米線陣 (新都城中心二期)

营业中

休息中

媽咪話依間D銀針粉好食帶我去一齊食， 去到三點未到已經無曬銀針粉。 我地就叫左個茶餐， 番茄叉燒米線， 套餐配兩款小食， 我叫左炸腐皮卷同雞絲粉皮。番茄湯底都ok， 偏甜， 有芫茜味道調味都唔錯， 米線是偏硬身的。 個腐皮卷即叫即炸， 脆口都幾多菜， 最鍾意個雞絲粉皮， 麻醬夠多料都一樣唔少， 味道唔會話太鹹或者太甜。街坊茶餐黎講都唔錯啦， 個人覺得每樣少少可以食幾樣， 試多d幾好

前幾次嚟景林村做野都路過呢間鋪見到好多學生喺出面等位難得今日做咗放lunch 所以就去試一試一個人lunch既好處就係唔洗等位雖然飛就照拎 但好快就有得坐佢有set lunch 同埋散叫諗住唔好又飲野 太肥喇所以就只係叫咗碗米線佢有唔同價錢既餸菜可以揀又有唔同湯底仲可以加錢轉做薯粉添呀最後太肚餓快快手嗌咗呢碗：牛肉 蕃茄湯 米線可惜🤦🏻‍♀️唔記得走芫茜搞到有好大陣味（不過都接受到既）啲牛肉都算滑 不過可以多返幾舊蕃茄湯就好好味唔只有色仲真係有一舊舊切碎咗既蕃茄👍🏻$34蚊埋單都算係咁😊

米線愈黎愈流行，款式風味都有不同選擇，但我都係比較鍾愛呢間米線陣。特別係一個人自己食既時候，坐Bar 枱自成一角，聽著微微的人聲和餐廳內播放的音樂，配上一碗米線、一杯飲品，是一個很美好的獨處時光。我食開的米線是蟹棒雲吞米線加小麻辣，配埋杯芒果鐵觀音茶，味道岩岩好。整體黎講米線比其他出名米線較簡單，味精也好像相對較少，不吃辣的朋友可選擇番茄湯，一樣不錯的。唯芒果鐵觀音茶有時水準不一，有時會偏淡，但餐廳內還有其他吸引的特飲，有待你們去開發

平時都係食開唔同名嘅譚仔，今次來到米線陣試下尼度嘅米線。尼度有二人餐，雖然有其他小食搭配，但米線配餸要再另加錢，似乎唔太經濟。見到個麻辣番茄湯底幾得意，所以試試。有好香番茄味之餘，仲有淡淡辣味。味道幾新奇，但個人覺得都你普通麻辣好味啲。但青檸薏米水幾好飲，適合夏天飲，再搭配麻辣米線👍🏻😋口水雞沒有太大驚喜，算普通，而價錢都偏貴，唔算抵食。🤦🏻‍♀️其實總體味道都唔錯，不過就少咗種令我會不停返去食嘅吸引力。😅

屋企廚房休息一天，又咁啱係新都城做完d嘢，就決定喺商場揾啖食，醫飽嗰肚先返屋企。其實好少食米線，因為香港嘅米線舖已經多到唔知點分，就算最出名家族嗰兩間，我都分唔清邊間還邊間...入去米線陣係因為見到鋪頭好乾淨企理，又好似有位，所以抱住，試下唔會死嘅心態入去。坦白講，見到嗰餐牌，覺得有d貴，不過因為天氣熱，想食粉皮，又想試靑瓜豆漿，都係叫餐算。青瓜豆漿的確爽口，但就好似無左大豆嘅味...雞絲粉皮正正常常，會食得開心嗰隻。但嗰麻辣蕃茄肥牛魚腐薯粉就有d令人失望，因為，唔夠麻又唔夠辣......早知係咁...我去食碗魚蛋麵仲好......

米線陣已經不是第一之吃的食店， 點解都會拎出黎寫一寫？ 因為有好野都要介紹下比大家起初被吸引到的是因爲米線陣有一款滋味的食物—黑醋豬軟骨！ 好食到嘩嘩聲， 再配上酸辣米線中辣， 正！ 中辣已經食到三小姐流眼水個種。而個黑醋醋軟骨是十分十分十分的入味， 甜甜酸酸甘好易入口， 少量肉黏著軟骨， 口感獨特。由於豬軟骨基本上是皇牌餸， 所以後期再吃的時候， 覺得豬軟骨的份量變少了 。 好似熱戀期很愛，穩定期愛少左甘。 有少少失望既，但鬼叫它好食， 我都係會比錢照食 近期去 ， 加左款新食物就是水寫牛魔皇套餐！ 很有水準的水煮，不太油 香料味皇， 有牛展 牛肚 蘿蔔 等 ， 煮等很入味和出色 ， 不想出去比150-200$ 食水煮餐廳。 想食平點， 可以去米線陣試一試呢個新套餐。 100 $ 左右落店走人 。 額外可試一試 是大汗雞翼 ， 香口到爆！ 但大汗豬頸似就免喇， 因為豬頸肉太肥， 口感很差。

現在有很好多米線店，但近日喜歡這間食店是叫米線陣！我出席完活動後，就很想吃米線，所以選擇鮮菌牛腩清湯米線！米線很爽，湯底不是太濃，肉質的口感很好吃！天氣太熱，就多叫一杯椰汁紅研冰，都只是加$5！我大約兩點幾食米線，人流不算多，只需要在門口等一會兒就已經有店員安排入座！雖然價格有些昂貴，但物超所值的！如果大家喜歡吃米線，就可以試一試！

