米走雞 (太子藍馬之城)

营业中

休息中

最愛食雞煲的我，當然要來米走雞嘗一嘗！它有麻辣和芝士兩款選擇！本來想嘗試芝士口味的🥺 因為聽說芝士比較有名，還有外面很少有芝士雞煲。不過最後喜歡吃辣的我，還是把持不住點選了麻辣雞煲😆 麻味足夠，雞塊超級多😋 重點是超級滑👍🏻 不過兩個人食會有點兒飽，四人會剛剛好，還可以多點幾碟餸！雖然我們只有兩人不過還點了牛肉，響鈴，牛肉丸，芝士丸還有金菇菜😂 響鈴，牛肉丸推介好吃😋 不過還是建議兩人就別點太多餸，因為最後為了不浪費食物，勉強吃光了！肚皮都撐撐的🙈 喜歡的話，可以點竹庶茅根水配火鍋可以下下火喔！

呢到出名都係食芝士雞煲 我就同幾個friends 一齊去食 咁就叫左個呢到出名既芝士雞煲 雞肉都算多 啖啖都係芝士 真係勁吸引 我食完再叫左幾碟肥牛 就好飽喇 價錢都係可以接受既～ 下次會再黎食

樓上既一間雞煲....不過係好特別既芝士雞煲.......！ 鍾意伐芝士既一定要黎試下啦....！芝味濃度可任意揀.........喜歡吃芝士的可以濃一點..........雞大大件........建議先吃了芝士雞煲......再揀其他配菜......否則太飽吃不完.....！雪花牛...👍🏻👍🏻👍🏻牛栢葉...爽口！凍豆腐.......吸哂芝味....👍🏻👍🏻蘿蔔......甜度剛好！菜種類很多...滿瀉.......果然是芝味粉絲好去處...！

依間雞煲主要賣芝士雞煲同麻辣雞煲，環境乾淨，係個位置有少少難搵，平日都5算多人去食，假日就5知了，價錢偏貴，味道都係重口啲，份量多數都係偏大份，除左某啲食物外。雞煲叫左3至4人份量，好大份，啲雞份量都好多同大隻，味道偏咸，但都可以接受，成個雞煲都好入味，5會話太辣同埋有啲冇味，味道好均勻，佢有分辣度可以自己衡量。啲配料由其是洋蔥真係好入味，5中意洋蔥既人都中意食👏🏻細食既人凈係食個雞煲都夠曬。啲雞肉份量多之外，件件都好大舊同滑，雞肉同湯汁既配搭令啲雞肉食洛更加多汁肥滑，但因為啲湯汁偏咸，啲雞5洗用任何調味料都已經夠晒味。蝦滑份量就偏少，但食得出係真係有蝦係入面，蝦既味道都好突出，個蝦滑都好爽口，食得出真係新鮮既蝦滑，係成份個份量應該再多少少。依個牛就5值得推薦，啲肉質5好又5滑，而且牛肉味都冇乜，價錢都係貴，唯一一樣好既係份量都係大同外表幾好，其他都不值得去試，所以吾推薦雞子5係人人都接受到，加上依款雞子食到係真係鮮雞子，又大隻同埋好嫩，中意雞子既人一定會好中意，但如果5中意既食會更加覺得5好食，因為佢真係有雞子既鮮味同埋大粒，所以接受五到。總體來說，中意食雞子既我好推薦試下，價錢亦5

呢間最出名係食芝士雞煲，但由於男朋友唔係咁鍾意芝士，而且又知道我係麻辣嘅愛好者，所以就叫咗個火焰麻辣雞煲。雞煲一上枱嘅時候就已經聞到好香嘅麻辣味，職員幫我地開蓋快炒雞件嘅時候就更加不得了，麻辣既香味衝入我既鼻腔，刺激着我嘅味蕾😋雞件份量好多，我叫嘅係一至二人份量，但我覺得多到可以三至四個人食，真係物超所值。起初我覺得麻辣味唔係咁足夠，因為我叫既係第2級既辣（總共有5級），但隨着煲得愈耐，啲辣椒愈來愈出味，我就覺得啱啱好！我叫咗稻庭烏冬、凍豆腐、油麥菜、手打墨魚丸同埋虎蝦。油麥菜好新鮮同埋洗得好乾淨，手打墨魚丸最抵食，佢比一般餐廳嘅墨魚丸都要大粒。而不得不提嘅就係虎蝦，$118有六隻大虎蝦，隻隻都新鮮鮮甜！

