米青蛋包飯公司

营业中

休息中

之前有去吃過的番茄師兄，現在在 D2 Place ONE「自己做飯」。米青蛋包飯公司 主打香港人口味的創意蛋包飯。搭配綠色天花的裝潢帶懷舊感的茶餐廳元素，卻又不失現代感的氛圍。店是用QR Code下單，蛋包飯除了有多款肉類可選擇，也有素食。連配菜、醬汁都有不少選項，甚至可將飯底轉成低卡的椰菜花飯。🍚鹹蛋西班牙黑毛豬肉餅 (HKD 88)配白飯 + 米青咖喱汁 + 追加蒜蓉菠菜 (+HKD 10)看起來很色彩鮮艷的蛋包飯，份量亦不算少。一口咬下能吃到微微的鹹蛋黃味，讓外層微焦的肉餅味道更濃。另外半肥瘦的肉餅比例亦恰到好處，肉質細緻也有肉汁。包著飯的蛋色澤金黃，用湯匙輕輕劃開便能感受到柔軟的質感。滑嫩的蛋配上微辣而不嗆的咖喱汁，讓人一口接一口。咖喱汁的份量剛好，味道濃郁卻不膩口。配菜有粟米、翠玉瓜、甘筍、長柄西蘭花和番茄。另外加的蒜蓉菠菜吃完不會「嚡口」。🍚蘑菇和牛免治牛脷肉醬 (HKD 78)這款轉了椰菜花飯 (+HKD 8 ) 配洋蔥牛肉汁。牛脷肉醬和平時茶餐廳吃到的很相似，加了蘑菇口感更豐富。對比下洋蔥牛肉汁就較為淡身，洋蔥吃落倒是幾甜。椰菜花飯口感沒想像中的顆粒感，不過都有點微脆略

昨晚剛好行D2 place時見到呢間蛋包飯專門店，好多人食就湊熱鬧去試一試厚切牛脷芯Thick cut ox tongue $96- 呢個牛脷心非常軟腍，配合餐廳嘅自家咖喱汁，味道唔錯，但醬汁可以多少少，先至夠沾哂全部飯，另外配菜都好新鮮日式吉列豚Tonkatsu $84- 呢個吉列豬扒外層炸得酥脆，但係內裏就有點Over，有少少嚡口，另外加咗8粒日本小貝柱，細細粒都算有咬口，配菜同樣新鮮總括而言，個人比較推厚切牛脷心嘅蛋包飯

食過番茄師兄幾鐘意，等熱潮過咗就試吓姐妹店，裝修帶點港式又有文青風，開咗幾個月仲係乾乾淨淨咁，加分位啲姐姐唔會好似其他鋪，見你食完就收起你啲野迫你走👍🏻洋蔥騸牯牛柳絲蛋包飯 $76番茄師兄果到都食過騸牯牛，哩到牛柳絲真係有點幼，食洋蔥多過牛柳，仲比較乾身，蛋都比較薄身，不過算滑，加幾粒唔同顏色蔬菜算幾靚不過價錢好似進取咗小小，哩區咁多選擇未必會成日嚟食

同舊同事喺返舊公司附近食飯上菜速度好快叫完唔使𝟝分鐘就已經送上(•̤̀ᵕ•̤́๑)我揀咗「米青」咖喱汁 芝心雞肉漢堡扒$𝟠𝟚配上免費既四季春冷萃茶ლ(´`ლ)蛋包飯可以加$𝟠轉椰菜花飯/日式醬油菜飯自選醬汁可以揀洋蔥牛肉汁蘑菇忌廉汁「米青」咖喱汁 菠菜忌廉汁係頗多選擇既個「米青」咖喱汁 係特別既唔係好辣酸酸地ヾ(◍°∇°◍)ﾉﾞ原本以為個飯份量好少一定食唔飽但係最後都食得好飽旁邊有蔬菜 紅蘿蔔 蕃茄仔 翠玉瓜 長柄西蘭花 粟米 我想像中嘅蛋包飯係入邊會流心係我期望太多 ૮◍⁰ᯅ⁰◍ა佢係一個樣子靚靚 個蛋都滑滑地既普通蛋包飯芝士雞肉漢堡扒入邊有芝士 但無流心 無拉絲係我期望太多 ₍^_   ̫ _^₎不過好少聽到有用雞肉做嘅漢堡扒佢唔算爆汁 但係亦都唔乾 加咗芝士係多一重口感既(•̀ᴗ•́)究竟$ 𝟠𝟚一個午餐係貴定唔貴呢？꒰꒪꒫꒪⌯꒱

