影片
港铁佐敦站 D 出口, 步行约7分钟
继续阅读
电话号码
65133130
营业时间
今日营业
14:00 - 01:30
星期一至日
14:00 - 01:30
以上资料只供参考，请与餐厅确认详情
在尖沙咀想找個地方小休吃點東西，甜品店會是一個不錯的選擇。糖宮甜品專門店給客人很 Chill 地享受甜品和休息的地方。除了多款特色甜品，這裡還有中式糖水，都是以自家製的形式製作。由下午2點開始營業到凌晨1點半，想來吃夜宵也沒問題。另外下午2點到晚上8點都屬於下午茶時段，會有 Special Combo Offer。椰青水 + 椰皇燉蛋白 (HKD 78) 便是其中一款。清甜的椰青水冷藏了後更解渴，推薦大家喝這個，當然也有其他飲品選擇。燉蛋白的面層有香脆焦糖，蛋白很細滑、滋潤又好味。榴槤拿破崙 (HKD 64) 將兩件拿破崙疊高，一共會有四件的拿破崙。帶牛油香的拿破崙十分鬆脆，再配上甜甜地的榴槤肉，自己一個吃掉一件都不覺得膩呢。芋圓腐竹雞蛋 (HKD 50) +HKD 10 配花生、芝麻湯丸。腐竹不會煮到完全溶掉。口感滑溜能嚐到豆味，甜度也是剛剛好。芋圓煙韌彈牙，加配的湯丸，芝麻味會較香一點。
继续阅读
甜品是第二個胃，唔會食唔落，晚飯之後轉移陣地到糖宫吃甜品。本來一心想吃我至愛的椰皇燉蛋白，可惜果欄冇貨，店主有心冇力，唯有退而求其次，想不到菠蘿野結冰新鮮美味合心意。菠多野結冰．透明人間系$70榴槤雪糕 +$10最重要是菠蘿新鮮，涼粉甜度適中，菠蘿涼粉非常可口，再混合結冰一起吃，更冰涼解暑。配合菠多野結冰，其實有白涼粉、黑涼物或西米露三款選擇。加了一球榴槤雪糕，冇話夾唔夾嘅，係我鍾意食啫。朱古力心太軟伴兩球雪糕 $62自製朱古力心太軟，朱古力味濃郁；配芒果及朱古力雪糕。細細間，環境企理，服務態度良好，QR code 落單，上菜都快。
继续阅读
🍚飯後想搵個地方, 食吓甜品, 同朋友聚一聚👫🏻糖宮鄰近金巴利道尾, 學校對出🏫🕒營業至凌晨1:30am, 可以慢慢坐😉～🍨甜品款式多元化, 有中西式, 有凍有熱更有榴槤系芒果系🥭💫另設下午茶時段, 提供Special Combo Offer餐廳樓高兩層, 上層座位會較多水泥牆帶點工業風⚒️重點‼️有2隻英國短毛貓🐈⬛, 但有點怕人😳🐱有逗猫棒, 等候時可以同猫猫玩☺️📱用QR code落單, 唔洗行上行落, 方便～🔸榴槤椰椰 $70 6/10+$10 湯圓2粒⚪️ (花生｜芝麻)🥺原本想食椰皇燉蛋白, 可惜當日椰皇售馨💛榴槤味香濃, 有新鮮榴槤肉😋配榴槤雪糕, 口腔滿滿的榴槤香氣😌～🫣椰皇不大, 所以蛋白份量相對較少🤏🏻加配咗2粒湯圓, 外皮較厚薑汁糖水意外地辣, 幾暖胃👍🏻🔸芒滋枝🥭 $50 7/10+$10 曲奇味雪糕🍦☑️芒果粒, 西柚粒, 西米, 小丸子, 芒果布丁🥭芒果布丁偏實淨, 內有少許果肉小丸子偏硬啲, 唔夠軟腍煙韌🙂↔️整體甜度適中👌🏻🔸好立克奶凍配胚芽🍮 $38 7.5/10好少見好立克味的奶凍🤩☺️奶凍香滑, 甜度適中👍🏻表面鋪上胚芽, 食甜品之餘加返啲纖維好似健康咗🤣
继续阅读
