米走雞Live

营业中

休息中

第一次同女朋友嚟呢度食雞煲，佢哋嘅食物真係有驚豔到我，尤其是嗰個火焰麻辣雞煲，我哋到依家都仲係念念不忘，好想再去食。-火焰麻辣雞煲-雞煲上枱之後，侍應會嚟加酒點火，麻辣同酒香味香氣撲鼻，侍應炒咗一陣雞肉然後蓋上，稍微煮多一陣之後我哋就可以開始食喇。雞煲嘅辣度啱啱好，啲唔食得辣嘅朋友都食得，火焰烹調過後更加突顯咗成個雞煲嘅香辣味，雞肉又好鮮嫩，真係食完仲想再食，完全停唔到口。食完雞煲之後再配合火鍋湯底，我哋就可以打邊爐喇。-西班牙黑豚肉-油花分佈均勻，味道好鮮美，肉質好嫩而且好有咬口，食落唔會覺得油膩反而特別香。-雜菇拼盤-有金菇、冬菇等，乜嘢菇都有，個個都非常新鮮，淥完之後，口感軟嫩，味道爽甜，好食。-牛柏葉-有啲清香味同微苦嘅味道，好有獨特嘅風味，淥咗幾分鐘後，口感變得爽脆可口，味道一流。

今日星期六，就諗住同男友一齊去觀塘嘅米走雞Live食晚餐，順便試吓呢間餐廳嘅嘢食。因為我哋係第一次嚟，侍應就好熱情咁向我哋介紹。我哋就叫咗呢幾樣菜。杞子花膠膠原鍋：呢個湯底真係滿滿嘅精華！每一啖都特別香濃，加上杞子同花膠本身獨特嘅味道，湯底更加鮮甜，令人非常開胃！口感都好豐富，仲帶有養顏嘅功效黑豚肉：肉質散發住好獨特嘅味道，口感鮮嫩仲好高級，煮熟更加濃郁香甜，每一啖都令人回味無窮！而且豚肉有住好靚嘅紋理，顏色微紅，未食都睇得出豚肉好新鮮。脆鯇片：呢個係打邊爐必食嘅菜式。呢度嘅鯇片鮮香，肉質細緻結實，口感好爽脆，特別送飯。而且魚肉都冇腥味，廚師處理得好出色👍鵝肝M5和牛丸：丸子好彈牙，入面係滿滿嘅鵝肝同牛肉，口感好豐富，加上丸子吸收咗湯底嘅精華，味道更加正！

前幾日同朋友一齊嚟呢度打邊爐，我一直都以為呢間淨係得雞煲，唔知原來仲可以打邊爐，而且仲有好多種養生湯底添🤨 第一次嚟到就已經俾佢哋嘅湯底驚艷到，已經plan住下星期再嚟食😂✨杞子花膠膠原鍋一上枱就睇得出好足料！花膠放得毫不吝嗇，仲有紅棗枸杞等等嚟調味😋 我忍唔住先飲咗一碗，簡直超鮮美！根本就係真材實料嘅鮮甜，鹹度啱啱好，雖然有放胡椒粉調味但係一啲都唔會辣！養身嘅同時仲色香味俱全💯✨霜降Prime牛板腱睇吓個色澤就知好高質，堅韌但好多汁嘅牛板腱放落火鍋度燉煮後，充分吸收咗湯底嘅香味，口感更加豐富～ 牛板腱肉質好有韌性，而且牛肉香超濃🤤✨沙白蜆每一隻都好大隻肥美，而且仲好新鮮添！肉質鮮嫩多汁，配搭較清淡嘅湯底可以充分發揮出沙白蜆本身嘅鮮美～好正🙌✨wasabi鮮墨丸食得出係用咗新鮮嘅墨魚揼打成漿泥製作而成～ 墨魚丸新鮮彈牙，非常真材實料！加咗wasabi就更加特別啦，有小小辣同嗆鼻，但係都唔錯嘅～