久聞呢間蛋包飯好耐，終於試到啦！🥰平日1:20到，等2-3個就坐低啦，係咪算好彩。😅🍳招牌蛋包飯——🐣慢煮嫩雞胸 $74🌕🌕🌕🌕🌗上枱好靚，顏色對比鮮明，賞心悅目🥰，令人想大快朵頤。劃開隻蛋，略嫌份量唔夠多，只係薄薄地一層。入口蛋滑同又香嘅。雞胸意想唔到好嫩滑，雖然雞味唔算濃，但都好好食。用返呢個價錢計，完全收貨有餘。反而佢個汁汁我麻麻地，唔道唔突出，就係普通一個芡汁，令整體有啲失色。🍳招牌蛋包飯——🐮100%純和牛漢堡扒 $96🌕🌕🌕🌕🌖和牛漢堡扒爽口有牛香，又唔會過分油膩，同樣好食，會翻町！最開心係可以加$8（轉椰菜花飯，好岩減脂要健康嘅，剩係呢點都足夠叫我下次再黎。😘#蛋包飯 #米青 #D2 #D2美食推介 #椰菜花飯 #生餇飲食 #減肥 #減肥餐 #荔枝角美食推介

喺D2 Place 3樓行到最盡頭，發現有幾間餐廳，其中一間係食蛋包飯，我哋叫咗兩個餐西班牙豚肉漢堡蛋包飯，醬汁可以自行選擇咖喱汁，蘑菇忌廉汁，菠菜忌廉汁等等，我就選了蘑菇忌廉汁。蛋包飯入面係白飯，唔係日本嗰種有茄汁炒過嘅飯。忌廉汁好香，濃稠適中，雞蛋有蛋香和好滑，豚肉漢堡，口感較實，味道香濃。芝士雞肉漢堡蛋包飯，醬汁選擇了咖喱汁，咖喱汁好香，唔辣，雞肉漢堡入面佈滿芝士，口感軟滑，豚肉漢堡和雞肉漢堡比較，我自己就比較喜歡雞肉漢堡。配菜新鮮，套餐亦有配飲品，如果以份量和價錢嚟講，價格有點偏貴，但係味道很好，下次會再去試埋其他款式

社交平台成日轆到佢哋廣告 加上之前食過蕃茄師兄 所以一直都好想嚟試吓今日嚟到 就算平日都幾多人排隊 都排咗差唔多20 mins 先入得 大約八點幾到啦 已經得返比較少嘅選擇（約10種） 出面有5-6位工作人員 但淨係得一位負責帶位同收銀 望住幾個空位但仲要企喺度等嗰下覺得安排得唔係太好叫咗佢哋推介嘅臀肉蓋其實未叫之前見到其他人叫嘅沙律餐睇社交平台沙律餐有好多舊牛 不過嗰個人嗰份睇落就唔係好多我叫咗飯餐 牛有7舊左右 有啲厚度嘅 不過都係覺得比較少 始終都差唔多成$200個餐份量都唔係好大 飯比較細個 隻匙羹又好大 基本上匙羹𢳂6-7下就食晒女仔可能食得飽嘅餐湯似罐頭湯質素反而嗌炸魚柳會抵食啲 原條+即炸見到有人攞嘢飲樽換紙杯 啲茶樽可能洗完再用冇想像中咁好 未必會嚟下一次

