米青蛋包飯公司

营业中

休息中

星期五約六點半去到已經坐滿九成枱，心諗咁多人食實無死啦，一於試曬和牛、漢堡扒、蛋包飯最遲上菜既和牛，牛係凍冰冰😅，牛本身就應該唔差，但整到衰過茶記咁。薯條係岩岩微波爐叮完攞出嚟咁，食兩條就變凍😅成餐飯最熱係餐湯，食完飯都仲係熱一上枱心諗都幾多餸咁，點知和牛漢堡扒同黑毛豬肉餅都鞋到無朋友，係得芝心雞肉漢堡扒係食得下😅😅重點全部飯、菜、肉上枱都係得微暖，似全部微波爐叮，食物連溫度都搞唔掂都可以開餐廳⋯簡單來講，排長龍食叮叮飯，不了🙂‍↔️去茶記食都無咁嬲

- Tasty Index：8/10 （The smooth and tender egg paired with a rich curry sauce is really delicious. The chicken breast is quite tender as well)- 好味指數：8/10 (滑嫩嘅蛋搭配濃郁咖哩醬真係幾好味，雞胸肉都幾軟嫩）- Queuing Time：Nil - 排隊時間：不用排- Serving Time: 5 mins- 上菜時間: 5分鐘- Remark: 係番茄師兄新開的「米青蛋包飯公司」 (圖中價格是港幣)(The prices in the picture are in Hong Kong dollars.)

荔枝角新開的蛋包飯餐廳，平日夜晚嚟大概等15分鐘就可以入座～ 環境光猛坐得都舒服！❄️走汁慢煮雞胸蛋包飯 $74可以+$8轉埋椰菜花飯，健康之選！雞胸都嫩 走左汁就比較原汁原味 ，雞胸份量都多！❄️咖喱汁吉列魚柳蛋包飯個皮都炸得幾脆，咖喱汁好襯個魚柳～魚柳都好大塊，雖然菜一咬落去係凍 同店員反映返佢整過份暖既比我🥹 服務加分！加左個雜菜有蕃茄，蘿蔔同翠玉瓜，種類都算豐富！整體嚟講不失為增肌減脂餐嘅一個好選擇～

一直都好鍾意食蕃茄師兄 知道佢開咗蛋包飯，就算唔係太鍾意食蛋包飯都專登去捧下場 點知🥲叫左個封門柳蛋包飯餐 個餐跟一碗湯同一枝茶點知原來係頹到不能再頹的粟米芡汁湯 蛋包飯，並唔係有隻蛋包住飯而係就咁將塊蛋po上面我哋揀咗椰菜飯 感覺都還可以 好似健康啲但係側邊啲配菜都係凍嘅 而個牛都比較鹹 另外再加咗錢要兩隻炸蠔 都算抵另外叫咗騸牯牛柳飯就揀咗白飯 個飯最呢令我失望 D 飯太黏 唔知食乜 牛正常發揮，但係個汁感覺非常茶餐廳 另外叫咗兩件炸雞 都係一般總括嚟講，食完都幾失望，好唔滿足 希望ching 可以做返當年嘅水準🫡

荔枝角D2蛋包飯專門店🍛✨全日餐$6X-7X，有菜有肉有蛋，色彩鮮艷，幾靚仔♡不得不說炒蛋好嫩滑，幾鍾意面頭海苔碎碎♡有日式感覺可以自由配搭醬汁&可選椰菜花飯！全日餐跟茶飲 (四季春/烏龍茶)但係蘑菇忌廉汁偏淡味吾香，建議米青招牌咖哩汁★微辣甜口日式咖喱，超送飯！但要預留脂肪quota!! 建議少汁少飯喇～欣賞雞胸有大約8片，份量都幾多！慢煮肉質都幾嫩滑(有少少似七仔雞胸質地xd) 洋蔥牛柳絲中規中矩，肉量就唔算多，不過洋蔥炒都好淋好入味！見到仲有豐盛蛋包飯餐($1xx)，就包兩款肉類～想食多啲蛋白質可以揀！★慢煮嫩雞肉 $69（配蘑菇忌廉汁）～841 kcal79c 58p 31f★洋蔥騸牯牛柳絲 $76(配米青招牌咖喱汁)～929 kcal102c 40p 39.5f📍米青蛋包飯公司 (荔枝角)荔枝角長義街9號D2 Place ONE 3樓303號舖#蛋包飯 #咖喱飯 #荔枝角美食 #卡路里控制