擔擔米線配大汗豬扒,香菜濃湯餃子皇米+雞絲粉皮,椰汁紅豆冰,凍港式奶茶,番茄湯米線加牛展加魚蛋,蒜泥白肉,凍即磨咖啡,凍青瓜豆漿擔擔米線配大汗豬扒--這個湯底唔錯,擔擔口味即係有少少花生醬感覺,個豬扒入味,香口入味,算幾好食香菜濃湯餃子皇米--個湯叫濃湯不過唔係好夠味,比夠淡口,餃子都OK既雞絲粉皮--普通貨式跟餐一食就無仿既椰汁紅豆冰--正常紅豆冰味,不過豆可以再煲耐一陣,豆淋少少就正喇凍港式奶茶--不過不失,無咩評論番茄湯米線加牛展加魚蛋--湯底都係唔夠濃,如果味再濃一點會更好,牛展都唔會鞋口,魚蛋正常野,都算中上啦蒜泥白肉--蒜頭係好香口,正正就係蒜泥白肉重中之重,夠味蒜就能帶出菜式精華所在,這都算好食凍即磨咖啡--不過不失凍青瓜豆漿--新鮮配搭都算少少夾...不過個人覺得互相爭奪左彼此自家獨特味道

有時候唔想大魚大肉，想簡簡單單食一餐，都會選擇食碗米線。今次食米線陣ge魚腐牛𦟌米線，麻辣湯底，求簡簡單單醫飽個肚就ok，求質素就...🙈米線腍左d，d餸都係普普通通。酥炸豬頸肉：中規中矩啦，肉質👌🏻但偏油同偏咸。

There isnt a tamjai nearby so went here for noodles instead.My colleagues are on diet so they think noodles are better at controlling weight than rice. Yeah whatevers!!!!!The noodle portion is quite big in hot soup.The taste of the broth is very salty though.

每次幫襯米線陣都會揀佢哋嘅皇牌套餐, 一個主食加一碟小食再配特飲.  喺#為何放工總是餓 就會諗起米線陣填一填飽個肚仔先!!小食係三選一 ☝🏻 兩個人嚟食可以share就揀咗雞絲粉皮同花雕醉雞翼 .四選一嘅主菜裡面就揀咗鮮茄雞肉蟹棒烏冬 ($78), 湯底好濃郁鮮茄味, 番茄浮滿面層.   而烏冬入面仲有兩舊油炸鬼嗰類炸物, 浸咗喺湯入面一陣子都仲好脆口!!烏冬口感夠彈牙, 仲配埋蟹棒同雞肉, 呢碗烏冬夠哂豐富!! 講返碟小食花雕醉雞翼 🐓 花雕味好重酒香, 搞到我忍唔住拎烏冬裡面嘅雞肉出嚟沾一沾 ✌🏻飲品就揀咗凍青檸檬薏米水, 味道清涼唔太甜, 仲有啲薏米可以食下, 飲完都幾爽, 尤其係配辣嘢!

雖然這店在公司附近開業已久但這還是我第一次光顧見午飯時間不用等位便來嚐一嚐我點了蟹柳火腿竹笙米線套餐,,湯底選蕃茄湯老公則自由配,,點了牛肚及豬大腸,,,湯底選清湯蟹柳火腿竹笙米線,,蕃茄湯底用鮮蕃茄味道是自然的酸酸甜甜～很開胃！不錯！蟹柳不是粉粉的那一種！這種的咬口好一些～不過火腿則是普通貨色～竹笙吸收了蕃茄湯的味道！很好吃！加了芝麻令整碗米線香一些惜米線煮得過稔,,很易斷,,變得碎碎的！牛肚豬大腸米線,,,清湯湯底略淡兩款餸都清潔得乾淨,,沒騷味～牛肚爽口,,但同樣沒什麼味反之,,豬大腸鹵得很入味呢整體來說,,不過不失啊！

食左魚腐($5)黑糖豬軟骨($8)蕃茄湯米線($28),魚腐唔難食，豬軟骨好味，甜甜地。蕃茄湯的蕃茄都甜甜地，會想再食！涼伴雞絲粉皮好味($28)。DIY黑椒肥牛石鍋燒，$58，辣的，都不錯。有即食面同烏冬揀，揀左烏冬。裏面仲有芝士，粟米，五香肉丁。

經過此店好多次，但次次都好多人，今日行運，不用等，即刻有位。感覺好乾淨，坐得好舒服，服務好，很合心意。自由濃湯米線+大腸，$33，+$15 飲红豆冰，ok。黑椒肥牛煱烏冬，有芝士有五香肉丁，超正，連埋苿莉茶(好好飲)，都係$58，推薦推薦推薦白肉大汗雞翼雞絲粉皮全部$193(免加一)，好飽好抵好好味只收現金

米線陣-川味四合拼盤($46)拼盤比想像中大份，有豬軟骨、大腸、肥牛、蘿蔔，最正係大腸同肥牛😍，辣度足夠曬入味，而蘿蔔就係普通滾水煮既，冇味又唔多淋。-濃湯餃子皇($31)餃子比相像中大，一碗五隻，仲有大量菜係底，飲埋碗湯，真係未食麵已經飽曬😂。-麻辣番茄肥牛魚腐米線($41)司令覺得麻辣味過麻🤔，以致搶左番茄味，不過對於中意麻痺感既朋友，尼碗野好岩大家！-大汗豬扒擔擔米線($39)相當有驚喜，豬扒炸得外脆內軟，食落唔乾，而擔擔米線既湯底好濃，入口有花生香，加埋肉碎，出奇地好食😱！青瓜豆漿