粥皇湯后美食城 (已結業)

年前曾在此店吃過海南雞飯,老火湯同點心,水準也不錯.去旺角場睇港甲之前,友人未到,入場之前在此吃少少東西,邊吃邊等.此店的泰式雞飯,比我年前吃過遜色不少.雞肉沒有甚麼味道,雖然皮下略帶點脂肪,但亦不見得肥美,只係肉質算鮮嫩.其油飯淡如白飯,隻雞唔得,都希望油飯補到鑊,如果連油飯也不行,都幾令人洩氣.其後友人遲來,要個老火湯兩個人分,淮山豬展湯整個瓦煲上,夠火喉,清甜又好喝.如果下次再會的話,飲其老火湯,再加些家常小菜便可,泰式雞飯,可以不理.信不信由你.

很久沒有來這裏食了，昨日行經這裏，就決定再來這店，看看質數如何！我們叫了一個二人套餐\C，包括有泰式雞例牌、清蒸桂花魚、燉湯一盅(龍利葉蘋果燉豬展)、油香飯和甜品。泰式雞例牌- 雞唔會好肥，肉質也不算好韌，可惜沒有什麼雞味，但唔明什麼是泰式？和普通海南雞有什麼分別呢？清蒸桂花魚- 魚雖然細細條，但蒸的時間，控制得幾好，唔會太生又唔會太；但很奇怪，蔥點解會和魚一起蒸的，令蔥完全變黃了。龍利葉蘋果燉豬展- 沒有味精和調味料的湯水，真係好少食店會有，唔加鹽的湯水，雖然比較淡口，但就感覺比較清甜。尤其是對一些唔可以食多鹽的病人，真是一大喜訊；對我們時常出街食飯的人，少鹽也是一大好處。甜品(香滑紫米露) - 跟餐\的甜品，不說也吧！食物質數都算幾好，但唔知點解，辣椒女就唔多喜歡。

今日去太子食lunch,行下行下行左去呢問野,一段日子冇黎咁諗住豪D啦,叫個泰雞飯+個魚鄧湯,成70皮架,点知........泰雞飯D雞都正常,but D 飯冇セ雞油,好過白飯小小,而個湯真係想..,鄧湯我自問飲唔小,但都係第一次飲到好似滾水咁,我心諗係咪自己食雞飯D醬多左,整到個味覺有問題呀,諗左陣...............上幾次又唔見有野,but個湯都飲左大半,臨走前,隔離抬個肥佬話D湯唔掂要換................70蚊ge lunch唔係比d咁ge野人下話,又一班搵到錢就走樣ge食店!!!!!!!!!!!!!!!!!!!!

呢排天囗乾燥,最好搵D湯水潤一潤.呢度有套餐又可散叫,套餐有一碟海南雞、一碟蒸「送」、一盅湯及兩碗雞油飯,蒸「送」及湯都有不少的選擇,D雞尚算飲滑有雞味,雖然不是最好,都O.K.啦,而蒸「送」就非常入味,送飯一流,而D飯不是很重雞油味,至於湯足料不在話下, menu 重詳細例明邊款湯補Do麥邊款湯補D「物」,針對唔同o家人有唔同o家需要.如果重未夠飽,唔緊要,還有生滾粥、中式點心、炒粉麵及幾款小炒.而粥D料都有不少選擇,都幾綿,喜歡食粥的不能錯過,但本人對食粥興趣不大,炒粉麵及小炒不過不失,材料尚算新鮮啦,還有中式點心雖然選擇不算很多,但在微涼的晚上,好過去7仔食叮叮點心,係咪~~~