之前喺facebook 見到睇落好似好好食，帶埋老公去試，感覺似中伏。睇落好似好好食嘅樣，好吸引，前日去到見到好多人排隊，睇過OpenRice 都未有差評，諗住應該會好食，但最後失望收場。兩個人去食，叫咗一個腹心肉和牛餐，一個龍脷柳蛋包飯，一齊share，兩杯凍頂烏龍茶一凍一熱，熱嗰杯ok嘅，凍嘅使用玻璃樽裝，個樽似重用加無洗乾淨，蓋內邊緣有明顯污漬、蓋上灰色帶尾端呈啡黑色，飲咗一啖見到已經唔係好夠膽飲，同最後返到屋企喺我哋個餐兩個share全日食嘅嘢完全一樣嘅狀況下，飲玻璃樽裝冷萃茶嘅我老公肚痾，我飲熱嘅無事，疑似係玻璃樽嘅衛生問題。食物方面，先講腹心肉和牛餐，淨係得個底嘅薯蓉係熱，其他凍上，薯條唔脆，牛肉同薯蓉混合埋一齊，唔知係廚房問題定薯蓉餘熱嘅問題，大部分牛中間都唔再係粉紅色甚至過熟，成個餐好食嘅得啲薯蓉同個蒜蓉牛油尚算ok。至於龍脷柳蛋包飯問題就大好多，以前教我整壽司嘅師傅曾經同我講啲飯太實啲客會慘過食屎，我終於有機會明佢嘅意思，蛋包飯啲飯太實，估計係放入模嘅時候造成，實到離譜嘅程度，有種割裂感，啲飯食落感覺同碟入面嘅所有其他野都係唔夾，分開咗咁，汁太少，龍脷柳疑似急凍貨，伴

收工時間19：30到達開始排隊，現場已有幾組人士，等待約10分鐘左右聽到前面客人對話是需要櫃檯取飛等候。可現場並無任何工作職員通知或有任何相關指示/指引去櫃檯取飛等候，甚至後面幾組客人是靠旁邊餐廳的職員告知才去櫃檯取飛....20：00入場掃QR CODE下單才發現幾乎90%菜式已售罄，只餘菇 、雞胸肉、魚、牛柳絲和腹心肉，我與友人苦選牛柳絲和腹心肉後繼續等候上餐。在此十分不解90%菜式已售罄的情況下職員可以不作出任何通知告示外面排隊候餐的客人。90%的菜式不會是全數幾分鐘內一起全部售罄吧？哪怕再繁忙是否也可以安排到人張貼/通知客人某部分菜式已售罄呢？而不是要人排隊半小時後進來才發現只餘兩三款被逼選擇？等候再過多半小時後友人選的腹心肉蛋包飯送到，可隨即被通知牛柳絲已售罄，請我再掃QR CODE下單......所以請問到底過去的半小時我在等候什麼？不可能要客人等候半小時上餐才告知已選的售罄吧？再打開QR CODE發現只剩菇 、雞胸肉、魚，完全無從選擇取消下單。哪怕再好吃的餐廳，如果安排是如此差勁不合理不恰當，再好吃也不會光顧。PS ：玻璃樽帶離開是需要付費$5，表示理解，但不清楚現場是否

