糕點時光

营业中

休息中

糕點時光係一間香港嘅社企，以金齡婦女同長者為主力，以中式傳統糕點為主題嘅cafe💪可以坐喺度嘆茶食糕，除咗為基層長者同婦女提供工作機會，同時希望達到文化保育嘅目的✨最近喺北角區開設cafe，終於唔使喺Pop up Store先買到佢哋嘅產品😮‍💨輕食午市套餐主食 (連前菜及甜品各一份)藥膳醉雞腿伴涼麵: 藥膳醉雞腿好嫩滑🍗 藥膳味滲入雞腿 仲有杞子! 涼麵幾幼 好吸汁🙌🏼 醬燒黑糖豬軟骨紅米飯: 豬軟骨好有咬口，用微甜醬汁煮幾惹味🤤 仲有豐隻溏心蛋😆 配紅米飯幾健康😋- 前菜: 青瓜 + 木耳- 甜品: 砵仔糕好煙韌，唔甜 有紅豆🫘正宗🫶🏼飲品糯米丸子艾草拿鐵: 糯米丸子精緻可愛🍡 艾草味散發淡淡香氣!大理石黑芝麻牛乳: 黑芝麻香濃 面層有厚泡沫 甜甜地好舒服💞📢開業首星期 8-14/8 極筍優惠‼️$1/一件即包手工糯米糍，煙靭爆餡，由金齡師傅即場製作，保證新鮮😋

【良心社企進駐cafe界💛 $1食到即包手工糯米糍😍】推薦程度：●●●●◐抵食程度：●●●◐○——— 糕點時光開咖啡店喇🎊✨ 近呢兩年都有介紹過佢哋嘅月餅，相信大家對佢哋嘅名字都唔陌生🥰 係值得支持嘅本土社企，為金齡婦女提供就業機會，等佢哋多門手藝，同時可以保養本土文化特色✨📢 開業首星期 8-14/8 仲有極筍優惠‼️$1/一件即包手工糯米糍✨煙靭爆餡，由金齡師傅即場製作，保證新鮮😋⨯⨯⨯🍱 醬燒黑糖豬軟骨紅米飯｜$108套餐包前菜同甜品🫶🏻 先嚟個陳醋雲耳同青瓜，酸酸味味，好開胃✨ 漬蕃茄仔都好清甜，好清新✨ 主菜豬軟骨肉質腍身、半筋半肉、唔會太乾柴👍🏻 好入味！而整體味道light啲，唔濃味、餸飯食都唔會鹹💕 而飯底換成紅米飯，相對健康養生🥰 飯嘅份量個人認為偏多😂 但整體唔油膩、係好輕盈嘅炆肉，冇負擔呢個位要大讚🫶🏻✨ 甜品方面係砵仔糕🍡 煙韌有𡁻勁！紅豆帶咬口同時內帶沙感，係懷舊滿滿嘅風味🥹🧊 〈推介〉糯米丸子艾草拿鐵｜$52貌似抹茶latte，但其實係更健康、更中式嘅艾草💚 都係第一次見艾草latte，感覺好新穎😆 艾草味好甘香順滑，入口唔澀亦唔卡喉，估唔到做latte都咁夾

終於等到佢開啦!一直都好想試傳統糕點嘅cafe!首先入面真係好舒服好好坐, 俾人一種好寧靜舒服嘅感覺.啲裝飾好傳統懷舊, 好似去咗以前年代咁!試咗個熊貓芝麻包勁q, 好食唔錯!個ngai包味道好好!啲前菜出奇不意地好食, 重要有我最鍾意嘅砵仔糕！！！！！！！！！！！！！！！！！！！！！！！！！！！！！！啲嘢食真係比想像中好! 個staff姨姨好friendly.very good experience好適合去打卡chill 傾計! 推薦!

全港首間中式糕點主題cafe🍵仲有DIY糖蔥餅～.糕點時光係一間社企，主打各款手製糕點，最近仲開咗間cafe，除咗招牌中式糕點外，仲有啲輕食選擇，環境氣氛都好舒服😌.推介大家試吓剝皮橘子包 ( $38/2件 )，造型特別，內餡係酸酸甜甜嘅柚子～另外DIY糖蔥餅 ( $52 )配料有傳統花生椰絲、紫菜肉鬆、爆炸糖，無論中意傳統定創新都啱！.留意👀舖頭仍在準備階段，期待8月正式開業會有更多驚喜！想知多啲開業詳情可以留意佢哋社交平台更新～