星期五胃痛得很，但晚上還要開會，唯有買些粥，希望能捱完這個晚上。看見這個"粥皇湯后"就立刻一入內，看見餐牌，並不是平時的粥，全都是貴價的粥，又是蟹，又是石班，又是蝦球，對於胃口欠佳的我也實在沒有太大的吸引力。我和老闆說有沒有較清的粥，他介紹了蠔仔肉碎粥。賣了外賣，在車上很擔心會倒瀉，幸好沒有。打開膠碗，才發覺是潮州粥，即是米沒有開，好像飯加湯的那種，對於胃痛的我，心涼了一下，吃了會更胃痛嗎？幸好，吃了幾口，米也是很軟的，問題不大，加上蠔仔真的很鮮味，胃口也好了一點﹗雖然沒有吃完，但也覺得很好吃，很有特色。下次沒有胃痛時我會再試其他的﹗

蘋果龍利葉豬展湯好油, 唔明裏面得個兩件麻雀咁大既肉, 點解會飲落成口油。$37 的蒸送套餐, 油菜都浮哂油, D菜又黃又黑, 個金針雲耳蒸雞, 得幾件骨, 個陳皮牛肉餅, 係扁了的山竹牛肉, 幾條陳皮絲可以完全無陳皮味, 可能是煲完湯再用。咁既價錢, 佢盤生意真是好賺。

依間野食左好耐食評都知我寫第三次.搬去太子一年食依間野超過40次.堂食service幾好,而且食物水準係好既.今次極度失望事件兩單!1.尋晚23:45打去問仲送唔送外賣.肯定係老闆娘.佢話"送架",咁得就order一個泰式雞湯河既set($27)加cold drink$2加外賣$1即total$30,(外賣紙講明$25以上就送) 跟住老闆娘回應"冇其他拿?" 我"係!得一樣!" 佢"得一樣jar?..你果度咁遠牙!!um....(其實5分鐘都唔駛既路程,而且我一星期order一次外賣仲成日落去食!)我"係呀"(廢事問多次佢送唔送)佢"唉...好啦"我對依d回應已好不滿.一係第一刻就話唔送,一係就講明你叫得唔arm佢既心水價唔送.我唔駛夜媽媽一定叫幾個套餐等你老闆娘開心d掛.又唔係佢送,而係一個有禮貌既staff送開.等左15mis送到黎.charge我$37,我再問一次staff話係$37, 發現佢唔係當set計,而係湯河同凍飲分開當兩樣野.果然好野!同個staff理論都冇意思.女友話"你都有唔arm.你應該大聲清楚講明係set" (我平時叫親都唔講係人都知會選全日供應而又平d既set

睇返舊post,話泰國雞飯水準下降,特地叫外賣試多一次.另加蘋果龍利葉湯.先講個湯,火喉係夠.不過係過晒龍.而且我prefer雪利多過蘋果.由於湯內瘦肉長期興住又再翻熱,變到好韌好老.不過都冇可能你order先煲既.所以我覺得太子單身人士係可以多去依度補番d湯水.最好當然係自己mother靚湯啦.附近蘭苑饎館d湯就太過中藥味.冇選擇之餘又唔太特別.所以都係依度較好.泰國雞飯.依舊地滑,係冇好時沙爹果種人工滑得咁犀利,雞味濃過好時沙爹果d好多.點特製醬料更加帶出香濃既雞味.依然入味出色.推介一試

今晚（3/8）一行四個人去食，皆因之前有人食過話好味。入到去第一眼見到過大廚房，掛住兩隻雞，見到裡面還有蒸點心的蒸籠。座位方面都可以，唔係背脊頂背脊咁款，亦唔係污穢不堪個隻，侍應招呼方面都不錯。食物方面如下：１．半隻泰式雞（$55）２．蟹粥加一款點心（鮮蝦魚翅餃）套餐（$35）３．蟹粉蒸斑片套餐（附有雞油飯及油菜）（$37）４．土魷蒸肉餅套餐（附有雞油飯及油菜）（$37）５．雙色水蒸包（$10）６．奶皇包（$10）７．淨檬粉（$8）整體都幾好，土魷蒸肉餅咬落去唔會覺得多肥膏，有蝦及魷魚，少少馬蹄，爽口及香口。蟹粉蒸斑片，ｄ蒸魚汁好味，斑片有少少戥，但都可以接受。而我初時認為鮮蝦魚翅餃未必好食，唔似係ｄ普通酒樓食到個款，蝦同肉都好味。泰式雞ｄ雞肉幾嫩滑，清清地唔會落好多味精，但有人認為味道應該要濃ｄ，各有所好。而招牌粥都好味，鮮甜蟹味。水蒸包及奶皇包都可以。香油飯則一般，因為我唔鍾意ｄ飯好似有ｄ（布料）味。反而我覺得套餐既油菜細碟，得幾條，唔係咁滿意。吸引到我可以再幫襯，試下佢地既湯水，值得送佢一張“笑臉”！