🥢太子激量洋蔥芝士雞煲🥢香辣雞煲就食得多，芝士雞煲一直未試過，諗起咁多芝士又覺得好溜，呢個係我一直未去試嘅原因🥢黃金芝士雞煲（大）$238 🥢劃點心紙嘅形式，可選多少份量的芝士，於是一於寫激量，上檯時佢個煲都是芝士洋蔥，睇見都覺得正到流口水🥢雞件算好大舊，淡淡肉，肉質好滑，充滿芝士及洋蔥味，這個芝士汁又不會覺得好溜，食完雞可以加清湯或芝士湯🥢火焰麻辣雞煲 (大）$228🥢開爐時店員會先點火，得雞肉入面的酒散發出去，雞件一樣大大舊，又嫩又滑，香辣味道覺得不錯🥢打邊爐配料感覺都不錯，由其是虎蝦 (6隻）$118 口感實在又爽脆，大大一隻實在抵食🥢個人感覺芝士雞煲雖然都好食，但比較喜歡火焰香辣煲多些，濃味又夠香，雞件夠滑，第到的雞煲食唔到咁滑的米走雞地址: 旺角彌敦道761號太子藍馬之城2樓

米走雞為芝士雞煲專門店那第一次來光顧，當然要點招牌的黃金芝士雞煲啊！！和朋友一行6人，點了兩個細雞煲另外就選麻辣火焰雞煲～～黃金芝士雞煲和麻辣火焰雞煲的配料同樣有洋蔥、中芹和芫茜芝士雞煲還有乾蔥，當然有芝士啊！！雞煲一上桌就好香～～芝士溶化後更香！麻辣火焰雞煲，選了小辣的程度，加了不少辣椒乾，辣度都很足夠！雞件大大件，啖啖都是肉，而且份量多，毫不吝嗇！即使烹煮了一段時間，雞件依然嫩滑～～～食完雞煲就加湯變火鍋～～芝士雞煲加入了清湯後，仍帶點芝士味，味道雖不會奇怪，但很講求配合什麼火鍋料個人配腐竹的味道是最合拍！！主要是以麻辣雞煲那鍋灼食物辣湯的味道夠香濃惹味～～！！推介以下火鍋料：手切新鮮牛頸脊 (大)$318，厚薄適中，牛味香濃，油脂分佈平均，肉質軟嫩灼至剛剛好熟的時候最好吃！手打五寶拼盤 $88，包括蝦丸、鯪魚丸、豬肉丸﹑牛丸及墨魚丸試了墨魚丸和蝦丸，用料新鮮，口感彈牙～～午餐肉(半份)$24，厚切午餐肉，很香，質感不會太稔太散，很有咬口！！山藥$44，都很新鮮，不過不是人人都接納到它的黏滑豆腐(全份)$39，豆腐很滑溜又帶點豆香，配麻辣煲或芝士煲吃都很配啊！鮮炸響鈴$52，不可或

今日同朋友黎到食雞, 叫左個芝士雞, 芝士加雞個配搭都幾好食架, 同埋食完真係好飽既~, 仲有呢到係可以叫其他配菜, 當你食完個雞就可以叫服務員加水, 咁就再可以食其他野, 我覺得咁樣係最好既

朋友光顧過米走雞一次後...食過返尋味..所以這次就帶我和老公來試試～7pm前埋單半價..於是我們4:30pm便來吃火鍋同場也有少量客人啊～～我們選的鍋底是麻辣鍋由桃膠、原隻烏雞、杞子、南棗及金華火腿熬制而成麻辣鍋之中則加入鴨血及凍豆腐！先試試美人鍋湯底的味道，香甜又鮮味！烏雞亦很滋補～我們喝了一碗又一碗的湯，才開始灼食物啊～～麻辣鍋，味道夠香辣又不會好油膩附送鴨血，鴨血夠滑，又不會腥～配麻辣鍋必備的食材！

今日行開太子，突然想吃雞煲，諗起呢度附近有間米走雞就去食喇。麻辣雞煲吃得多，今日就試一下呢度岀名嘅芝士雞煲。我地點了一份細的，但份量其實亦不少。芝士嘅份量可選至激量，配有大量洋蔥，和芝士很夾，啱晒芝士控。粒粒基本上都是雞脾肉，肉質嫩滑不嚡口，沾滿濃濃的芝士汁，芝士拉絲，望上去已十分邪惡。蔬菜新鮮清甜，幾翠綠。哈哈蝦中寶 $118大大件, 爽口兼彈牙，咸咸地，內裏包著一隻蝦咖，果然係蝦中寶。鮮製四拼餃 $88餃子粒粒脹卜卜，餡料十足又新鮮，食落爽口。打邊爐又點少得了響鈴呢！金黃脆卜卜，淥三幾秒就食得，正我再點了杯咸檸七，下火又解渴

幾個月前同朋友食過長沙灣既米走雞後愛上左米走雞既芝士雞煲決定今日同朋友2人再戰太子既米走雞🐔🐔🐔我地今次揀左激量芝士 芝士份量多左 野味左但又唔會好膩一開始我地食哂啲雞先 再留起小小芝士湯（之後要黎點餃子食 好正！）之後就加湯打邊爐我地叫左一份小既牛頸脊佢既份量好多肉質又淋Cp值高！👍🏻米走雞既手打五寶丸好真材實料我最欣賞佢既墨魚丸好彈牙🍡🍡仲叫左一份鮮製4拼餃半份芝士腸 同半份娃娃菜最後2個人飽到抱住個肚走其實仲有好多野想食（見到隔離台既即炸響鈴好吸引❤️❤️）建議可以多啲人一齊食咁就可以試多啲好野食😋😋

