糖宮甜品專門店 (金巴利道)

营业中

休息中

位於尖沙咀的港式甜品店裝潢簡約清新，佔地2層相當寬敞明亮舒適，霓虹燈加上各種粵語甜品名字充滿香港特色！炎炎夏日，我跟朋友都點了多款西瓜冰製品消暑，其中以「洛重西」最為特別，在其他地方比較小見。賣相色彩繽紛相當吸睛，味道酸酸甜甜加上洛神花清香令人一試難忘，而且內藏涼粉又是一番風味❕現場有2隻可愛活潑的藍色英短貓店長，令眾訪客心心眼爭相拍照呢～【我的滋味甜品】1️⃣洛重西2️⃣洛神雪花冰3️⃣西瓜汁4️⃣菠多野結冰(暗黑亂入篇)5️⃣黄金芋圓糖不甩(熱）6️⃣菠梛菠蘿汁7️⃣椰皇燬蛋台(冷）8️⃣邪榴圓(凍）9️⃣朱古力心太軟伴雪糕

📌尖沙咀港式甜品鋪💛天氣咁熱 食個棉花冰降降溫🍧店舖裝修設計行年輕風格 除咗地下個層 樓上仲有一層 佢哋甜品店養嘅貓貓就放咗喺樓上 想食甜品同時玩下貓貓嘅可以嚟試吓呢間甜品店🐱今次試佢地嘅益力多冰 店鋪原先已配搭好唔同嘅配料 而益力多棉花冰就係配有椰果 爆爆珠 朱古力味cereal 同埋青蘋果糖漿 佢哋嘅益力多棉花冰食得出真係用益力多整出嚟 唔係嗰種用糖漿扮乳酸味 或者用水溝淡晒益力多味嘅棉花冰👍🏻另外店員都非常親切友善 除咗好細心咁幫我哋安排座位 仲有同我哋傾偈 好nice😙大家經過都可以試吓～一路同朋友食嘅時候都聞到佢哋製作心太軟嘅香味🤤有機會下次都試吓😋佢哋大圍係總店 尖沙咀店係新開嘅～呢個價錢食到呢個質素嘅棉花冰，非常抵食👏🏻🍽️ 食物：🌕🌕🌕🌘🌑🥂 飲品：NA👩🏻‍🍳 環境：🌕🌕🌕🌕🌑💯CP值：🌕🌕🌕🌕🌗✅回頭率：🌕🌕🌕🌗🌑💰益力多棉花冰 $45Overall: ⭐️⭐️⭐️⭐️ (out of ⭐️⭐️⭐️⭐️⭐️)📍 糖宮甜品專門店 地址：尖沙咀金巴利道88號地舖及1樓@dessertpalace61 Hashtags🔎#eatgoodwestsin_tsimshatsui#eatgoodw

琴日出咗去尖沙咀行街、突然好想食甜品、所以去咗 ｛糖宮甜品專門店｝試吓！榴槤椰椰凍: 一上枱已聞到榴槤漂香、椰子入面裝滿小丸子 、西米露同榴槤！榴連份量好多、每一啖都可以食到😍再加上榴槤雪糕、啱晒榴連控的我🩷芒🥭滋枝: 有芒果布甸、芒果、金抽、小丸子、西米露、芒果汁……..芒果好甜、小丸子口感Q Q的、再加上金柚、口感層次豐富加$10 就有芋圓、好好味呢✨朱古力🍫心太軟：朱古力蛋糕加上香濃的流心朱古力漿，熱騰騰的口感再配上雪糕一齊食！ 真的邪惡又好味😋法式焦糖燉蛋： 賣相吸引、燉蛋口感滑嫩，甜度適中🩷由於店舖冇水供應，我哋叫咗新鮮的椰青水，(堂食$10、外賣$12)、椰青水真的好清甜、好消暑呢💦 而店主養了2隻貓🐱、好可愛呀😍

因為朋友突然💛💛眼想喺尖沙咀搵港式甜品店，最後就搵左喺街道盡頭嘅呢間甜品店…雖然我哋最後揀嘅甜品都唔係咁傳統(?)🤣🍧朱古力冰$45係中學時期食開嘅甜品味😍(雖然箍牙妹中學時期呢間舖應該未存在🤣🤣)，價錢唔貴，有朱古力味而唔係死甜，加埋有咬口嘅椰果。俾個Like👍🏽👍🏽🍨華華$45椰汁配早餐穀物，一個有椰汁味又有咬口嘅早餐🤣但其實幾夾，加上雪糕同沉喺奶白椰底嘅奶凍，幾新奇有趣、又唔伏嘅配搭👍🏽總結：值得再試👍🏽👍🏽