朋友約咗嚟呢度【米走雞Live】食晚餐吹水，打吓邊爐，覺得呢度嘅環境都幾唔錯，聽講以前仲有live band表演，可惜而家好似冇咗，冇多問，食飯地方都係好好。我哋叫咗一個湯底配咗幾樣菜，價錢都算幾平，幾符合我同朋友嘅消費水平。湯底係【金湯桃膠花膠雞湯】，都幾大鍋，分量真係好足，啲雞肉快滿出嚟。雞肉熬煮得非常入味，滿滿都係金湯嘅味道，然後入面仲有蔬菜、桃膠、花膠，一啲紅棗杞子，成鍋湯嘅口味非常豐富，又好鮮美！印象最深刻就係朋友叫我試吓，好有特色嘅【Wasabi鮮墨丸】，真係好好食！到而家寫住食評都掛住嗰個墨魚丸，非常非常鮮，好彈牙，然後wasabi嘅香味將墨丸提升到另一個層次，真係味道上嘅享受。脆鯇片都唔會輸，食起嚟好甜，唔會有腥味，配上湯底更加鮮甜美味。佢哋嘅唐生菜亦都非常新鮮，外觀上睇就係好靚嘅綠色，然後好脆好甜，食咗咁多肉，嚟一啲蔬菜係非常唔錯嘅！我同朋友都食得好飽，下次仲想帶其他人嚟呢度食！！！

有誰同我一樣係海鮮貝殼類嘅愛好者嗎？有嘅話畀你哋好康，一定要嚟‘米走雞’試下佢哋嘅蒜蓉卜卜蜆鍋啦。最近啱啱從台灣返嚟，見到佢哋嗰邊而家流行好多蛤蜊煲，有機會食過一次，問過廚師原來係曾經喺香港學藝過嘅。旅行結束返港後就好掛住嗰個味道，諗起呢間鋪頭都係有呢款創新嘅火鍋。話唔多講，今晚帶哥哥一齊再嚟搵返嗰熟悉嘅味道。❤️ 整鍋滿滿肥美嘅蜆，每一隻都好鮮甜，睇住真係好饞。我哋同時都點咗另外三樣食材嚟搭配，有青花椒牛舌、脆鯇片、蟹籽鮮蝦滑。我當然一開始先細細品嚐原汁原味嘅蒜蓉卜卜蜆鍋，再加入新鮮嘅脆鯇片喺滾燙嘅湯裡快刷10秒左右，為咗避免口感變柴，呢個時候嘅湯底亦都更加鮮甜。🤩哥哥則忙住把蟹籽鮮蝦滑攪拌均勻落鍋。不得不講蝦滑真係好食，粒粒分明嘅蝦顆粒加上‘Pop Pop’喺嘴裡爆開嘅蟹籽，畀口腔帶嚟唔同嘅體驗。一般上我會把青花椒牛舌留最後，主要係我哋都會把青花椒加進湯底，咁樣就會有啲辣味帶出嚟，此時落鍋嘅牛舌正好吸收咗最正嘅融合咗青花椒嘅湯底，吸汁、Q彈，好食！大家可以根據自己嘅口味同喜好有自己嘅食法喔!

觀塘呢間米走雞Live，呢度主打賣雞煲同火鍋。環境舒服開揚，光猛衛生。試咗佢哋嘅特色芝士雞煲，醬料惹味，雞件嘅分量足又夠嫩，舖面嘅芝士又香又軟糯🫕非常滋味😋食完咗雞煲，加湯底就開始食火鍋，湯底參雜咗雞煲留下嚟嘅香氣，聞到都食指大動。叫咗青花椒牛舌，腌制得非常入味，肉質新鮮又滑溜。我都好鍾意呢度嘅竹笙墨魚滑，呢種搭配都係第一次食，竹笙嘅香氣獨特，配口感好滑嘅墨魚滑，好好食！仲有黑松露蟹籽魚麵同雲吞。黑松露蟹籽魚麵味道好特別，有魚有黑松露仲有蟹籽。雲吞就包得紥實，咬開仲有熱辣辣嘅湯汁，口感同味道都好正！我今次冇走雞，喺呢度食得非常滿足非常開心，下次帶埋屋企人嚟試多幾款先。

