年都係第一次幫趁~坐o係度食宵夜真係好有風味，亦係不少司機大佬o既聚腳地~不過我選擇o左外賣，要左皮蛋瘦肉粥同蝦米腸...粥底唔夠綿同稀左o的，亦好淡，但我相信佢不含味精，料都幾多，十二蚊一碗貴了點~蝦米腸五蚊三條，不過好大條，作為宵夜五蚊已夠。蝦米都幾多，咬落口感不錯~除o左粥同腸粉之外仲有糖水，紅豆沙賣相幾討好，一於下次試o下！

2/9 下午六點，未有人客，我叫了凍馬蹄沙$10，馬蹄唔多，味道ｏｋ啦，小熊就叫了凍紫米露$9.5，佢話味道都ｏｋ啦，仲話lee d普通糖水好少地方話造得難食的．環境同衛生一般啦．

Editor,間店叫<糖水舖>，無堂記兩個字架，請更正。--------------------------------------------佢開舖時間不定時，不過星期六，日就一定開，留意只開夜晚。佢D糖水都幾多款式，不過全部係傳統糖水，想食新潮既就欠奉啦。我通常會叫白果腐竹糖水加湯圓$16.5或者芝麻糊$11(凍熱都咁正)，你鐘意點溝出聲就得架啦。另外我都好鐘意叫佢D小食架，齋腸$5碟,我一定必食(個人喜好)，另外，咖哩魚蛋$5/5粒、炒面(幾多)$6碟、燒賣$5/5粒、煎蘿蔔糕$2.5件，仲可以叫皮蛋廋肉粥或菜乾豬骨粥$11，我同男朋友SHARE食都食到好飽，價錢又抵，宵夜就最。格局一樣係大排檔FEEL，食物只係普通街邊野，所以唔好太大期望，我只係覺得比其他街邊檔好味，衛生同抵食。當然佢既糖水品質係算好。大家有機會可以試下。