呢間係尖沙咀新開既甜品店, 裝修幾得意, 兩層間隔之餘係樓上個霓虹燈吸引左我入去我地揀左坐係馬騮下面既卡位, 馬騮屎忽仲夾住個榴槤她搞笑坐坐下就見到推住一個籠入黎, 裡面有兩隻好靚既藍貓貓, 原來係被棄養! 好彩有心老細接左佢地返黎舖頭, 仲幫佢地改左名叫”🍍波多野”同”落重西🍉” (甜品店名物). 今日係第一日, 佢地仲係好驚人, 希望慢慢可以適應到啦🐈講返甜品先, 話哂本來入黎係諗住食甜品架嘛 我地有個養生寶寶叫左個滋潤清甜既燉雪梨海底椰🍐, 唔算太甜膩佛系芋圓咬落去真係有🍠地瓜/芋頭/紫薯味道既三色芋圓🍡 , 有好多涼粉之餘仲可以要兩球雪糕, 雪糕口味都有幾隻 不過如果想要芋圓煙韌d, 可能都係要返熱會好d最驚豔既當然係榴槤甜品 有香滑雪糕+綿密果肉+混入椰青水既榴槤露三款唔同質感既榴槤食法, 香濃得黎夠哂豐富 仲加埋煙韌小丸子同西米係燉原個椰青入面🥥, 超級足料!行過熱得滯淨係想飲杯野都有好多選擇🧉, 最正係沙冰都可以少冰少甜, 有新鮮果肉味而唔係得糖漿,🍍菠蘿冰加埋乳酪口味咁酸酸甜甜更正🥛老細見天口熱仲請左客人飲椰青水🥥, 真係好有人情味-榴槤椰椰🥥($70)佛系芋圓+綠茶雪

甜品店有兩層，座位都幾多，而甜品由傳統中式糖水、窩夫、雪花冰、至特色甜品都有，種類多元。 椰皇燉蛋白伴湯丸 ($61)呢個係甜品店招牌，燉蛋白幾滑身，奶香同椰青味道亦濃郁，而湯圓口感煙韌，用薑汁糖水另上好有heart呀！😊 芒果布甸 ($34)個人幾喜歡呢個自家製芒果布甸，芒果味幾夠，甜酸做得好平均，口感都棉密，nice。👍 朱古力窩夫伴雪糕 ($52)2大片即叫即整窩夫，上碟時仲熱辣辣，烘到外脆內軟，濃濃朱古力味道，另外有6款雪糕口味可以揀，好味❤️ 中式糖水都係自家製，下次嚟要食下先！😉

係尖沙咀食完晚飯後，想搵間甜品店醫下第二個胃，上openrice搜尋下發現咗呢間甜品店有我最愛嘅椰皇燉蛋白，真係無法抵擋，立即沖過去試下！椰皇燉蛋白椰皇燉蛋白有得揀凍同熱，我就揀咗熱，椰皇蛋白入口滑溜，散發陣陣清甜椰青水香氣，養顏一流！菠多野結冰 透明人間篇配水晶涼粉呢個甜品真係份量十足，包括菠蘿綿綿冰同水晶涼粉，絕對可以兩個人share食，菠蘿綿綿冰口感綿滑，菠蘿味道濃郁，而水晶涼粉好Q彈，仲有4大片菠蘿肉，菠蘿肉係選用新鮮菠蘿，真材實料，夠曬新鮮。即製芒果酥皮拿破侖拿破侖有兩件相當抵食，即叫即製，上枱時熱辣辣，酥皮厚而鬆脆，上面放滿芒果同忌廉，芒果味道香甜，令人十分滿足。抹茶紅豆窩夫伴雪糕窩夫都係即叫即製，烘得外脆內軟，窩夫再灑上抹茶粉，味道相當濃郁，另配上紅豆同雪糕，加倍滋味。

聽聞大圍嘅糖宮係尖沙咀開了分店，今日Duck哥🦆就一家大細去試下😆。餐廳分上下2️⃣層，有唔少打卡位📸。菠多野結冰 暗黑亂入篇 $70Duck哥至愛嘅❤️波多野結......冰🧊？！雪花冰用菠蘿🍍裝着，軟綿冰涼，入口即溶，有濃濃嘅菠蘿味；暗黑亂入😈即黑涼粉，上面放有新鮮菠蘿🍍，酸酸甜甜，冰涼透心🥰。芋圓楊枝甘露(凍) $50楊枝甘露芒果🥭味重，但唔會太甜🥰；芋圓大大粒，煙韌有咬口😋。椰皇燉蛋白(冷)+芝麻湯圓 $60+$10本想熱食可惜賣哂，凍食有層焦糖脆面，蛋白超滑溜，除了有蛋白🥚香味、椰青🥥清香味外，食落仲有陣陣嘅椰香味🥥。朱古力窩夫伴雪糕 $54窩夫外脆內軟，朱古力味🍫濃郁；可以自選一球雪糕，阿女揀咗雲呢拿味；伴碟有香蕉片🍌，用嚟解膩都唔錯🥰。朱古力心太軟伴雪糕 $62阿仔至愛，暖呼呼的半液態狀朱古力🍫從入面一瀉而出，是真正流心朱古力☺️，味道不太甜，剛剛好；雪糕可以自選2款口味，阿仔就揀咗芒果🥭同埋雲呢拿。魔山 $45由朱古力奶凍🍫、香蕉🍌、棉花糖、朱古力醬🍫和朱古力雪糕🍫組合而成，絕對適合朱古力控，口感豐富🤗。抹茶紅豆窩夫伴雪糕 $54抹茶味🍵窩夫同樣外脆內軟，配上紅