今晚7點左右同男友返兜呢度,我地叫左招牌斑片粥$30---一小鍋上,粥底頗綿,淡淡魚味,似乎無落味精,石斑亦頗有鮮味,若粥味再濃點會更好!泰式雞檬連餐飲(凍檸茶)$29---同普通白切雞無分別,但毫無雞味,而且一d都無滑!檬粉似乎過腍.檸茶則一般!埋單$59,有"為食會"卡食滿$50送$5,都幾抵!

搬去太子差唔多一年.平均一星期總有兩次外賣或堂食.原因係每星期只有一次回娘家飲湯既時間.平時都冇機會飲湯.試過佢既2人套餐.唔錯.但食得最多當然係晚套餐.推介6點前先有既土魷肉餅飯.耿蹄爽口而且土魷混埋蝦肉一齊蒸.份外鮮甜.另外.泰式雞飯餐亦係一絕.好滑好有雞味.配上特別漿汁(微辣)更加好味.還有豉汁蒸排骨.強烈推介之作.太子區最好食既排骨佢名列頭2位當之無愧.排骨好入味.而且件件size差唔多.肥瘦適中.有咬口得黎完全唔會韌.豉汁撈飯一流.其他作品有牛肉餅(即係山竹牛肉大塊咁上,"好"山竹牛朋友可以試下),蒸鱔(好食過附近大排檔),唯一唔推介既係豬頸肉.唔入味而且數款包括豉汁,沙茶漿等汁料都唔配合.湯方面烏雞湯最好.其次係沙魚骨.第三係龍利葉蘋果.但由於佢地keep住興d湯.瘦肉全部鞋口.唯一小小敗筆地方總會有.整體9成半以上菜色都好有水準.如果跟餐既菜加大份量就更好.依度可以話係單身一族,兩人家庭既最隹飯堂.讚呀.

今次係狂風大雨之下走去呢度食, 果然比左個意外驚喜我入到去個感覺都幾warm, 店仔細細, 食健康蒸餸為主, 有d似隔幾條街個間蘭苑饎館, 但係呢度坐得好好多, 起碼唔駛坐到迫迫又光猛d, 又唔駛排隊. 叫左個招牌貨泰式雞飯餐$35同埋蒜頭蒸排骨套飯跟雞油飯$40泰式雞當然唔可以同好時個海南雞相題並論, 不過可以同勝利比較下架, 先講size, 大家都係咁少雞, 但勝利個邊雞好似厚肉d, 呢度個sauce係酸的豉油, 個雞油飯唔太油但係唔夠味, 整體來講其實唔算係好泰式........蒜頭排骨可能因為即蒸, 真係要等架, 不過呢個真係唔錯, 排骨唔肥無咩骨, 同埋個d肉絕對唔會蒸到硬晒, 雖然排骨都唔算大粒但有好多件, 啖啖肉, 好正!! 不過如果上枱之前可以倒左碟底d油先會好好多, 因為好多油....不過味道好good另order一個手拉牛肉腸$14, 腸粉皮好似煙un過頭, 糯米粉過多啦!! 牛肉個texture好似假左d, 有d似食牛肉jelly的感覺, 不過$14就幾平啦呢度個環境雖然唔係話好靚, 但都坐得舒服, 下次會再食.