黎到呢間一直都好想去試既中式糕點店, 冇諗過一直都未有機會去, 佢地已經連餐廳都開埋🤣 咁仲好可以一次過試曬全部野, 用左橙色吸睛做門面, 內部用左港式懷舊風做主題, 食物同飲品方面都加入左懷舊港式元素😍藥膳醉雞腿拌涼麵🍗($98)一大隻雞髀啖啖肉配上彈牙既伊麵, 湯底甜甜地帶微微藥膳既香氣, 養生又豐富既一碗麵😎熊貓流心芝麻包🐼($38)可愛既黑白熊貓造型相當搶眼, 摵開係超濃郁烏黑既流心芝麻醬, 香濃芝麻味好出色🤩玩味剝皮橘子包🍊($38)用左橘子去做概念, 摵開最外面果層可以分離, 真係會好似摵橙皮咁, 白色果層就好似橙果層”衣”咁, 中間就夾左一層橙味醬, 又好玩又好食🤤DIY動手包糖蔥餅拼盤🍬($68)蒸籠放左三塊麵皮, 可以自由將糖蔥餅, 肉鬆, 椰絲花生碎, 爆炸糖放落去包, 肉鬆既鹹可以中和返糖蔥餅本身既甜又幾夾🥳糯米丸子艾草拿鐵☕️($52)艾草既味我不嬲都好鍾意, 加落奶度既味道都好突出又唔甜, 仲可以轉燕麥奶($5), 三粒煙韌既丸子仲要係自家製, 配搭艾草拿鐵食一流🤓瑰荔堂皇🌹($44)玫瑰荔枝花茶好清香, 淡淡既花香飲完會好舒服😌另外仲試埋佢地既主打自家製麻糬分

陪老媽子去北角匯一田超市 見到有「糕點時光」宣傳推車🛒 擺賣由金齡婦女做嘅多款糕點 細問之下 原來呢個社企喺幾條街之隔試業中 於是去支持一下😊-🥓梅菜扣肉刈包午市套餐跟開胃前菜同甜品 主食有飯有麵有包可以揀 刈包白𠽌𠽌 摸上手軟綿綿 扣肉做餡肥瘦均勻唔柴口 油脂嘅甘香 正好中和梅菜鹹味😋-🥠豬軟骨配紅米飯老媽子要有飯落肚於是食紅米飯 飯粒軟硬度適中 豬軟骨亦炆得腍身 佢補充骨膠原嘅同時 仲讚啲食物賣相好得添😁-🫘黃糖砵仔糕套餐糕點每日唔同 今日係迷你砵仔糕😍 紅豆非常多 入口温暖少甜 軟糯Q彈-🌿艾草latte🍹熱情果芒果梳打新店裝修走簡約小清新路線 員工用心做食物 飲品非常IG-able 如果唔趕時間 午後喺度飲杯嘢食件糕點打卡📸 都幾愜意😎-📢新張優惠小店八月初正式營業 新張期內 只要$1 可以買到一件即包手工爆餡糯米糍 抵到呢🤭‼️-📍糕點時光北角錦屏街26號幸福大廈地下D1號舖

一路玩一路食都幫到人？ 社企糕點時光一真致力為金齡婦女提供服務，向來主打甜品，但近期有新搞作。首間堂食店登陸北角，食物設計創意十足，最吸引的莫過於DIY糖蔥餅，新舊交融料理毫無違和感。▫️養生豆腐菇菌紅米飯（素） $82餐廳提供健康素食，採用紅米飯，含有非常高的纖維。四片厚切豆腐，煎過後外皮十分香脆，內裏嫩滑。撘配菇菌，增添香氣味道與口感且營養豐富。▫️玩味剝皮橘子包 $38蒸籠載着呈上，像在茶樓吃點心一樣，傳統感覺非常有意思。注入創意滿分的設計，包的外皮可以像摵橙子般摵開，玩味爆燈。咬一口，柚子味果蓉餡料湧出來，大推！▫️DIY 動手包糖蔥餅拼盤 $68從來沒有想過可以親手製作糖蔥餅！這個拼盤懷舊風滿滿，勾起舊香港的回憶。提供經典椰絲、滋味肉鬆及新創爆炸糖三種口味，自由撘配灑在糖蔥餅上，DIY屬於自己的糖蔥餅口味，趣味十足。▫️大理石黑芝麻牛乳 $48黑芝麻味濃郁，口感綿密幼滑，有心思的飲品。▫️糯米丸子艾草拿鐵 $52兩粒串起來的小丸子可愛趣緻，加上艾草拿鐵奶味重，熱度剛好，是杯特色飲料。