本身大圍有店嘅糖宮而家開左喺尖沙咀 食完晚飯就緊係要食甜品先圓滿啦🥳朱古力窩夫伴雪糕上枱時已經聞到好香 連格離啱啱坐低枱客人都即刻要點黎食😆 我揀左配綠茶雪糕 茶味夠濃 唔會帶苦澀 窩夫質地外脆內軟 再淋上朱古力醬 仲有半條香蕉伴碟 波多野結冰 一路向西 店員話係用原個菠蘿整成 入口食到天然生果嘅香甜 雖然話係冰 但佢係綿滑幼細嗰種感覺 向西即係配棷汁西米露 打卡必點芒果三重奏本身已經跟球芒果雪糕 可以額外加配 所以我又加左球朱古力雪糕 😋 呢款中間有原個芒果布甸架 ❤️ 滑嘟嘟同爆爆珠夾埋個口感好得意 多重層次 非常豐富店舖有兩層 空間寬敞 有多個打卡位 性價比高 份量足料 而且提供多款選擇👍糖宮甜品專門店尖沙咀金巴利道88號地舖及1樓

今日係理工上完課，約埋同學去食糖水hea 下，上網OpenRice搜尋🔍邊度有糖水店，找到大圍「糖宮」原來係尖沙咀開咗分店，呢間新舖分上下兩層，上層較闊落，坐得幾舒服。呢度最出名的是榴槤甜品，所以不妨試吓！菠多野結冰（透明人間系)$70呢個菠蘿雪花冰跟三款糖水，我哋揀咗菠蘿水晶涼粉，所以得名透明人間系，另外可以配黑涼粉（暗黑亂入篇）西米露（一路向西篇）啲名都好有玩味😁😁榴酷瓏$80蜜瓜🍈棷果，啫喱粒，最緊要點榴槤雪花冰超香濃😋抹茶紅豆窩夫伴雪糕$54抹茶waffles 外脆內軟，配搭綿滑紅豆🫘抹茶雪糕球，最啱抹茶控。

這間人氣甜品當然係而加最岩食既雪花雪啦，有好多口味，菠蘿🍍西瓜🍉榴槤、楊枝甘露、洛神花等等都有😍餐廳亦供應林林總總的甜品，例如各款椰皇、拿破崙、窩夫、心太軟、疏乎厘、中式糖水等等甜品包羅萬有，總有一款岩你口味😋芝麻糊有烏髮作用，對身體很好，係我最愛既中式糖水，呢度既芝麻糊係磨而不是粉開出嚟，絕對食到回甘味道，加埋紫米令口感更豐富👍🏻菠多野結冰（透明人間系)自製雪花冰係完個菠蘿上🍍，口感幼滑綿密，令啖都係菠蘿香甜味道，配埋水晶涼粉，70蚊抵食💯榴槤椰椰原個椰皇殼加入椰汁及蛋白， 口感滑捋捋，榴槤肉都唔小，我另加花生、芝麻湯丸(+$10）湯丸爆餡，糯米皮煙韌軟腍🤍店內裝潢以木材為主，風格簡約。此甜品店絕對適合想一次過食多款甜品既您😎

Pineapple shaved snow 🍍❄️ 波多野結冰 $70個名好特別嘅波多野結冰，係半個新鮮嘅菠蘿入面裝滿一片片入口即溶嘅菠蘿冰，口感棉密又唔會太快溶，而旁邊有椰汁黑涼粉🥥、即日去果欄買嘅鮮甜菠蘿片，真係好正👍🏻Unserious taro balls with cookies & cream ice cream 佛系芋圓 🍡 $42足料嘅佛系芋圓用咗大量新鮮彈牙嘅芋圓，包括有番薯同芋頭兩款，夠晒大粒，甜品裏面仲有煮得好淋嘅紅豆🫘、爽口滑脫脫嘅涼粉，適合炎炎夏日食又清涼Steamed egg white and 3.6 milk in coconut 椰皇燉蛋白 🥛🍮 $60呢一款signature椰皇燉蛋白係每日限量供應，仲會日日都賣哂，一入舖頭已經充斥着椰香味😍，蛋白用日本北海道3.6牛乳整成🇯🇵，牛奶味濃郁🐮，口感分外香滑，好食到停唔到口，仲有健康清甜嘅椰子肉，好值得推介Coconut smoothie with vanilla 🍨 椰冰冰 $40清涼透心嘅椰冰冰係用椰汁冰塊融合攪拌而成幼細冰粒🌴，椰汁味好重，而香濃嘅牛奶，令飲落去口感更幼滑，免頭仲有雲呢拿雪糕，好吸引

