糖水檔 (已結業) 查看

尋晚九點半接完老婆放學後, 佢叫肚餓, 想吃腸粉諗住去渡船街果頭間棠記點知去到見佢無開(定未開?) 咁隔離呢間又有腸粉吃就坐低叫左牛肉腸, 渣渣, 同埋日式煎餃子腸粉即叫即做, 估唔到D 皮咁滑, 其實仲好味過棠D 果D, 棠記D 皮好易爛呢度D 滑得黎又唔會一夾就爛另外佢D 牛肉真係成條腸粉由頭到尾都有, 堅渣渣就一般勒, 豆類太少, 同埋唔係太香日式煎餃子都係普通貨式埋單 $43 

這間是賣粥及糖水，喳咋內有紅腰豆、眉豆、大粒西米、紅豆、芋頭粒和少許六角豆，甜度適中，可惜火喉不夠，只有芋頭粒夠粉，其餘很多完整豆粒仍存在，糖水中變得很少豆沙及豆皮韌，亦因如此，當我要求加少許淡奶，糖水已有足夠奶味，否則奶味不會這麼出，這是不足處有點安慰。

在這寒冷的天氣裡，來一碗熱騰騰、清甜又滋潤的「蕃薯糖水」，暖身驅寒健脾益胃。依稀記憶渡船角堂記腸粉附近有一糖水店，但就忘記了它的名字，原來它的名字簡簡單單的叫「糖水舖」。老闆他很健談，期間有客人問他糖水怎樣，他都一一耐心地回答。換了是我，我相信沒有這種耐性呢！蕃薯糖水的製作簡單，其實在街吃是否不太化算呢？不過小妹還是懶煲的。這裡的蕃薯糖水用了黃肉蕃薯，一碗糖水約有十小件蕃薯，絕不欺場。有別於坊間的糖水，這裡的蕃薯很腍，薑汁亦能為整碗糖水畫龍點睛，感覺很有住家糖水的味道。唯地方位於街角，始終和新式糖水舖的衛生程度有些分別。

酒友酒局來到了渡船街一帶, 本來已經吃得飽飽了。可是有人嚷著要吃吃米星星的堂記腸粉才離開, 結果路走到了一半, 發覺近年收多開少的堂記如常沒有開鋪。朋友只好失望, 可是他失望並非沒有腸粉吃, 他說: “哎呀! 那就吃不到好味的豬骨粥了!” 接著, 我就跟他講, 其實那個豬骨粥根本不是來自堂記, 而是其旁邊的糖水鋪。(餐廳常常都會有無心插柳之作, 例如B仔涼粉食雞翼尖; 牛奶公仔吃蛋治早餐; 等等....)這裡以前間中也會幫襯, 通常都是一班飲酒人, 意猶未盡, 來這裡宵夜, 醒醒酒。糖水鋪當然主打糖水, 賣的都是傳統中式糖水, 要價公道, 比很多新式半合成的甜品鋪來得實際一些。除糖水外, 也有一些鹹點小吃及粥麵宵夜以供選擇。親愛的友人點上一點馬蹄爽, 吃了一口。清清的蛋花, 口感滑溜, 口中夾雜著一粒粒爽口的米白馬蹄。入口有些冰糖甜味, 感覺自然, 算是不錯。朋友點了一碗喳喳, 現在這些南洋-香港混合式糖水真的買少見少了。沒有吃, 但顏色略深, 芋頭不多, 反而有些蕃薯件及西米。看上去稠身許多, 相信味道也濃。而我這次來沒有吃糖水, 就是喜歡他們的鴨腎菜乾豬骨粥。這個老火粥, 糖水鋪每

於佐敦吃罷晚飯特意來到這裡吃糖水，原因就是知道這是一間舊式的糖水店，有著街坊人情味。環境這是一間小小的店，檯和椅子都是舊舊的，懷舊味十足。但不知為什麼，有很重的油煙味，我想應該是別的店吹來的吧。一坐下已見到一個有趣的盒子，盒面上寫了可供選擇的糖水。也知道原來也有賣其他熱食的。食物要了白果腐竹加雞蛋，只是16大元，真的像時光倒流到十多年前的世代。腐竹一早已被煮得溶化，喝下去甜度剛好，沒有太甜，白果的數量不多，但以這價錢，絕對是收貨有餘。雞蛋大大隻的，吃完後非常滿足。