今日嚟到觀塘呢間雞煲+火鍋店食嘢，之前就已經試過佢哋嘅雞煲，都幾好味😋 今日就嚟試吓佢哋嘅火鍋啦～湯底有好多選擇，清淡到麻辣都有，連滋補雞湯都有得揀🤩 餐牌都好簡單明瞭，好多種火鍋食材喺呢度都食得到，仲有麵類同涼菜都可以揀～最後我同朋友點咗蒜蓉トト蜆鍋🐚一上枱就見到煲入面不停翻滾住嘅蜆子仲飄住淡淡嘅蒜香味，湯底鮮香味十足又好清爽，真係好好飲！蜆肉都好新鮮又肥美，一啲沙都冇，可見廚師處理功夫好好👍🏼 菜都未上我就已經大喝咗兩碗湯，只因湯底超鮮美😋必點菜品：✅西班牙黑豚肉薄切嘅西班牙黑豚肉肥瘦均勻，肉質真係一啲腥味都冇，仲散發住一種獨特嘅鮮甜味！無論口感定係肉質都係非常細嫩，品質好好👍🏼✅日本鮮帶子新鮮嘅帶子身形好大，鮮嫩緊實嘅口感入口好有層次感🤤 配上鮮美嘅湯底真係好好食～✅鵝肝M5和牛丸鵝肝同和牛嘅搭配我係第一次食，和牛嘅味道比較濃郁，牛肉味十足😍 牛肉丸非常彈牙，一啖咬落去仲會爆汁！✅黑松露蟹籽魚面呢個唔係普通嘅魚滑，係加咗高級食材黑松露嘅魚滑～ 黑松露嘅鮮鹹味令成個味道昇華，滿滿嘅蟹籽仲有新鮮魚肉泥，鮮上加鮮！

同事啱啱生完BB返嚟開工，就想話慶祝佢返嚟，同佢一齊去食餐飯。同我哋點咗幾樣餸，每一樣嘅味道都唔錯四粒包到好得意嘅和牛餃子味道甜甜地，咬落去就有種高級嘅味道。濃郁嘅牛肉味喺一啖之中散開，特別令人開胃。而且份量都好足杞子花膠膠原鍋]成個鍋都係花膠同杞子，飲落每一啖都特別濃郁！每一啖飲落，都覺得特別健康，而且花膠本身有養顏嘅功效，飲咗覺得皮膚變得好咗！花膠口感爽滑，冇腥裏品－牛柏葉]呢個係我食過口感最爽脆可口嘅牛柏葉。食咗好多間嘅牛柏葉，都冇呢間嘅味道咁好雜菇拼盤]呢個菜式係熱賣嘅菜品。成碗都係滿滿嘅雜菇，睇落就特別爽！涮落湯底之後，味道更加好！而且每一款菇類都好新鮮，咬落去又軟又彈，

因為今日落雨，天氣好差，喺觀塘想暖笠笠，就同朋友決定去食雞煲！由於朋友想食海鮮，我哋就決定咗蒜蓉大大蜆鍋。一等個煲滾起，勁濃郁嘅湯底，但味道又唔會好似落咗好多香料味精嘅重口味，清淡舒服嘅湯，唔會好似其他雞煲用咗好多調味料搞到好鹹好口渴！蜆嘅數量真係令人驚喜。每一粒蜆都飽滿多汁，咬落去嗰陣可以感受到佢嘅彈性同鮮甜。呢種新鮮程度唔單止體現咗食材嘅品質，仲凸顯咗廚房對時間掌控嘅準確。火鍋配料入面嘅唐生菜爽脆可口，食落啖啖清甜。花枝片嘅口感好彈牙，鮮味十足。蟹籽鮮蝦滑就滑溜溜，鍾意食蝦嘅朋友一定要食!!霜降Prime牛板腱嘅油花分佈均勻，油脂香濃。佢同海鮮一齊食，配搭到幾有趣嘅，海鮮嘅鮮甜中和咗牛肉嘅油膩，牛肉嘅油香又帶出咗海鮮嘅鮮味，簡直係味蕾嘅雙重享受。呢間舖頭嘅蒜蓉大大蜆鍋唔單止滿足咗個胃嘅需求，仲帶嚟咗一種舒服愉快嘅用餐體驗。無論係想喺落雨天暖笠笠，定係同朋友傾偈聚吓，呢度都係一個理想嘅選擇。