晌尖沙咀「天文台道」完咗聚會，算喺時間尚上就不如食個糖水先打道回府，上網摷一摷附近就有間「糖宮」。雖然未幫襯過，但上網睇一睇風平不俗，同埋見佢勝在款式夠多元化，又有榴槤系嘅甜品，啱晒小弟喎。餐廳樓高兩層，從門面睇，以為是以白色為主調，但走入餐廳，一室水泥地、水泥柱，有少少工業風；而廚房設晌地下入門口位，所以，下層嘅用餐區座位唔太多，有幾張卡位，亦有少少對住街嘅吧枱位。然而上到二樓地方就大好多，有種別有洞天嘅感覺，加埋牆上少少霓虹燈裝置、動物掛飾，成為少少打卡位。部分櫈面又有啲幽默語句，都幾搞嘢。不過要數到較為亮點嘅喺有貓店長駐守，其實內裏有一處喺佢哋嘅地盤，不過，貓店長就晌餐廳週圍走。雖然小弟本身對貓無特別喜好，不過，睇見佢懶洋洋週圍行，啲毛色又好靚，隻眼又精靈，得意得嚟幾惹人喜愛。翻一翻餐牌，選擇真多，由奶凍布甸系列、椰皇系列、精選系列、精選系列、刨冰系列、烘焙系列、窩夫系列、芋圓系列、中式糖水系列……等等，仲有啲特飲系列，全部都圖文並茂，夠晒清楚，用二維碼落單，版面設計易用，而且，兼有其他微細選項，具彈性。綠林（加湯圓）$55餐牌就列明喺以抹茶奶凍、紅豆、小丸子、抹茶雪糕組合成比較和風嘅甜品，再倒入煉奶，晌雪糕方面亦可以轉款，老友就轉了雲呢嗱口味。佢嘅食後感喺奶凍好滑身，又夠重抹茶茶香味，紅豆清甜又綿，小丸子煙韌有口感，雲呢嗱雪糕亦好軟滑富奶香。椰皇燉蛋白（加湯圓）$70老婆就喜歡燉蛋白，貪佢清甜夠滋潤，加埋椰皇就更加正啦！我都有試少少，啲蛋白燉得非常嫩滑，口感輕盈，一入口就滑落喉嚨咁，仲帶有少少椰香味，食起嚟味道就更香。食到近尾，當然唔可以錯過啲椰皇肉啦，因為燉到軟透晒，輕易就刮到出嚟，大片大片咁放入口，清甜軟熟，食得夠爽。另加咗啲芝麻湯圓，外皮煙糯唔黏口，芝麻餡好香濃。邪榴圓 $60小弟一心想試啲榴槤甜品，所以，就相中呢一款，因為有榴槤果肉，又有榴槤雪糕，仲加埋西米、三色芋圓，全部都喺小弟嘅心水嘢，真喺無理由唔揀佢。啲榴槤果肉夠晒熟，榴槤味濃，好軟綿綿，正呀喂；而榴槤雪糕亦唔錯喎，同樣好有榴槤香味，口感軟滑；三色芋圓煮得啱啱好，煙韌有咬口，帶有榴槤香味嘅汁底混有唔少西米，更加好食。地方大，又撞正未喺食糖水嘅高峰時段，自然好坐，感覺更輕鬆。其實，食碗糖水啫，唔使咩攻略嘅，隨心就可以啦！
继续阅读
放工喺尖沙咀食完晚飯後，心思思想食個糖水，於是搵到呢間糖水舖，坐低一於試吓佢哋嘅榴槤甜品😚🫕#甘露邪榴圓甘露非常足料，仲浸住成球榴槤雪糕，最重要係甘露食落唔會太甜，能夠把榴槤嘅香味充分發揮出來，芋圓也非常煙靭嚼口，帶出不同味道嘅層次感，非常讚😍🥥#榴槤椰椰用原個椰子穀裝住粒粒煙韌嘅湯丸，仲有大大塊嘅榴槤肉，食落除咗有強勁嘅榴槤味之餘，仲有陣陣嘅椰香味，更加正嘅就係跟餐配埋個榴槤雪糕，口感細滑之餘仲入口即溶，非常好味😋🥤#椰青水食完美味嘅甜品，梗係要飲返杯椰青水解吓暑，飲落清甜得來又帶有陣陣嘅椰子清香，生津降火，好味得來又養生，係夏天必食之選🥰真係好正嘅糖水舖，食材高質，味道好正，職員態度親切友善，性格價比高，餐廳又位於佐敦地鐵站附近，係糖水愛好者必然之選，食完簡直令人充滿幸福感和滿足感🥰🥰非常讚🤩👏
继续阅读