米走雞 (昭德大廈) (已結業)

平時普通嘅雞煲真係食得多，今次揀咗一個好特別嘅，就係爆多芝士嘅雞煲。爆多芝士雞煲首先俾你睇吓出嚟嘅樣，就知有幾多芝士啦！鍾意芝士嘅一定唔好錯過！侍應會幫你睇火，食嘅時候千祈唔好反面，因為爆多芝士嘅關係好容易癡底！個雞好嫩滑架，細布啱兩至三個人食我哋兩個女仔其實都食唔晒！雞煲完咗好似就一定要打邊爐，周圍都係咁！哈哈！咁當然我哋都唔執輸啦，打個邊爐先！其實佢嘅手工餃同埋鮮蝦丸，真係非常有驚喜。蝦丸做得好好彈，真係半盤唔夠食！韭菜餃亦包得幾出色！朋友覺得芝士湯底同鴨血有啲唔夾，但我覺得OK喎！佢一盤鴨血真係好多大家可以睇到啦！超大份量，我自己就幾鍾意啦！不過呢啲見仁見智啦！