總店係大圍既糖宮最近係尖沙咀開左新分店啦❣️新店座落在柯士甸路同金巴利道交界的角落，樓高兩層，環境闊落，有唔少裝飾，窗邊角落係吧枱咁，窗上都有心思地貼上貼紙，我見到路飛🤣 窗邊角落位好適合打卡影靚相，整體氣氛同感覺都很好，我地叫左佢地既人氣甜品😋.🥥榴槤椰椰原個椰皇，裡面裝有燉蛋白、榴槤果肉果蓉、小丸子、仲有榴槤汁同椰汁，旁邊仲有榴槤雪糕，啱哂鍾意食榴槤既朋友！榴槤既味道超濃郁！好足料！口感好豐富！.🍍菠多野結冰 配 西米露個名好搞笑🤣 不過真係原個菠蘿俾你，裡面係菠蘿冰，味道好清新，口感好綿滑！而旁邊既西米露仲有4大片菠蘿肉，菠蘿既清新中和左西米露既甜，好好食好消暑又解渴👍🏻 除左配西米露，可以揀配涼粉，自由配搭🙆🏻‍♀️.🥭即製芒果酥皮拿破侖認真，呢碟甜品一到，我真係哇左一聲！🤩 賣相精美，就咁睇都睇得出酥皮厚而脆，有兩大件酥皮拿破侖，中間放左忌廉同芒果，酥皮好脆好香口！芒果香甜，夾埋一齊好好味啊😋.🍍菠椰菠蘿汁超好飲，菠蘿同椰汁互相融和，既有菠蘿既清新同椰汁既甜，酸酸甜甜咁好正，質地好滑👍🏻.食完飯去呢度食甜品就最適合啦！無論係一大班朋友、情侶或同家人嘆都係好不錯既選擇

呢間甜品舖有別於其他傳統中式甜品鋪，有創新嘅西式甜品同水果冰🍨💗椰皇燉蛋白 + 芋圓 ($70)用上新鮮椰皇配上蛋白、椰水一齊燉，香滑滋潤，超濃蛋白同奶味，不過椰子味就唔太出，面頭多咗層脆脆焦糖面🥥再配上三色芋圓，分別有地瓜圓、芋圓、紫薯圓，煙煙韌韌非常有口感🍠💗荔枝雪花冰 ($52)雪花冰冰凉綿密，帶清甜荔枝味，配上椰味粒同爆珠，不過同表面嘅士多啤利醬唔太夾🍧💗朱古力窩夫伴雪糕 ($54)朱古力窩夫即叫即製，口感香脆鬆軟🧇配搭肉桂香蕉🍌連埋朱古力雪糕一齊食，一冷一熱感受口感衝擊🍫

尖沙咀｜糖宮甜品專門店 .糖宮其實位置係佐敦同尖沙咀之間，兩邊去都好近，今日去開尖沙咀依飯，食完就過嚟食甜品，終於係尖沙咀有甜品店😂 .糖宮由大圍進駐尖沙咀，店舖非常寬敞舒適，樓高兩層，就算等位都好快到你，所以唔洗擔心，行過來就對😂👍🏻 店內設計都好有特色，打卡位都不少，啱晒手機食先年代😎.打開menu 應有盡有，最後點左幾款😋.🔺椰皇燉蛋白用原個椰皇配蛋白燉制，入口帶有陣陣椰皇清甜，蛋白香滑美味，滋陰潤肺同時養顏，食完燉蛋白仲可以食埋椰皇肉，美味可口。.🔺菠多野結冰（暗黑亂入篇）菠蘿雪花冰以菠蘿🍍盛裝著，造型靚靚，再配有涼粉、水晶涼粉、西米露，份量好驚喜，菠蘿味好清新，打卡都一流😂.🔺即製玉桂蘋果香蕉酥皮卷伴雪糕私心推介，酥皮非常香脆可口，肉桂味好香濃，中間包卷住蘋果同香蕉，軟軟腍腍，不太甜，再配有雪糕，非常滿足😌.🔺菠椰菠蘿汁以新鮮菠蘿打汁，再加入椰子🥥 酸酸甜甜，入口好清爽，食飽飯飲埋呢個完美😂.🔺黑牛細個成日係茶餐廳飲😂 呢度都有，可樂加入朱加力雪糕，雙重享受💕