黃金芝士雞煲🧀金黃色澤睇住就好吸引！雞肉上面鋪滿咗🈵🈵嘅芝士碎，芝士加熱溶化之後奶香味超濃郁！仲可以拉絲😋 雞肉鮮嫩飽滿，撈住芝士一齊食真係好滿足啊～果然芝士就係力量！🧀🧀💪🏼食完雞煲之後我哋覺得仲未滿足，就繼續加湯變成火鍋🤩 多種火鍋食材我最推介就係呢幾樣：澳洲頂級和牛封門柳🥩佈滿嘅油花同鮮嫩粉紅色嘅外表，邊個睇咗唔流口水？🤤封門柳嘅肉質軟嫩鮮美，輕輕涮幾秒就已經燙熟，牛肉吸收咗湯汁精華，令肉汁充滿咗成個口腔😍虎蝦🦐身形超巨型！差唔多同我手掌一樣咁大🙀 肉質緊緻豐腴，Q彈飽滿嘅口感一食就知好新鮮👍🏼 簡單喺鍋度碌一下就可以食，仲可以食得出虎蝦本身嘅鮮美！雜菇拼盤🍄鍾意食各種菇類嘅我點會錯過，金菇雞髀菇冬菇全都有，菌香味滿滿～😋竹笙墨魚滑🦑舖頭誠意滿滿用咗新鮮墨魚製作而成，墨魚滑口感緊實又彈牙🤤 唔愧係舖頭推薦嘅菜品之一👍🏼

朋友話想食雞煲，話食開旺角個間米走雞幾正，今次來到觀塘區，見到米走雞食，就來試下呢間分店。我地來到開時候時間尚早，所以都未算坐爆。餐廳環境好大，比人感覺好舒服。落單之後，個麻辣雞煲都好快上菜。雞煲辣度剛剛好，而且好夠味，相當過癮，質素覺得係合格架！雞煲入面仲有洋蔥、芫茜等等。雞件都相當足料，啖啖肉，一d都唔馬虎。雞件食完之後，就可以叫店員來加湯，開始我地嘅邊爐night啦！轉換程火鍋模式後，M5和牛餃成為全檯焦點！咬落去嘅時候，外皮略帶韌性，內餡多汁鮮美，牛肉香氣四散。沙白蜆新鮮飽滿，肉質緊實，帶一絲嘅清甜，煮熟之後輕輕一吸就可以品嚐到鮮美嘅湯汁。脆鯇片落湯底之後，好快就變得好柔軟。魚肉索曬湯底嘅精華，即刻juicy左，而且仲食到個陣鮮甜嘅味道。

最近天氣時好時壞～要麼熱到令人好暴躁～要麼就係傾盆大雨～搞到最近身體都覺得有啲怪怪地😅決定今晚去我鍾意嘅火鍋店食啲補身嘅好料～去咗位於觀塘嘅米走雞～一般上都係座無虛席～除非比人放工前早到一步😝😝好彩今日放假～所以提早到仲有位～就順便約咗喺附近嘅同事一齊嚟食～🐔金湯桃膠花膠雞湯～我就係衝住呢個極品嚟嘅～單聽個名就知道係幾咁正～諗諗都流口水🤤🤤入面用嘅食材都係屬高級～一般上桃膠只係被當成甜品～但喺呢度雞湯同花膠一齊熬煮～不但只係養顏美容～更係包含咗好高嘅蛋白質～營養非常全面～亦都只有呢種食法先食得到所有精華～唔會浪費🫰🏻重點係雞肉本身並唔會煮到太柴～保持咗本身嘅軟嫩度😘😘.雖然雞湯嗰一鍋份量已經好大～但係食火鍋就一定要點其他嘅～必須叫我鍾意嘅蒙古羊肉片🐑～食過唔少羊肉片～但蒙古羊肉片嘅肉質感係特別多汁而且留香🤝🏻🤝🏻有啲人唔鍾意羊騷味嘅羊肉～我諗呢款肯定係可以成為你哋嘅首選～除此之外仲點咗脆鯇片同萵筍各一份～鍾意佢哋嘅脆鯇片嘅鮮甜～萵筍切片擺盤好靚～刷一刷過湯後～食入口嘎嘎聲～特別爽口🤭🤭