這間小店位於人氣腸粉店堂記隔離。記憶中對上一次光顧過可能也有年多兩年之前了。這日黃昏經過，心血來潮，進入吃碗很久沒有吃過的柴魚花生粥。這店雖然叫'糖水舖'，但除了多款糖水以外也有賣粥，燒賣、魚蛋等小食。粥底頗綿，稍嫌偏稀了一點。料方面，花生落得算多，亦夠淋；柴魚很硬亦不夠香。整體味道只是不過不失。店內裝修簡簡單單，有3張摺枱十多張摺椅，另加店外街邊亦會加些摺枱椅。地方尚算打理乾淨衛生。這是時間還早，宵夜人潮還未到，大部分客人都看來是街坊熟客，與老闆娘和店員閒話家常。街坊人情味似乎比粥的味道吸引呢。

呢間舖頭感覺真係好舊式, 除左有粥/ 粉, 魚蛋豬皮等小食外, 仲可以順便食個糖水, 呢日剩係食糖水, 嗌左涼粉同紫米露… 涼粉($12): 其實同自己嚮街市買一舊返黎切開加糖水無分別…不過嚮呢類舊式舖頭食感覺就好懷舊勒. 紫米露($12): 本來係叫凍既, 不過黎到只係室溫, 唔緊要照食, 比市面食到既稀, 有兩舊疑似芋頭既物體, 唔係太甜, ok丫. 我地嗌野食時, 搵個背住我地既呀姐, 嗌「唔該嗌野食」..個呀姐繼續背住我地, 就咁話「講啦」..感覺無乜禮貌勒…

深夜時份跳出香港過海食糖水; 一定要記下這個大日子　當晚天寒地凍 , 食碗中式糖水就無走雞 馬蹄露 : 試了一口, 清甜, 馬蹄也挺幼細, 點點蛋花令到口感更為豐富, 清新怡人, 不俗 綠豆沙 : 綠豆煲出火喉來, 起沙而餘有陣陣臭草香 , 可惜甜左小小 下次黎之前留定肚要試下腸粉, 粉都得小食 以十二圓一碗, 絕對零投訴

由旺角慢慢行到黎佐敦...已經累到不得了...終於到了..望望門口,都應該開左好多年o既老舖,香港好少見d咁o既老舖了...而家多數街見到都係連鎖o既糖水舖...本來我地想去隔離食亞蘇介紹o既腸粉,點知真係星期日唔開架...咁我地就去lei度食多d野啦...當食晚飯...舖頭名好易記好簡單就咁叫"糖水檔"...入到去好"up dup",一般港式食開o既糖水都有架喇,仲有粥食tim...我地叫左d小食...有炒米粉,豬腸粉,蘿蔔糕同煎餃子...糖水叫木瓜雪耳同渣咋...d小食...冇之前d comment講到咁好食...炒米粉一d味都冇,唔覺得有炒過,一滴油都冇,似係烚左之後加d蛋碎,椰菜蘿蔔咁啫...豬腸粉好硬好實,蘿蔔糕只可以話係大件底食,冇料冇味...係煎餃子叫好食d囉....糖水呢..個木瓜雪耳有蛋花係度都係第一次見,不過就好清甜,有d蛋味,唔錯...渣咋就好多豆不過就稀左d,芋頭搵到一粒咋,仲要溶晒咁...麻麻啦...做街坊生意都ok o既,不過就唔需要特登搵黎食喇...

在西九海濱長廊倒數完, 本來想行去佐敦佳佳甜品食甫腐竹白果糖水, 不過帶著沉重的攝影器材都係唔好行咁遠, 近近地諗起渡海角都有得食糖水, 不如就去試下啦~去到先知原來就係傳聞中堂記既隔離, 門外面開滿哂檯坐滿人, 仲有唔少人等位. 搵位阿姐問下個排隊等位機制係點, 佢指住有條人龍就叫我地排果度, 排左一陣, 咦, 有d唔對路! 原來果條係外賣人龍! 其實係冇排隊呢回事, 有人行開就自己坐低就得~ 好不容易安頓好坐低之後, 就叫左個蘿蔔糕同腐竹白果糖水, 見到位大叔o係門口煎到卜卜脆, 應該都唔會差得去邊掛~ 好快就拎到黎, 個樣都幾對路, 不過一食落口就知出事, 成口粉一D蘿蔔都冇, 仲要重味精! 雖然話$3件唔好要求咁多, 但係食完個口腔仲辛苦過唔食就唔係幾妥當啦~等左好耐, 碗腐竹白果糖水終於到. 見到D腐身都煲到溶左似乎幾好, 不過撈起D白果就知出事, 個心黑媽媽既, 咬落去仲衰, 苦既~! 完全同佳佳冇得比, 下次真係唔好貪近!雖然去得呢D地踎野都預左漏單混亂, 但係連D野食都係咁既質數, 應該都冇下次.