好難食！好難食！好難食！重要嘅事情要講三次！因為真係唔想再有人中伏！ 畀宣傳相片吸引咗特登去荔枝角店食 可惜好失望 260蚊坦白講唔係話特別貴，不過亦都唔平， 對食物有d期望都唔過份啦 但食物一嚟到上枱，見到1x塊薄切切嘅牛,實物賣相已經唔太開胃 果然，牛肉食落去乾到不得了！轉食薯條，但一啲都唔脆 好似擺咗好耐咁 最想唔通嘅係唔明點解要將薯條擺薯蓉上面？？ 叉叉下啲薯條同啲薯蓉融為一體 十分難食 成個餐最大嘅敗筆就係兜薯蓉 薯蓉一食落去就係溝粉嘅味道 如果店家係真材實料嘅薯蓉就真係唔好意思 完全唔明白點解咁簡單嘅薯蓉都可以整到咁難食成兜都有怪味。不過公道啲咁講返句伴碟嗰條菜，味道唔差嘅

叫咗個洋蔥牛柳蛋包飯好：- 調味調得幾好。菠菜汁嘅味，同埋洋蔥牛肉嘅味都唔錯- 侍應好有禮貌好親切，會同客人介紹餐牌嘅食物壞：- 牛柳超級少（如圖）- 咬到三次蛋殼- 米飯太硬- 外買野飲杯有污跡

之前番茄🍅師兄公布加開一條新line製作蛋包飯，已經follow定 😎 最近夜晚收工時途經荔枝角，決定去幫襯下，睇下會唔會有驚喜 🤪🍛 洋蒽騸牯牛柳絲 - 「米青」咖哩汁😋😋😋😋😋騸牯牛柳絲好滑溜，充滿洋蔥🧅香；蛋包飯面嘅雞蛋煎得好靚，夠晒鮮黃💛，幾滑身，而且有蛋🥚香；米飯🍚煮得粒粒分明，而重點「米青」咖哩汁，有咖哩油香😚，味道介乎香港咖哩汁與日式咖哩汁之間，食到有薑黃味，撈飯食唔會太搶；蔬果煮得啱啱好，保留到新鮮嫩色 👍🏻☕️ 凍頂烏龍茶 (熱) 😋😋😋😋熱烏龍茶味清香，唔太濃厚，幾啱配咖哩飯 😉 又可以清一清充滿咖哩味嘅口腔～晚餐 💵💵 約港幣$80/人 💁🏻‍♀️ 店面光猛，枱與枱之間有充足空間～ 第一次食感覺唔錯，用料同擺盤都靚，睇得出有心做好 😊 希望下次嚟食會keep到水準！大家亦「別來無恙」啦！🙆🏻‍♀️ 最後，喜歡嘅話，歡迎follow ！

這家屬於餐廳番茄師兄旗下，在上月剛開幕的蛋包飯專門店，雖然是以蛋包飯為主打，不過款式多達12種，更可以把白飯轉為椰菜花飯或菜飯，很適合注重健康的人士！我們當天平日中午時間到訪，餐廳的人流很多，大約等待了15分鐘才能入坐，看得出是人氣餐廳。這次我選擇了「芝心雞肉漢堡扒」蛋包飯（$82），除了白飯可以轉，醬汁也有4款供客人自由選擇，這次我選擇了「洋蔥牛肉汁」，跟餐飲料也有兩種包括「凍頂烏龍茶」以及「四季春茶」，冷飲與熱飲同樣是免費，所以這次選擇了「四季春冷萃茶」。剛上菜便馬上被嚇一跳，蛋包飯的醬汁非常多，但質感比較水，所以有點像吃湯咖哩的感覺，另外配菜有多種蔬菜，整個料理感覺更營養均衡！至於蛋包飯，雞蛋口感滑嫩，「芝心雞肉漢堡扒」帶煎過的香味，裡面的芝士更有流心效果，與帶甜味的「洋蔥牛肉汁」非常配合。朋友選擇的「日式吉列豚」咖哩蛋包飯同樣美味，吉列豚香脆不油膩，難怪剛開業便已經成為人氣餐廳！

新開諗住試試佢 都係頭幾日去所以都幾多人排隊不過除咗特別貴之外無咩特別磨菇和牛免治牛脷肉醬蛋包飯 $78加炸蝦餅2件 $12 味道正常但飯唔夠熱 用珍珠米但又偏硬如果同區想食蛋包飯 另一間會開心啲😅😅