呢間米走雞係我唔知第幾次嚟幫襯㗎啦，因為我好鍾意佢哋嘅環境好寬敞舒適。之前我哋係食佢哋嘅黃金芝士雞煲，但係今晚天氣有啲涼涼哋，所以我就叫咗杞子花膠膠原鍋暖下，補補個身。今次我同老公就單點咗幾樣配料。我哋叫咗佢哋嘅青花椒牛舌，牛舍嘅厚度到切到啱啱好，所以刷燙幾秒就可以食，食落口唔會好難咬，口感爽脆，沾上特製調料，好食！仲有我最愛嘅日本鮮帶子同埋蟹籽鮮蝦滑，我好鍾意食海鮮嘅，所以呢個必點。帶子好大隻好新鮮，刷火鍋一流，因為咁可以食到帶子嘅鮮配上湯汁嘅甜，perfect😘👌 佢哋嘅鲜虾滑都好正，口感好Q彈，可以食到蟹籽一粒一粒係嘴裡邊爆掉嘅感覺，我真係好鍾意。仲有呢個店員推介嘅鴨肝M5和牛丸，食落去口感好結實唔會食到散散咁，好有彈性，越食越上癮。差啲唔記得我哋仲有叫咗呢兩個小菜，涼拌海蜇木耳絲同埋食火鍋唔少得嘅黃金炸饅頭。涼拌食咗越食越開胃，酸辣酸辣咁，加上海蜇同木耳絲的口感好爽脆，食佢黎開胃真係一流。食完所有嘢就輪到黃金炸饅頭作為我們嘅甜品，饅頭炸到外脆內軟，點上煉乳，哇～唔使我講都可以知道係有幾好食，可以話係perfect ending😆

呢度嘅環境真係好舒服，空間寬敞，座位多，令人覺得好自在。☺️👍🏻我試咗惹味沙爹湯，湯底香甜可口，仲有啲微辣，味道絕對唔會清淡，層次感十足🩷特別係食肉或者鍾意重口味嘅話食落去就更加正🫶🏻每一口都可以感受到濃郁嘅沙爹香氣，真係非常唔錯！！牛柏葉特別新鮮，完全冇任何異味，咬下去好爽脆，口感一流！👏🏻😍至於鴨肝M5同和牛丸，真係廚師推薦嘅必食之選。和牛丸係手打嘅，口感同我之前食過嘅都唔同，真係幾高質👍🏻🩷呢度嘅丸子滑嫩，仲有濃郁嘅牛香同鵝肝嘅獨特香味，簡直係美味無比！😁搭配其他菜式都非常啱，而且選擇都幾多我下次一定要再嚟試多啲！

超正！對於一個好鍾意火鍋嘅我嚟講，呢間店簡直係寶藏，我嘅favorite list又多咗一行。晚餐我時不時都會拉住男朋友到處去試新嘅火鍋店，或者喺我嘅list入面盲選一間火鍋店嚟食。啱啱喺前幾日畀我搵到呢間店，於是就拉我男朋友嚟陪我試食咗。我好鍾意呢間火鍋店嘅布置，喺微暗嘅環境度食火鍋，感覺真係好nice！我哋點咗一個雞湯火鍋——金湯桃膠花膠雞湯。好香甜，睇啲食材就感覺好補嘅一道料理。真係好鍾意呢個湯底，飲咗一口就唔想停落嚟。將雞湯入面嘅雞食到差唔多時，我哋就將脆鯇片放落去煮。佢哋嘅脆鯇片擺盤得好精美，好新鮮。放入鍋煮一陣之後，變得好鮮嫩又鮮甜，非常美味。我哋仲點咗鴨肝M5同牛丸。主要係我男朋友鍾意食，我個人唔係好識食，但係睇我男朋友食到好開心，感覺唔錯，識享受嘅人應該會鍾意。蔬菜方面我哋點咗萵筍，佢哋嘅擺盤真係驚艷到我，萵筍切得啱啱好，唔會太厚亦唔會太薄。佢哋嘅菜單有好多選擇，睇落都好唔錯，下次嚟仲想試其他嘅料理。