糖水檔 (已結業)

Editor,間店叫<糖水舖>，無堂記兩個字架，請更正。--------------------------------------------佢開舖時間不定時，不過星期六，日就一定開，留意只開夜晚。佢D糖水都幾多款式，不過全部係傳統糖水，想食新潮既就欠奉啦。我通常會叫白果腐竹糖水加湯圓$16.5或者芝麻糊$11(凍熱都咁正)，你鐘意點溝出聲就得架啦。另外我都好鐘意叫佢D小食架，齋腸$5碟,我一定必食(個人喜好)，另外，咖哩魚蛋$5/5粒、炒面(幾多)$6碟、燒賣$5/5粒、煎蘿蔔糕$2.5件，仲可以叫皮蛋廋肉粥或菜乾豬骨粥$11，我同男朋友SHARE食都食到好飽，價錢又抵，宵夜就最。格局一樣係大排檔FEEL，食物只係普通街邊野，所以唔好太大期望，我只係覺得比其他街邊檔好味，衛生同抵食。當然佢既糖水品質係算好。大家有機會可以試下。