友人未食過芝士雞煲所以我今日就同佢黎試下啦！重頭戲上菜喇！超多芝士呀♥️雞肉份量多，肉質估唔到咁滑，有驚喜！芝士迷不能錯過！芝士份量仲可以自己選擇，個人覺得叫少量已經足夠。食完雞煲就可以開始打邊爐!!!!!五香鮮牛肉👍🏼肉質鮮嫩個人覺得呢個比肥牛好食！好有牛味鮮炸響鈴😋有別於一般的響鈴，份量十足呀！亦比較香口！yummy!蝦滑好大份👍🏼有一粒粒蝦係入面，真材實料！呢到竟然有翡翠苗食!!!好清爽my fav !!!

今日天氣轉涼了， 放工後， 約埋幾個朋友 ，去食火鍋雞煲 ，可以聊天，又暖哄哄 ，很寫意。朋友介紹下，去太子藍馬之城上2樓的米走雞。只要在太子港鐵站E出口， 步行幾分鐘就到交通非常方便。我們坐下後， 先點了一個黄金芝士細雞煲，雖然是細煲，但雞件分量也足夠四人食用， 雞煲內有 中國芹菜 ，芫茜 ，洋蔥， 乾蔥和大量芝士 混在一起烹調， 味道非常香濃 。雞肉大大件，入口啖啖肉， 送酒一流。食完雞煲後，還可以加入清湯 ，作火鍋湯底 ，一煲兩食， 認真超值。火鍋配料也有很多款選擇 ，朋友選了最喜愛吃的白鱔片， 白鱔片肉質新鮮 嫩滑晶瑩。特級雪花肥牛、(小份)， 雪花肥牛脂肪紋路均勻， 薄切 新鮮， 放入湯底 轉兩下便可入口嚥食。如果人多 可以叫一壼竹蔗茅根， 竹蔗茅根 清甜可口，清熱去燥。我們一邊食一邊傾 計，不知不覺 過了一個愉快的晚上。

同朋友 慶祝 生日， 想搵間既經濟又唔會失禮的 火鍋餐廳， 便上openrice睇有乜 火鍋 餐廳 好介紹， 我找了在旺角太子站 藍馬之城的米走雞火鍋雞煲。進入火鍋店內，看見 每張枱上的客人都是吃 著雞煲， 估計這雞煲必定是餐館內的招牌菜， 並嘗試叫了一個黃金芝士雞煲細煲， 侍應吩咐我們 暫不好 揭 蓋， 待幾分鐘後雞煲滾滾冒煙 ，侍應通知我們可以揭蓋進食。 雞煲內的雞肉 件件都是厚厚的 ，入口啖啖肉 ，而且肉質充滿芝士味 ，非常香濃 可口。食完雞 煲後， 侍應 幫我們加入清湯 ，再作 火鍋進食。火鍋配料選擇多 ，有黑蟹子墨魚滑， 新鮮自製的手打 五寶盤，$88 口感 肉質 彈牙， 五款味道不同， 各有特色。再order多個紅薯粉$16， 份量啱啱好 ，夠曬飽肚。 朋友都 很開心十分滿意。

上星期五約咗一班相識逾十年的姊妹，一行七人出來聚會，不是去什麼靚裝修餐廳，而係去咗食雞煲加打邊爐～呢間雞煲並非一個價錢任食個種，不過亦唔算貴，除返每人$177。每一款火鍋料份量也大大份，大夥兒眾腳就最啱而且仲不限時，可以慢慢傾添朋友聚會總會有人遲到，剛好是滴辣不沾的組合。於是先order火焰麻辣雞煲，小試牛刀，先試半隻辣椒既辣度。個名有火焰二字，並不是只代表個煲係辣，而真係會有食之前在雞面上點火! 講返味道，我本身只是食到小辣，半隻辣椒已經對我來說剛剛好，花椒帶出麻脷的感覺也是剛剛好，成煲都非常惹味!! 雞件嫩滑，每件大大件，如果切細小小就更加prefect啦!!不嗜辣的朋友報到後，追加咗一個黃金芝士雞煲，她們竟然點了最重最爆的芝士口味，上枱以為係芝士焗龍蝦雖然係爆芝，不過又覺得芝士味唔算好濃，只覺得比較膩，我想真的點得太盡了~之後當然加湯繼續打邊爐，有清湯和辣湯可以選擇，本身是辣鍋那邊加清湯還足夠辣。邊爐料我們點了手打丸、午餐肉、雜菇拼盤、響鈴、蜂巢豆腐、包心丸、生菜同油麥菜，當然不少得肥牛。所有料都幾新鮮。手打丸好鮮，又彈牙；響鈴非常大件，炸得好好味；牛肉雪花平均，擺碟靚，新鮮另外