✨重點評價✨ ✅ 封門柳蛋蓋飯 $168- 牛肉品質超驚艷！肉嫩多汁有牛香🐮 - 但嚴格來說是「蛋蓋飯」非蛋包飯 （蛋只是鋪上面 沒有包裹感） 🔥神級醬汁▪️「米青」咖喱汁：香濃微辣超下飯 ▪️蘑菇忌廉汁：奶香順滑不膩口 🍵飲品驚喜• 粟米忌廉湯：濃郁creamy🌽 • 凍頂烏龍茶：清新解膩首選 ⚠️小失望位▫️吉列炸蠔（+$16）普通不驚艷 ▫️蛋料理方式有待改進... #荔枝角美食 #日式洋食 #偽蛋包飯 👉🏻 建議點牛肉系列+咖喱汁組合！ （同場加映：有無人試過其他口味？求分享～） 後記： 雖然不是傳統蛋包飯， 但牛肉質素值得回頭！ （希望改進蛋的處理方式）

其實未預備好，點解要開呢？今日專登去食5:15 就有人排隊5:30 入坐漢堡扒飯，飯係暖嘅，漢堡扒都係暖，淨係支茶係正常。盛為$98。另一個餐仲大鑊，我從來未食過牛扒係凍嘅。一入口，「凍喎！」 咩料呀？飯又係暖嘅，淨係碗湯嘅溫度比暖熱少少….盛為$198大約6:00pm食完出面仲大排長龍大家可能都係睇IG 啲人講到幾好食幾好食…之前D22 嘅蕃茄師兄都無咁差，大家都係同一間公司啫，呢間極難食喎。希望之後啲人食到熱飯熱餸😐

作為蛋包飯專門店，比一般餐廳的蛋包飯更普通。外觀是ok，雞胸是嫩但無咩特別，但炒蛋很少很薄，自家的咖哩汁也無特色。更過份是，加10蚊加的蔬菜，居然是碟飯本已有，只是每樣加多一粒一條，咁就要10蚊！紅蘿蔔很硬，粟米連芯唔易處理(最後我無食）。包飲品也無咩選擇，只有茶是免費，其他要加十幾蚊，選擇亦不多。食物也遍貴，小食要去到下午茶時段先。冷泡茶是用玻璃樽上，幾啖已無。建議改用杯吧，玻璃樽清洗不易，個個客人用咀直接飲，我感覺唔太好。雖不用加一，但我覺得CP值較低，在荔枝角咁多食肆情況下，要生存真係要諗吓法子了。

#68 📍米青蛋包飯公司**🍴 食評｜芝心雞肉漢堡扒蛋包飯** **💰價錢**：$82**📝簡評**： 呢個蛋包飯賣相唔錯，但食落就...普普通通囉！日式咖喱汁偏甜唔辣，味道有啲單薄🥄。雞肉漢堡扒中間有芝士餡，切開有少少拉絲效果🧀，但份量太少，存在感薄弱。蛋皮食落ok 幾滑，炒飯味道正正常常，整體冇乜驚喜😐。 反而蔬菜嘅份量有都算多，有啲食緊湯咖哩嘅感覺😙。濕紙巾造型特別，可惜小編諗住留嚟收藏嘅時候就比職員收碟嗰陣一次過收埋左🥹。另外跟餐有四季春茶，冷熱同價，用幾靚嘅玻璃樽裝冷泡，四季春茶嘅茶味都濃，但扣分係樽蓋內頂見到有污漬😶。小編見其他foodie話可以加$5拎走個樽但唔見餐廳有相關指引🥲**👍優點**： ✔️ 適合唔食得辣嘅人 ✔️ 芝士餡心思加分 **👎缺點**： ✖️ 咖喱汁太稀唔夠香 ✖️ 芝士份量可以再多啲 **🌟總評**：3.5/5 性價比唔高 **🤔回訪？** 試過就算，除非冇其他選擇 #香港美食 #蛋包飯 #食評 #美食分享 #香港餐廳 #芝心漢堡扒