今晚同朋友仔兩個去食飯order左個二人128餐包括有泰式雞例牌,清蒸桂花魚,油香飯兩碗,30蚊燉湯一客同兩碗甜品我地加5蚊要左個大斑螺片湯大斑螺片湯～份量可以分到四碗，有湯料o係入面，無錯係好清，但湯既清甜味亦太輕，飲完覺得有ｄ唔抵泰式雞～都幾細碟下，雞都幾瘦同滑，皮唔厚皮下脂肪亦唔多，但冇乜雞味，反而好欣賞佢個雞醬，有薑蓉味但唔辣亦唔油，點左黎食令ｄ雞好味左！清蒸桂花魚～蒸得剛剛好，ｄ肉蒸得滑，剛剛離骨，雖然淋左油同豉油o係面，但份量剛剛好，但細條左ｄ！油香飯～比上次食油左ｄ，一般啦！甜品～要左一個熱紫米露同一個凍既西米露，一上檯忍唔住講左句，唔駛咁紫呀嘛？黑糯米煲得好淋，但糖水偏甜，味道亦一般，唔食也吧！西米露真係好凍，但味道如何不得而知！呢度唔收加一，想食得健康可以一試，或者會再黎但一定唔飲湯同食雞！反而幾鍾意佢ｄ煮送同炒送！

今日去睇戲前去左食飯七點左右去到已經有一半滿同朋友仔兩個人去到叫左豉汁蒸排骨套飯,滑蛋炒蝦球,熱檸蜜,白飯一個同水晶飽豉汁蒸排骨套飯～有一碟豉汁排骨，一碟灼菜心，一碗油香飯：豉汁排骨好入味但又唔會好鹹，而且啖啖肉，又冇乜肥膏，係用心挑選既結果，好好味而且份量又多！灼菜心另外跟碟蠔油而且走油，好健康。但油香飯只有微微既香味，上檯時我完全睇唔出有咩分別，以為上錯白飯添，仲專登問左句係咪油香飯。食落同白飯冇分別，可以再好ｄ滑蛋炒蝦球～呢個好正，ｄ蛋炒得滑又熱辣辣上檯，一ｄ都唔油，而且有八九隻大大隻既新鮮蝦仁，唔係一般茶餐廳用既無味冷藏蝦仁，而且蛋入面有韮王同蔥粒，多左口感，好好食，食到我唔停得口，但差左無餐跟，要另外叫一碗要８蚊既白飯，碗白飯真係貴！熱檸蜜～無飲過，冇意見水晶飽～一籠入面有豆沙同奶皇兩種口味，即蒸大大個熱辣辣上檯，兩種饀都甜度適中，好味，但係略嫌個皮厚左ｄ，而且都唔係水晶皮，影響口感，始終都係元朗大榮華最好食！p.s. 如果唔係水晶包，味道我會俾５分架！

前言：從大陸公幹後，乘直通巴士回港，經過近四小時車程，既餓又累。總因為貪此店近（在下車處對面），故常常在這兒用餐。食物和評語：多數點一人套餐，份量剛好。常吃的有： 1. 蒜蓉蒸大鱔套餐（$37/份）：蒜蓉蒸大鱔，即叫即蒸，約需時約十五分鐘。一碟八片大鱔，味道一般。跟灼菜一碟，芥蘭較生菜好。跟粉或麵或飯一碗，多數點「油香飯」，類似雞油飯，味香。 2. 泰式湯河套餐（$27/份）：一碟有菜心墊底的泰式雞，以雪藏雞製造，好極有限，但肯定好過「大家x」或「美x快餐」那碟海南雞！湯河相當幼滑，好味。跟餐飲一杯，多點熱好立克。 3. 雞球大包（$10/個）：吃過幾次，漸漸覺得好一般，以十塊錢而言，算係咁啦！此店點心大概是來貨。註： a. 茶餐廳格局，味道中規中舉，方便就腳成咁，唔可以要求咁多！？