同屋企人遲咗食早餐，見到OpenRice話3:00有八五折，特登等到下午茶3:00先嚟食，點知原來已經冇咗呢個優惠，變成下午茶餐。😢本身諗住食A4和牛漢堡扒飯同埋厚切牛舌飯飯，但可能太晏去，好多菜式已經賣晒，最後叫咗A4牛漢堡扒飯同埋吉列蠔煎蛋飯，前者係全日餐($98)後者係下午茶餐($46)，兩個餐到包烏龍茶/四季春茶。講返A4牛漢堡扒飯，我哋揀咗米青咖喱汁，但個人覺得個咖喱汁唔係好特別，就係普通嘅日式咖喱汁，咖喱汁嘅份量到啱啱好。個漢堡扒都好重牛味，有肉汁，都出色，但係又未去到超出色。啲配菜令到成個餐fresh咗健康咗，隻蛋都好香蛋味。吉列蠔煎蛋飯，我哋都係揀咗米青咖喱汁，隻煎蛋去太陽蛋，有蛋汁流出來好正。個餐有四隻大嘅吉列炸蠔，比我想像中覺得好食同抵食，$46呢個價錢真係冇得輸，唔怪得知三點幾仲咁多人喺度食下午茶啦。總括而言，我覺得呢間餐廳都係好食嘅，如果下次有機會我都係想試個牛舌飯，但應該就要早啲去先至食到了。

早幾日先喺社交平台見到，然後同事就帶咗我過嚟試😳我哋大概12點3左右到，都仲有好多位，所以唔使等就有得入😌Around 12:30之後就開始多人，要喺門口等位同事們嗌咗個推薦嘅厚切牛脷芯蛋包飯配米青咖喱汁牛脷芯好厚身，佢哋表示唔錯咖喱汁唔辣，不過我會覺得偏稀我自己就嗌咗個日式吉列豚蛋包飯配蘑菇忌廉汁 （少汁）白汁呢講唔算伏。不過蘑菇份量好多，每一啖都會咬到蘑菇的說 😬唔追求啖啖飯都要有汁嘅話，少汁其實都ok但同事們表示正常份量都唔夠汁🫠蛋包飯賣相唔錯，有多款蔬菜👍🏻 但確實豬有豬味 0.0P.S. 接近人均100都仲好有荔枝角特色🤡一放低餐具就過嚟收托盤+出單

聽聞荔枝角開了一間新的蛋包飯餐廳，想試試蛋包飯味道如何，便決定今晚前往該餐廳。餐廳裝潢簡約，帶點文青風格，座位基本上是四人或六人並排。餐廳新開業，暫時未能提供一本本的實體餐牌，需要看張貼在牆上或放在櫃上的紙餐牌，而八達通付款也暫時未能使用。向店員了解菜式是有分蛋包飯餐或沙律餐，最後用手提電話點了蒜蓉菠菜扒豆腐蛋包飯套餐$66。套餐可自選米飯類別、米飯多少、配汁類別、可追加配料及餐飲。店員先送來熱四季春茶，後用木托盤送來蒜蓉菠菜扒豆腐蛋包飯。蒜蓉菠菜扒豆腐蛋包飯：賣相吸引，顏色豐富，很健康的蛋包飯。招牌蛋包飯，金黃滑嫩炒蛋包著香軟白飯，白飯軟硬適中，整體搭配相當均衡。選了「米青」咖喱汁，咖哩汁偏油一點，味道微辣微甜，配白飯不錯。至於配料可加多一點，菠菜的蒜味不足，厚切脆玉瓜有點硬，可煮軟腍一點。 金黃微脆煎豆腐，內裡軟滑，味道是清淡的，而不是那種充滿豆香的。熱四季春茶：茶包浸泡在熱水，散發著濃郁茶香，是不錯的飲料。*提示：凍茶餐飲是用玻璃樽，若要取走玻璃樽須付$5。