🍅【街坊價親民又驚喜】三餸麵+養生茶$48在商場算超值每款肉料給兩大塊誠意十足座位舒適餐桌闊偌 相聚暢談快速用餐皆宜🐂【肉食三重奏】• 騸牯滑牛 - 香港少見的閹割牛特殊肉香• 牛面頰肉 - 每頭牛僅兩塊的珍貴部位• 流心滑蛋 - 蛋黃稠度控制得恰到好處🍜【湯頭巧思】濃稠番茄湯底暗藏玄機• 新鮮番茄+茄膏雙重奏• 滿滿蕃茄蓉幸福嘅味道• 拉麵彈牙又掛湯• 加麻之一滴 麻辣酸甜一口嚐☕【養生茶飲】紅棗桂圓桑寄生茶絕配• 中和番茄酸性• 溫補女生最愛• 坊間茶餐廳少見的搭配智慧美食亮點：✨蕃茄湯✨騸牯牛✨滑蛋✨麻之一滴這樣的用心小店，一定要回訪！牛肉蕃茄湯香氣都要飄出屏幕了～(◠‿◕)

同朋友喺荔枝角做完運動，諗住搵間Cafe坐吓，好快就搵到呢間米青食蛋包飯嘅店。店入邊有牛舌蛋包飯好吸引，仲可以自己揀醬汁，本身仲諗住嗌咖喱汁，但係見到菠菜忌廉汁都好吸引，於是嗌咗菠菜忌廉汁。一嚟到個菠菜忌廉汁好Creamy，加埋牛舌桃蛋包飯都好好食。牛舌好腍，有三舊厚切牛舌，連埋飲品呢一個餐$100都唔使，價錢都算OK。

當日是平日晚上同1位朋友幫襯，大約8:45 pm入坐，餐廳格局屬茶餐廳feel, 一般蛋包飯類價錢由$66至$138不等, 亦有和牛餐價錢$2XX, 以此茶餐廳格局的價錢屬偏貴，餐飲不用加錢的只有凍頂烏龍冷萃和四季春冷萃茶，其他飲品例如屈臣氏梳打水（加$12）、柚子/荔枝梳打(加$18），非常貴及不值。手機點餐選擇了椰菜黑豚肉配白飯，配咖喱汁，餐飲選擇凍烏龍茶，侍應好快送餐來，碟飯擺設似快餐店頹飯，椰菜是煮過熟，顏色呈梅黃色，黑豚肉味道普通有點「鞋口」，蛋包飯不似日式的蛋包飯，只係把蛋皮放在飯上，只屬港式風味，蛋過熟唔滑，米飯味道亦很一般，咖喱汁是凍的、偏稀似水狀、沒有咖喱味，只有咸味，配有一條瘦弱的凍芥蘭及一塊凍翠肉瓜，這碟飯味道比快餐店更差，似屋企煮椰菜豬肉片，不能炒來形容，只能用煮來形容，仲係似攤凍咗，因為碟飯只是微暖，咖喱汁是凍的。凍烏龍茶的茶味尚可，但以玻璃樽上，份量比較少。晚上可能比較少客戶，9:05 pm收銀員埋來問仲有冇需要點餐，9:10 pm又埋來話要埋單先，但要食客行出去櫃枱俾錢而不是擺單來收錢，這點是有煩到食客，明明正在用餐，卻要走出去櫃枱埋單。此外當時連我們的1

本身睇過其他人的介紹先好想去食佢的牛扒, 但去到先知原來牛扒要17:30後先有, 但都去左了咁就不如試下其他野。所以就叫左佢餐牌推介的精選厚牛舌蛋包飯, 而個飯係可以+$8轉做椰菜花飯, 我再加左$10所以先有旁邊的紅羅蔔粟米個D配菜, 但原來個配菜都唔多,  所以都唔算抵。牛舌的確好厚, 不過就好淋, 牛味唔重, 但咬落都叫有D口感的, 蛋包飯又真係唔太特別, 個蛋都幾薄, 椰菜花飯同個汁都係正常味道, 所以總括黎講我覺得係好普普通通的一餐, 唔可以話佢難食, 但呢個價錢有更好的選擇, 但環境算坐得舒服的, 又唔洗等位, 如果下次夜晚經過都仲會想試下之前人地推介的牛扒薯條。