食完燒烤店...故意留肚黎食糖水好耐冇黎喇~一切格局冇變~叫左我每次黎都必食既炒米粉-($9), 材料依舊不變...有大量椰菜絲, 炒蛋絲,甘筍絲... 炒得唔油夠乾身~賣相吸引煎蘿蔔糕-($3/件)...只要左一件~煎得好香~幾唔錯~有適量既臘肉...蘿蔔絲份量ok又唔多粉~媽媽既凍腐竹白果糖水-($12)....聽到其他食客大讚而揀呢款糖水....飲落好滑~~....幾潤既感覺~~腐竹完全溶晒~甜度適中~好多客人都選擇走白果~唔知係唔係因為咁樣所以我地呢碗有好多白果呢~~~哈哈我既熱喳咋-($12)...一睇好多豆呀~~西米, 三角豆, 紅腰豆, 眉豆, 芋頭...有兩舊大芋頭...已經煲到好粉甜...雖然冇椰絲同椰奶~~但都唔緊要的~幸好糖水夠熱~~不過~就真係甜左d~~臨走~買燒賣邊行邊食~~要左加咖哩汁.....點知好失望~~燒賣雖然夠熱~~但買唔靚既貨...咬落一舊好粉...唔彈牙...冇魚味~下次當然唔會叫啦.....雖然叫做糖水舖...但出色既唔只糖水架....一定會再返黎呢!!!

倒完數，凍到痴線，要搵o的熱o野落肚由西九行返o黎，見有間o野就等位啦，原來側邊就係出名o既堂記先前食o左糖水，就無謂追加，求其要o左o的街頭小食入口腸粉，無食過隔離都覺得好似不及平常街頭吃的炒麵，真係無味o架，唔係講笑魚蛋，唉，大粒o的囉

未有幸食堂記先有一肚子氣，既然隔離檔都有粥食我何需 "求" 你賣比我？星期六晚十一點幾，食宵夜的高峰時段，雖然要自己揾位，不過等位唔耐，大家都旨在填飽個肚就走。爸爸一心想食菜干粥，我同妹妹見到有腸粉蘿蔔糕自然忍唔到口媽媽都叫左個腐竹白果糖水加蛋舊式檔口伙記落單靠記憶，所以漏單係等閒事，不過呢度伙記好好，知道自己唔記得會返黎問返黎，總好過無左件事。蘿蔔糕味道普通，煎得有少少唔夠脆，不過只係 $3 一件既價錢，已經比某d 酒樓做得出色，自然算是抵食﹗煎腸粉十分正，細細件的腸粉煎到脆一脆，最難得的係油不算多，咬入口腸粉夠滑而皮夠香夠脆，忍不住 encore 多了一碟﹗據另外兩位當時人形容，糖水好食無過甜，粥都比海皇來的好。抵食﹗

本來一心想食腸粉, 但無開門, 只有去隔離的糖水舖食呢度d野食價錢好平, 好似蘿蔔糕先三蚊一件, 糖水大多十蚊之內一碗, 食左個紫米露, 都幾好食, 加左椰汁又夠滑夠甜, 唔錯呢芒果有甸就麻麻地, 無芒果味, 但係想食小小宵夜, 呢度都值得到一到

專登去食腸粉, 但係無開, 黑女" 轉而食糖水, 好過無!不過, 俾我發現一間味道唔錯0既豆腐花呢 薑糖可能落多0左, 覺得比較甜, 不過薑味幾重, 好好味!豆腐花都算幾滑, 食到尾都唔係好多碎, 簡單一碗豆花, 食得幾滋味, 算係無得食腸粉的安慰獎吧!